ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ព្រឹត្តិការណ៍ នៃការប្រកួតកីឡាអាស៊ីអាគ្នេយ៍លើកទី៣២ ដែលកម្ពុជាធ្វើជាម្ចាស់ផ្ទះ ប្រព្រឹត្តទៅចាប់ពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣ ធ្វើឱ្យកម្ពុជាទទួលបាននូវលទ្ធផលធំៗចំនួន៩។ នេះបើតាមការលើកឡើងរបស់លោកបណ្ឌិត យ៉ង់ ពៅ អគ្គលេខាធិការរាជបណ្ឌិត្យសភាកម្ពុជា។
បើតាមការបញ្ជាក់របស់លោកបណ្ឌិត យ៉ង់ ពៅ លទ្ធផលទាំង៩ដែលកម្ពុជាទទួលបានពីការរៀបចំព្រឹត្តិការណ៍ស៊ីហ្គេមនោះរួមមាន ៖
១- កម្ពុជាទទួលបានជោគជ័យពិត ភាពជាម្ចាស់ផ្ទះ (សម្រេចគោលដៅ) ផ្តល់ជូនភាពរីករាយ សុខសុវត្ថិភាព សណ្តាប់ធ្នាប់ល្អ …
២- កម្ពុជាទទួលបានជោគជ័យពិត បានបង្កើតប្រវត្តិសាស្ត្រថ្មីរបស់កម្ពុជា ឈលេខរៀងទី៤ មេដាយ ២៨២ (មាស ៨១ ប្រាក់ ៧៤សំរិទ្ធ ១២៧) និង បានបង្កើតប្រវត្តិសាស្ត្រថ្មីសម្រាប់ SEA GAMES ដែលកន្លងមកគ្មានប្រទេសណាធ្វើបានដូចកម្ពុជា
៣- កម្ពុជាទទួលបានជោគជ័យពិត ពីបេះដូង និងសមាណចិត្តប្រជាជនកម្ពុជាខ្លួនឯងផ្ទាល់
៤- កម្ពុជាទទួលបានជោគជ័យ បានបង្ហាញពីសមត្ថភាពពិតរបស់កម្ពុជា ទាំងសមត្ថភាពរៀបចំ និងសម្តត្ថភាពកីឡាករ
៥- បានបង្កើតភាពអស្ចារ្យផ្សេងៗ ចេញពីកីឡា ទាញចំណាប់អារម្មណ៍ពីពិភពលោក (ការរត់ក្រោមតំណក់ទឹកភ្លៀង របស់ ប៊ូ សំណាង…)
៦- ស្មារតីពិតរបស់ខ្មែរ គឺស្មារតីនៃប្រជាជាតិមានបេះដូងទូលាយ រួសរាយ អត់ធ្មត់ កាយវិការប្រជាជាតិថ្លៃថ្នូរ
៧- តម្លៃពិតនៃសន្តិភាព កីឡារស់ក្នុងសន្តិភាព
៨- ការចំណាយកញ្ចប់ថវិកា (ដែលមិនគិតថ្លៃផ្សេងៗ) ពិតជាទទួលបានមកវិញនូវការនឹកស្មានមិនដល់ និងជាការចងចាំគ្មានពីរ នៃព្រឹត្តិការណ៍ដ៏អស្ចារ្យ ព្រោះថាក្នុងពេលតែមួយ ការផ្សាយចេញពីភាពអស្ចារ្យកម្ពុជា ពិតជាច្រើនករណី ច្រើនសារព័ត៌មានទាំងអាជីព និងបណ្តាញសង្គមរាប់ម៉ឺន…
៩- ជោគជ័យបំផុតមួយទៀត ការទទួលស្គាល់ ល្បីសុះសាយ នៃកីឡាគុណខ្មែរ និងល្បុក្កតោ។
គួរបញ្ជាក់ថា ព្រឹត្តិការណ៍ នៃការប្រកួតកីឡាអាស៊ីអាគ្នេយ៍លើកទី៣២ បានបិទបញ្ចប់កាលពីយប់ថ្ងៃទី១៧ ខែឧសភា ឆ្នាំ២០២៣ ហើយប្រទេសដែលនឹងទទួលធ្វើជាម្ចាស់ផ្ទះបន្ទាប់ នៃការប្រកួតកីឡាអាស៊ីអាគ្នេយ៍លើកទី៣៣ គឺប្រទេសថៃ ដោយគេគ្រោងនឹងរៀបចំធ្វើនៅទីក្រុងបាងកក ខេត្តឈុនបុរី និងខេត្តសុងខ្លា នាខែធ្នូ ឆ្នាំ២០២៥៕
