Chip Mong

គាំទ្រយុវជនខ្មែរក្នុងវិស័យបច្ចេកវិទ្យា! ធនាគារ ជីប ម៉ុង ឧបត្ថម្ភនិស្សិតឆ្នើមទៅប្រកួតរ៉ូបូត លើឆាកអន្តរជាតិ

(ភ្នំពេញ) — ធនាគារ ជីប ម៉ុង បានចូលរួមជាមួយក្រសួងព័ត៌មានរៀបចំឡើងនូវកម្មវិធីសន្និសីទសារព័ត៌មាន អបអរសាទរដល់និស្សិតឆ្នើមនៃសាលាតិចណូ ដែលតំណាងឱ្យ​កម្ពុជាទៅប្រកួតក្នុងព្រឹត្តិការណ៍រ៉ូបូតអន្តរជាតិនៅឯប្រទេសម៉ុងហ្គោលី។ កម្មវិធីនេះត្រូវបានប្រារព្ធធ្វើ ថ្ងៃទី ២៦ ខែកក្កដា ឆ្នាំ ២០២៥ នៅទីស្នាក់ការកណ្តាលរបស់ធនាគារ ជីប ម៉ុង ក្នុងអគារ ជីប ម៉ុង ថៅវើរ ក្រោមអធិបតីភាព ឯកឧត្តម សំបូរ វណ្ណារិទ្ធ អនុរដ្ឋលេខាធិការក្រសួងព័ត៌មាន និង អ្នកឧកញ៉ា លាង ម៉េង អគ្គនាយក ធនាគារ ជីប ម៉ុង ព្រមទាំងលោកគ្រូសាស្ត្រាចារ្យ និស្សិតឆ្នើមទាំង ១៦នាក់ និងបុគ្គលិកហាត់ការ (Young Bankers) របស់ធនាគារ ជីប ម៉ុង។

សន្និសីទសារព័ត៌មាននេះបានប្រព្រឹត្តឡើងក្នុងគោលបំណងអបអរសាទរ ផ្តល់ការគាំទ្រជាកម្លាំងចិត្ត និងការឧបត្ថម្ភ ព្រមទាំងជួបសំណេះសំណាល និងផ្តល់អនុសាសន៍ផ្តាំផ្ញើដល់និស្សិតឆ្នើមកម្ពុជា មុនធ្វើដំណើរទៅប្រកួតរ៉ូបូតនៅប្រទេសម៉ុងហ្គោលី។ ធនាគារ ជីប ម៉ុង មានជំនឿជឿជាក់ថា នេះជាឱកាសដ៏មានតម្លៃដែលយុវជនខ្មែរយើងអាចបង្ហាញពីទេពកោសល្យ ចំណេះដឹង សមត្ថភាព និងបច្ចេកវិទ្យារ៉ូបូតរបស់កម្ពុជា នៅលើឆាកអន្តរជាតិ។

យោងតាមប្រសាសន៍របស់អគ្គនាយកធនាគារ ជីប ម៉ុង អ្នកឧកញ៉ា លាង ម៉េង “ការអភិវឌ្ឍធនធានមនុស្សរបស់យើង រួមជាមួយបច្ចេកវិទ្យា និងការច្នៃប្រឌិត គឺជាគន្លឹះនៃភាពររីកចម្រើន។ ហើយនេះដែលក៏ជាមូលហេតុចម្បងដែលជំរុញឱ្យ ធនាគារ ជីប ម៉ុង ប្ដេជ្ញាចិត្ត យ៉ាងមុតមាំ ក្នុងការគាំទ្រនិស្សិតឆ្នើមទាំង ១៦នាក់របស់សាលាតិចណូ ក្នុងការចូលរួមព្រឹត្តិការណ៍ប្រកួតរ៉ូបូតអន្តរជាតិ នៅប្រទេសម៉ុងហ្គោលី”។

