រដ្ឋមន្រ្តីក្រសួងប្រៃសណីយ៍ លើកទឹកចិត្ត​សិស្សានុសិស្ស​ចាប់យកជំនាញ​បច្ចេកវិទ្យាឌីជីថល ដើម្បី​ឱកាស​ការងារល្អ និង​ចូលរួម​អភិវឌ្ឍប្រទេស

ភ្នំពេញ -​ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និង​ទូរគមនាគមន៍ កាលពីថ្ងៃអង្គារ (១៨ តុលា) បានធ្វើការ​អំពាវនាវ និង​​​លើកទឹកចិត្ត​ទៅ​ដល់​សិស្សានុសិស្ស​ដែលត្រៀម​ប្រឡង​សញ្ញាបត្រមធ្យមសិក្សា​ទុតិយភូមិ​ឱ្យ​ខំរៀន​ដើម្បី​ប្រឡង​បាននិទ្ទេស​ល្អ ហើយ​សូម​ចាប់យក​ជំនាញ​បច្ចេកវិទ្យា​ឌីជីថល។

បើតាម​កា​រលើក​ឡើង​របស់ ឯកឧត្តម ជា វ៉ាន់ដេត នៅ​ក្នុង​យុគសម័យ​ឌីជីថល បច្ចេកវិទ្យា​បាន​ដើរ​តួនាទី​យ៉ាងសំខាន់​ក្នុង​ជីវភាព​រស់​នៅ​ប្រចាំថ្ងៃ ការធ្វើធុរកិច្ច និង​ការ​ផ្តល់​សេវាសាធារណៈ និង​សេវាផ្សេងៗ ប្រកប​ដោយ​ប្រសិទ្ធភាពខ្ពស់។

រដ្ឋមន្រ្តីក្រសួងប្រៃសណីយ៍ និង​ទូរគមនាគមន៍ បានបញ្ជាក់ថា ការ​ចាប់យក​ការ​សិក្សា​ជំនាញ​ផ្នែក​បច្ចេកវិទ្យា​ឌីជីថល និង​ជំនាញពាក់ព័ន្ធ គឺដើម្បីជា​ការ​ពង្រឹង​សមត្ថភាព​ទទួល​បាន​ឱកាស​ការងារល្អ មានប្រាក់​ចំណូល​ខ្ពស់​សម្រាប់លើក​កម្ពស់​ជីវភាពគ្រួសារ និង​ចូលរួម​ចំណែក​សម្រេច​បាន​នូវ​ចក្ខុវិស័យ​របស់​រាជរដ្ឋាភិបាល ក្នុង​ការ​កសាង​រដ្ឋាភិបាល សេដ្ឋកិច្ច និង​សង្គម​ឌីជីថល​ដ៏​រស់រវើក។

ជាមួយ​គ្នានេះ ឯកឧត្តម ជា វ៉ាន់ដេត ក៏​បានជូនពរ​ដល់​សិស្សានុសិស្ស​ថ្នាក់ទី១២ សូម​ទទួល​បានជោគជ័យ និង​និទ្ទេស​ល្អ​ក្នុង​សម័យ​ប្រឡង​សញ្ញាបត្រ​មធ្យមសិក្សា​ទុតិយភូមិឆ្នាំសិក្សា ២០២១-២០២២ ដែលនឹង​ខិតជិតមកដល់​ក្នុង​ពេល​ដ៏​ខ្លីខាងមុខ និង​សង្ឃឹមថា បន្ទាប់​ពីបញ្ចប់​ការ​សិក្សា​កម្រិតជំនាញ ឬ​សាកលវិទ្យាល័យ ក្មួយ​ៗ​នឹង​ចូលរួម​ចំណែក​អភិវឌ្ឍ​ព្រះរាជាណាចក្រ​កម្ពុជា​ឆ្ពោះទៅ​សម្រេច​បាន​ចក្ខុវិស័យរយៈពេលវែង និង​ប្រែក្លាយ​ជា​ប្រទេស​អភិវឌ្ឍន៍​នាពេលអនាគត។

សូម​បញ្ជាក់ដែរថា បើ​យោង​តាម​របាយការណ៍​សន្និបាតបូកសរុបការងារ​ក្រសួងអប់រំ យុវជន និ​ងកីឡាឆ្នាំសិក្សា​២០២០-២០២១ និង​លើកទិសដៅ​ឆ្នាំសិក្សា​២០២១-២០២២ បានបង្ហាញថា បច្ចុប្បន្ន​និស្សិត​ដែល​កំពុង​សិក្សា​ថ្នាក់បរិញ្ញាបត្រ​មានចំនួន ១៧០ ២៤៦នាក់ ក្នុងនោះ​និស្សិតដែលចាប់យកជំនាញ​បច្ចេកវិទ្យាព័ត៌មាន គឺមាន​តែ​ចំនួន១០ភាគរយប៉ុណ្ណោះ ខណៈនិស្សិតចាប់យក​ជំនាញ​ធុរកិច្ច​ ដូចជា​គណនេយ្យ សេដ្ឋកិច្ច ធនាគារ ហិរញ្ញវត្ថុ គ្រប់គ្រង មាន​រហូត​ដល់ ៤២ភាគរយ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកា​សសិក្សាជំនាញបច្ចេកទេស និង​វិជ្ជាជីវៈ ឥតគិតថ្លៃ នៅ​វិទ្យាស្ថានពហុបច្ចេកទេស​ខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 10/02/2025

វិទ្យាស្ថានពហុបច្ចេកទេស​ខេត្ត​បន្ទាយមានជ័យ បានប្រកាសផ្តល់អាហារូបករណ៍​ចំនួន ៩៩០កន្លែង សម្រាប់ការ​សិក្សាជំនាញបច្ចេកទេស និងវិជ្ជាជីវៈ ដោយ​ឥតបង់ថ្លៃដល់ប្រជាពលរដ្ឋ យុវជន យុវនារី កម្មករ កម្មការិនី និង​ជនចំណាកស្រុក​ដែល​មក​ពី​គ្រួសារក្រីក្រ...

វិទ្យាស្ថានពហុបច្ចេកទេសភូមិភាគតេជោសែនសៀមរាបប្រកាស​ផ្ដល់អាហារូបករណ៍កម្រិតសញ្ញាបត្រជាន់ខ្ពស់បច្ចេកទេស​ជាច្រើន​កន្លែងសម្រាប់យុវជន

ព័ត៌មានអាហារូបករណ៍, ព្រឹត្តិការណ៍

• 05/08/2025

វិទ្យាស្ថានពហុបច្ចេកទេសភូមិភាគតេជោសែនសៀមរាប ប្រកាសផ្ដល់អាហារូបករណ៍១០០% ជាច្រើនកន្លែងសម្រាប់យុវជន យុវនារី និងសាធារណជន ចូលសិក្សាកម្រិតសញ្ញាបត្រជាន់ខ្ពស់បច្ចេកទេស រយៈពេល២ឆ្នាំ។

អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថានជាតិបណ្ដុះបណ្ដាលបច្ចេកទេសឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 18/09/2025

វិទ្យាស្ថានជាតិបណ្ដុះបណ្ដាលបច្ចេកទេស (NTTI) ផ្ដល់អាហារូបករណ៍ថ្នាក់បរិញ្ញាបត្រ និងកម្រិតសញ្ញាបត្រជាន់ខ្ពស់បច្ចេកទេស ចំនួន១០កន្លែង ក្រោមការឧបត្ថម្ភ និងគាំទ្រពី ឯកឧត្ដមអភិសន្តិបណ្ឌិត ស សុខា និង លោកជំទាវ កែ សួនសុភី ឆ្នាំសិក្សា២០២៥-២០២៦។

ឱកាសសិក្សាជំនាញវិជ្ជាជីវៈចំនួន៤០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 08/09/2023

វិទ្យាស្ថានពហុបច្ចេកទេសខេត្តបន្ទាយមានជ័យផ្ដល់ការសិក្សាឥតគិតថ្លៃជំនាញវិជ្ជាជីវៈចំនួន៤០កន្លែង នៅខេត្តបន្ទាយមានជ័យ ។ ការសិក្សាវគ្គបណ្ដុះបណ្ដាលនឹងចាប់ផ្ដើមចំនួន២វគ្គ ...

ឱកាសសម្រាប់អ្នកស្រាវជ្រាវ ៖ ស្ថានទូតបារាំងផ្តល់ «អាហារូបករណ៍ការផ្លាស់ប្តូរការស្រាវជ្រាវភាសាបារាំង ឆ្នាំ២០២៦»

ព័ត៌មានអាហារូបករណ៍, ព្រឹត្តិការណ៍

• 09/06/2026

សម្រាប់អ្នកស្រាវជ្រាវកម្ពុជា និងមានអាយុក្រោម ៤៥ ឆ្នាំ ដែលចង់ទៅបំពេញការស្រាវជ្រាវនៅប្រទេសបារាំង ពេលនេះស្ថានទូតបារាំងប្រចាំកម្ពុជាបានប្រកាសបើកទទួលពាក្យជាផ្លូវការសម្រាប់ វគ្គទី១ នៃកម្មវិធីផ្លាស់ប្តូរការស្រាវជ្រាវ...

អាហារូបករណ៍សិក្សា​ភាសាអង់គ្លេស​នៅ ACE ចំនួន ៣២កន្លែង

ព័ត៌មានអាហារូបករណ៍, ព្រឹត្តិការណ៍

• 02/07/2024

ក្នុង​ឱកាស​អបអរ​សាទរ​ខួបទី៣២ឆ្នាំ នៅ​កម្ពុជា មជ្ឈមណ្ឌល​អូស្រ្តាលី​សម្រាប់​ការ​បណ្តុះបណ្តាល បានប្រកាស​ផ្តល់​អាហារូបករណ៍​ដល់​សិស្ស​និស្សិត​ចំនួន​៣២នាក់។

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យបច្ចេកវិទ្យាប៉េកាំងឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 06/12/2024

តាមរយៈសាកលវិទ្យាល័យភូមិន្ទភ្នំពេញ បានប្រកាសអំពីអាហារូបករណ៍រដ្ឋាភិបាលចិន ដែល​នឹងជ្រើសរើសនិស្សិតកម្ពុជាទៅបន្តការសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យាប៉េកាំង សម្រាប់ឆ្នាំសិក្សា២០២៥។

អាហារូបករណ៍ថ្នាក់ឧត្ដមសិក្សាពីរដ្ឋាភិបាលតួកគី ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 19/01/2024

ស្ថានទូតតួកគីប្រចាំនៅកម្ពុជាប្រកាសជូនដំណឹងអាហារូបករណ៍សិក្សាថ្នាក់ឧត្ដមសិក្សានៅប្រទេសតួកគីឆ្នាំសិក្សា២០២៤។ កម្មវិធីអាហារូបករណ៍ជាការផ្ដល់ជូនពីរដ្ឋាភិបាលតួកគីផ្ដល់...

អាហារូបករណ៍​ជំនាញវិជ្ជាជីវៈ នៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 06/02/2025

វិទ្យាស្ថានអភិវឌ្ឍន៍មុខជំនាញកម្ពុជា-ថៃ ប្រកាសជ្រើសរើស សិក្ខាកាម សិស្សានុសិស្ស និងសាធារណជន ចូលសិក្សាជំនាញវិជ្ជាជីវៈ និងបច្ចេកទេស ជាច្រើនកន្លែងសម្រាប់ការសិក្សាថ្នាក់បរិញ្ញាបត្របច្ចេកទេស (វិស្វករ) ថ្នាក់សញ្ញាបត្រជាន់ខ្ពស់បច្ចេកទេស...