ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – នៅសល់តែប៉ុន្មានថ្ងៃទៀតប៉ុណ្ណោះ ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ នឹងចាប់ផ្តើមបើកក្នុងនាមកម្ពុជាធ្វើជាម្ចាស់ផ្ទះ, ដើម្បីជាការលើកទឹកចិត្តដល់អត្តពលិកជនមានពិការភាព សម្តេចតេជោ ហ៊ុន សែន នាយករដ្ឋមន្រ្តី បានអំពាវនាវដល់ជនរួមជាតិទាំងអស់ សូមយកចិត្តទុកដាក់គាំទ្រដល់កីឡាជនមានពិការភាពមួយនេះ។
ពីពិធីសម្ពោធដាក់ឱ្យប្រើប្រាស់ជាផ្លូវការស្ពានបេតុងខ្សែកាបឆ្លងកាត់ទន្លេសាប និងស្ពានអាកាសឬស្សីកែវ នាព្រឹកថ្ងៃទី៣១ ខែឧសភា ឆ្នាំ២០២៣ សម្តេចតេជោមានប្រសាសន៍ថា ព្រឹត្តិការណ៍កីឡាអាស៊ីអាគ្នេយ៍លើកទី៣២ ឬស៊ីហ្គេម យើងធ្វើបានល្អ នៅសល់កីឡាអាស៊ានប៉ារ៉ាហ្គេម ដែលជាកីឡាជនមានពិការភាព គឺយើងត្រូវតែធ្វើឱ្យល្អទៀត ទាំងពិធីបើក និងបិទ ដោយមិនឱ្យចាញ់ព្រឹត្តិការណ៍ស៊ីហ្គេមនោះទេ។ សម្តេចបញ្ជាក់ថា យើងត្រូវលើកទឹកចិត្តជនមានពិការភាពរបស់យើង លើកទឹកចិត្តជនមានពិការភាពនៅក្នុងក្របខណ្ឌអាស៊ាន ដើម្បីឱ្យពួកគេប្រឹងប្រែងឡើង។
សម្តេចតេជោ ហ៊ុន សែន នាយករដ្ឋមន្រ្តី
“ពិការ គឺគ្រាន់តែពិការរាងកាយ ប៉ុន្តែមិនពិការផ្លូវចិត្តទេ… យើងមានកាតព្វកិច្ចជាសមាជិកអាស៊ាន យើងត្រូវជំរុញសមាហរណកម្មអាស៊ាន ក្នុងនោះមានកីឡាជនពិការ ក៏ជាផ្នែកមួយនៃការជំរុញទំនាក់ទំនងរវាងប្រជាជន និងប្រជាជនក្នុងក្របខណ្ឌអាស៊ាន…”
ជាមួយគ្នានេះដែរ សម្តេចតេជោនាយករដ្ឋមន្រ្តី ក៏បានធ្វើការអំពាវនាវដល់បងប្អូនប្រជាពលរដ្ឋរស់នៅក្នុងភូមិសាស្រ្តរាជធានីភ្នំពេញ សូមបន្តផ្តល់នូវកិច្ចសហការ និងការគាំទ្រទាំងឡាយ ។ ហើយសម្រាប់បណ្តាខេត្ត សម្តេចតេជោបានស្នើដល់អាជ្ញាធរសូមយកចិត្តទុកដាក់ រៀបចំស្លាយសម្រាប់ការទស្សនាព្រឹត្តិការណ៍កីឡាអាស៊ានប៉ារ៉ាហ្គេមរបស់ប្រជាពលរដ្ឋ ជាពិសេសថ្ងៃបើក និងថ្ងៃបិទ។
គួរជំរាបជូនថា ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ នឹងប្រព្រឹត្តទៅចាប់ពីថ្ងៃទី៣ ដល់ថ្ងៃទី៣ ដល់ថ្ងៃទិ៩ ខែមិថុនា ឆ្នាំ២០២៣ ដោយមានប្រភេទកីឡាប្រកួតចំនួន ១៤ មានដូចជា អត្តពលកម្ម, វាយសី, ប៊ូស្យា, អុក, បាល់ទាត់៥ម្ខាង, បាល់ទាត់៧ម្ខាង, បាល់បោះពិការភ្នែក, យូដូ, លើកទម្ងន់, ហែលទឹក, វាយកូនឃ្លីលើតុ បុរស-នារី, បាល់ទះអង្គុយបុរស-នារី, បាល់បោះជិះរទេះបុរស-នារី, និងកីឡា E-Sport។
បើយោងតាមរបាយការណ៍របស់គណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម បានឱ្យដឹងថា សម្រាប់ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ មានប្រទេសចូលរួមប្រកួតចំនួន១១ ខណៈប្រតិភូកីឡាករ កីឡាការិនីចូលរួមសរុបប្រមាណ ២៦០០នាក់ ក្នុងនោះអត្តពលិកសរុប ប្រមាណ ១៤០០នាក់៕
