ក្រសួងអប់រំ ៖ បេក្ខជន​នៅ​ខេត្ត​ឧត្តរមានជ័យ និង​ខេត្តព្រះវិហារ អាច​ចូលរួមប្រឡងបាក់ឌុប នៅ​ខេត្ត​របស់ខ្លួន​ក៏​បាន នៅ​ខេត្ត​ផ្សេង​ក៏​បាន

តាមរយៈសេចក្តីជូនដំណឹង ស្តីពី​ការ​រៀបចំ​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ ចេញផ្សាយ​នៅ​ថ្ងៃទី៣១ កក្កដា ក្រសួងអប់រំ​យុវជន និងកីឡា បានអនុញ្ញាត ដោយ​ផ្តល់អាទិភាព​ដល់បេក្ខជន​នៅ​ខេត្ត​ឧត្តរមានជ័យ និង​ខេត្ត​ព្រះវិហារ អាច​ចូលរួម​ប្រឡង​នៅ​ទីតាំង​ក្នុង​ខេត្ត​របស់ខ្លួន​ក៏​បាន ឬ​នៅ​ខេត្តផ្សេង​ទៀត​ក៏​បាន ប្រសិន​បើ​បេក្ខជន​បាន​ភៀសខ្លួន​ចេញពីខេត្តដែលខ្លួន​រស់នៅ។

ការផ្តល់អាទិភាព​ដល់បេក្ខជន​នៅ​ខេត្ត​ឧត្តរមានជ័យ និង​ខេត្ត​ព្រះវិហារនេះ គឺដើម្បីធានា​​ឱ្យ​ដំណើរ​ការ​ប្រឡង​សញ្ញាបត្រមធ្យមសិក្សា​ទុតិយភូមិ អាច​ប្រព្រឹត្ត​ទៅ​ដោយរលូន ហើយ​បេក្ខជន គណៈមេប្រយោគ​គ្រប់លំដាប់ថ្នាក់ និង​អ្នកពាក់ព័ន្ធមានសុខសុវត្ថិភាព។ តែយ៉ាងណា បេក្ខជន​ដែល​ភៀសខ្លួន ត្រូវ​ទៅដាក់​ពាក្យ​នៅមន្ទីរ​អប់រំ យុវជន និងកីឡា រាជធានី ខេត្ត ដែលខ្លួន​បាន​សម្រេចចិត្ត​ជ្រើសរើស​ប្រឡង ដោយ​បេក្ខជនភៀសខ្លួន ត្រូវ​ទៅ​ទទួល​សលាកបត្រ​ឯកត្តជន (បោះពុម្ពថ្មី) នៅមន្ទីរ​អប់រំ យុវជន និងកីឡារាជធានី ខេត្ត​ ដែល​សាមីជន​បានដាក់ពាក្យ ចាប់ពីថ្ងៃទី២២ ខែសីហា ឆ្នាំ២០២៥។

ក្រសួងអប់រំផ្តល់អាទិភាពដល់បេក្ខជនប្រឡងបាក់ឌុបនៅខេត្តឧត្តរមានជ័យ និងព្រះវិហារ អាចប្រឡងនៅខេត្តរបស់ខ្លួន ឬក៏ខេត្តផ្សេងបាន

ដោយឡែកបេក្ខជន​ដែលសម្រេច​ចិត្ត​ប្រឡង​នៅ​ខេត្ត​ព្រះវិហារ ត្រូវ​ត្រៀម​ទៅ​ប្រឡង​នៅ​ក្នុង​ទីរួម​ខេត្ត​ព្រះវិហារដដែល។

ចំពោះបេក្ខជន​ដែល​សម្រេចចិត្ត​ចូលរួម​ការប្រឡង​សញ្ញាបត្រមធ្យមសិក្សា​ទុតិយភូមិ នៅ​ក្នុង​ខេត្ត​ឧត្តរមានជ័យ ដើម្បីធានាសុវត្ថិភាព ក្រសួងអប់រំ យុវជន និងកីឡា នឹង​រៀបចំ​មណ្ឌល​ប្រឡង​នៅ​ក្នុង​ភូមិ​សាស្រ្ត​ស្រុកពួក នៃខេត្ត​សៀមរាប ដោយ​ក្រសួង​នឹង​បង្កើត​ក្រុមការងារ ដើម្បីគាំទ្រ​លើ​ការ​ដឹកជញ្ជូន​បេក្ខជន ផ្តល់ថវិកា​សម្រាប់ការហូបចុក ការស្នាក់នៅ និង​រៀបចំយន្តការ​ផ្សេង​ទៀត តាម​ការ​ចាំបាច់។

