ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឆ្លៀតក្នុងឱកាសចូលរួមជាអធិបតីពិធីបញ្ចុះបឋមសិលាសាងសង់សារមន្ទីរ សម្ដេចព្រះព្រហ្មរតនមុនី ពិន សែម រាជបូណ៌ ក្នុងបរិវេណវត្តរាជបូណ៌ នាព្រឹកថ្ងៃទី១៨ កក្កដា សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានធ្វើអំពាវនាវទៅដល់អ្នកប្រើប្រាស់ប្រព័ន្ធបណ្តាញសង្គមទាំងអស់ សូមប្រើប្រាស់ឱ្យមានការទទួលខុសត្រូវ ដោយមិនត្រូវបង្កើតព័ត៌មានក្លែងក្លាយធ្វើការបំពុលសង្គមនោះឡើយ។
សម្តេចធិបតី ហ៊ុន ម៉ាណែត មានប្រសាសន៍ថា ព័ត៌មានក្លែងក្លាយកំពុងបង្កើតបញ្ហា និងវាយលុកយ៉ាងខ្លាំង បង្ករផលប៉ះពាល់យ៉ាងធ្ងន់ធរដល់ប្រជាពលរដ្ឋ និងសង្គមជាតិ។ ហើយជាមួយគ្នានេះ មានបណ្ដាប្រទេសមួយចំនួននៅអ៊ឺរ៉ុប កាណាដា អាមេរិក ក៏កំពុងគិតអំពីបញ្ហាព័ត៌មានក្លែងក្លាយនេះផងដែរ។
“សូម្បីតែនាយករដ្ឋមន្រ្តីអេស្បាញ ក៏និយាយអំពី Fake News ដែលវាធ្វើឱ្យរញ៉េរញ៉ៃ, ប្រទេសច្រើនណាស់នៅអឺរ៉ុប កាណាដា អាមេរិក គិតច្រើនណាស់រឿង Fake News ព្រោះពេលខ្លះវាបង្កើតបញ្ហា…”
សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា
សម្ដេចធិបតីបានបញ្ជាក់ថា រាជរដ្ឋាភិបាលគ្មានការបិទសិទ្ធិសេរីភាពក្នុងការបញ្ចេញមតិនោះទេ ប៉ុន្ដែត្រូវគោរពសិទ្ធិអ្នកដ៏ទៃ ដើម្បីទទួលបានព័ត៌មានពិត ដោយមិនធ្វើដើម្បីចំណេញនយោបាយ និងធ្វើឱ្យសង្គមមានបញ្ហា។ សម្ដេចធិបតីប្រកាសស្វាគមន៍ព័ត៌មានពិត ដើម្បីជួយស្ថាបនា និងចូលរួមអភិវឌ្ឍន៍សង្គមជាតិ។
ជាមួយគ្នានេះ សម្ដេចធិបតី ក៏បានអំពាវនាវឱ្យអ្នកព័ត៌មានទាំងអស់ប្រកាន់ភ្ជាប់នូវក្រមសីលធម៌វិជ្ជាជីវៈឱ្យបានខ្ជាប់ខ្ជួន ដើម្បីលើកកម្ពស់សិទ្ធិសេរីភាពរបស់អ្នកសារព័ត៌មានឱ្យបានខ្លាំងក្លាបន្ថែមទៀត។ ម៉្យាដើម្បីលុបបំបាត់ព័ត៌មានក្លែងក្លាយ និងផ្ដល់ព័ត៌មានពិតដល់សាធារណជនឱ្យមានការយល់ដឹង និងច្បាស់លាស់៕
