ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ការផ្តល់ភាពអង់អាចដល់យុវជន ស្ដីអំពីការអប់រំ ការងារ សិទ្ធ និងសុខភាពបន្តពូជ គឺជាប្រធានបទសំខាន់សម្រាប់ក្មេងជំទង់ និងយុវជនដែលចាំបាច់ត្រូវយល់ដឹងបន្ថែមទៀត ព្រោះថា បញ្ហានេះមានឥទ្ធិពលពេញមួយជីវិតរបស់ពួកគេ និងជាមូលដ្ឋានគ្រឹះនៃការអភិវឌ្ឍប្រកបដោយចីរភាព។ នេះជាប្រសាសន៍ លើកឡើងរបស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមសភាកម្ពុជា ដើម្បីប្រជារាស្រ្ត និងការអភិវឌ្ឍ (CAPPD)។
លោកជំទាវសង្គហបណ្ឌិតបន្ថែមថា យើងបានដឹងច្បាស់ពីសារៈប្រយោជន៍នៃការអប់រំ និងការផ្តល់ជាពុទ្ធិ និងបណ្តុះជាគំនិតសម្រាប់ការអភិវឌ្ឍសមត្ថភាពរបស់ខ្លួន និងការត្រៀមខ្លួនសម្រាប់ការចាប់យក និងផ្គូផ្គងអាជីពការងារសមស្របផងដែរ។ ជាមួយគ្នា ការយល់ដឹងទូលំទូលាយ អំពីសុខភាព ជាពិសេសសុខភាពផ្លូវភេទ សុខភាពបន្តពូជ និងសិទ្ធ គឺជួយឱ្យយុវជនក្លាហាននិយាយអំពីសុខភាពផ្លូវភេទក្នុងការបង្ការហានិភ័យ ដែលអាចកើតមាន ហើយអាចផ្តល់ផលប៉ះពាល់ ទៅដល់ការសិក្សា និងអនាគតរបស់ខ្លួន។
“ស្របពេលនេះដែរ ការយល់ដឹងទូលំទូលាយពីសុខភាព ជាពិសេសសុខភាពផ្លូវភេទ សុខភាពបន្តពូជ និងសិទ្ធិជាកាតាលីករមួយដ៏សំខាន់ដើម្បីជួយដល់យុវជនក្នុងការបង្ការហានិភ័យសុខភាពផ្លូវភេទ ដែលអាចកើតមានហើយអាចផ្តល់ផលប៉ះពាល់ទៅដល់ ការសិក្សា និងអនាគតរបស់ខ្លួន”
លោកជំទាវសង្គហបណ្ឌិត ម៉ែន សំអន ។
ជាមួយគ្នានេះ លោកជំទាវក៏បានរំឭកផងដែរថា វិស័យសុខាភិបាល ស្ថានភាពសុខភាពប្រជាពលរដ្ឋ និងការផ្តល់សេវាថែទាំសុខភាពប្រកបដោយគុណភាព សុវត្ថិភាព ស័ក្តិសិទ្ធិភាព និងសមធម៌ជាអាទិភាពចម្បងដែលជានិច្ចកាលតែងផ្តោតលើការពង្រីកការគ្របដណ្តប់នៃសេវាសុខភាព និងអន្តរាគមន៍សុខភាពសាធារណៈ តាមរយៈកម្មវិធីសុខភាពបន្តពូជសុខភាពផ្លូវភេទ សុខភាពមាតាទារក កុមារ កម្មវិធីអាហារូបត្ថម្ភ និងការប្រយុទ្ធនឹងជំងឺឆ្លងនិងជំងឺមិនឆ្លង។
ប្រធាន (CAPPD) បន្តថា ក្នុងរយៈពេលជាងពីរទសវត្សរ៍នៃការអនុវត្តយុទ្ធសាស្រ្តត្រីកោណ ចតុកោណ និងផែនការអភិវឌ្ឍយុទ្ធសាស្រ្តជាតិធនធានមនុស្ស និងសុខុមាលភាពប្រជាជន នៅតែបន្តជាអាទិភាពរបស់រាជរដ្ឋាភិបាល។ ហើយគោលនយោបាយជាតិស្ដីពីការអនុវត្តយុវជនកម្ពុជានេះក៏បានកំណត់អាទិភាពចំនួនបួនរួមមាន៖ ទី១.ការអប់រំ ទី២.សុខភាព និងសុខុមាលភាព ទី៣.ការងារ និងឱកាស និងទី៤ ការចូលរួមរបស់ស្ថាប័នក្នុងការសម្របសម្រួល។
លោកជំទាវ លើកទឹកចិត្តឱ្យមានគំនិតផ្តួចផ្តើម កាន់តែមានការចូលរួម ប្រកបដោយអត្ថន័យត្រូវបានរៀបចំជាបន្តបន្ទាប់។ សមាគម សមាជិកសភាពកម្ពុជាដើម្បីប្រជាជាតិ និងការអភិវឌ្ឍ ប្តេជ្ញានឹងបន្តគាំទ្រ និងរួមចំណែកនៅក្នុងរបៀបវារៈ កិច្ចការអភិវឌ្ឍនៅការផ្តល់ភាពអង់អាចដល់យុវជន និងការអភិវឌ្ឍប្រកបដោយចីរភាព៕