បើតាមសេចក្តីណែនាំរបស់ក្រសួងអប់រំ មន្ទីរអប់រំ យុវជន និងកីឡា​រាជធានី ខេត្ត​ចំនួន២៣ (លើកលែង​តែ​ខេត្ត​ឧត្តរមានជ័យ និង​ខេត្ត​ព្រះវិហារ) ត្រូវ​ចាត់ចែង​ទទួលពាក្យ​សុំ​ចុះ​ឈ្មោះប្រឡង និង​ទទួល​បូក​សរុប​ព័ត៌មាន​ដែល​ទទួល​បានពីបេក្ខជន​ភៀសខ្លួន ពីខេត្ត​ទាំងពីរខាងលើ រួច​ហើយ​រៀបចំ​ជា​បញ្ជី​ឈ្មោះ​បេក្ខជន​ភៀសខ្លួន ដែល​បាន​ដាក់ពាក្យ​ប្រឡង ព្រមទាំង​បញ្ជូន​មក​ក្រសួង (នាយកដ្ឋានកិច្ចការប្រឡង) នៅត្រឹម​ថ្ងៃទី១៥ ខែសីហា ឆ្នាំ២០២៥ ដើម្បីក្រសួងអាចបូកសរុប និង​រៀបចំ​ជា​បញ្ជី​រាយ​នាមបេក្ខជន និង​សលាកបត្រឯកត្តជន និងបន្តនីតិវិធី នៃដំណើរ​ការ​ប្រឡង​ជា​បន្ត​ទៀត ដោយ​ក្រសួងនឹង​បោះពុម្ព​សលាកបត្រ​ឯកត្តជន​របស់បេក្ខជន ដើម្បី​ឱ្យ​បេក្ខជនភៀសខ្លួន អាច​មក​ទទួល​នៅ​មន្ទីរអប់រំ យុវជន និងកីឡា​រាជធានីខេត្ត។

លោកជំទាវ ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា សង្គ្រាមឈ្លានពាននៅតាមព្រំដែនកម្ពុជា-ថៃ បានបណ្ដាលឱ្យមានការផ្អាកដំណើរការសាលារៀន និងប្រជាជនភៀសខ្លួន។ ក្នុងន័យនេះ ក្រសួងអប់រំ សម្រេចពន្យារពេលនៃការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៤-២០២៥ ដែលគ្រោងរៀបចំនៅថ្ងៃទី១៨ និងទី១៩ ខែសីហា ទៅថ្ងៃទី២៨ នឹងទី២៩ ខែសីហា ឆ្នាំ២០២៥វិញ។

លោកជំទាវ ឃួន វិច្ឆិកា អ្នកនាំពាក្យ​ក្រសួងអប់រំ យុវជន និងកីឡា

តាមទិដ្ឋភាពជាក់ស្តែង ខេត្តឧត្តរមានជ័យ និង​ខេត្ត​ព្រះវិហារ បានទទួលរងគ្រោះធ្ងន់ធ្ងរជាងគេ ហេតុ​នេះ ក្រសួងចាំបាច់​ត្រូវ​មានវិធានការ​គាំទ្រពិសេស សម្រាប់បេក្ខជន​នៅ​ខេត្ត​ឧត្តរមានជ័យ និង​ខេត្តព្រះវិហារ។

យ៉ាងណាក៏ដោយ បើតាម​ប្រសាសន៍លើកឡើងរបស់ ឯកឧត្តម ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា សម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៨ សីហា ២០២៥ ក្រសួងនៅតែបន្តអនុវត្តតាមយន្តការដូចឆ្នាំកន្លងមក ដោយដាក់ចេញគោលការណ៍ បទប្បញ្ញត្តិ កម្រិតវិន័យ និងសេចក្តីណែនាំផ្សេងៗពាក់ព័ន្ធនឹងការប្រឡង ព្រមទាំងរៀបចំយន្តការ និងនីតិវិធីគ្រប់គ្រងដំណើរការប្រឡងនៅគ្រប់ដំណាក់កាល ក្នុងនោះ យន្តការចូលរួមរបស់ជំនួយការអប្បមាទទូទាំងប្រទេសនៅតែប្រើដដែល៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សិក្សាភាសាចិននៅសាធារណរដ្ឋប្រជាមានិតចិនរយៈពេលមួយឆ្នាំ

ព័ត៌មានអាហារូបករណ៍, ព្រឹត្តិការណ៍

• 27/06/2023

ឱកាសសិក្សាអាហារូបករណ៍ថ្នាក់ភាសាចិនរយៈពេល១ឆ្នាំនៅសាធារណរដ្ឋប្រជាមានិតចិនពីសមាគមន៍សិស្ស-និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុន សែន...

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតចំនួន២០កន្លែងនៅ BTBU នៃសាធារណរដ្ឋប្រជាមានិតចិន

ព័ត៌មានអាហារូបករណ៍, ព្រឹត្តិការណ៍

• 06/05/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យសាកលវិទ្យាល័យបច្ចេកវិទ្យា និងពាណិជ្ជកម្មប៉េកាំង (Beijing Technology and Business ) ពី ផ្ទះយុវជនដើម្បីមិត្តភាពកម្ពុជា-ចិន...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Prince of Songkla ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 29/04/2025

មហាវិទ្យាល័យវិទ្យាសាស្ត្រ នៃសាកលវិទ្យាល័យ Prince of Songkla ប្រកាសជ្រើសរើសនិស្សិតនិស្សិតបរទេស​ក្នុងការ​សិក្សាតាមរយៈអាហារូបករណ៍ថ្នាក់ឧត្ដមសិក្សាឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...

ឱកាស​សិក្សា​អាហារូបករណ៍​ជំនាញ​វិជ្ជាជីវៈ​នៅ​មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្ត​មណ្ឌលគិរី

ព័ត៌មានអាហារូបករណ៍, ព្រឹត្តិការណ៍

• 19/11/2024

មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្តមណ្ឌលគិរី​ប្រកាស​ផ្ដល់​អាហារូបករណ៍​សិក្សា​ជំនាញ​វិជ្ជាជីវៈ និង​បច្ចេកទេស​ដល់​យុវជន​មក​ពី​គ្រួសារក្រីក្រ និង​គ្រួសារ​ងាយ​រង​ហានិភ័យ​ចំនួន​២៤០​កន្លែង។

វគ្គបណ្តុះបណ្តាលភាពយន្តខ្លីកម្ពុជា២០២៥ បើក​ទទួលពាក្យ​

ព័ត៌មានអាហារូបករណ៍, ព្រឹត្តិការណ៍

• 05/06/2025

ក្រោម​គំនិតផ្តួចផ្តើម​របស់​ក្រសួងវប្បធម៌ និង​វិចិត្រ​សិល្បៈ ដែល​មាន​គោល​បំណង​ចូលរួម​ចំណែក​ក្នុងការ​ធ្វើ​ឱ្យ​ប្រសើរ​ឡើង​នូវ​វិស័យ​ឧស្សាហកម្ម​ភាពយន្ត​កម្ពុជា ដោយ​ធ្វើ​ការ​កសាង​សមត្ថភាព ពង្រឹងជំនាញ និង​បង្កើត​ឱកាស​សម្រាប់យុវជន​...

ក្រសួងអប់រំជ្រើសរើស​និស្សិត​អាហារូបករណ៍១០០% សិក្សា​ថ្នាក់​បរិញ្ញាបត្ររង និង​ថ្នាក់បរិញ្ញាបត្រ នៅ​វិទ្យាស្ថាន​បច្ចេកវិទ្យា​កំពង់ស្ពឺ

ព័ត៌មានអាហារូបករណ៍, ព្រឹត្តិការណ៍

• 19/08/2025

ជា​ឱកាស​សម្រាប់​សិស្សានុសិស្ស​ដែល​បានបញ្ចប់ថ្នាក់ទី១២ បើទោះជា​ធ្លាក់ ឬជាប់បាក់ឌុប ដោយ​ក្រសួងអប់រំ យុវជន និងកីឡា កំពុង​ប្រកាសប្រឡង​ជ្រើសរើស​និស្សិត​អាហារូបករណ៍១០០% និង​និស្សិត​បង់ថ្លៃ សរុប​ចំនួន ២៩០កន្លែង...

វិទ្យាស្ថានពហុបច្ចេកទេសខេត្តកំពង់ស្ពឺប្រកាសផ្ដល់ការបណ្ដុះបណ្ដាលវិជ្ជាជីវៈកម្រិត១ដោយឥតបង់ថ្លៃ ៧៧៥កន្លែង

ព័ត៌មានអាហារូបករណ៍, ព្រឹត្តិការណ៍

• 02/06/2025

វិទ្យាស្ថានពហុបច្ចេកទេសខេត្តកំពង់ស្ពឺបានប្រកាសផ្ដល់ជូនអាហារូបករណ៍ ១០០% សម្រាប់ការបណ្ដុះបណ្ដាលជំនាញវិជ្ជាជីវៈកម្រិត១ ចំនួន៧៧៥កន្លែង ដល់ក្រុមយុវជនមកពីគ្រួសារក្រីក្រ និងគ្រួសារងាយរងហានិភ័យ...

អាហារូបករណ៍អភិសន្តិបណ្ឌិត ស សុខា ចំនួន ១០ កន្លែង សិក្សា​នៅសាកលវិទ្យាល័យជាតិគ្រប់គ្រង

ព័ត៌មានអាហារូបករណ៍, ព្រឹត្តិការណ៍

• 29/09/2026

សម្រាប់សិស្សានុសិស្ស​ដែលទើបប្រឡង​ជាប់សញ្ញាបត្រ​មធ្យមសិក្សា​ទុតិយភូមិ និងមានបំណងចង់បន្តការសិក្សា​ថ្នាក់ឧត្តមសិក្សា​នៅ​សាកលវិទ្យាល័យជាតិគ្រប់គ្រង

ឱកាស​គ្រូបង្រៀន​ចូលរួម​កម្មវិធី Teacher Training Students នៅប្រទេស​ជប៉ុន ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 15/01/2026

ជា​ឱកាសសម្រាប់លោកគ្រូ អ្នកគ្រូ ដែលកំពុងបង្រៀន​នៅ​តាម​សាលា​រៀន​បឋមសិក្សា មធ្យមសិក្សា និង​សាលាគរុកោសល្យ នៅទូទាំងប្រទេស​កម្ពុជា, សម្រាប់ឆ្នាំ​២០២៦នេះ កម្មវិធីអាហារូបករណ៍ Teacher Training...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *