គ្រោះថ្នាក់ចរាចរណ៍ភាគច្រើនបណ្តាលមកពីឥរិយាបទនិងសុជីវធម៌អ្នកប្រើប្រាស់ផ្លូវ

ភ្នំពេញ – ត្រឹមតែរយៈពេលប្រាំពីរថ្ងៃដើម​ខែមេសា កម្ពុជាមាន​មនុស្សស្លាប់​រហូត​ដល់ទៅ ៤៧នាក់​ដោយសារ​គ្រោះថ្នាក់ចរាចរណ៍ ខណៈ​ទិន្នន័យ​អ្នក​ស្លាប់​ដោយ​សារ​ជំងឺកូវីដ-១៩​ ដ៏​កាចសាហាវ​នៅ​កម្ពុជា មានតួលេខសូន្យ​កំឡុង​រយៈពេល​ប្រមាណ ១ខែចុងក្រោយនេះ ។ មន្ត្រីជំនាញនៃគណៈកម្មាធិការ​ជាតិសុវត្ថិភាព​ចរា​ចរណ៍​​​ផ្លូវ​គោក បានបញ្ជាក់ថា ករណី​គ្រោះថ្នាក់ចរាចរណ៍ភាគច្រើនបណ្តាលមកពីឥរិយាបទនិងសុជីវធម៌អ្នកប្រើប្រាស់ផ្លូវ ។

លោកជំទាវ មឹន មាណវី អគ្គលេខាធិការនៃគណៈកម្មាធិការ​ជាតិសុវត្ថិភាព​ចរាចរណ៍​ផ្លូវ​គោក ​មានប្រសាសន៍ថា ការប្រើប្រាស់​ផ្លូវដែលមិនត្រឹមត្រូវ និង​គ្មានសុជី​វ​ធម៌ គឺជាមូលហេតុ​ដែល​អាច​បណ្តាល​ឱ្យ​កើត​មាន​គ្រោះថ្នាក់ចរាចរណ៍។ ដើម្បី​សុវត្ថិភាពពេលធ្វើដំណើរ គឺឥរិយាបទរបស់ប្រជាពលរដ្ឋដែលមានសេចក្តីថ្លៃថ្នូ ប្រ​ជា​ព​លរដ្ឋមានភាពទាន់សម័យ ស៊ីវិល័យ រស់នៅ​ក្នុង​ប្រទេស​ដែលមាន​ការ​អភិវឌ្ឍ ​។

 លោកជំទាវ មឹន មាណវី

“យើង​ត្រូវ​តែមាន​ឥរិយាបទថ្លៃថ្នូរ ជាប្រជាពលរដ្ឋដែលមានផ្ទះល្អ មានខោអាវល្អ មានជីវភាពល្អ ហើយ​មានផ្លូវល្អ … យើងជាអ្នកថ្លៃថ្នូរ​ ចេះដឹង គឺឥរិយាបទ​អ្នកដែលគោរពច្បាប់ ហើយ​មានសុជីវធម៌ យើងចេះយោគយល់គ្នា, ឧទារហណ៍អ្នកបើកបរឡានណាមួយវាជ្រុលជ្រួសតិចតួច យើង​អាចអនុគ្រោះគ្នា កុំចង់យកឈ្នះចាញ់ អាហ្នឹងយើងអាចជៀសផុតពីគ្រោះថ្នាក់ចរាចរណ៍​ហើយ”

​ចំណែក​លោក ព្រហ្ម វណ្ណថា ប្រធាននាយកដ្ឋាន​សុវត្ថិភាពចរាចរណ៍​ផ្លូវ​គោក មានប្រសាសន៍ថា អ្នក​បើកបរ​មាន​ឥរិយាបទ​អធ្យាស្រ័យ​ឱ្យ​គ្នា មានសុជីវធម៌​ក្នុង​ការ​បើកបរ នោះ​ការ​ធ្វើដំណើរ​នឹង​មានសុវត្ថិភាព ។ អ្នកបើកបរ​ត្រូវ​ចេះឱ្យ​តម្លៃដល់អាយុជីវិតរបស់អ្នកបើកបរដទៃទៀត ​មិន​ត្រូវ​ប្រមាថអាយុជីវិតរបស់អ្នកដទៃ ដោយ​សារកំហឹងមួយ​ពេលនៅ​ពេលដែលបើកបរឡើយ បើខ្វះការយោគយល់អធ្រាស្រ័យ នោះគឺនាំ​ឱ្យ​កើតមាននូវគ្រោះថ្នាក់ចរាចរណ៍ ។

លោក ព្រហ្ម វណ្ណថា

“មួយ​ទៀត​ការបើកបរដោយមិនប្រុងប្រយ័ត្ន ខ្ជីខ្ជារ ធ្វេសប្រហែស ក៏​ជាមូលហេតុ​ដែលនាំឱ្យ​កើត​មាន​នូវគ្រោះថ្នាក់ចរាចរណ៍​ផងដែរ”

បើតាម​លោក វណ្ណថា ប្រសិនបើអ្នកបើកបរគ្រប់រូបមានសុជីវធម៌ និង​មាន​​ឥរិយាបទ​បើកបរប្រកបដោយសុវត្ថិភាព នោះអាច​ចូលរួម​កាត់បន្ថយ​គ្រោះថ្នាក់ចរាចរណ៍​ផ្លូវគោក​ផង ព្រមទាំងចូលរួមសន្សំសំចៃដល់ថវិកាគ្រួសារ និងថវិកាជាតិ ។

យោង​តាម​របាយការណ៍​របស់​គណៈកម្មការសុវត្ថិភាព​ចរាចរណ៍​ផ្លូវ​គោក​បាន​ឱ្យ​ដឹងថា នៅ​ក្នុង​ឆ្នាំ ​២០២១ កន្លងទៅ គ្រោះ​ថ្នាក់ចរាចរណ៍​ផ្លូវ​គោក​បានកើត​ឡើងចំនួន ២,៦៧០លើក ដោយ​បណ្តាលឱ្យ​មនុស្ស​ស្លាប់ចំនួន ១,៤៩៧នាក់ និងរបួស ៣,៦១៥នាក់ ក្នុងនោះរបួសធ្ងន់ជាង ២,២០០នាក់។

មូលហេតុនៃគ្រោះថ្នាក់ចរាចរណ៍ចម្បង ត្រូវគេរកឃើញថា បណ្តាលមកពីការបើកបរលើសល្បឿនកំណត់ មាន ៣៨% មិនគោរពសិទ្ធិអ្នកដទៃ២៤% មិនប្រកាន់ស្តាំ១៤% ការវ៉ាជែង៨% បត់ដោយមិនមានការប្រុងប្រយ័ត្ន៨% បើកបរដោយមានគ្រឿងស្រវឹង៤% បណ្តាលមកពីកត្តាយានយន្ត ៣% និងបើកបរក្នុងស្ថានភាពងងុយ ១%៕


របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជំនាញគណនេយ្យចំនួន១០កន្លែងនៅវិទ្យាស្ថានវ៉ាន់ដាឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 24/10/2024

ឱកាសសិក្សាអាហារូបករណ៍ចំនួន១០កន្លែង សម្រាប់សិក្សាថ្នាក់បរិញ្ញាបត្រ ជំនាញគណនេយ្យ នៅវិទ្យាស្ថាន វ៉ាន់ដា ក្នុងឆ្នាំសិក្សា២០២៤-២០២៥។ អាហារូបករណ៍ជាការគាំទ្រពី ឯកឧត្តមអភិបណ្ឌិត ស សុខា និង លោកជំទាវ កែ សួនសុភី...

ឱកាសសម្រាប់និស្សិតកម្ពុជា! អាហារូបករណ៍ពេញថ្លៃ DAAD ថ្នាក់បរិញ្ញាបត្រជាន់ខ្ពស់ ផ្នែក STEM នៅប្រទេសអាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 05/06/2026

បច្ចុប្បន្ន កម្មវិធីអាហារូបករណ៍ដ៏មានកិត្យានុភាព DAAD Study Scholarships for STEM Disciplines របស់រដ្ឋាភិបាលអាល្លឺម៉ង់ កំពុង​​បើក​ទទួល​ពាក្យ​ស្នើសុំពីនិស្សិតមក​ពីប្រទេស​កំពុងអភិវឌ្ឍ រួមទាំងប្រទេសកម្ពុជាផងដែរ...

អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ១០កន្លែងសម្រាប់​ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 26/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀបចំនួន១០កន្លែងតាមរយៈសហភាពសហព័ន្ធយុវជនកម្ពុជា រាជធានីភ្នំពេញសម្រាប់ឆ្នាំ...

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Thailand International Postgraduate Programme ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 20/01/2025

កម្មវិធីអាហារូបករណ៍ Thailand International Postgraduate Programme (TIPP) ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ សិក្សានៅតាមសាកលវិទ្យាល័យជាច្រើន នៃប្រទេសថៃសម្រាប់ឆ្នាំសិក្សា២០២៥...

ឱកាសអាហារូបករណ៍សិក្សាវគ្គ Full-Stack Web Development Bootcamp IV ពី SabaiCode

ព័ត៌មានអាហារូបករណ៍, ព្រឹត្តិការណ៍

• 02/02/2024

ឱកាសសិក្សាអាហារូបករណ៍សិក្សាវគ្គ Full-Stack Web Development Bootcamp IV ពី SabaiCode ដែលមានការសហការណ៍ពី មូលនិធិអភិវឌ្ឍន៍ជំនាញ និង WING BANK សម្រាប់វគ្គ...

ឱកាសសិក្សាតាមរយៈ Online ឥតគិតថ្លៃពីកម្មវិធី UNICEF Online Course

ព័ត៌មានអាហារូបករណ៍, ព្រឹត្តិការណ៍

• 21/05/2024

ឱកាសសិក្សាអាហារូបករណ៍តាមរយៈOnlineពីកម្មវិធី UNICEF Online Course ឆ្នាំសិក្សា២០២៤។ កម្មវិធីសិក្សាអាចផ្ដល់ភាពងាយស្រួលឱ្យអ្នកសិក្សា...

អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ ISDB Scholarship Program 2024

ព័ត៌មានអាហារូបករណ៍, ព្រឹត្តិការណ៍

• 19/04/2024

ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បណ្ឌិត និងវគ្គសិក្សាផ្សេងៗពេញលេញពីកម្មវិធីអាហារូបករណ៍ ISDB Scholarship ...

សាកលវិទ្យាល័យដ៏ល្បីផ្នែកសុខាភិបាលរបស់អាមេរិក UAB ប្រកាសផ្តល់អាហារូបករណ៍​ថ្នាក់បរិញ្ញាបត្រ​ដល់និស្សិតអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 19/05/2026

សាកលវិទ្យាល័យ Alabama at Birmingham (UAB) ដែលជាគ្រឹះស្ថានឧត្តមសិក្សាដ៏ល្បីល្បាញ​មួយនៅសហរដ្ឋអាមេរិក​​លើផ្នែក​វិទ្យាសាស្ត្រ​សុខាភិបាល បានប្រកាសផ្តល់ «អាហារូបករណ៍និស្សិតអន្តរជាតិ UAB»

វិទ្យាស្ថានជាតិកសិកម្មព្រែកលៀបផ្ដល់អាហារូបករណ៍ថ្នាក់បរិញ្ញាបត្រ១០០០កន្លែងសម្រាប់ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 05/01/2023

វិទ្យាស្ថានជាតិកសិកម្មព្រែកលៀបបាន​ប្រកាស​ផ្ដល់អាហារូបករណ៍១០០%ថ្នាក់បរិញ្ញាបត្រចំនួន១០០០កន្លែងសម្រាប់សិស្សទើបបញ្ចប់មធ្យមសិក្សាទុតិយភូមិ...