បច្ចេកវិទ្យា 5G ជួយជំរុញផ្លាស់ប្តូររបៀបរស់នៅ និងការងាររបស់មនុស្សឱ្យកាន់តែប្រសើរ

កាលពីចុងខែមេសា ឆ្នាំ២០១៩ កន្លងទៅ កម្ពុជា និងចិនបានចុះហត្ថលេខាលើការប្រើបច្ចេកវិទ្យា 5G ដែលកម្ពុជាក្លាយប្រទេសដំបូងគេចុះហត្ថលេខាជាមួយចិនក្នុងចំណោមប្រទេសអាស៊ាន ។ កាលនោះសម្តេចអគ្គមហាសេនាបតីតេជោ ហ៊ុន សែន បានជួបពិភាក្សាការងារជាមួយលោក វ៉ុ វ៉ៃតាវ ប្រធានក្រុមហ៊ុន Huawei ថេកណូឡូជីប្រចាំតំបន់អាស៊ីអាគ្នេយ៍ នៅទីក្រុងប៉េកាំងប្រទេសចិន ។ កិច្ចពិភាក្សានេះ សម្ដេចតេជោមានប្រសាសន៍ថា ប្រសិនបើប្រទេសកម្ពុជាមានប្រព័ន្ធបច្ចេកវិទ្យាអ៊ីនធឺណិត 5G គឺពិតជាល្អបំផុតដោយសារអ៊ីនធឺណេតមានល្បឿនលឿន ។

ជាមួយគ្នានេះដែរ បើនិយាយពីការអភិវឌ្ឍឌីជីថលនៅកម្ពុជា រាជរដ្ឋាភិបាលកម្ពុជាបានដាក់ចេញក្របខណ្ឌគោលនយោបាយសេដ្ឋកិច្ចនិងសង្គមឌីជីថលកម្ពុជា២០២១-២០៣៥ ជាមួយចក្ខុវិស័យកសាងសេដ្ឋកិច្ច និងសង្គមឌីជីថលរស់រវើក តាមរយៈការរៀបចំមូលដ្ឋានគ្រឹះជំរុញការទទួលយកនិងបរិត្តកម្មឌីជីថលនៅក្នុងគ្រប់តួអង្គសង្គមទាំងរដ្ឋ ទាំងពលរដ្ឋ និងទាំងធុរជន ដើម្បីជំរុញសម្ទុះកំណើនសេដ្ឋកិច្ចថ្មី និងលើកកម្ពស់សុខុមាលភាពសង្គមតាមគន្លងប្រក្រតីថ្មី ។ ចំណែកកម្មវិធីនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា សម្រាប់ការកសាង និងការការពារមាតុភូមិឆ្នាំ២០២៣-២០២៨ ក៏បានដាក់បញ្ចូលសកម្មភាពលើកកម្ពស់ឌីជីថលនេះផងដែរ ។

តើប្រព័ន្ធបច្ចេកវិទ្យាអ៊ីនធឺណិត 5G សំខាន់យ៉ាងដូចម្តេចសម្រាប់ការរស់នៅ និងការងាររបស់មនុស្ស?

ពិតណាស់ 5G គឺជាប្រព័ន្ធបច្ចេកវិទ្យាចុងក្រោយបង្អស់ដែលអាចផ្តល់អ៊ីនធឺណិតលឿនជាង 4G និង 3G ដែលកម្ពុជាកំពុងតែប្រើប្រាស់ ។ ទន្ទឹមគ្នានេះ 5G អាចឱ្យប្រជាជនប្រើប្រាស់ប្រព័ន្ធសង្គមហ្វេសប៊ុកមើលវីដេអូតាមយូធូប និងទាញយកកម្មវិធីផ្សេងៗ មកប្រើប្រាស់បានលឿនជាងមុន ។ ត្រង់ចំណុចនេះ អាចនិយាយបានថា បច្ចេកវិទ្យា 5G នឹងចូលរួមជំរុញឥរិយាបថនៃរបៀបរស់នៅ និងការងាររបស់មនុស្ស ។

តាមការស្រាវជ្រាវនិងចុះផ្សាយដោយមជ្ឈមណ្ឌលកម្ពុជា ៤.០ បានបង្ហាញថា អ្នកជំនាញជាច្រើនបានជឿជាក់យ៉ាងមុតមាំថា បច្ចេកវិទ្យា 5G នឹងដើរតួយ៉ាងសំខាន់ជំរុញនិងកសាងសង្គមឌីជីថលឱ្យបានកាន់តែមានភាពប្រសើរឡើងជាងមុន និងពង្រឹងទំនាក់ទំនងជាសកល ។ លើសពីនេះទៀត បច្ចេកវិទ្យានេះក៏បានចូលរួមចំណែកក្នុងការបង្កើនឱកាសការងារ, ជំរុញកំណើនសេដ្ឋកិច្ច , ព្រមទាំងផ្តល់អត្ថប្រយោជន៍ជាច្រើនទៀតសម្រាប់សង្គម ។ ខាងក្រោមនេះ ជាអត្ថប្រយោជន៍ទាំង ៥ចំណុចដែលបង្ហាញដោយមជ្ឈមណ្ឌលកម្ពុជា ៤.០ ។

