ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប គឺជាការប្រឡងមួយដ៏សំខាន់ក្រោយពីសិស្សានុសិស្សបានចំណាយពេលក្នុងជីវិតសិក្សាអស់ចំនួន១២ឆ្នាំ ។ នៅឆ្នាំនេះក្រសួងអប់រំ យុវជន និងកីឡា បានសម្រេចឱ្យមានការប្រឡងបាក់ឌុបនៅថ្ងៃទី២៧ ធ្នូ ២០២១ ដោយគោរពតាមគោលការណ៍ចំនួន៤ គឺ ច្បាប់ តម្លាភាព យុត្តិធម៌ និងលទ្ធផលទទួលយកបាន បន្ទាប់ពីផ្អាកការប្រឡងកាលពីឆ្នាំមុនដោយសារការឆ្លងរីករាលដាលនៃជំងឺកូវីដ-១៩ ។ កញ្ញា សារៈ អាលីហ្សា អតីតសិស្សនិទ្ទេស A កាលពីឆ្នាំ២០១៥ បានលើកទឹកចិត្តដល់បេក្ខជនប្រឡងទាំងអស់ គួរប្រឡងពឹងលើសមត្ថភាពពិត និងមិនលួចចម្លង ។
អតីតសិស្សនិទ្ទេស A រូបនេះ លើកឡើងថា តាមរយៈការធ្វើកំណែទម្រង់នៃការប្រឡងបាក់ឌុបកន្លងមក ធ្វើឱ្យសិស្សានុសិស្សភាគច្រើនផ្លាស់ប្តូរឥរិយាបថ និងចាប់ផ្តើមភ្ញាក់រលឹកប្រឹងប្រែងសិក្សា ដោយមិនផ្តេកផ្តួលលើការលួចចម្លង ឬលួចមើលសំណៅឯកសារនៅពេលប្រឡងទៀតនោះឡើយ ។
អាលីហ្សា បន្តថា បេក្ខជនត្រូវចាប់យកឱកាសប្រឡងនេះ វាស់ស្ទង់សមត្ថភាពពិតរបស់ខ្លួន ដើម្បីអភិវឌ្ឍសមត្ថភាពបន្ថែមទៀត ប៉ុន្តែប្រសិនបើបេក្ខជនលួចចម្លងគេក្នុងពេលប្រឡង ឬលួចមើលសំណៅឯកសារនៅពេលប្រឡង នោះប្រាកដជាមិនដឹងអំពីសមត្ថភាពពិតរបស់ខ្លួនមានកម្រិតណា? អាចអភិវឌ្ឍសមត្ថភាពកម្រិតណា? ដើម្បីទទួលបានភាពជោគជ័យក្នុងជីវិតនោះឡើយ ។
កញ្ញា សារៈ អាលីហ្សា
“ខ្ញុំលើកទឹកចិត្តឱ្យបេក្ខប្រឡងដោយសមត្ថភាពពិត ព្រោះយើងមិនអាចលួចចម្លងគេរហូតនោះឡើយ ក្រោយរៀនចប់ យើងចេញធ្វើការងារទាមទារឱ្យយើងមានចំណេះដឹង និងមានសមត្ថភាពពិតប្រាកដ”
កញ្ញា សារៈ អាលីហ្សា បានចែករំលែកបទពិសោធន៍របស់នាងដល់បេក្ខជនដែលត្រូវប្រឡងបាក់ឌុបទាំងអស់ថា នៅមុនថ្ងៃប្រឡងបាក់ឌុប បេក្ខជនត្រូវមើលលំហាត់ងាយស្រួល និងកុំមើលរំលងលំហាត់ដែលមានក្នុងសៀវភៅពុម្ភ ដោយខិតខំអនុវត្តលំហាត់ទាំងនោះជាប្រចាំ ។ បេក្ខជនក៏ត្រូវហ្វឹកហាត់ការគិតលេខដោយដៃឱ្យបានត្រឹមត្រូវ និងរហ័ស ព្រោះក្រសួងមិនអនុញ្ញាតិឱ្យបេក្ខជនយកម៉ាស៊ីនគិតលេខចូលបន្ទប់ប្រឡងនោះឡើយ ។
