ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- ក្រសួងបរិស្ថានប្រកាសប្រឡងជ្រើសរើសបេក្ខជនចូលបម្រើការងារក្នុងក្របខ័ណ្ឌក្រសួងបរិស្ថាន ចំនួន៣១កន្លែង ក្នុងនោះបម្រើការងារក្នុងអង្គភាពទីស្តីការក្រសួង ក្របខ័ណ្ឌបភេទ “ក” ចំនួន ១៧ កន្លែង, អគ្គនាយកដ្ឋានចំណេះដឹងព័ត៌មានបរិស្ថានចំនួន ២កន្លែង, អគ្គនាយកដ្ឋានគាំពារបរិស្ថានចំនួន ២កន្លែង, អគ្គនាយកដ្ឋានរដ្ឋាបាល និងហិរញ្ញវត្ថុចំនួន ៥កន្លែង, អគ្គនាយកដ្ឋានតំបន់ការពារធម្មជាតិចំនួន ៣កន្លែង, អគ្គនាយកដ្ឋានគោលនយោបាយ និងយុទ្ធសាស្រ្តចំនួន ៣កន្លែង និងមន្ទីរបរិស្ថានខេត្ត «ក» ចំនួន១៤កន្លែង។
សម្រាប់លក្ខខណ្ឌ នៃការជ្រើសរើស បេក្ខជន បេក្ខនារី ត្រូវមានសញ្ជាតិខ្មែរ, មានសញ្ញាបត្រថ្នាក់បរិញ្ញាបត្រ ឬសញ្ញាបត្រសមមូល និងមានអាយុមិនឱ្យលើសពី៣៥ឆ្នាំ (គិតត្រឹមថ្ងៃប្រឡង)។ សម្រាប់បេក្ខជន បេក្ខនារី ត្រូវមានសញ្ញាបត្រថ្នាក់ បរិញ្ញាបត្រជាន់ខ្ពស់ ឬសញ្ញាបត្រសមមូលត្រូវមានអាយុមិនឱ្យលើសពី៤០ឆ្នាំ (គិតត្រឹមថ្ងៃប្រឡង)។ ចំណែកបេក្ខជនមានសញ្ញាបត្រថ្នាក់ បណ្ឌិត ឬសញ្ញាបត្រសមមូល នឹងត្រូវលើកលែងលក្ខខណ្ឌអាយុ។
បេក្ខជន បេក្ខនារី ដែលមានបំណងដាក់ពាក្យសុំប្រឡង សូមចូលទៅគេហទំព័រ www.moe.gov.kh ដើម្បីទាញយកពាក្យសុំសិទ្ធិប្រឡង។ ចាប់ផ្តើមទទួលពាក្យសុំសិទ្ធិប្រឡងចាប់ពីថ្ងៃជូនដំណឹងនេះតទៅ នៅនាយកដ្ឋានធនធានមនុស្ស និងផុតកំណត់រហូតដល់ថ្ងៃទី០៥ ខែឧសភា ឆ្នាំ២០២៣។
ចំពោះវិញ្ញាសាប្រឡង រួមមាន វិញ្ញាសា ចំណេះដឹងទូទៅ រយៈពេល ០២ម៉ោង, វិញ្ញាសា ជំនាញឯកទេសបរិស្ថាន រយៈពេល ០២ម៉ោង និងវិញ្ញាសា ភាសាអង់គ្លេស រយៈពេល ០១ម៉ោង ៣០នាទី។ កាលបរិច្ឆេទប្រឡងនឹងប្រព្រឹត្តទៅថ្ងៃទី១៥ ខែឧសភា ឆ្នាំ២០២៣ ចាប់ពីម៉ោង ៧:០០នាទីព្រឹក ចំណែកមណ្ឌលប្រឡងនៅទីស្តីការក្រសួងបរិស្ថាន (សាលប្រជុំ ម៉ុក ម៉ារ៉េត)។
សម្រាប់ព័ត៌មានលម្អិត សូមមកទាក់ទងនាយកដ្ឋានធនធានមនុស្ស នៃអគ្គនាយកដ្ឋានរដ្ឋបាលនិងហិរញ្ញវត្ថុ ក្រសួងបរិស្ថាន រៀងរាល់ម៉ោងធ្វើការ ឬទំនាក់ទំនងតាមទូរស័ព្ទលេខ៖ ០៨៩ ៩៦២ ៣១៣/ ០១២ ៥១៧ ៣៧៦ / ០៨៧ ៣៧៧ ៧៤៤ / ០៩៧ ៩៤២ ៧២៧ ៩៕