១. ជំរុញការកសាងទីក្រុងឆ្លាត (Smart Cities) ៖ បច្ចេកវិទ្យានេះបានជំរុញសមត្ថភាពនៃបច្ចេកវិទ្យាឌីជីថលសំខាន់ៗ ដូចជា បញ្ញាសិប្បនិម្មិត ឬអ៊ីនធឺណិតនៃវត្ថុ ដោយជួយធ្វើឱ្យការទាញយក និងការប្រមូលនូវទិន្នន័យពីចរាចរណ៍, មនុស្ស, និងហេដ្ឋារចនាសម្ព័ន្ធក្នុងពេលវេលាជាក់ស្ដែងឱ្យកាន់តែរហ័ស និងមានប្រសិទ្ធភាពខ្ពស់ ។ ទិន្នន័យទាំងនេះនឹងរួមចំណែកយ៉ាងសំខាន់ក្នុងការរៀបចំផែនការទីក្រុង ដោយអនុញ្ញាតឱ្យមនុស្សអាចសិក្សាពីបញ្ហាប្រឈមនិងឱកាស ដែលធ្វើឱ្យការកែទម្រង់មានភាពត្រឹមត្រូវឆ្លើយតបនឹងតម្រូវការនៃប្រជាពលរដ្ឋ ។

បន្ថែមពីនេះ ទិន្នន័យក៏អនុញ្ញាតឱ្យមនុស្សយល់ដឹងកាន់តែប្រសើរលើការអនុវត្តគោលការណ៍សំខាន់ៗនៃទីក្រុងឆ្លាត រួមមាន កាត់បន្ថយការបំភាយឧស្ម័ន, ធ្វើឱ្យប្រសើរឡើងនូវការសេវាសាធារណៈ, កាត់បន្ថយចរាចរណ៍, និងធ្វើឱ្យប្រសើរឡើងគុណភាពខ្យល់ក្នុងទីក្រុងជាដើម ។

២. វិស័យសុខាភិបាល ៖ បច្ចេកវិទ្យា 5G បានចូលរួមចំណែកយ៉ាងសំខាន់នៅក្នុងវិស័យសុខាភិបាល ដោយបានជំរុញប្រសិទ្ធភាពការព្យាបាល ដែលអនុញ្ញាតឱ្យមានការផ្លាស់ប្ដូរ និងចែករំលែកព័ត៌មានតាមពេលវេលាជាក់ស្ដែងទម្រង់ជាវីដេអូ ។ បន្ថែមពីនេះ បច្ចេកវិទ្យា 5G ក៏បានពង្រឹងបន្ថែមលើសមត្ថភាពនៃឧបករណ៍ដែលអាចពាក់បានឱ្យមានសមត្ថភាពខ្ពស់ជាងមុន និងអាចប្រើប្រាស់ក្នុងគោលបំណងជាច្រើន ដូចជា មានសមត្ថភាពក្នុងការត្រួតពិនិត្យសុខភាពក្នុងពេលវេលាជាក់ស្ដែង, ផ្តល់ព័ត៌មានបានកាន់តែប្រសើរទាក់ទងនឹងសុខភាពរបស់អ្នកប្រើប្រាស់, និងជាឧបករណ៍ជំនួយដ៏សំខាន់សម្រាប់គ្រូពេទ្យក្នុងការស្វែករកមុខសញ្ញានៃជំងឺផ្សេងៗផងដែរ ។

៣. ការគ្រប់គ្រងបរិស្ថាន ៖ បច្ចេកវិទ្យា 5G មានសក្តានុពលក្នុងការគ្រប់គ្រងបរិស្ថាននៅក្នុងប្រទេស ជំរុញប្រសិទ្ធភាពនៃការបញ្ជូនព័ត៌មាន និងប្រើប្រាស់ថាម ពលតិចបើធៀបនឹងបណ្តាញជំនាន់មុន ។ បច្ចេកវិទ្យា 5G គាំទ្រដល់ការត្រួតពិនិត្យគុណភាពនៃបរិស្ថានក្នុងពេលវេលាជាក់ស្តែង រួមមាន ការបំភាយឧស្ម័ន, គុណភាពខ្យល់, គុណភាពទឹក, និងសូចនាករបរិស្ថានសំខាន់ៗផ្សេងទៀត ។ បច្ចេកវិទ្យា 5G ក៏បានជួយជំរុញដល់ការអភិវឌ្ឍយានយន្តអគ្គិសនី ការកសាងអគារឆ្លាតវៃ និងការបំពេញការងារពីចម្ងាយ ដែលទាំងនេះបង្ហាញពីអត្ថប្រយោជន៍នៃបច្ចេកវិទ្យា 5G តាមរយៈការប្រើប្រាស់ធនធានប្រកបដោយប្រសិទ្ធភាព និងកាត់បន្ថយការបំពុលបរិស្ថាន ។

៤. ឱកាសថ្មីៗសម្រាប់អាជីវកម្ម ៖ បច្ចេកវិទ្យា 5G បានជួយឱ្យការធ្វើទំនាក់ទំនងកាន់តែរហ័ស និងមានប្រសិទ្ធភាពខ្ពស់ជាងមុន ដែលជួយឱ្យអាជីវកម្មអាចពង្រីកប្រតិបត្តិការរបស់ពួកគេទៅកាន់ទីផ្សារថ្មី ដើម្បីបង្កើនប្រាក់ចំណូល និងធ្វើឱ្យអាជីវកម្មមានភាពរីកចម្រើន ។

៥. ការបង្កើនប្រសិទ្ធភាពនៃអាជីវកម្ម ៖ បច្ចេកវិទ្យា 5G បានជំរុញឱ្យការផ្ទេរទិន្នន័យបានកាន់តែលឿនជាងមុន ដែលជួយឱ្យអាជីវកម្មអាចដំណើរការ និងធ្វើការវិភាគទិន្នន័យក្នុងពេលវេលាជាក់ស្ដែងពីតម្រូវការចំនួនផលិតផល ដែលនឹងជួយឱ្យអាជីវកម្មអាចធ្វើការសម្រេចចិត្តបានឆាប់រហ័ស ។ បច្ចេកវិទ្យានេះ ក៏ជួយឱ្យអាជីវកម្មធ្វើស្វ័យប្រវត្តិកម្មការងារកាន់តែច្រើនជំរុញផលិតភាពរបស់អាជីវកម្ម និងកាត់បន្ថយការចំណាយ ។

សូមជម្រាបដែរថា ផ្អែកលើលក្ខណៈពិសេសនៃបច្ចេកវិទ្យាចុងក្រោយនេះ គឺ 5G តំណាងឱ្យជំនាន់ ឬអាចហៅថា 5th Generation Mobile Networks ឬ 5th Generation Wireless Systems ។ បច្ចេកវិទ្យា 5G នឹងដើរតួជាជំនាន់ទី៥ ចុងក្រោយគេនៃបច្ចេកវិទ្យាបណ្ដាញឥតខ្សែ ខណៈក្រុមហ៊ុនស្មាតហ្វូនធំៗលំដាប់ថ្នាក់ពិភពលោកចំនួន៤ កំពុងតែត្រៀមលក្ខណៈ និងសម្ភាៈ ដើម្បីតំឡើងប្រព័ន្ធមួយនេះ ។ បច្ចេកវិទ្យា 5G មានសក្តានុពលផ្ដល់ល្បឿនអ៊ីនធឺណេតលើសពីល្បឿន 4Gរហូតទៅដល់ ៤០ដង ដែលអាចទស្សនាវីដេអូមានទំហំ 8K និងទាញយកភាពយន្ដ 3D បានដោយគ្រាន់តែចំណាយពេលត្រឹម ៦វិនាទីប៉ុណ្ណោះ ដែលបច្ចេក 4G ត្រូវចំណាយពេលទាយយករហូតដល់ទៅ ៦នាទី ។ យ៉ាងណាល្បឿនអ៊ីនធឺណេតនេះអាចប្រែប្រួលនៅតាមបណ្ដាប្រទេសមួយចំនួន ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាស​អាហារូបករណ៍១០០% និង៥០% ជាច្រើនកន្លែង​នៅ​វិទ្យាស្ថានតេជោសែន សាធារណការ និង​ដឹកជញ្ជូន

ព័ត៌មានអាហារូបករណ៍, ព្រឹត្តិការណ៍

• 27/12/2023

វិទ្យាស្ថានតេជោសែន សាធារណការ និងដឹកជញ្ជូន ប្រកាស​ផ្តល់​អាហារូបករណ៍ ១០០% ចំនួន ៥០ កន្លែង និង ៥០% (បេក្ខជននារី) ជាច្រើនកន្លែងទៀត​ រហូតដល់បញ្ចប់ការសិក្សា តាមរយៈការប្រឡងចូលរៀនជំនាន់ទី៤។

