ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អ្នកជំនាញក្នុងវិស័យបច្ចេកវិទ្យាក្នុងប្រទេសកម្ពុជា កាលពីពេលថ្មីៗនេះ បានជួបជុំគ្នា ដើម្បីធ្វើការពិភាក្សាអំពី សុចរិតភាពនៃការសិក្សា និងការស្រាវជ្រាវ នៅក្នុងយុគសម័យបញ្ញាសិប្បនិម្មិត (AI) ដោយមានការចូលរួមពីអ្នកស្រាវជ្រាវ អ្នកបង្កើតគោលនយោបាយ និងនិស្សិតមកពីគ្រឹះស្ថាននានា ដើម្បីជំរុញភាពស្មោះត្រង់ និងការទទួលខុសត្រូវចំពោះការប្រើបច្ចេកវិទ្យា AI លើការបង្កើតលទ្ធផលការងារ និងការសិក្សា។
សាស្ត្រាចារ្យបណ្ឌិត ឃៀង សុធី សកលវិទ្យាធិការ នៃសាកលវិទ្យាល័យខេមតិច និងជាប្រធានសន្និសីទការអប់រំប្រៀបធៀបកម្ពុជា មានប្រសាសន៍ថា ការរីកចម្រើននៃបញ្ញាសិប្បនិម្មិត (AI) បានបម្រើផលប្រយោជន៍ច្រើនដល់ការសិក្សា និងការស្រាវជ្រាវ របស់អ្នកស្រាវជ្រាវ និងនិស្សិត ប៉ុន្តែទន្ទឹមនឹងនេះ វាតម្រូវឱ្យអ្នកប្រើប្រាស់បញ្ញាសិប្បនិម្មិត (AI) ប្រកបដោយសុចរិតភាព និងក្រមសីលធម៌។
លោកបន្ថែមថា ប្រសិនបើគ្មានសុចរិតភាព អ្នកសិក្សាអាចប្រឈមនឹងបញ្ហា ដូចជា ការលួចចម្លង (Plagiarism) ដែលនាំឱ្យអ្នកសិក្សា អ្នកស្រាវជ្រាវ និងអ្នកប្រើប្រាស់ ប្រើបច្ចេកវិទ្យា ដោយមិនមានការគិតពិចារណាត្រឹមត្រូវ។ លើសពីនេះ ការប្រើបច្ចេកវិទ្យា AI គួរតែប្រើជាឧបករណ៍ជំនួយ លើការវិភាគទិន្នន័យ ការស្វែងរកឯកសារ មិនមែនជំនួសការគិត ឬការសរសេរ ដោយខ្លួនឯងនោះទេ។
“គួរប្រើប្រាស់ AI ដោយមានតម្លាភាព, ប្រើ AI ជាឧបករណ៍ជំនួយ ដូចជាការវិភាគទិន្នន័យ ឬស្វែងរកឯកសារ មិនមែនជំនួសការគិត ឬការសរសេរដោយខ្លួនឯងទេ…”
សាស្ត្រាចារ្យបណ្ឌិត ឆែម គាតវិទ្ធី សាស្ត្រាចារ្យផ្នែកបញ្ញាសិប្បនិម្មិត (AI) និង មនុស្សសាស្ត្រ មានប្រសាសន៍ថា បញ្ញាសិប្បនិម្មិត មិនមានបញ្ហានោះទេ វាគ្រាន់តែជាឧបរកណ៍ជំនួយក្នុងកិច្ចការងាររបស់យើងតែប៉ុណ្ណោះ ហើយលទ្ធផលដែលបានមកពីឧបករណ៍បញ្ញាសិប្បនិម្មិត (AI) ទាំងនេះ ត្រូវការ ការវិនិច្ឆ័យបន្ថែមពីមនុស្ស ដើម្បីយកមកប្រើឱ្យបានជាផលប្រយោជន៍។
លោកសាស្ត្រាចារ្យ សង្កត់ធ្ងន់ថា នៅក្នុងយុគសម័យ AI ដែលបច្ចេកវិទ្យាដូចជា Generative AI អាចបង្កើតខ្លឹមសារបានយ៉ាងឆាប់រហ័ស សុចរិតភាពមានសារៈសំខាន់ណាស់ ដើម្បីធានាថា ការសិក្សាមានភាពត្រឹមត្រូវ គួរឱ្យទុកចិត្ត និងមិនលួចចម្លង៕
