យុវជនជិត៦ម៉ឺននាក់ពីកម្មវិធី​បណ្តុះបណ្តាល ១,៥លាននាក់ កំពុងចុះហាត់ការ និង​ទទួលបានការងារធ្វើ

ចាប់តាំងពី​រាជរដ្ឋាភិបាល​បាន​ដាក់​ឱ្យ​អនុវត្ត​កម្មវិធី​បណ្តុះបណ្តាល​ជំនាញវិជ្ជាជីវៈ និង​បច្ចេកទេស ដល់​យុវជន​មក​ពី​គ្រួសារក្រីក្រ និង​ងាយរងហានិភ័យ ១,៥លាននាក់ កាលពីខែវិច្ឆិកា ឆ្នាំ​២០២៣ រហូត​មក​ដល់​ខែកញ្ញា ឆ្នាំ​២០២៤នេះ មានយុវជនជិត៦ម៉ឺននាក់​បាន​ចុះឈ្មោះចូលសិក្សា​ជំនាញ ហើយ​ក្នុងនោះពួកគេ​មួយ​ចំនួនធំ​កំពុង​ចុះ​ហាត់ការ និង​ខ្លះ​ទទួលបានការងារ​ធ្វើជា​បន្តបន្ទាប់ ក្រោយបញ្ចប់ការ​សិក្សា។

ឯកឧត្តម កត្តា អ៊ន រដ្ឋលេខាធិការ និង​ជាអ្នកនាំពាក្យ​ក្រសួងការងារ និង​បណ្តុះបណ្តាលវិជ្ជាជីវៈ មានប្រសាសន៍ថា ក្នុងចំណោម​សិស្ស​ដែល​បាន​ចុះឈ្មោះ​ចូលរៀនជំនាញជិត ៦ម៉ឺននាក់ ក្នុងនោះសិស្ស​ដែល​កំពុងរៀន​​​មានចំនួនជាង ២៣០០០នាក់ និង​សិស្ស​ដែល​បាន​បញ្ចប់ការ​សិក្សា​សរុបមានចំនួន ៧១០០នាក់ ខណៈ​សិស្ស​កំពុងចុះហាត់ការនៅតាមសហគ្រាសនានា​មានចំនួនជិត៣ម៉ឺននាក់។

លោក សេក សុជាតិ អ្នកប្រឹក្សាយោបល់ផ្នែកផ្នត់គំនិត និង​ការស្រាវជ្រាវ មានប្រសាសន៍សាទរ ដោយថា នេះគឺជាការ​ចាប់ផ្តើម​ដ៏ល្អ តែ​សម្រាប់ឆ្នាំជាបន្តបន្ទាប់ទៀត លោក​យល់ថា ក្រសួងការងារ​ និង​បណ្តុះបណ្តាលវិជ្ជាជីវៈ គួរដាក់ចេញ​នូវយន្ត​ការ​បណ្តុះបណ្តាល​ឱ្យ​គ្រប់គោលដៅ ទើបអាចឈានទៅសម្រេចគោលនយោបាយ​របស់រាជរដ្ឋាភិបាល​ក្នុងការ​បណ្តុះបណ្តាលជំនាញវិជ្ជាជីវៈ​ដល់យុវជន ១,៥លាននាក់ ក្នុងរយៈពេល​៥ឆ្នាំ ដើម្បីឈានទៅសម្រេចចក្ខុវិស័យ​ប្រទេស​កម្ពុជា​ឱ្យ​ក្លាយជា​ប្រទេស​មានចំណូលមធ្យមកម្រិតខ្ពស់​នាឆ្នាំ២០៣០ និង​ក្លាយជា​ប្រទេស​ដែលមាន​ចំណូល​ខ្ពស់​នៅ​ឆ្នាំ​២០៥០។

