ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ការផ្ដល់អាហារូបករណ៍សិក្សាសិល្បៈបានរួមចំណែកផ្ដល់ឱកាសដល់សិល្បករ សិល្បការិនីដែលមានក្ដីស្រមៃចង់រៀនផ្នែកសិល្បៈនឹងចែករំលែកចំណេះដឹងទៅកាន់អ្នកក្នុងសហគមន៍បន្តផងដែរ ។ នេះជាការលើកឡើងរបស់ឯកឧត្ដម គឹម ពីនន់ អនុរដ្ឋលេខាធិការក្រសួងវប្បធម៌ និងវិចិត្រសិល្បៈ ក្នុងកម្មវិធី «ជ័យលាភីអមតៈ» កាលពីថ្ងៃទី១៤ ខែឆ្នូ ឆ្នាំ២០២២ ។
ឯកឧត្ដម គឹម ពីនន់ មានប្រសាន៍ថា ឯកឧត្តមពិតជាមានក្ដីសោមនស្សរីករាយជាពន់ពេកនៅពេលបានឃើញសិល្បៈកម្ពុជាដ៏មានតម្លៃបានរីកចម្រើន មិនបាត់បង់ មិនសាបសូន្យ ក៏សូមកោតសរសើរចំពោះការខិតខំប្រឹងប្រែងមិនចេះរីងស្ងួតរបស់អង្គការសិល្បៈខ្មែរអមតៈដែលបានបង្កើតឱ្យមានកម្មវិធី ជ័យលាភីអមតៈនេះឡើង ។ រួមទាំងលើកទឹកចិត្ត និងគាំទ្រនូវសកម្មភាពកម្មវិធីអាហារូបករណ៍ និងមូលនិធិផ្សេងៗដែលអង្គការ និងដៃគូរសហការណ៍ផ្ដល់ឱកាសដល់បេក្ខជនមានឱកាសបានរៀនបន្តពីចាស់ព្រឹទ្ធាចារ្យ និងលោកគ្រូអ្នកគ្រូដើម្បីយកទៅបន្តវេនអ្នកជំនាន់ក្រោយ ។
កញ្ញា ម៉ៅ ស្រីឆ្នាស់ បេក្ខនារីម្នាក់ក្នុងចំណោមបេក្ខជនអាហារូបរកណ៍៤០នាក់ដែលទទួលបានអាហារូបករណ៍ និងមូលនិធិផ្សេងៗពីអង្គការសិល្បៈខ្មែរអមតៈ បានសម្ដែងចំណាប់អារម្មណ៍ថា កញ្ញាពិតជាសប្បាយចិត្ត និងថ្លែងអំណរគុណក្រៃលែងចំពោះអង្គការសិល្បៈខ្មែរអមតៈជាពិសេសលោក អាន ចន ផន ជាស្ថាបនិកអង្គការសិល្បៈខ្មែរអមតៈ ដែលបានផ្ដល់ឱកាសអាហារូបរកណ៍សិក្សារយៈពេល២ឆ្នាំ ។ កញ្ញា ម៉ៅ ស្រីឆ្នាស់ បញ្ជាក់ថា ដោយមានក្ដីស្រមៃបន្តវេនពីសាស្ត្រចារ្យ លោកគ្រូ អ្នកគ្រូបង្រៀនសិល្បៈខ្មែរ និងចង់ថែរក្សាកេរ្តិ៍តំណែលសិល្បៈថ្លៃថ្នូរឱ្យបានគង់វង្ស ទើបកញ្ញាសម្រេចចិត្តស្នើពាក្យអាហារូបករណ៍នេះ ។
ក្នុងនាមជាបេក្ខភាពអាហារូបករណ៍ម្នាក់ យុវតីមកពីខេត្តប៉ៃលិនរូបនេះបានបង្ហាញក្តីសម័យថា នៅថ្ងៃអនាគតកញ្ញាចង់អភិវឌ្ឍន៍ខ្លួនឱ្យក្លាយជាគ្រូបង្ហាត់ដ៏ជំនាញម្នាក់ និងជាអ្នកបង្កើតសមាគមន៍តូចមួយក្នុងខេត្តប៉ៃលិនសម្រាប់បង្ហាត់បង្រៀនកុមារ យុវជន យុវតីព្រមទាំងអ្នកដែលស្រលាញ់សិល្បៈទាំងអស់ ។ កញ្ញា ម៉ៅ ស្រីឆ្នាស់ បានបន្តថា ប្រសិនបើកញ្ញាអាចបង្កើតសហគន៍នេះបាន កញ្ញាបានចូលរួមជាចំណែកមួយក្នុងការថែរក្សា និងអភិរក្សវប្បធម៌ ថែមទាំងកាត់បន្ថយការទៅសិក្សាឆ្ងាយពីស្រុកខេត្តរបស់សិស្សនៃខេត្តប៉ៃលិនដែលចង់សិក្សាសិល្បៈ ក្នុងការសម្រេចក្ដីស្រមៃរបស់ពួកគាត់ ។
ជាមួយគ្នានេះដែរ អនុរដ្ឋលេខាធិការ ក្រសួងវប្បធម៌ និងវិចិត្រសិល្បៈឯកឧត្តម គឹម ពីនន់ សូមលើកទឹកចិត្ត និងបង្ហាញក្ដីគាំទ្រដល់សកម្មភាពផ្ដល់ឱកាសមួយនេះឱ្យនៅតែបន្តមានជារៀងរាល់ឆ្នាំ និងបន្តបន្ទាប់ដើម្បីអ្នកស្រលាញ់សិល្បៈមានឱកាសសិក្សាកាន់តែច្រើនក្នុងការសិក្សា និងអ្នកបន្តវេនមិនឱ្យសិល្បៈ វប្បធម៌បាត់បង់ និងរួមជាមួយការប្ដេជ្ញាចិត្តរបស់បេក្ខភាពអាហារូបករណ៍ផងដែរ ៕