ជាមួយគ្នានេះដែរ ឯកឧត្តម សំបូរ វណ្ណារិទ្ធ អនុរដ្ឋលេខាធិការក្រសួងព័ត៌មាន ក៏បានមានប្រសាសន៍ថា “ការគាំទ្រដល់និស្សិតកម្ពុជាចូលរួមប្រកួត កម្មវិធីរ៉ូបូតអន្តរជាតិ នៅប្រទេសម៉ុងហ្គោល របស់ធនាគារ ជីប ម៉ុង គឺជាសកម្មភាព ដែលគួរឱ្យគោរពកោតសរសើរ ហើយនេះជាការរួមចំណែកមួយ ស្របតាមយុទ្ធសាស្ត្របច្ចកោណរបស់រាជរដ្ឋាភិបាល”។

សូមបញ្ជាក់ផងដែរថា ធនាគារ ជីប ម៉ុង ជាធនាគារដែលបង្កើតដោយសហិគ្រិនខ្មែរ ១០០% និងតែងតែផ្តល់ឱកាសការងារទៅដល់សិស្សនិស្សិតដែលកំពុងសិក្សា ឬទើបបញ្ចប់ការសិក្សាថ្មីៗ រាប់រយនាក់នៅទូទាំងប្រទេស និងនៅគ្រប់មុខជំនាញទាំងអស់ តាមរយៈកម្មវិធី Young Bankers របស់ធនាគារ ជីប ម៉ុង។

ធនាគារ ជីប ម៉ុង ដែលជាធនាគារមានគ្រឹះដ៏រឹងមាំ និងដើរតាមគន្លងជោគជ័យរបស់ក្រុមហ៊ុន ជីប ម៉ុង តាំងពីឆ្នាំ១៩៨២ ក៏នឹងបន្តគាំទ្រអភិវឌ្ឍសង្គមជាតិ ផ្ដោតសំខាន់លើការអភិវឌ្ឍលើសមត្ថភាព ចំណេះដឹង និងបណ្តុះបណ្តាលជំនាញផ្សេងៗ ដែលជាកត្តាចាំបាច់មិនអាចខ្វះបានក្នុងការអភិវឌ្ឍសង្គម និងសេដ្ឋកិច្ចជាតិ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឥណ្ឌូនេស៊ី ប្រកាសផ្តល់អាហារូបករណ៍ “DARMASISWA” ឆ្នាំសិក្សា ២០២៦-២០២៧ ផ្ដោតលើភាសា និងវប្បធម៌

ព័ត៌មានអាហារូបករណ៍, ព្រឹត្តិការណ៍

• 21/05/2026

ក្រសួងអប់រំ នៃសាធារណរដ្ឋឥណ្ឌូណេស៊ី បានប្រកាសផ្តល់អាហារូបករណ៍ "DARMASISWA" ដល់និស្សិតអន្តរជាតិសម្រាប់ឆ្នាំសិក្សា ២០២៦-២០២៧ ដើម្បីទៅសិក្សាស្រាវជ្រាវលើជំនាញភាសា សិល្បៈ និងវប្បធម៌ នៅតាមបណ្តាសាកលវិទ្យាល័យនានា

ក្រសួងអប់រំ ប្រកាសផ្ដល់អាហារូបករណ៍ ១០០% ចំនួន ៦០កន្លែង លើជំនាញឌីជីថល នៅសាកលវិទ្យាល័យជាតិគ្រប់គ្រង សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 30/09/2026

ក្រសួងអប់រំ យុវជន និងកីឡា ក្រោមកិច្ចសហប្រតិបត្តិការជាមួយធនាគារអភិវឌ្ឍន៍អាស៊ី (ADB) តាមរយៈ «គម្រោងមធ្យមសិក្សាសម្រាប់ការប្រកួតប្រជែងមូលធនមនុស្ស (SE4HC)»

វិទ្យាស្ថានពហុបច្ចេកទេស​ខេត្តបន្ទាយមានជ័យ ផ្តល់អាហារូបករណ៍២៥០កន្លែង​សម្រាប់សិស្សធ្លាក់ ឬជាប់បាក់ឌុប

ព័ត៌មានអាហារូបករណ៍, ព្រឹត្តិការណ៍

• 10/12/2024

ជាឱកាស​សម្រាប់​សិស្សានុសិស្ស​ដែលទើបប្រឡង​បញ្ចប់សញ្ញាបត្រ​មធ្យមសិក្សា​ទុតិយភូមិ ឬបាក់ឌុប វិទ្យាស្ថាន​ពហុបច្ចេកទេស​ខេត្តបន្ទាយមានជ័យ​ ប្រកាស​ផ្តល់អាហារូបករណ៍​ចំនួន​២៥០កន្លែងសម្រាប់កម្រិត​សញ្ញាបត្រ​ជាន់ខ្ពស់​បច្ចេកទេស ឬបរិញ្ញាបត្ររង។

អាហារូបករណ៍ថ្នាក់ភាសាចិន​រយៈពេល​១ឆ្នាំ នៅសាកលវិទ្យាល័យ Yunnan Normal University

ព័ត៌មានអាហារូបករណ៍, ព្រឹត្តិការណ៍

• 23/05/2024

សាកលវិទ្យាល័យ Yunnan Normal Univercity ស្ថិត​នៅ​ទីក្រុង​គុនមីង ខេត្ត​យូនណាន ប្រទេស​ចិន បានប្រកាស​ជ្រើសរើស​និស្សិត​កម្ពុជា​ចំនួន៣០នាក់ សម្រាប់​ការ​បណ្តុះបណ្តាល​ភាសាចិន​រយៈពេល​១ឆ្នាំ...

ក្រសួង​អប់រំ ​ផ្តល់​អាហារូបករណ៍​ ​១០​កន្លែង​ សម្រាប់​ថ្នាក់​បរិញ្ញាបត្រ​ជាន់​ខ្ពស់​ វិធីសាស្ត្រ​បង្រៀន​ភាសា​បារាំង​

ព័ត៌មានអាហារូបករណ៍, ព្រឹត្តិការណ៍

• 30/07/2026

ក្រសួងអប់រំជ្រើសរើសនិស្សិតថ្នាក់បរិញ្ញាបត្រជាន់ខ្ពស់ផ្នែកវិធីសាស្ត្របង្រៀនភាសាបារាំងចំនួន ៣០ នាក់

ឱកាសចូលរូមសិក្ខាសាលានៅប្រទេសឥណ្ឌា ពីកម្មវិធីភាពជាអ្នកដឹកនាំលើទី១១ ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 13/02/2025

ឱកាសសម្រាប់យុវជន ចូលរួមក្នុងកម្មវិធីសិក្ខាសាលាភាពជាអ្នកដឹកនាំយុវជនលើកទី១១ ឆ្នាំ២០២៥ នៅមជ្ឈមណ្ឌលអប់រំសម្រាប់ការយល់ដឹងអន្តរជាតិរបស់អង្គការយូណេស្កូអាស៊ីប៉ាហ្វិក (APCEIU)។ កម្មវិធីនឹងជ្រើសរើស យុវជន យុវនារី ចំនួន៤០នាក់...

អាហារូបករណ៍ថ្នាក់ឧត្ដមសិក្សាពីរដ្ឋាភិបាលរុស្ស៉ី ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 04/06/2025

កម្មវិធីអាហារូបករណ៍រដ្ឋាភិបាលរុស្ស៉ី ប្រកាសបើកទទួលពាក្យអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅក្នុងប្រទេសរុស្ស៉ី សម្រាប់ឆ្នាំសិក្សា២០២៥-២០២៦។

ឱកាសសិក្សាអាហារូបករណ៍ពីកម្មវិធី CICOPS នៅសាកលវិទ្យាល័យ Pavia នៃប្រទេសអ៉ីតាលី ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 03/05/2024

ឱកាសសិក្សាអាហារូបករណ៍រយៈពេលខ្លីពីកម្មវិធីអាហារូបករណ៍CICOPS នៅសាកលវិទ្យាល័យ Pavia Italy នៃប្រទេសអ៉ីតាលីឆ្នាំ២០២៥សម្រាប់ថ្នាក់...

អាហារូបករណ៍ថ្នាក់ឧត្ដមសិក្សាពីកម្មវិធី Canada-ASEAN នៅប្រទេសកាណាដា ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 25/03/2025

ឱកាសសិក្សាថ្នាក់ឧត្ដមសិក្សា និងក្រោយឧត្ដមសិក្សា ពីកម្មវិធី Canada-ASEAN Scholarships and Educational Exchanges for Development (SEED) ឆ្នាំសិក្សា២០២៥ ។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *