ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កីឡាការិនីខ្មែរ-អាមេរិក ខាន់ ជេសា តំណាងឱ្យកីឡាករជម្រើសជាតិកម្ពុជា បានទទួលមេដាយប្រាក់ក្នុងការប្រកួតកីឡា Ju-Jutsu សម្រាប់វិញ្ញាសាប្រយុទ្ធ Women’s 52kg NE-WAZA GI ក្នុងព្រឹត្តិការណ៍កីឡាអាស៊ីអាគ្នេយ៍លើកទី៣២ ឆ្នាំ២០២៣ ។ កីឡាការិនីជេសាបានយកឈ្នះបីប្រកួតជាប់គ្នាលើកីឡាការិនីសិង្ហបុរី វៀតណាម និងថៃ មុនចាញ់កីឡាការិនីហ្វីលីពិននៅវគ្គផ្តាច់ព្រ័ត្រ ។
កន្លងទៅកីឡាការិនី ខាន់ ជេសា បានប្រកួតឈ្នះមេដាយមាសកម្រិតពិភពលោកជាច្រើនគ្រឿងលើប្រភេទកីឡា Ju-Jutsu និងធ្លាប់ប្រកួតតំណាងឱ្យប្រទេសកម្ពុជាពីរដង ហើយឈ្នះមេដាយមាសទាំងពីរដង ទី១ កីឡាអាស៊ីនៅប្រទេសឥណ្ឌូណេស៊ី និងទី២ កីឡាស៊ីហ្គេម លើកទី៣០ នៅប្រទេសហ្វីលីពីន ។
ទោះបីកីឡាការិនី ខាន់ ជេសា មិនទទួលបានមេដាយមាសក៏ពិតមែន ប៉ុន្តែកញ្ញាបាននិយាយថា ៖
“សម្រាប់ខ្ញុំកម្លាំងចិត្តអ្នកគាំទ្រមានតម្លៃលើសពីមេដាយ ហើយខ្ញុំពិតជាសុំទោសដែលមិនអាចបំពេញបំណងអ្នកគាំទ្រសម្រាប់វិញ្ញាសាដំបូង ប៉ុន្តែខ្ញុំនៅមានវិញ្ញាសាមួយទៀត ។”
សូមជម្រាបថា កីឡា Ju-Jutsu ឬ jiu-Jitsu មានប្រភពដើមពីប្រទេសជប៉ុន ដែលកីឡានេះផ្តោតលើការចាប់គៀកដៃគូរប្រកួត ហើយចាប់ឱបគៀបឱ្យណែនជាប់កុំឱ្យរើខ្លួនរួច ។ កីឡា Jiu-jitsu បានបង្កើតឡើងដំបូងដោយលោក Hisamori Tenenouchi ជនជាតិជប៉ុន ហើយបានបើកសាលាបង្ហាត់កីឡានេះជាផ្លូវការនៅឆ្នាំ១៩៥០ ៕
