ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សៀវភៅមួយសហគមន៍មួយ គ្រោងនឹងផ្តល់កាដូជាសៀវភៅរាប់រយក្បាលជំនួសឱ្យបាច់ផ្កា ដល់យុវជនចាប់ពីថ្ងៃទី១៤ ដល់ថ្ងៃទី១៦ ខែកុម្ភៈ នៅក្នុងឱកាសពិព័រណ៌សៀវភៅ និងក្តីស្រឡាញ់ ឯផ្សារទំនើបឡាក់គី ផាវីលៀន ម៉ល ដើម្បីជំរុញការចែករំលែកក្ដីស្រឡាញ់ក្នុងថ្ងៃនៃក្ដីស្រឡាញ់។
លោក សុក ឡាក់ តំណាងអ្នករៀបចំព័រណ៍សៀវភៅ និងក្តីស្រលាញ់ មានប្រសាសន៍ថា ពិព័រណ៍សៀវភៅ និងក្តីស្រលាញ់ ជាកម្មវិធីមួយនៅក្នុងចំណោមកម្មវិធីជាច្រើនរបស់យុទ្ធនាការសៀវភៅមួយសហគមន៍មួយ ដែលរៀបចំឡើងក្នុងគោលបំណងបញ្រ្ជាបការអាននៅតាមសហគមន៍គ្រប់ទម្រង់ ពិសេសនៅថ្ងៃនៃក្ដីស្រឡាញ់ ហើយអ្វីដែលយើងចង់ឃើញ គឺមនុស្សអាចផ្ដល់ក្ដីស្រឡាញ់តាមរយៈសៀវភៅ ក្នុងរូបភាពផ្ដល់កាដូជាសៀវភៅទៅដល់អ្នកជាទីស្រឡាញ់ ដូចជាឪពុកម្ដាយ បងប្អូន ឬមិត្តភក្ដិជាដើម។
តំណាងអ្នករៀបចំព័រណ៍សៀវភៅ និងក្តីស្រលាញ់ រូបនេះ បន្ថែមថា តាមរយៈកម្មវិធីនេះ ក្រុមការងារសៀវភៅមួយសហគមន៍មួយ រំពឹងថា ប្រជាជនខ្មែរ ជាពិសេសយុវជននឹងមានទម្លាប់អាន ក៏ដូចជាមានវប្បធម៌ខ្ពង់ខ្ពស់ លើកតម្កើងអ្នកចេះដឹង សម្បូរអ្នកចេះដឹងកាន់តែច្រើនក្នុងសង្គម ប្រកបដោយសេចក្ដីថ្លៃថ្នូរ។ ពិសេស មានបរិបទថ្មី គឺយកសៀវភៅជាកាដូជំនួសផ្កា ទៅមនុស្សជាទីស្រឡាញ់។
បើតាម លោក សុខ ឡាក់ ពិព័រណ៍សៀវភៅ និងក្តីស្រលាញ់ នឹងមានសកម្មភាពជាច្រើនដែលសាធារណៈជនអាចចូលរួមបានដោយសេរី ដូចជា ការតាំងពិព័រណ៍សៀវភៅ ចែកសៀវភៅហ្រ្វីៗរាប់រយក្បាល ស្តង់សៀវភៅ និងការលក់បញ្ចុះតម្លៃ វេទិកាចែករំលែកបទពិសោធន៍ សួនអំណាន សកម្មភាពសិក្ខាសាលា និងការបរិច្ចាគសៀវភៅ។ ក្រៅពីនោះ មានកម្មវិធីគូសគំនូរ ធ្វើទាន តាំងពិព័រណ៍គំនូរ និងកម្មវិធីសប្បាយៗផ្សេងៗទៀត៕
