សាកលវិទ្យាល័យ និង​សាលា TVET ផ្តើមទទួលពាក្យចូលរៀនបន្ទាប់ពីបាក់ឌុប​ប្រកាសលទ្ធផល

សាកលវិទ្យាល័យ ក៏​ដូចជា​សាលា​បណ្តុះបណ្តាលជំនាញវិជ្ជាជីវៈ (TVET) បានចាប់ផ្តើមទទួលចុះឈ្មោះចូលរៀនហើយបន្ទាប់ពី​លទ្ធផល​ប្រឡង​សញ្ញាបត្រមធ្យមសិក្សា​ទុតិយភូមិ (បាក់ឌុប) បានប្រកាសកាលពីសប្តាហ៍​មុន។

លោក ធួល សុគន្ធរស្មី មន្រ្តី នៃសាកលវិទ្យាល័យជាតិគ្រប់គ្រង មានប្រសាសន៍ថា បន្ទាប់ពីលទ្ធផលនៃការប្រឡង​បាក់ឌុ​បបាន​ប្រកាស សាកលវិទ្យាល័យជាតិគ្រប់គ្រង បានបើកឱ្យសិស្សចុះឈ្មោះចូលរៀនថ្នាក់បរិញ្ញាបត្រលើគ្រប់ជំនាញឯកទេស សម្រាប់ឆ្នាំសិក្សា២០២៥-២០២៦ ហើយ​ឃើញថា មាន​សិស្ស​និស្សិតជាច្រើន​បាន​មក​ចុះ​ឈ្មោះ​ចូលរៀន។

សិស្សចុះឈ្មោះចូលរៀន នៅសាកលវិទ្យាល័យជាតិគ្រប់គ្រង

បើតាមលោក សុគន្ធរស្មី ការចុះឈ្មោះចូលរៀននៅសាកលវិទ្យាល័យជាតិគ្រប់គ្រង សម្រាប់សិស្សប្រឡងជាប់បាក់ឌុបហើយ អាចចុះឈ្មោះចូលរៀនបាន ដោយមិនមានឯកសារភ្ជាប់អ្វីទាំងអស់ ហើយសម្រាប់សញ្ញាបត្រ និងឯកសារមួយចំនួនទៀតសាលា នឹងយកតាមក្រោយ នៅពេលសិស្សបានចុះឈ្មោះចូលរៀនរួចរាល់។

លោក ធួល សុគន្ធរស្មី ក៏​បាន​បញ្ជាក់ដែរថា នៅសាកលវិទ្យាល័យជាតិគ្រប់គ្រង មានពីរកម្មវិធី គឺកម្មវិធីថ្នាក់ជាតិ មិន​មាន​ការ​ប្រឡងចូលនោះទេ លើកលែងជំនាញអង់គ្លេស និងកម្មវិធីថ្នាក់អន្តរជាតិ ត្រូវធ្វើតេស្តចូល។ ឧទាហរណ៍ មុខវិជ្ជាវិទ្យាសាស្រ្តកុំព្យូទ័រ គឺត្រូវធ្វើតេស្តគណិតវិទ្យា ភាសាអង់គ្លេស ជាដើម ប្រសិនជាសិស្សប្រឡងបាក់ឌុបមិនទទួលបាននិទ្ទេស A B C លើមុខវិជ្ជាទាំងនេះ។

សម្រាប់សាកលវិទ្យាល័យភូមិន្ទភ្នំពេញ ដែលជា​សាកលវិទ្យាល័យ​មួយ​ក្នុង​ចំណោម​សាកលវិទ្យាល័យល្បីល្បាញរបស់ប្រទេសកម្ពុជា ក៏បាន​ចាប់ផ្តើម​ចុះឈ្មោះ​សិស្សដើម្បីធ្វើការប្រឡង​ជ្រើសរើស​និស្សិត​ឱ្យ​រៀន​ថ្នាក់ឆ្នាំសិក្សា​មូលដ្ឋាន (ឆ្នាំទី១) ឆ្នាំសិក្សា​២០២៥-២០២៦ តាំងតែពីថ្ងៃទី០១ ខែកញ្ញា មក​ម្ល៉េះ។ បើតាមសេចក្តីជូនដំណឹង ការទទួលពាក្យ​​ប្រឡង​ជ្រើសរើស​និស្សិត​ឱ្យ​ចូលរៀន​នៅ​សាកលវិទ្យាល័យ​ភូមិន្ទភ្នំពេញ នឹង​ធ្វើរហូត​ដល់ថ្ងៃទី២៥ ខែតុលា ដោយ​សិស្សត្រូវ​ភ្ជាប់ជាមួយសំណុំ​ឯកសារមួយចំនួនដូចជា ពាក្យសុំចុះឈ្មោះ ១ច្បាប់, ជីវប្រវត្តិ​សង្ខេប​មានបិទរូបថតទំហំ ៤x៦ ចំនួន១ច្បាប់, សញ្ញាបត្រ​មធ្យមសិក្សា​ទុតិយភូមិ ឬសញ្ញាបត្រ​ដែលមាន​តម្លៃស្មើ ១ច្បាប់, សាលាកបត្រ​ឯកត្តជន ១សន្លឹក និង រូបថត ៤x៦ ចំនួន ៣សន្លឹក។

ដោយ​ឡែក​សម្រាប់​សាលា​បណ្តុះបណ្តាលជំនាញបច្ចេកទេស និង​វិជ្ជាជីវៈ (TVET) វិញ បើតាមលោក ស៊ុន មេសា អ្នកនាំពាក្យ​ក្រសួងការងារ និង​បណ្តុះបណ្តាលវិជ្ជាជីវៈ តាមសាលា និង​វិទ្យាស្ថាន​ដែលស្ថិត​នៅ​ក្រោម​ឱវាទក្រសួង ពេលនេះ​ក៏​កំពុង​តែបើក​ទទួលចុះឈ្មោះ​ចូលរៀន ហើយ​ក៏​មាន​សិស្ស​មក​ចុះឈ្មោះ​ចូលរៀនបណ្តើរៗហើយ ប៉ុន្តែ​លោក​មិន​ទាន់អាច​បញ្ជាក់ពីទិន្នន័យ​បាន​នៅឡើយ។

ឯកឧត្តម ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ

យោង​តាម​សេចក្តីជូនដំណឹងពីការ​ចុះឈ្មោះ​សិស្ស​និស្សិតសម្រាប់កម្រិតសញ្ញាបត្របច្ចេកទេស សញ្ញាបត្រ​ជាន់ខ្ពស់បច្ចេកទេស ក៏​ដូចជា​កម្រិតបរិញ្ញាបត្រ​បច្ចេកទេស នៅ​សាលា ក៏​ដូចជា​វិទ្យាស្ថាន​បណ្តុះបណ្តាលបច្ចេកទេស និង​វិជ្ជាជីវៈ (TVET) គឺត្រូវ​ការ​ឯកសារ​ត្រឹមតែ សំបុត្រកំណើតថតចម្លង ១ច្បាប់, អត្តសញ្ញាណប័ណ្ណ​ថតចម្លង ១ច្បាប់, សញ្ញាបត្រ​មធ្យមសិក្សា​ទុតិយភូមិ ឬ​តារាងលទ្ធផលប្រឡង​ថ្នាក់ទី១២ និង រូបថត ៤x៦ ចំនួន ៦សន្លឹក (អាវធំ, ក្រវ៉ាត់ក, ផ្ទៃ​ក្រោយ​ពណ៌ខៀវ)។

បើតាម​លោក ស៊ុន មេសា សាលា និង​វិទ្យាស្ថាន​បណ្តុះបណ្តាល​ជំនាញ​បច្ចេកទេស និង​វិជ្ជាជីវៈ គឺមាន​បណ្តុះបណ្តាល​ជំនាញ​រហូត​ដល់ ៤៥ជំនាញ។ ក្នុងនោះ ជំនាញបច្ចេកទេសដែលកំពុងទទួលមានតម្រូវការខ្ពស់ រួមមាន វិស្វករសំណង់ស៊ីវិល, ជំនាញទេសចរណ៍ និងបដិសណ្ឋារកិច្ច, មេកានិចរថយន្ត, ព័ត៌មានវិទ្យា, បរិក្ខាត្រជាក់, កសិឧស្សាហកម្ម និងជំនាញជាច្រើនទៀត។ “ដូច្នេះប្រសិនបើប្អូនៗសិស្សានុសិស្សចាប់អារម្មណ៍ អាចស្នើចុះឈ្មោះចូលរៀនដោយឥតបង់ថ្លៃ ហើយសម្រាប់សិស្សមកពីគ្រួសារក្រីក្រ និងងាយរងហានិភ័យ នឹងទទួលបានប្រាក់ឧបត្ថម្ភពីរាជរដ្ឋាភិបាលចំនួន”។

ជាមួយ​គ្នានេះ អ្នកនាំពាក្យ​ក្រសួងការងារ ក៏បានលើកទឹកចិត្តដល់សិស្សានុសិស្សដែល​ចង់ឆាប់ទទួលបាន​ការងារធ្វើ ទទួលបានប្រាក់ចំណូលខ្លះ អាចចូលរៀនជំនាញ TVET ដោយចំណាយពេលត្រឹមតែ៤ខែ នឹងអាចមានជំនាញមួយ ដើម្បីរកការងារធ្វើបាន ដោយក្រោយរៀនចប់ក្រសួងក៏​នឹង​រកការងារឱ្យធ្វើ។ លើសពីនេះ ជាឱកាសមួយដ៏ល្អក្នុងការស្វែងរកជំនាញ ក៏ដូចជាកាត់បន្ថយការចំណាយថវិកាគ្រួសារ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍៥០កន្លែងទៅសិក្សា​នៅ​ប្រទេស​ឥណ្ឌា សម្រាប់ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 28/03/2023

កម្មវិធីអាហារូបករណ៍ ICCR Scholarships បានប្រកា​សផ្តល់អាហារូបករណ៍​ចំនួន​៥០កន្លែង​សម្រាប់​សិស្សនិស្សិតកម្ពុជា ទៅ​សិក្សា​នៅ​ប្រទេស​ឥណ្ឌា ...

អាហារូបករណ៍សិក្សាភាសាចិននៅសាធារណរដ្ឋប្រជាមានិតចិនរយៈពេលមួយឆ្នាំ

ព័ត៌មានអាហារូបករណ៍, ព្រឹត្តិការណ៍

• 27/06/2023

ឱកាសសិក្សាអាហារូបករណ៍ថ្នាក់ភាសាចិនរយៈពេល១ឆ្នាំនៅសាធារណរដ្ឋប្រជាមានិតចិនពីសមាគមន៍សិស្ស-និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុន សែន...

ឱកាសសិក្សាពីកម្មវិធីអាហារូបករណ៍ ផ្លូវសូត្រឆ្នាំ២០២៤ នៅសាកលវិទ្យាល័យហិរញ្ញវត្ថុ និងសេដ្ឋកិច្ចYUNNAN

ព័ត៌មានអាហារូបករណ៍, ព្រឹត្តិការណ៍

• 28/05/2024

ឱកាសសិក្សាពីកម្មវិធីអាហារូបករណ៍រដ្ឋាភិបាលចិន ផ្លូវសូត្រឆ្នាំ២០២៤ នៅសាកលវិទ្យាល័យហិរញ្ញវត្ថុ និងសេដ្ឋកិច្ចYUNNAN រយៈពេល២ឆ្នាំ។ អាហារូបករណ៍ផ្ដល់ជូនពីរដ្ឋាភិបាលចិនសម្រាប់និស្សិត...

ក្រសួងអប់រំ ប្រកាសប្រឡងជ្រើសរើសនិស្សិតសិក្សាអាហារូបករណ៍កម្មវិធី ACYLS នៅប្រទេសចិន ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 15/02/2024

ក្រសួងអប់រំ យុវជន និងកីឡាប្រកាសប្រឡងជ្រើសរើសសិស្ស-និស្សិតសិក្សាអាហារូបករណ៍​ពីកម្មវិធី ASEAN-CHINA YOUNG LEADERS ...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាង​ប្រទេសវៀតណាម​​ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 28/04/2023

ភ្នំពេញ - សាកលវិទ្យាល័យគៀងយ៉ាង នៃប្រទេសវៀតណាម បានប្រកាសផ្ដល់អាហារូបករណ៍ថ្នាក់បរិញ្ញាបត្រដល់និស្សិតកម្ពុជាដែលកំពុងសិក្សានៅសាកលវិទ្យាល័យភូមិន្ទភ្នំពេញ...

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអមតៈ អាន ចន ផន លើជំនាញសិល្បៈ និងមិនមែនសិល្បៈ

ព័ត៌មានអាហារូបករណ៍, ព្រឹត្តិការណ៍

• 25/05/2023

កម្មវិធីអាហារូបករណ៍សិល្បៈអមតៈ អាន ចន ផន បើកទទួលពាក្យស្នើសុំអាហារូបករណ៍សាច់ប្រាក់សម្រាប់សិស្ស និស្សិតសិក្សាជំនាញសិល្បៈ និងជំនាញមិនមែនសិល្បៈ ។ ...

អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ចំនួន២០កន្លែងសម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 29/09/2025

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន២០កន្លែង នៅវិទ្យាស្ថានជាតិកសិកម្មព្រែកលៀបសម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាក្រោមកម្មវិធីអាហារូបករណ៍អភិសន្តិបណ្ឌិត ស សុខា ពីការគាំទ្ររបស់ឯកឧត្ដមអភិសន្តិបណ្ឌិត...

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យបច្ចេកវិទ្យាប៉េកាំងឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 06/12/2024

តាមរយៈសាកលវិទ្យាល័យភូមិន្ទភ្នំពេញ បានប្រកាសអំពីអាហារូបករណ៍រដ្ឋាភិបាលចិន ដែល​នឹងជ្រើសរើសនិស្សិតកម្ពុជាទៅបន្តការសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យាប៉េកាំង សម្រាប់ឆ្នាំសិក្សា២០២៥។

ឱកាសអាហារូបករណ៍ថ្នាក់បរិញ្ញាបត្ររង៤០កន្លែងនៅវិទ្យាស្ថាន N-Tech International ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 15/03/2023

វិទ្យស្ថាន N-Tech International ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្ររងចំនួន៤០កន្លែង នៅប្រទេសថៃឆ្នាំសិក្សា២០២៣-២០២៤ ។...