រដ្ឋមន្រ្តីក្រសួងសុខាភិបាល អំពាវនាវឱ្យពលរដ្ឋការពារសុខភាព ខណៈ​ករណី​អ្នក​កើតជំងឺទឹកនោមផ្អែមកើនឡើង

ក្នុង​ឱកាស​ចូលរួម​វេទិកា​ស្តីពី “ស្ថានភាពសុខាភិបាល​កម្ពុជា ៖ បញ្ហា​ប្រឈម និង​ឱកាស” កាលពីពេលថ្មីៗនេះ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានធ្វើ​ការ​អំពាវនាវ​​ឱ្យ​ប្រជាពលរដ្ឋ​កម្ពុជា​គ្រប់រូប ប្តេជ្ញាចិត្ត​ក្នុងការ​ការពារ​សុខភាពពីជំងឺទឹកនោមផ្អែម ក្រោយ​របាយការណ៍​បាន​បង្ហាញថា ករណីជំងឺទឹកនោម​ផ្អែម​នៅ​កម្ពុជា បានកើនឡើង​គួរ​ឱ្យកត់សម្គាល់។

របាយការណ៍ថ្មីៗ ចេញផ្សាយ​ដោយ​ក្រសួងសុខាភិបាលបានបង្ហាញថា គិត​ពីខែសីហា ឆ្នាំ​២០២៣ ដល់ខែកក្កដា ឆ្នាំ​២០២៤ ករណីពិគ្រោះជំងឺក្រៅ​ទឹកនោមផ្អែមគឺមានចំនួន ១៩០ ៩៥៧ករណី ចំនួននេះមានការកើនឡើង ៥៧,២% បើធៀបនឹងឆ្នាំ២០២២ ដែលមានចំនួន ១២១ ៤៤០ករណី ។ សម្រាប់ករណីអ្នក​ជំងឺទឹកនោមផ្អែមដែល​ត្រូវ​សម្រាកនៅមន្ទីរពេទ្យវិញ ក៏​​បាន​កើន​ឡើង​ចំនួន ៣៤,៦% ឬពី ១១ ០២០នាក់ ទៅ ១៤ ៨៣៧នាក់ ក្នុងរយៈពេល​ដូចគ្នានេះដែរ។

គ្រូពេទ្យអប់រំប្រជាពលរដ្ឋពីបញ្ហាសុខភាពនៅមណ្ឌលសុខភាពមួយកន្លែង

ដោយឡែក​ករណីជំងឺឡើងសម្ពាធឈាម ឬជំងឺលើសឈាម ក៏រក​ឃើញ​ថា មានការកើនឡើងដែរ ពោលគឺពី ៣១៩ ៦១០ករណី ទៅ ៣៦៦ ១៥៧ករណី ពីខែសីហា ឆ្នាំ២០២៣ ដល់ខែកក្កដា ឆ្នាំ២០២៤ ធៀបនឹង​រយៈពេល​ដូចគ្នា​ពីខែសីហា ឆ្នាំ២០២២ ដល់ខែកក្កដា ឆ្នាំ២០២៣ ។ ហើយ​អ្នកជំងឺ​ឡើងសម្ពាធឈាន​ដែលចូលសម្រាកនៅមន្ទីរពេទ្យ​បានកើន ពី ២៤ ២៩២នាក់ ទៅ ៣០ ៣៩៧នាក់ ក្នុងរយៈពេល​ដូចគ្នា។

តាមរយៈ​តួលេខនៃរបាយការណ៍ខាងលើនេះ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានអំពាវនាវដល់ប្រជាពលរដ្ឋម្នាក់ៗ ត្រូវការពារខ្លួនឱ្យបាន ដើម្បីកុំឱ្យជួបប្រទះបញ្ហាសុខភាពដោយសារជំងឺទឹកនោមផ្អែម។ ជាពិសេស ដាក់ការប្ដេជ្ញាចិត្តនេះ តាំងពីវ័យនៅមិនទាន់មានបញ្ហាសុខភាពឡើងទៅ។

រដ្ឋមន្រ្តីក្រសួងសុខាភិបាលមានប្រសាសន៍ថា សុខភាព ស្ថិតក្នុងជម្រើសរបស់ប្រជាពលរដ្ឋ អ្នកជំងឺ និងក្រុមគ្រួសារ ដែលទាមទារការពន្យល់ និងសម្រេចចិត្តឱ្យបានសមស្រប។

ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល

ជំងឺទឹកនោមផ្អែម ត្រូវ​បានចាត់ទុកគឺជាបញ្ហា​សុខភាពសាធារណៈធ្ងន់ធ្ងរនៅលើពិភពលោក ដោយ​បានធ្វើ​ឱ្យ​មនុស្ស​ប្រមាណ ១លាន៥សែននាក់​ស្លាប់ជារៀងរាល់ឆ្នាំ។ បើតាមលោកវេជ្ជបណ្ឌិត លី រតនា ឯកទេសព្យាបាលជំងឺទូទៅ នៃមន្ទីរពេទ្យជាតិ តេជោសន្តិភាព ជំងឺទឹកនោមផ្អែមត្រូវ​បានចែកចេញជាពីរ គឺ ជំងឺទឹកនោមផ្អែមប្រភេទទី១ និង​ជំងឺទឹកនោមផ្អែម​ប្រភេទទី២។ ជំងឺទឹកនោមផ្អែម​ប្រភេទទី១ គឺកើតឡើងដោយសារលំពែងបាត់បង់សមត្ថភាពផលិតអាំងស៊ុយលីន ដែលជាអរម៉ូនរក្សាតុល្យភាពជាតិស្ករក្នុងរាងកាយ ចំណែកប្រភេទទី២ គឺកើតឡើងដោយសារបញ្ហាធាត់លើសទម្ងន់ តាមរយៈការបរិភោគជាតិស្ករច្រើន ជាតិខ្លាញ់ច្រើន ក្នុងរយៈពេលយូរដែលជាកត្តាជំរុញឱ្យកើតជំងឺទឹកនោមផ្អែម។

លោកវេជ្ជបណ្ឌិត លី រតនា បន្ថែមថា ប្រសិនបើប្រជាជនកម្ពុជាប្រឈមនឹងជំងឺទឹកនោមផ្អែមច្រើន អាចជួបប្រទះបញ្ហាចំនួន២ ទី១.អ្នកជំងឺនឹងក្លាយជាបន្ទុកគ្រួសារ នាំឱ្យបាត់ផលិតភាពការងារ បាត់បង់ប្រាក់ចំណូលផ្គត់ផ្គង់គ្រួសារ និងទី២. អ្នកជំងឺក្លាយជាបន្ទុករដ្ឋ ដោយសារបាត់បង់កម្លាំងពលកម្ម នាំឱ្យសេដ្ឋកិច្ចធ្លាក់ចុះ ហើយរដ្ឋាភិបាលត្រូវចំណាយថវិកាដើម្បីព្យាបាល។

លោកវេជ្ជបណ្ឌិត លី រតនា ឯកទេសព្យាបាលជំងឺទូទៅ នៃមន្ទីរពេទ្យជាតិ តេជោសន្តិភាព

យ៉ាងណាក៏ដោយ លោកវេជ្ជបណ្ឌិតបានលើកទឹកចិត្តដល់ប្រជាពលរដ្ឋគ្រប់រូប ពិសេសយុវជនដែលពុំទាន់មានបញ្ហាសុខភាពណាមួយ ត្រូវគិតគូរថែរក្សាសុខភាព ក្នុងនោះទី១.ត្រូវធ្វើលំហាត់ប្រាណ ៣ថ្ងៃក្នុងមួយសប្ដាហ៍ (ម្តងៗកន្លះម៉ោង) ដូចជា ដើរ រត់ ជិះកង់ជាដើម, ទី២. ទទួលទានរបបអាហារឱ្យបានត្រឹមត្រូវ ដោយកម្រិតជាតិស្ករ អំបិល ខ្លាញ់ ក្នុងបរិមាណតិច និងទី៣. ការជំរុញផ្សព្វផ្សាយ ពីតួអង្គពាក់ព័ន្ធ អំពីវិធានការការពារជំងឺមិនឆ្លង ដើម្បីឱ្យប្រជាជនបានដឹងច្បាស់អំពីការថែរក្សាសុខភាព។

បើតាមលោកវេជ្ជបណ្ឌិត លី រតនា របបអាហារ ជាកត្តាសំខាន់អាចជួយឱ្យជៀសផុតពីជំងឺមិនឆ្លង រួមមាន ជំងឺលើស​សម្ពាធឈាម ជំងឺមហារីក ជំងឺបេះដូង ជំងឺដាច់សរសៃឈាមខួរក្បាល និងជំងឺទឹកនោមផ្អែម។ លោកថា កាលណាប្រជាពលរដ្ឋ យល់ដឹងអំពីការទទួលទានអាហារសមស្រប នឹងកាត់បន្ថយហានិភ័យនៃជំងឺមិនឆ្លង ជាសេសជំងឺទឹកនោមផ្អែម។

តាម​របាយការណ៍​របស់អង្គការ​សុខភាពពិភពលោក នៅឆ្នាំ២០២១ អ្នកកើតជំងឺទឹកនោមផ្អែម​នៅទូទាំង​ពិភពលោក​មានសរុបប្រមាណ ៥៣៧លាននាក់ ហើយ​គេ​បានធ្វើការ​ប៉ាន់ប្រមាណថា វាអាច​នឹង​កើនឡើង​ដល់ ៧៨៣លាននាក់ នៅក្នុងឆ្នាំ​២០៤៥ ពោលគឺនៅពេលនោះមនុស្សម្នាក់ ក្នុងចំណោម​៨នាក់ អាច​នឹងកើតជំងឺនេះ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ ASEAN-India Fellowship in Agriculture and Allied Sciences ថ្នាក់ឧត្តមសិក្សា ឆ្នាំ២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 02/07/2025

សម្រាប់អ្នកដែលចង់ទទួលបានអាហារូបករណ៍ទៅលើជំនាញកសិកម្ម ឥឡូវនេះ ASEAN-India Fellwoship for Higher Education in Agriculture and Allied Sciences កំពុងតែបើកឱកាស ផ្ដល់អាហារូបករណ៍។

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន៣៥០កន្លែងនៅប្រទេសបារាំង ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 08/10/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធី The Frience Eiffel Excellence Scholarship ចំនួន៣៥០កន្លែងឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាស្រាវជ្រាវ ផ្នែកវិទ្យាសាស្ត្រនិងបច្ចេកវិទ្យា និងផ្នែកមនុស្សសាស្ត្រ...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Prince of Songkla ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 29/04/2025

មហាវិទ្យាល័យវិទ្យាសាស្ត្រ នៃសាកលវិទ្យាល័យ Prince of Songkla ប្រកាសជ្រើសរើសនិស្សិតនិស្សិតបរទេស​ក្នុងការ​សិក្សាតាមរយៈអាហារូបករណ៍ថ្នាក់ឧត្ដមសិក្សាឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...

ឱកាសសិក្សានៅសាកលវិទ្យាល័យធនធានមនុស្សចំនួន៤៥កន្លែងពីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 10/11/2023

ឱកាសសិក្សាអាហារូបករណ៍ថ្នាក់បរិញ្ញបត្ររង និងថ្នាក់បរិញ្ញាបត្រនៅសាកលវិទ្យាល័យធនធានមនុស្សចំនួន៤៥កន្លែង ពីកម្មវិធីអាហារូបករណ៍អភិសន្តិបណ្ឌិត.....

អាហារូបករណ៍ Leading Professionals in Asia Countries ថ្នាក់បណ្ឌិត ឆ្នាំសិក្សា២០២៦ នៅសាកលវិទ្យាល័យ Nagoya ប្រទេសជប៉ុន

ព័ត៌មានអាហារូបករណ៍, ព្រឹត្តិការណ៍

• 25/12/2025

កម្មវិធីអាហារូបករណ៍ Leading Professionals in Asia Countries កំពុង​ប្រកាសពីការផ្តល់អាហារូបករណ៍ដល់​មន្រ្តីរាជការ ឬបុគ្គល​ដែលស្ថិត​នៅ​ក្នុង​តំណែងជាថ្នាក់ដឹកនាំក្នុង​បណ្តា​ប្រទេស​ក្នុង​តំបន់អាស៊ីអាគ្នេយ៍...

អាហារូបករណ៍រយៈពេល៦ខែនៅសាកលវិទ្យាល័យ Hiroshima សម្រាប់និស្សិតមហាវិទ្យាល័យទន្តវទនសាស្ត្រ

ព័ត៌មានអាហារូបករណ៍, ព្រឹត្តិការណ៍

• 03/06/2024

ឱកាសសិក្សាអាហារូបករណ៍រយៈពេល៦ខែសម្រាប់និស្សិតមហាវិទ្យាល័យទន្តវទនសាស្ត្រនៃសាកលវិទ្យាល័យវិទ្យាសាស្ត្រសុខាភិបាល(ស.វ.ស)...

អាហារូបករណ៍សិក្សាវគ្គខ្លីថ្នាក់ Full-Stack Development នៅ ADITI Academy

ព័ត៌មានអាហារូបករណ៍, ព្រឹត្តិការណ៍

• 17/10/2025

ឱកាសសិក្សាអាហារូបករណ៍វគ្គខ្លីថ្នាក់ Full-Steak Development រយៈពេល៤ខែ នៅ ADITI Academy សម្រាប់ឆ្នាំសិក្សាថ្មី។ អាហារូបករណ៍គាំទ្រ​ដោយ​ធនាគារវីង ផ្ដល់ជូន ១០០% ចំនួន ៣០កន្លែង ៨០% ចំនួន១០កន្លែង និង ៧០% ចំនួន ១០កន្លែង។

អាហារូបករណ៍ ស សុខា ១០០កន្លែងនៅសាកលវិទ្យាល័យអាយអាយស៊ី នៃបច្ចេកទេស ឆ្នាំ២០២២-២០២៣

ព័ត៌មានអាហារូបករណ៍, ព្រឹត្តិការណ៍

• 18/01/2023

ឱកាសទទួលបានអាហារូបករណ៍សម្រាប់​សិក្សាថ្នាក់បរិញ្ញាបត្រនៅសាកលវិទ្យាល័យអាយអាយស៊ី នៃបច្ចេកទេស ចំនួន១០០កន្លែង សម្រាប់ឆ្នាំសិក្សា២០២២-២០២៣...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ នៃប្រទេសអាល្លឺម៉ង់ ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 28/07/2023

ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់MBA នៅសាកលវិទ្យាល័យអន្តរជាតិ (International University) នៃប្រទេសអាល្លឺម៉ង់ក្នុងសិក្សា២០២៣-២០២៤ ។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *