ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – លោកជំទាវ ស្រូយ សុជាតិ អគ្គនាយក នៃអគ្គនាយកដ្ឋានយុវជន មានប្រសាសន៍ថា កម្មវិធីប្រកួតប្រជែងស្នាដៃយុវជនសតវត្សទី២១ពិតជាមានសារៈសំខាន់ខ្លាំងសម្រាប់យុវជនទាំងអស់គ្នាក្នុងការទទួលបាននូវជំនាញ និងបំណិនលើមុខវិជ្ជាស្ទែម ដែលពាក់ព័ន្ធនឹងវិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា ។ លោកជំទាវ ថ្លែងបែបនេះ ក្នុងពិធីបើកវគ្គបណ្តុះបណ្ដាលយុវជនចូលរួមកម្មវិធីប្រកួតប្រជែងស្នាដៃយុវជនសតវត្សទី២១ ក្រោមប្រធានបទ “STEM និងការប្រើប្រាស់ក្នុងវិស័យបរិស្ថាន” នៅវិទ្យាស្ថានបច្ចេកវិទ្យា នាព្រឹកថ្ងៃព្រហស្បតិ៍ (២៧ តុលា)។
លោកជំទាវ ស្រូយ សុជាតិ អគ្គនាយកនៃអគ្គនាយកដ្ឋានយុវជន បញ្ជាក់បន្ថែមថា តាមរយៈកម្មវិធីប្រកួតប្រជែងស្នាដៃយុវជនសតវត្សទី២១ យុវជនជាតួអង្គសំខាន់ក្នុងការទទួលយកនូវបច្ចេកវិទ្យាថ្មីៗនៅក្នុងបរិបទឧស្សាហកម្ម៤.០ ដើម្បីរួមចំណែកក្នុងការអភិវឌ្ឍសង្គម-សេដ្ឋកិច្ចតំបន់។ ដូច្នេះ យើងចាំបាច់ត្រូវធានាសុខមាលភាព និងលើកកម្ពស់ភាពអង់អាចដល់យុវជនក្នុងការចូលរួមសម្រេចគោលនយោបាយស្តីពីសេដ្ឋកិច្ច និងសង្គមឌីជីថលកម្ពុជារបស់រាជរដ្ឋាភិបាលលើការងារបណ្តុះបណ្តាលធនធានយុវជនឱ្យមានភាពជា អ្នកដឹកនាំ គំនិតច្នៃប្រឌិត នវានុវត្តន៍ និងការប្រើប្រាស់ឌីជីថល ដើម្បីត្រៀមខ្លួនឆ្លើយតបទៅនឹងបម្រែបម្រួលនានា។
“ការងារបរិស្ថាន ជាការងាររបស់យើងគ្រប់គ្នាតែម្ដង គឺម្នាក់ៗត្រូវមានចំណែកក្នុងការចូលរួមថែរក្សាបរិស្ថាន ប៉ុន្តែនៅក្នុងសម័យបច្ចេកវិទ្យាឧស្សាហកម្ម៤.០ យើងត្រូវផ្សារភ្ជាប់អ្វីដែលជាបច្ចេកវិទ្យាថ្មី និងចុងក្រោយបំផុត ដែលចង់ឱ្យយុវជននៅតាមបណ្ដាខេត្ត ក្រុងយល់ដឹងឱ្យបានច្រើន ដើម្បីពួកគាត់មានទំនាក់ទំនង និងបានបញ្ចេញបតិយោបល់”
លោកជំទាវ ស្រូយ សុជាតិ អគ្គនាយក នៃអគ្គនាយកដ្ឋានយុវជន
អគ្គនាយកនៃអគ្គនាយកដ្ឋានយុវជន បន្ថែមថា ក្រោយវគ្គបណ្ដុះបណ្ដាល ក្រុមយុវជនមានរយៈពេលបីសប្ដាហ៍ដើម្បីពង្រីកជាគម្រោងរបស់ខ្លួនចូលរួមថែរក្សាបរិស្ថានដោយប្រើបច្ចេកវិទ្យាទំនើប និងទាន់សម័យកាល។ ការប្រកួតនេះ នឹងជ្រើសរើសបេក្ខជន បីក្រុមដែលជាក្រុមល្អ ក្រុមដែលមានអត្ថន័យ ជាក្រុមអនុវត្តបានល្អ និងធ្វើឱ្យសង្គមឈានទៅរកបរិស្ថានល្អ ឬអ្វីមួយល្អដែលផ្សារភ្ជាប់ជាមួយចំណេះដឹងស្ទែម ដើម្បីទទួលបានជ័យលាភី និងទទួលបានការគាំទ្រពីវិស័យឯកជនមួយចំនួន ដើម្បីអនុវត្តគម្រោងរបស់ខ្លួន។
“ប្អូនៗជាយុវជនដែលស្ថិតក្នុងប្រទេសកំពុងអភិវឌ្ឍត្រូវចាប់យកឱកាសដ៏ធំធេងនេះ តាមរយៈការប្រឹងប្រែងសិក្សាស្រាវជ្រាវលើមុខវិជ្ជាស្ទែម (STEM) និងខិតខំបង្កើននូវចំណេះ និងជំនាញច្បាស់លាស់មួយយ៉ាងតិចសម្រាប់ខ្លួនឯង”
លោកជំទាវ ស្រូយ សុជាតិ អគ្គនាយក នៃអគ្គនាយកដ្ឋានយុវជន
លោកជំទាវ ស្រូយ សុជាតិ សម្តែងក្តីរំពឹងថា ក្រោយចប់វគ្គបណ្ដុះបណ្ដាលនេះ យុវជនយល់ដឹងពីតួនាទីរបស់ខ្លួនឯងម្នាក់ៗ គឺនឹងក្លាយទៅជាចំណែកវិជ្ជមានមួយរបស់សង្គម ឬតែងនិយាយថា យុវជនគឺជាទំពាំងឬស្សីរបស់សង្គមជាតិ, យុវជនគឺជាសក្ដានុពល។ ព្រមទាំងចង់ឱ្យពួកគាត់ក្លាយជាពលរដ្ឋល្អ មានទំនួសខុសត្រូវ ចេះជួយខ្លួនឯង និងចេះជួយអ្នកដទៃ មិនបង្កបញ្ហាដល់សង្គម មុននឹងធ្វើអ្វីមួយចេះពិចារណា ដឹងពីអ្វីដែលគួរធ្វើ និងមិនគួរធ្វើ ទាំងនេះជាអ្វីដែលនាយកដ្ឋានយុវជន និងក្រសួងអប់រំ យុវជន និងកីឡា កំពុងបំពាក់ស្មារតីមួយនេះជូនទៅយុវជនកម្ពុជា។
គួរជម្រាបជូនថា កម្មប្រកួតប្រជែងស្នាដៃយុវជនសតវត្សរ៍ទី២១ ធ្វើឡើងក្រោមប្រធានបទ “ការប្រើប្រាស់ STEM ក្នុងវិស័យបរិស្ថាន” មានតំណាងយុវជន ២៥ក្រុម ស្មើ២០០នាក់ មកពីរាជធានី ខេត្តទាំង២៥ ចូលរួមវគ្គប្រកួតប្រជែងថ្នាក់ជាតិ ដើម្បីដណ្តើមយកជ័យលាភីពីលេខ១ ដល់លេខ៣ ដោយបេក្ខជនតាមក្រុមនីមួយៗ ត្រូវរៀបចំគម្រោងស្នាដៃរបស់ខ្លួន និងវីដេអូខ្លី ដើម្បីចូលរួមប្រកួត ដែលនឹងប្រព្រឹត្តទៅចាប់ពីថ្ងៃទី ០៤-០៦ ខែវិច្ឆិកា ឆ្នាំ២០២២ នៅខេត្តសៀមរាប៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍សម្រាប់និស្សិតថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញពី ធនាគា អ៊ូរី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 12/03/2025
សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។
ក្រសួងអប់រំជ្រើសរើសបេក្ខជនជាង៣ពាន់នាក់ឱ្យទទួលអាហារូបករណ៍ថ្នាក់បរិញ្ញាបត្ររង និងថ្នាក់បរិញ្ញាបត្រ លើជំនាញបច្ចេកទេស និងវិជ្ជាជីវៈ
ព័ត៌មានអាហារូបករណ៍, ព្រឹត្តិការណ៍
• 27/10/2025
តាមរយៈកម្មវិធី Competency Based ក្រសួងអប់រំ យុវជន និងកីឡា បានប្រកាសជ្រើសរើសសិស្សានុសិស្សដែលបានប្រឡងជាប់សញ្ញាបត្របច្ចេកទេស និងវិជ្ជាជីវៈកម្រិត៣ សរុបចំនួន ៣ ០២៥កន្លែង...
ឱកាសសិក្សាអាហារូបករណ៍ចំនួន២៣០កន្លែងនៅវិទ្យាស្ថានខ្មែរជំនាន់ថ្មី ពី ស.ស.យ.ក រាជធានីភ្នំពេញ
ព័ត៌មានអាហារូបករណ៍, ព្រឹត្តិការណ៍
• 16/11/2023
ឱកាសសិក្សាអាហារូបករណ៍ថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់នៅវិទ្យាស្ថានខ្មែរជំនាន់ថ្មី ចំនួន២៣០កន្លែង ពីសហភាពសហព័ន្ធយុវជនកម្ពុជារាជធានីភ្នំ...
ឱកាសទស្សនកិច្ចសិក្សានៅប្រទេសចិនស្ដីពីកម្មវិធីគ្រាប់ពូជដើម្បីអនាគតរបស់ប្រទេសកម្ពុជាឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 03/07/2024
ឱកាសទស្សនកិច្ចសិក្សារយៈពេល១សប្ដាហ៍សម្រាប់សិស្សនិស្សិតឆ្នើមតំណាងឱ្យកម្ពុជាស្ដីពី កម្មវិធីគ្រាប់ពូជដើម្បីអនាគតរបស់ប្រទេសកម្ពុជា...
អាហារូបករណ៍រដ្ឋាភិបាលសហព័ន្ធរុស្ស៊ីចំនួន៤០កន្លែង សម្រាប់ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 11/12/2024
សម្រាប់ឆ្នាំសិក្សា២០២៥-២០២៦ រដ្ឋាភិបាល នៃសហព័ន្ធរុស្ស៊ី ផ្តល់អាហារូបករណ៍ចំនួន ៤០កន្លែង ដល់សិស្ស និស្សិត និងមន្រ្តីរាជការកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ បណ្ឌិត និងថ្នាក់ឯកទេស (Specialist) នៅសហព័ន្ធរុស្ស៊ី។
ឱកាសសម្រាប់សិស្សកំពុងរៀនថ្នាក់ទី១២ ចង់រៀនជំនាញបច្ចេកវិទ្យា, ខេមតិច ផ្តល់អាហារូបករណ៍ ១០០%
ព័ត៌មានអាហារូបករណ៍, ព្រឹត្តិការណ៍
• 30/04/2026
សម្រាប់សិស្សានុសិស្សដែលកំពុងរៀនថ្នាក់ទី១២ ហើយមានបំណងចង់បន្តការសិក្សានៅសាកលវិទ្យាល័យ លើជំនាញបច្ចេកវិទ្យា បន្ទាប់ពីចប់បាក់ឌុបរួច, ពេលនេះ សាកលវិទ្យាល័យឯកជនក្នុងស្រុកមួយ...
ឱកាសសិក្សាពីកម្មវិធីអាហារូបករណ៍ ផ្លូវសូត្រឆ្នាំ២០២៤ នៅសាកលវិទ្យាល័យហិរញ្ញវត្ថុ និងសេដ្ឋកិច្ចYUNNAN
ព័ត៌មានអាហារូបករណ៍, ព្រឹត្តិការណ៍
• 28/05/2024
ឱកាសសិក្សាពីកម្មវិធីអាហារូបករណ៍រដ្ឋាភិបាលចិន ផ្លូវសូត្រឆ្នាំ២០២៤ នៅសាកលវិទ្យាល័យហិរញ្ញវត្ថុ និងសេដ្ឋកិច្ចYUNNAN រយៈពេល២ឆ្នាំ។ អាហារូបករណ៍ផ្ដល់ជូនពីរដ្ឋាភិបាលចិនសម្រាប់និស្សិត...
កម្មវិធីពិសេសរបស់ AMS EDUCATION
ព័ត៌មានសង្ខេប
