ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គណៈកម្មាធិការជាតិអូឡាំពិកកម្ពុជា កាលពីពេលថ្មីៗនេះ បានប្រគល់សម្ភារៈសិក្សា និងសម្ភារៈកីឡា ដល់ក្រសួងអប់រំ យុវជន និងកីឡា ដើម្បីបែងចែកបន្តដល់បុគ្គលិកអប់រំ លោកគ្រូ អ្នកគ្រូ និងសិស្សភៀសសឹក ក្នុងការគាំទ្រដល់សុខមាលភាពផ្លូវចិត្ត។
ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា មានប្រសាសន៍ថា ក្នុងនាមឯកឧត្ដមបណ្ឌិត ថោង ខុន ប្រធានគណៈកម្មាធិការជាតិអូឡាំពិកកម្ពុជា ដែលបានទទួលជំនួយសប្បុរសធម៌ពីចលនាអូឡាំពិកនៃគណៈកម្មាធិការអូឡាំពិកអន្តរជាតិ និងក្រុមប្រឹក្សាអូឡាំពិកអាស៊ីបានជួយជំនួយបន្ថែមទៀតដែលជូនទៅដល់ក្រសួងអប់រំ យុវជន និងកីឡា ដែលក្រសួងបានអំពាវនាវស្វែងរកជំនួយជាដើម្បីជួយដល់គ្រូបង្រៀន និងសិស្សានុសិស្ស និងអ្នកភៀសសឹកឯទៀត។ ឯកឧត្តមបន្តថា ជំនួយនេះជានិមិត្តរូបនៃការគាំទ្ររបស់ចលនាអូឡាំពិកដល់ប្រជាជន សិស្សានុសិស្ស និងកុមារភៀសឹក នូវឱកាសលេងកីឡា និងសិក្សា។
អគ្គលេខាធិការគណៈកម្មាធិការជាតិអូឡាំពិកកម្ពុជា បញ្ជាក់ថា ក្រៅពីស្បៀងអាហារ សម្ភារៈកីឡាក៏រួមចំណែកជួយកាត់បន្ថយភាពតានតឹងផ្លូវចិត្តអ្នកភៀសសឹកផងដែរ។ ឯកឧត្តម វ៉ាត់ ចំរើន មានប្រសាសន៍ថា ចំពោះកុមារដែលត្រូវបានផ្លាស់ទីលំនៅ សម្ភារៈកីឡា និងសម្ភារៈសិក្សាអាចជួយកាត់បន្ថយភាពតានតឹងពួកគេក្នុងអំឡុងពេលមិនប្រាកដប្រជានេះ។
គិតត្រឹមល្ងាចថ្ងៃទី៣០ ខែធ្នូ ឆ្នាំ២០២៥ បើតាមរបាយការណ៍របស់ក្រសួងមហាផ្ទៃ ជនភៀសសឹកនៅសល់ចំនួន ៥៧៤៣៨៣នាក់ កំពុងស្ថិតនៅក្នុងជំរំជនភៀសសឹក ក្នុងនោះស្រ្តីមានចំនួន ៣០០ ២៩២នាក់ និងកុមារ ១៨០ ៤៨៣នាក់៕