អតីតសិស្សនិទ្ទេស A ឆ្នាំ២០១៥ រូបនេះបញ្ជាក់ថា នៅថ្ងៃប្រឡងបាក់ឌុបមកដល់ បេក្ខជនត្រូវត្រៀមខ្លួនឱ្យបានរួចរាល់ រួមមាន កាតសិស្ស សាលាកបត្រឯកត្តជន ម៉ាស់ អាល់កុល ឬជែលលាងដៃ និងសម្ភារៈប្រឡងដូចជា ប៊ិក បន្ទាត់ ដែកឈាន និងប៉ារ៉ាបូលជាដើម ។ ជាមួយគ្នានេះ បេក្ខជនត្រូវញ៉ាំអាហារឱ្យបានគ្រប់គ្រាន់ ទៅមណ្ឌលប្រឡងឱ្យបានទាន់ពេលវេលា ដោយពិនិត្យឈ្មោះ លេខតុ លេខបន្ទប់ មុនម៉ោងប្រឡងរបស់ខ្លួនឱ្យបានត្រឹមត្រូវ ។ ជាពិសេស សុំកម្លាំងចិត្តពីឪពុកម្ដាយ ក្រុមគ្រួសារ មិត្តភក្តិ ដើម្បីបង្កើនទំនុកចិត្តក្នុងការប្រឡងបន្ថែមទៀត ។ កញ្ញា សារៈ អាលីហ្សា ប្រឡងជាប់និទ្ទេស A ទទួលបានពិន្ទុ ៩៩.៩១២ ពិន្ទុ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានជាតិពាណិជ្ជសាស្រ្តផ្តល់អាហារូបករណ៍ សិក្សាជំនាញក្នុងវិស័យធុរកិច្ច និងព័ត៌មានវិទ្យា ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 22/04/2024
វិទ្យាស្ថានជាតិពាណិជ្ជសាស្រ្ត បានប្រកាសផ្តល់អាហារូបករណ៍ជាច្រើនកន្លែងដល់យុវជន ដែលមានបំណងចង់សិក្សាជំនាញក្នុងវិស័យធុរកិច្ច និងព័ត៌មានវិទ្យា។
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាធារណរដ្ឋប្រជាមានិតចិន ក្រោមកម្មវិធី MOFCOM
ព័ត៌មានអាហារូបករណ៍, ព្រឹត្តិការណ៍
• 06/05/2024
សម្រាប់ឆ្នាំ២០២៤នេះ កម្មវិធីអាហារូបករណ៍ MOFCOM នៃសាធារណរដ្ឋប្រជាមានិតចិន បានផ្តល់អាហារូបករណ៍ជាច្រើនកន្លែងសម្រាប់ថ្នាក់បរិញ្ញាបត្រជាន់ខ្ពស់ សិក្សារយៈពេល១-២ឆ្នាំ និងថ្នាក់បណ្ឌិត សិក្សារយៈពេល៣ឆ្នាំ...
សាកលវិទ្យាល័យខេមតិចផ្ដល់អាហារូបករណ៍ ១០០% និង៧៥% សម្រាប់និស្សិតស្រ្តី និងនិស្សិតមកពីខេត្តដាច់ស្រយាល
ព័ត៌មានអាហារូបករណ៍, ព្រឹត្តិការណ៍
• 10/01/2023
សាកលវិទ្យាល័យខេមតិចកំពុងបើកផ្ដល់អាហារូបករណ៍ថ្នាក់បរិញ្ញាបត្រ និងសញ្ញាបត្រជាន់ខ្ពស់ចំនួន១០០កន្លែងសម្រាប់និស្សិតស្រ្តី និងនិស្សិតមកពីបណ្ដាខេត្តដាច់ស្រយាល ...
អាហារូបករណ៍រយៈពេល៦ខែនៅសាកលវិទ្យាល័យ Hiroshima សម្រាប់និស្សិតមហាវិទ្យាល័យទន្តវទនសាស្ត្រ
ព័ត៌មានអាហារូបករណ៍, ព្រឹត្តិការណ៍
• 03/06/2024
ឱកាសសិក្សាអាហារូបករណ៍រយៈពេល៦ខែសម្រាប់និស្សិតមហាវិទ្យាល័យទន្តវទនសាស្ត្រនៃសាកលវិទ្យាល័យវិទ្យាសាស្ត្រសុខាភិបាល(ស.វ.ស)...
សាកលវិទ្យាល័យស៊ុនយ៉ាតសេន ប្រទេសចិន ផ្តល់អាហារូបករណ៍១០កន្លែងសម្រាប់និស្សិតកម្ពុជា
ព័ត៌មានអាហារូបករណ៍, ព្រឹត្តិការណ៍
• 10/02/2023
ក្រោមកម្មវិធី «2023 Sun Yat-sen University Belt and Road Schoiarship Program for International Students» សាកលវិទ្យាល័យស៊ុនយ៉ាតសេននៅទីក្រុងក្វាងចូវ ប្រទេសចិន...
អាហារូបករណ៍កម្មវិធីអ្នកដឹកនាំវ័យក្មេង កម្ពុជា-ឡាវ (CLYLP) ទៅកាន់ប្រទេសនូវែលសេឡង់
ព័ត៌មានអាហារូបករណ៍, ព្រឹត្តិការណ៍
• 23/04/2026
តើអ្នកជាអ្នកដឹកនាំវ័យក្មេងដែលកំពុងបម្រើការងារក្នុងសហគមន៍ ឬអង្គការសង្គមស៊ីវិលមែនទេ? កម្មវិធីអ្នកដឹកនាំវ័យក្មេង កម្ពុជា-ឡាវ (Cambodia Laos Young Leaders Programme - CLYLP) កំពុងបើកទទួលពាក្យសម្រាប់បេក្ខជន...
អាហារូបករណ៍ Global Korea Scholarship (GKS-G) ឆ្នាំ២០២៦ កំពុងជ្រើសរើសនិស្សិតអន្តរជាតិ២ពាន់នាក់
ព័ត៌មានអាហារូបករណ៍, ព្រឹត្តិការណ៍
• 10/02/2026
រដ្ឋាភិបាលនៃសាធារណរដ្ឋកូរ៉េ បានប្រកាសជាផ្លូវការនូវការផ្តល់អាហារូបករណ៍ថ្នាក់ក្រោយឧត្តមសិក្សា Global Korea Scholarship (GKS-G) សម្រាប់ឆ្នាំ ២០២៦ ដើម្បីផ្តល់ឱកាសដល់និស្សិតអន្តរជាតិសរុបចំនួន ២,០០០ នាក់
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យបច្ចេកវិទ្យាហាប៊ីន ប្រទេសចិនឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 19/12/2025
កម្មវិធីអាហារូបករណ៍រដ្ឋាភិបាលចិន កំពុងបើកប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សិក្សានៅសាកលវិទ្យាល័យបច្ចេកវិទ្យាហាប៊ីន ឆ្នាំ២០២៦។ អាហារូបករណ៍ផ្ដល់ឱ្យសិក្សាជាថ្នាក់ភាសាអង់គ្លេស និងភាសាចិន។
ឱកាសអាហារូបករណ៍ទៅសិក្សានៅប្រទេសចិន តាមរយៈអាហារូបករណ៍រដ្ឋាភិបាលចិនឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 17/12/2024
តាមរយៈស្ថានទូតចិនប្រចាំព្រះរាជាណាចក្រកម្ពុជា សហការជាមួយសហភាពសហព័ន្ធយុវជនកម្ពុជា នឹងផ្តល់អាហារូបករណ៍ដល់យុវជនកម្ពុជាដើម្បីបន្តការសិក្សាថ្នាក់ឧត្តមសិក្សានៅប្រទេសចិនសម្រាប់ឆ្នាំសិក្សា២០២៥។
កម្មវិធីពិសេសរបស់ AMS EDUCATION
ព័ត៌មានសង្ខេប