សិក្សា​វគ្គ​ភាសា​អង់គ្លេស​តាម​ប្រព័ន្ធ​អ៊ីនធឺណិត​ ​ដោយ​ឥត​គិត​ថ្លៃ​ ​និង​ទទួលបាន​វិញ្ញាបនបត្រ​ទទួលស្គាល់​ជា​អន្តរជាតិ​

ព័ត៌មានអាហារូបករណ៍, ព្រឹត្តិការណ៍

• 03/08/2026

សាកលវិទ្យាល័យ​រដ្ឋ​អាយ​អូវ៉ា ​(​Iowa​ ​State​ ​University​) ​សហការ​ជាមួយ​កម្មវិធី​ ​Online​ ​Professional​ ​English​ ​Network​ ​(​OPEN​) ​ប្រកាស​បើក​វគ្គ​សិក្សា​តាម​ប្រព័ន្ធ​អ៊ីនធឺណិត

អាហារូបករណ៍៥០កន្លែងសិក្សានៅសាកលវិទ្យាល័យខេមរៈថ្នាក់បរិញ្ញាបត្រជាន់ខ្ពស់ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 16/12/2024

ឱកាសសិក្សាអាហារូបករណ៍ថ្នាក់បរិញ្ញាបត្រ៥០កន្លែងសម្រាប់ឆ្នាំសិក្សា២០២៤-២០២៥ នៅសាកលវិទ្យាល័យខេមរៈ តាមរយៈគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត...

ឱកាស​អាហារូបករណ៍​ថ្នាក់អនុបណ្ឌិត បរិញ្ញាបត្រ និង​បរិញ្ញាបត្ររង ១០០% ចំនួន២៣០កន្លែង ពី ស.ស.យ.ក. រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 27/09/2024

សហភាពសហព័ន្ធយុវជន​កម្ពុជា​រាជធានីភ្នំពេញ (ស.ស.យ.ក. រាជធានីភ្នំពេញ) ក្រោម​កិច្ច​សហប្រតិបត្តិការ​ជាមួយវិទ្យាស្ថាន​ខ្មែរជំនាន់ថ្មី ផ្តល់ជូនអាហារូបករណ៍​ថ្នាក់បរិញ្ញាបត្រជាន់ខ្ពស់ (អនុបណ្ឌិត) ចំនួន៣០កន្លែង ថ្នាក់បរិញ្ញាបត្រ និង​ថ្នាក់បរិញ្ញាបត្ររង ចំនួន...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ប្រទេសបារាំងឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 10/09/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ចំនួន២០កន្លែងពីកម្មវិធីអាហារូបករណ៍ Ampere Scholarship ក្នុងឆ្នាំសិក្សា២០២៥។ ជំនាញដែលអាហារូបករណ៍ផ្ដល់ជូនរួមមាន ផ្នែកវិទ្យាសាស្ត្រពិត ផ្នែកសិល្បៈ និងផ្នែកមនុស្សសាស្ត្រ និងសង្គមសាស្ត្រ។

ឱកាសសិក្សាអាហារូបករណ៍៥០% សម្រាប់វគ្គបណ្ដុះបណ្ដាលជំនាញវិជ្ជាជីវៈពន្ធដារជំនាន់ទី១៨

ព័ត៌មានអាហារូបករណ៍, ព្រឹត្តិការណ៍

• 26/10/2023

អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុប្រកាសផ្ដល់អាហារូបករណ៍៥០% ចំនួន១០០កន្លែងនៅសាលាជាតិពន្ធដារ។ អាហារូបករណ៍ផ្ដល់ជូនសម្រាប់សិស្ស-និស្សិត ....

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Tasmania នៃប្រទេសអូស្ត្រាលី

ព័ត៌មានអាហារូបករណ៍, ព្រឹត្តិការណ៍

• 08/04/2025

កម្មវិធីអាហារូបករណ៍ University of Tasmania Scholarship 2025 ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Tasmania ប្រទេស​អូស្រ្តាលី សម្រាប់ឆ្នាំសិក្សា២០២៥។

អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare ប្រទេសជប៉ុន

ព័ត៌មានអាហារូបករណ៍, ព្រឹត្តិការណ៍

• 03/05/2023

សាកលវិទ្យាល័យ International University of Health and Welfare ប្រទេសជប៉ុនប្រកាសជ្រើសរើសនិស្សិតឆ្នាំមូលដ្ឋាន និងឆ្នាំទី២ផ្នែកវេជ្ជសាស្ត្រនៃសាកលវិទ្យាល័យវិទ្យាសាស្ត្រ...

ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ SIIT ប្រទេសថៃ ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 01/03/2023

វិទ្យាស្ថានបច្ចេកវិទ្យាអន្តរជាតិ Sirindhorn ឬហៅកាត់ថា SIIT បានប្រកាស​ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៣ ...