ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- អ្នកជំនាញកម្ពុជាអប់រំចាត់ទុកការពង្រឹងគុណភាពគ្រូបង្រៀនជាចំណុចពង្រឹងប្រព័ន្ធអប់រំឱ្យមានគុណភាព ។ ទន្ទឹមគ្នានេះ បើសិនមិនមានគ្រូបង្រៀនល្អ នោះមិនអាចធ្វើឱ្យប្រព័ន្ធអប់រំ ឬសិស្សក្លាយជាធនធានមនុស្សបន្តបានឡើយ។ ការលើកឡើងបែបនេះនៅក្នុងឱកាសអនុស្សារណៈយោគយល់គ្នារវាងមជ្ឈមណ្ឌលស្រាវជ្រាវគរុកោសល្យជំនាន់ថ្មី នៃវិទ្យាស្ថានជាតិអប់រំ និងសាលារៀនបញ្ញវន្តអង្គរ កាលពីថ្ងៃទី២៥ ខែមេសា ឆ្នាំ២០២២កន្លងទៅ។
លោក កាង សុងឆាយ អគ្គនាយក និងជាប្រធាននាយកប្រតិបត្តិ នៃសាលារៀនបញ្ញវន្តអង្គរ បន្ថែមថា សាលារៀនបញ្ញវន្តអង្គរបានប្រឈមមុខនឹងការលំបាកជាច្រើន ព្រោះមានបំណងនាំមុខក្នុងការផ្លាស់ប្ដូរកម្មវិធីអប់រំតាមរយៈការបណ្ដុះ និងបំពាក់បំប៉នបន្ថែមទៅលើធនធានមនុស្សដែលជាគ្រូបង្រៀន។
លោក កាង សុងឆាយ អគ្គនាយក
“យើងបានស្រាវជ្រាវនូវគំនិតថ្មីៗសម្រាប់អភិវឌ្ឍបន្ថែម និងស្រាវជ្រាវគំនិតខុសឆ្គងមួយចំនួនដែលកើតមានពីអតីតកាលនៅក្នុងប្រព័ន្ធអប់រំ”
អគ្គនាយក និងជាប្រធាននាយកប្រតិបត្តិ នៃសាលារៀនបញ្ញវន្តអង្គរ បញ្ជាក់បន្ថែមថា ដោយឃើញផលលំបាករបស់ខ្លួនពាក់ព័ន្ធជាមួយការបណ្ដុះបណ្ដាលធនធានមនុស្សដែលជាគ្រូបង្រៀន សាលារៀនបញ្ញាវន្តអង្គរបានសហការជាមួយមជ្ឈមណ្ឌលស្រាវជ្រាវគរុកោសល្យជំនាន់ថ្មី នៃវិទ្យាស្ថានជាតិអប់រំ ដើម្បីរួមគ្នាអភិវឌ្ឍវិស័យអប់រំតាមរយៈការបណ្ដុះធនធានគ្រូបង្រៀន។
ឯកឧត្តមបណ្ឌិតសភាចារ្យ ច័ន្ទ រ័ត្ន ប្រធានមជ្ឈមណ្ឌលស្រាវជ្រាវគរុកោសល្យជំនាន់ថ្មី នៃវិទ្យាស្ថានជាតិអប់រំ និងជាប្រធានសមាគមន៍អ្នកគណិតវិទ្យាកម្ពុជា មានប្រសាសន៍ថា មជ្ឈមណ្ឌលស្រាវជ្រាវគរុកោសល្យជំនាន់ថ្មី មានគោលបំណងបំពេញតម្រូវការធនធានមនុស្ស ដែលក្រសួងអប់រំបានធ្វើកំណែទម្រង់លើវិស័យអប់រំ រួមមាន ការបណ្តុះបណ្តាលពង្រឹងគុណវុឌ្ឍរបស់គ្រូបង្រៀន ដោយបើកទូលាយមិនត្រឹមតែគ្រូនៅស្ថាប័នសាធារណៈទេ បើកទូលាយដល់ស្ថានប័នឯកជនផងដែរ ព្រោះការចូលរួមអភិវឌ្ឍន៍ធនធាននេះទាមទារឱ្យស្ថាប័នសាធារណៈ និងឯកជនសហការគ្នា។
ឯកឧត្តមបណ្ឌិតសភាចារ្យ ច័ន្ទ រ័ត្ន
“ការចុះអនុស្សារណៈជាមួយវិស័យឯកជន យើងសូមស្វាគមន៍ ព្រោះចំណេះដឹងដែលយើងមាន និងបានរៀបចំបណ្តុះបណ្តាលនៅមជ្ឈមណ្ឌលនេះ គឺចង់ផ្សព្វផ្សាយឱ្យបានទូលំទូលាយនៅទូទាំងប្រទេស”
ឯកឧត្តមបណ្ឌិតសភាចារ្យ បញ្ជាក់បន្ថែមថា ការពង្រឹងគុណភាពអប់រំដែលចាប់ផ្តើមពីស្ថានប័ន និងស្ថាប័ន ជាគំរូដ៏ល្អមួយដែលចាប់ផ្តើមពីអង្គភាពពីររួមគ្នា ដែលនឹងពង្រីកវិសាលភាពជាបន្តបន្ទាប់ដោយសហការទៅលើការផ្លាស់ប្តូរកម្មវិធីសិក្សាការផ្លាស់បទពិសោធន៍ ពិសេសការចែករំលែកទៅលើកម្មសិក្សាគរុកោសល្យ ដើម្បីអភិវឌ្ឍគុណភាពអប់រំនៅកម្ពុជា ពិសេសផ្តោតលើលទ្ធផលសិក្សារបស់សិស្ស។
គួរជម្រាបជូនថា អនុស្សរណៈនៃការយោគយល់គ្នានេះ រៀបចំឡើងក្នុងគោលបំណងសំខាន់ៗចំនួន៥ រួមមាន ទី១. ចូលរួមកម្មវិធីផ្លាស់ប្តូរបុគ្គលិកសិក្សា លោកគ្រូអ្នកគ្រូ គរុនិស្សិត និងសិស្ស ទី២. ចូលរួមលើគម្រោងស្រាវជ្រាវបែបវិទ្យាសាស្ត្រ និងក្លឹបសិក្សាផ្សេងៗ ទី៣. ចូលរួមរៀបចំវគ្គបណ្តុះបណ្តាលសមត្ថភាពវិជ្ជាជីវៈគ្រូបង្រៀន សន្និសីទជាតិ-អន្តរជាតិ និងសិក្ខាសាលាផ្សេងៗ ទី៤. ផ្លាស់ប្តូរសម្ភារឧបទ្ទេសសម្រាប់បង្រៀន និងរៀន និងព័ត៌មានអប់រំ និងទី៥.ចូលរួមកម្មវិធីចុះកម្មសិក្សា និងហ្វឹកហាត់ការងារ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍កន្លែងស្នាក់នៅឥតគិតថ្លៃ សម្រាប់សិស្ស-និស្សិតមកពីតាមបណ្តាខេត្ត
ព័ត៌មានអាហារូបករណ៍, ព្រឹត្តិការណ៍
• 06/08/2026
អង្គការពន្លកយុវជនដើម្បីអភិវឌ្ឍន៍ (YAD) បានប្រកាសជូនដំណឹងជាផ្លូវការអំពីការផ្តល់អាហារូបករណ៍កន្លែងស្នាក់នៅបន្ថែមទៀតដោយឥតគិតថ្លៃ ជូនដល់សិស្ស និងនិស្សិតមកពីតាមបណ្តាខេត្តនានា
អាហារូបករណ៍ថ្នាក់បរិញ្ញាបត្រជាន់ខ្ពស់ពី Erasmus University Rotterdam នៅប្រទេសហូឡង់
ព័ត៌មានអាហារូបករណ៍, ព្រឹត្តិការណ៍
• 29/01/2026
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាលាគ្រប់គ្រង Rotterdam នៃសាកលវិទ្យាល័យ Rotterdam ប្រទេសហូឡង់ ពីកម្មវិធីអាហារូបករណ៍ Erasmus ឆ្នាំសិក្សា២០២៦-២០២៧។
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍សម្ដេចវិបុលបញ្ញា សុខ អាន នៅសាកលវិទ្យាល័យពុទ្ធិសាស្ត្រ
ព័ត៌មានអាហារូបករណ៍, ព្រឹត្តិការណ៍
• 08/01/2024
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍សម្ដេចវិបុលបញ្ញា សុខ អាន នៅសាកលវិទ្យាល័យ ពុទ្ធិសាស្ត្រ សម្រាប់ឆ្នាំសិក្សា២០២៤។ អាហារូបករណ៍ផ្តោតលើឧត្តមភាព...
វគ្គបណ្តុះបណ្តាលខ្លីតាមប្រព័ន្ធអនឡាញ “Good Governance” របស់ប្រទេសនូវែលសេឡង់ ដល់មន្រ្តីកម្ពុជា ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 22/12/2025
រដ្ឋាភិបាលនូវែលសេឡង់ នឹងរៀបចំវគ្គបណ្តុះបណ្តាលរយៈពេលខ្លី ក្រោមប្រធានបទ "Good Governance" តាមប្រព័ន្ធអនឡាញ រយៈពេលសិក្សាចាប់ពីថ្ងៃទី១ ដល់ថ្ងៃទី៣០ ខែមេសា ឆ្នាំ២០២៦ ដល់មន្រ្តីរាជការកម្ពុជា។
អាហារូបករណ៍ខ្សែក្រវ៉ាត់មួយផ្លូវមួយពីរដ្ឋាភិបាលចិន សម្រាប់ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 30/01/2023
ភ្នំពេញ - កម្មវិធីអាហារូបករណ៍ខ្សែក្រវ៉ាត់មួយផ្លូវមួយ របស់រដ្ឋាភិបាល នៃប្រទេសចិន បានប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់...
រៀនជំនាញបច្ចេកទេសឥតគិតថ្លៃនៅវិទ្យាស្ថានពហុបច្ចេកទេសភូមិភាគតេជោសែនស្វាយរៀង
ព័ត៌មានអាហារូបករណ៍, ព្រឹត្តិការណ៍
• 29/06/2026
សម្រាប់យុវជន ក៏ដូចជាប្រជាពលរដ្ឋ ដែលកំពុងស្វែងរកការសិក្សាជំនាញ វិជ្ជាជីវៈ និងបច្ចេកទេស ពេលនេះឱកាសបានមកដល់ហើយ, វិទ្យាស្ថានពហុបច្ចេកទេសភូមិភាគតេជោសែនស្វាយរៀង កំពុងតែជ្រើសរើសសិក្ខាកាមឱ្យចូលរៀន...
ឱកាសសម្រាប់យុវតីកម្ពុជា អាហារូបករណ៍ SHE-CAN ផ្តើមទទួលពាក្យឆ្នាំសិក្សា ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 13/07/2026
អាហារូបករណ៍ពេញថ្លៃសម្រាប់យុវតីកម្ពុជា សិក្សាថ្នាក់បរិញ្ញាបត្រនៅអាមេរិក ឆ្នាំសិក្សា២០២៦-២០២៧
អាហារូបករណ៍ អ.ម.ត ៦០កន្លែង សិក្សានៅសាកលវិទ្យាល័យភូមិន្ទវិចិត្រសិល្បៈ (RUFA) ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 04/09/2026
អាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី នឹងផ្តល់ជូន ៦០កន្លែង...
កម្មវិធីពិសេសរបស់ AMS EDUCATION
ព័ត៌មានសង្ខេប