សម្រាប់លោកបណ្ឌិត យង់ ពៅ អគ្គលេខាធិការ​រាជបណ្ឌិតសភាកម្ពុជា​ និង​ជាអ្នកវិភាគសង្គម​មើលឃើញថា តួលេខនៃការ​បណ្តុះបណ្តាលជំនាញវិជ្ជាជីវៈដល់យុវជន មក​ពីគ្រួសារក្រីក្រ និង​ងាយរងហានិភ័យ ១,៥លាននាក់​រយៈ​ពេល​ជិត​១ឆ្នាំមកនេះ ទោះនៅមានចំនួនតិចតួច តែគឺជា​វឌ្ឍនភាព​ល្អមួយ​សម្រាប់​យុវជន​កម្ពុជា ក៏​ដូចជា​សម្រាប់សង្គមទាំងមូល ព្រោះការ​ប្រកាស​ដាក់ចេញ​នូវគោលនយោបាយ​របស់រាជរដ្ឋាភិបាល​នីតិកាលទី៧ ក្នុងការ​បណ្តុះបណ្តាលជំនាញវិជ្ជាជីវៈ​ដល់យុវជន ដែលជា​កម្លាំង​ចលករក្នុងការ​ជំរុញ​សេដ្ឋកិច្ចសង្គមកំពុងដើរទៅមុខ។ ជាមួយគ្នានេះ លោកបណ្ឌិត ក៏​លើកទឹកចិត្តឱ្យ​មានការ​បណ្តុះបណ្តាលវិជ្ជាជីវៈបន្តទៀត ដោយផ្អែក​ទៅលើគុណភាព​ប្រាកដនិយម ពោលគឺយុវជន​ដែលទទួលបាន​ការ​បណ្តុះបណ្តាល ពួកគេ​អាច​ទៅបង្កើតមុខរបរ ឬ​អាច​ទៅ​ធ្វើ​ការបាន ដែលនេះគឺជា​ជោគជ័យពិតប្រាកដរបស់រាជរដ្ឋាភិបាល​នៅ​ក្នុងការ​បណ្តុះបណ្តាល។

វិស័យ​អប់រំ​បណ្តុះបណ្តាលវិជ្ជាជីវៈ និង​បច្ចេកទេស ត្រូវ​ចាត់ទុកថា បាននិងកំពុងចូលរួម​យ៉ាងសកម្ម​លើ​ការ​ផលិតមូលធន​មនុស្ស និង​អភិវឌ្ឍកម្លាំង​ពលកម្ម​ឱ្យ​មានជំនាញ ចំណេះដឹង សមត្ថភាព ការ​ប្រកួតប្រជែង​ខ្ពស់ មានភាពធន់ បត់បែន អាចឆ្លើយតបតាមតម្រូវការនៃការវិវត្តយ៉ាងឆាប់រហ័សនៃមូលដ្ឋានសេដ្ឋកិច្ច ឧស្សាហកម្ម និងបច្ចេកវិទ្យាឌីជីថល ស្របតាមគោលនយោបាយរបស់រាជរដ្ឋាភិបាល ដោយធានាថា «ពលរដ្ឋម្នាក់មានជំនាញមួយយ៉ាងតិចប្រចាំជីវិត»។

យ៉ាងណាក៏ដោយ បើតាមប្រសាសន៍ ឯកឧត្តម កត្តា អ៊ន អ្នកនាំពាក្យ​ក្រសួងការងារ និង​បណ្តុះបណ្តាលវិជ្ជាជីវៈ សម្រាប់​ឆ្នាំនេះ កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១,៥លាននាក់ របស់រាជរដ្ឋាភិបាល មិនទាន់បញ្ចប់ទេ ដោយវគ្គសិក្សា​បន្ទាប់គ្រោងនឹងចាប់ផ្តើម​នៅ​ដើមខែតុលាខាងមុខ ។ ឯកឧត្តមបានអំពាវនាវដល់យុវជនដែលមិនទាន់បានចុះឈ្មោះ ចូលរៀនជំនាញវិជ្ជាជីវៈ និងបច្ចេកទេស សូមរួសរាន់មកចុះឈ្មោះចូលរៀនជំនាញវិជ្ជាជីវៈ នៅវិទ្យាស្ថានដែលនៅក្បែរមូលដ្ឋានរបស់ខ្លួន ខណៈយុវជនដែលមកពីគ្រួសារក្រីក្រ និងគ្រួសារងាយរងហានិភ័យ នៅតែទទួលការរៀនជំនាញដោយឥតគិតថ្លៃ និងថែមទាំងទទួលបានប្រាក់ឧបត្ថម្ភផងដែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

សាកលវិទ្យាល័យ​ជាតិ​បាត់ដំបង​ ​ប្រកាស​ជ្រើសរើស​បេក្ខជន​អាហារូបករណ៍​ ​Panasonic ​សម្រាប់​ឆ្នាំ​សិក្សា​ ​២០២៦​-​២០២៧​

ព័ត៌មានអាហារូបករណ៍, ព្រឹត្តិការណ៍

• 20/08/2026

សាកលវិទ្យាល័យ​ជាតិ​បាត់ដំបង​ ​(​NUBB​)​ ​បាន​ប្រកាស​ជា​ផ្លូវការ​អំពី​ការ​បើក​ទទួល​ពាក្យសុំ ​អាហារូបករណ៍​ Panasonic ​Scholarsh​ip Program ​សម្រាប់​ឆ្នាំ​សិក្សា​ ​២០២៦​-​២០២៧​

ឱកាសសិក្សាអាហារូបករណ៍ Stamp Scholarship ២០២៣ នៅសាកលវិទ្យាល័យ Miami សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 13/06/2023

កម្មវិធីអាហារូបករណ៍ Stamp Scholarship ២០២៣ ប្រកាសផ្ដល់អាហារូបករណ៍ថ្នាក់ឧត្ដមសិក្សា នៅសាកលវិទ្យាល័យ Miami សហរដ្ឋអាមេរិកឆ្នាំសិក្សា២០២៣ ។...

អាហារូបករណ៍ថ្នាក់ស្រាវជ្រាវនៅសាកលវិទ្យាល័យ Caltech នារដូវក្តៅឆ្នាំ 2025

ព័ត៌មានអាហារូបករណ៍, ព្រឹត្តិការណ៍

• 29/01/2025

ឱកាសសិក្សាអាហារូបករណ៍ថ្នាក់ស្រាវជ្រាវនៅ California Institute of Technology នៃសាកលវិទ្យាល័យ Caltech សហរដ្ឋអាមេរិក នារដូវក្ដៅសម្រាប់ឆ្នាំសិក្សា២០២៥...

ឱកាសសិក្សាអាហារូបករណ៍ថ្នាក់ឧត្ដមសិក្សាចំនួន៣០កន្លែងពីរដ្ឋាភិបាលហុងគ្រី ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 20/11/2023

ឱកាសសិក្សាអាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ Stipendium Hungaricum Programme រដ្ឋាភិបាលហុងគ្រីចំនួន៣០កន្លែងដល់និស្សិតកម្ពុជា។ អាហារូបករណ៍ផ្ដល់ជូន...

ឱ​កាស​សិក្សា​ឥត​គិត​ថ្លៃ ​៖​ ​សាលា​មធ្យម​វិចិត្រ​សិល្បៈ​ ​ប្រកាស​ជ្រើសរើស​សិស្ស​ចូលរៀន ​សម្រាប់​ឆ្នាំ​សិក្សា​ ​២០២៦​-​២០២៧

ព័ត៌មានអាហារូបករណ៍, ព្រឹត្តិការណ៍

• 07/09/2026

​សាលា​មធ្យម​វិចិត្រ​សិល្បៈ​ ​ដែល​ជា​គ្រឹះស្ថាន​សិក្សា​អប់រំ​ចំណេះទូទៅ ​និង​បច្ចេកទេស​ជំនាញ​វិជ្ជាជីវៈ​សិល្បៈ​ ​ស្ថិត​ក្រោម​ឱវាទ​ក្រសួង​វប្បធម៌​ ​និង​វិចិត្រ​សិល្បៈ​ ​នឹង​រៀបចំ​ការ​ប្រឡង​ជ្រើសរើស​សិស្សា​នុសិស្ស​ទាំង​ពីរ​ភេទ...

ឱកាសសិក្សានៅសាកលវិទ្យាល័យ Aarhus ពីកម្មវិធីអាហារូបករណ៍ប្រទេសដាណឺម៉ាក ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 06/09/2024

ឱកាសទទួលបានការសិក្សាអាហារូបករណ៍នៅសាកលវិទ្យាល័យ Aarhus ពីកម្មវិធីអាហារូបករណ៍ដាណឺម៉ាកសម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់សម្រាប់មុនវិជ្ជាផ្សេងៗ និងផ្ដល់ជូននិស្សិតអន្តរជាតិជាច្រើនកន្លែង។

មូលនិធិអាហារូបករណ៍ Mabuchi International ផ្តល់​អាហារូបករណ៍សម្រាប់និស្សិត​កម្ពុជា​ចេះភាសាជប៉ុន ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 17/11/2025

មូលនិធិ​អាហារូបករណ៍​អន្តរជាតិ​ម៉ាប៊ូឈិ (Mabuchi International Scholarship Foundation) ប្រកា​សផ្តល់អាហារូបករណ៍​សម្រាប់និស្សិត​កម្ពុជា​ដែលចេះភាសាជប៉ុន សម្រាប់ឆ្នាំសិក្សា​២០២៦។

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអមតៈ អាន ចន ផន លើជំនាញសិល្បៈ និងមិនមែនសិល្បៈ

ព័ត៌មានអាហារូបករណ៍, ព្រឹត្តិការណ៍

• 25/05/2023

កម្មវិធីអាហារូបករណ៍សិល្បៈអមតៈ អាន ចន ផន បើកទទួលពាក្យស្នើសុំអាហារូបករណ៍សាច់ប្រាក់សម្រាប់សិស្ស និស្សិតសិក្សាជំនាញសិល្បៈ និងជំនាញមិនមែនសិល្បៈ ។ ...

អាហារូបករណ៍សិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 27/05/2024

វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើសយុវជន យុវនារីជាច្រើននាក់ទៅសិក្សាជំនាញវិជ្ជាជីវៈវគ្គខ្លីឥតគិតថ្លៃរយៈពេល៤ខែ និង១០ខែ។...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *