កម្មវិធីជជែកដេញដោលយុវជនថ្នាក់ជាតិឆ្នាំ២០២៣ រកឃើញ​បេក្ខជន​៤ក្រុមបន្ត​ទៅវគ្គពាក់កណ្តាលផ្តាច់ព្រ័ត្រ

ភ្នំពេញ – ក្រោយការប្រកួតយ៉ាងស្វិតស្វាញរបស់បេក្ខជន ក្រសួងអប់រំ យុវជន និងកីឡា បានរកឃើញបេក្ខជ៤ក្រុម ត្រៀមបន្តទៅប្រកួតក្នុងវគ្គពាក់កណ្ដាលផ្ដាច់ព្រ័ត្រ នៃកម្មវិធីជជែកដេញដោលយុវជនថ្នាក់ជាតិ២០២៣ ដែលគ្រោងនឹងប្រព្រឹត្ត​ទៅ​នៅថ្ងៃទី០៨ ខែកក្កដា ឆ្នាំ២០២៣ ខាងមុខ។

បេក្ខជន ៤ក្រុម ដែលអាចបន្តទៅកាន់វគ្គពាក់កណ្ដាលផ្ដាច់ព្រ័ត្រ រួមមាន៖ ទី១.បេក្ខជនមកពីសាលាមីគីវ៉េ រាជធានីភ្នំពេញ, ទី២.បេក្ខជន​មក​ពីវិទ្យាល័យកំពង់សិលា ខេត្តព្រះសីហនុ, ទី៣.បេក្ខជន​មក​ពីសាលាបញ្ញាសាស្រ្តអន្តរជាតិ ខេត្តបាត់ដំបង និងទី៤. បេក្ខជន​មក​ពីវិទ្យាល័យស្វាយលើ ខេត្តសៀមរាប ។ ក្នុងនោះ ក៏​មានបេក្ខជនចំនួន ៤រូប ផ្សេង​ ទទួលបានឱកាសធ្វើវាគ្មិនឆ្នើមប្រកួតនិយាយជាសាធារណៈ រួមមាន៖ ទី១.យុវតី សឿ សួនរ៉ូហ្សា មកពីសាលាប៊ែលធីអន្តរជាតិ រាជធានីភ្នំពេញ, ទី២.យុវតី ឈឿន អូនធំ មកពីវិទ្យាល័យកំពង់សិលា ខេត្តព្រះសីហនុ, ទី៣.យុវតី ម៉េង រិទ្ធរក្សា មកពីសាលាបញ្ញាសាស្រ្តអន្តរជាតិ ខេត្តបាត់ដំបង និងទី៤. យុវតី ស៊ុន បុប្ផារតនៈ មកពីវិទ្យាល័យ ស្វាយលើ ខេត្តសៀមរាប។

លោក ម៉ិល ផនសីហា ប្រធាននាយកដ្ឋានយុវជន នៃក្រសួងអប់រំ យុវជន និងកីឡា មានប្រសាសន៍ថា ប្អូនៗជាបេក្ខជនបានបញ្ចេញសមត្ថភាពយ៉ាងប្រសើរក្នុងការចូលរួមក្នុងការប្រកួតកម្មវិធីជជែកដេញដោលយុវជនថ្នាក់ជាតិ២០២៣។ លោកបន្តថា ឆ្នាំនេះ ជារដូវកាលទី៤ នៃកម្មវិធីជជែកដេញដោលយុវជនថ្នាក់ជាតិ ហើយកន្លងមកពីមួយរដូវកាលទៅមួយរដូវកាលតែងតែមានការផ្លាស់ប្ដូរសម្រាប់ប្អូនៗ ដោយចង់ផ្ដល់រសជាតិថ្មីដល់ប្អូនៗ។

ប្រធាននាយកដ្ឋានយុវជនបន្ថែមថា កម្មវិធីជជែកដេញដោលយុវជនថ្នាក់ជាតិឆ្នាំ២០២៣ រៀបចំសម្រាប់សិស្សថ្នាក់ទី១១ មកពីគ្រឹះស្ថានសាធារណៈ និងឯកជន ។ ជាមួយគ្នានេះ កម្មវិធីបានអនុវត្តច្រើនដំណាក់កាលទម្រាំតែប្អូនៗបានមកបង្ហាញសមត្ថភាពយ៉ាងល្អប្រសើរ ពោរពេញទៅដោយទំនុកចិត្ត ។

ជាមួយ​គ្នា​នេះ លោក ម៉ិល ផនសីហា ក៏​បានបង្ហាញពីប្រធានបទដែលនឹងប្រកួតក្នុងវគ្គពាក់កណ្ដាលផ្ដាច់ព្រ័ត្រ នៃកម្មវិធីជជែកដេញដោលយុវជនថ្នាក់ជាតិឆ្នាំ​២០២៣ ដោយប្រធានបទទី១. នីតិរដ្ឋគឺជាមូលដ្ឋានគ្រឹះនៃលទ្ធិប្រជាធិបតេយ្យ និងការអភិវឌ្ឍន៍។ ក្នុងនោះ ក្រុមស្របបានទៅលើ សាលាបញ្ញាសាស្រ្តអន្តរជាតិខេត្តបាត់ដំបង ហើយ​ក្រុមបដិសេធបានទៅលើក្រុមមកពីវិទ្យាល័យស្វាយលើ ខេត្តសៀមរាប ។ ដោយឡែកប្រធានបទទី២ គឺ ការអប់រំតាមបែបឌីជីថលជាមធ្យោបាយដ៏ចម្បងដែលធ្វើឱ្យសម្រេចបាននូវការអប់រំពេញលេញ និងពេញមួយជីវិត។ ក្នុងនោះ ក្រុមបដិសេធបានទៅលើ បេក្ខជន​មក​ពីវិទ្យាល័យកំពង់សិលា ខេត្តព្រះសីហនុ ចំណែកក្រុមស្របបានទៅលើ សាលាមីគីវ៉េ រាជធានីភ្នំពេញ។

បើតាមលោក ម៉ិល ផនសីហា សម្រាប់បេក្ខជនចំនួន ៤រូបដែលទទួលបានអាទិភាពក្នុងការប្រកួតនិយាយជាសាធារណៈ ប្រចាំកម្មវិធីជជែកដេញដោលយុវជនថ្នាក់ជាតិ២០២៣ ប្រធានបទគឺពាក់ព័ន្ធលើវិស័យអប់រំ ដោយបេក្ខជនត្រូវជ្រើសរើសយកម្នាក់មួយប្រធានបទដែលគិតថាជាប្រធានបទក្ដៅហើយទាក់ទាញសាធារណៈជន ដើម្បីយកមកប្រកួត។ សម្រាប់ប្រធានបទ បេក្ខជនឆ្នើមទាំង៤រូប មានសេរីភាពនៅក្នុងការកំណត់ ហើយក្រុមការងារនឹងមានរៀបចំជាការណែនាំបន្ថែមសម្រាប់រៀបចំការប្រកួតនេះ។

គួរជម្រាបជូនថា ការប្រកួតជម្រុះជុំទី៣ មានបេក្ខជនចូលរួមប្រកួតចំនួន ៨ក្រុម លើប្រធានបទចំនួន៤ រួមមាន ប្រធានបទទី១៖ ការចូលរួមចំណែកពីសាលារៀន និងគ្រូបង្រៀនគឺជាកត្តាសំខាន់ក្នុងការកែទម្រង់វិស័យអប់រំនៅកម្ពុជា, ប្រធានបទទី២៖ កម្ពុជាគួរតែចាប់យកការប្រើប្រាស់ថាមពលកកើតឡើងវិញ ដើម្បីធានាបាននូវការប្ដេជ្ញាចិត្តថ្នាក់ជាតិរបស់កម្ពុជាក្នុងការកាត់បន្ថយការប្រែប្រួលអាកាសធាតុ, ប្រធានបទទី៣ ៖ ការបំពេញកាតព្វកិច្ចបោះឆ្នោតជ្រើសតាំងតំណាងរាស្រ្ត គឺជាកត្តាចម្បងដែលនាំឱ្យកម្ពុជាធានាបាននូវសុខសន្តិភាព និងប្រធានបទទី៤ ៖ យន្តការដោះស្រាយវិវាទក្រៅប្រព័ន្ធតុលាការ គឺជាយន្តការដ៏ល្អបំផុតក្នុងការផ្ដល់សេវាយុត្តិធម៌ដល់ប្រជាជនដ៏មានប្រសិទ្ធភាព ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងអប់រំ ជ្រើសរើសគ្រូបង្រៀន ដើម្បីបណ្តុះបណ្តាលជំនាញអប់រំពិសេស សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 10/11/2026

ក្រសួងអប់រំ យុវជន និងកីឡា កំពុងប្រកាស​ជ្រើសរើសបុគ្គលិកអប់រំ ចំនួន៣០រូប មក​ពីរាជធានីខេត្តទាំង១០ រួមមាន រាជធានីភ្នំពេញ កណ្តាល កំពង់ចាម កំពង់ឆ្នាំង ពោធិ៍សាត់

ឱកាសសិក្សាអាហារូបករណ៍បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Science Po ប្រទេស​បារាំង

ព័ត៌មានអាហារូបករណ៍, ព្រឹត្តិការណ៍

• 22/08/2025

តាមរយៈកម្មវិធីអាហារូបករណ៍ Emile Boutmy Scholarship 2025 កំពុងប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិ សិក្សានៅសាកលវិទ្យាល័យ Science Po នៃប្រទេសបារាំង ក្នុងឆ្នាំសិក្សា២០២៥។

អាហារូបករណ៍សិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ធំ ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 18/09/2023

វិទ្យាស្ថានពហុបច្ចេកទេស​ខេត្តកំពង់ធំ (PIKT) ប្រកាស​ជ្រើសរើសសិស្ស-និស្សិតថ្នាក់អាហារូបករណ៍ សិក្សា​ជំនាញវិជ្ជាជីវៈ ចាប់ពីកម្រិតសញ្ញាបត្របច្ចេកទេស រហូត​ដល់កម្រិតសញ្ញាបត្រជាន់ខ្ពស់បច្ចេកទេស...

អាហារូបករណ៍សាកលវិទ្យាល័យពីមូលនិធិ Child’s Dream សិក្សានៅប្រទេសថៃ ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 19/12/2024

មូលនិធិ Child’s Dream ប្រកាសជ្រើសរើសសិស្ស-និស្សិត ទៅសិក្សាថ្នាក់បរិញ្ញាបត្រសិក្សានៅសាកលវិទ្យាល័យនានានៅ​ប្រទេសថៃសម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការ និងជ្រើសរើសសម្រាប់សិស្ស-និស្សិត...

អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញសុរិយោដី និងអភិរក្ស ១០០% និង៥០% នៅសាកលវិទ្យាល័យអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 09/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យអន្តរជាតិ(IU) ចំនួន២៧កន្លែងសម្រាប់ឆ្នាំសិក្សា២០២៤។ អាហារូបករណ៍ផ្ដល់ជូន...

ឱកាសសិក្សាអាហារូបករណ៍សិក្សាជំនាញវិស្វករថែទាំយន្តហោះពីកម្មវិធី Wefly Scholarship នៅប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 22/02/2023

ឱកាសទទួលបានអាហារូបករណ៍ចាប់ពី៣០% ៥០% និង១០០% សិក្សាលើជំនាញវិស្វករថែទាំយន្តហោះពីកម្មវិធីអាហារូបករណ៍ Wefly Scholarship Program...

អាហារូបករណ៍ព័ត៌មានវិទ្យា ៨០កន្លែង នៅមជ្ឈមណ្ឌលកូរ៉េ សហ្វវែរ អេច អ ឌី

ព័ត៌មានអាហារូបករណ៍, ព្រឹត្តិការណ៍

• 06/11/2026

មជ្ឈមណ្ឌលកូរ៉េ សហ្វវែរ អេច អ ឌី (Korea Software HRD Center) ប្រកាសផ្តល់ឱកាសអាហារូបករណ៍ផ្នែកព័ត៌មានវិទ្យា រហូតដល់ ៨០កន្លែង

តួកគី ផ្តល់អាហារូបករណ៍លើការ​បណ្តុះបណ្តាល ភាសា-វប្បធម៌ ដល់មន្ត្រីរាជការ និងបញ្ញវន្តកម្ពុជា សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 13/05/2026

សម្រាប់ឆ្នាំសិក្សា២០២៦-២០២៧ នេះ សាធារណៈរដ្ឋ​តួកគីយ៉េ ​បាន​ប្រកាស​ផ្តល់​អាហារូបករណ៍​ដល់​មន្ត្រីរាជការ និង​បញ្ញវន្ត​កម្ពុជា សិក្សា​រយៈ​ពេល ៨ ខែ​ពេញ​ លើ​ការ​បណ្ដុះបណ្ដាល​ភាសា​ និង​វប្បធម៌​តួកគីយ៉េ សិក្សា​នៅ​សាធារណរដ្ឋ​តួកគីយ៉េ។

ឱកាសសិក្សាថ្នាក់បរិញ្ញាបត្រជាន់ខ្ពស់បណ្ឌិតផ្នែក AI នៅសាកលវិទ្យាល័យជាតិ Chungbok ប្រទេសកូរ៉េ

ព័ត៌មានអាហារូបករណ៍, ព្រឹត្តិការណ៍

• 05/04/2023

ជាឱកាសសម្រាប់អ្នកចង់បន្ត​ការសិក្សា​ លើជំនាញ AI Processor Chip Design និង AI Deep Learning Image Recognition ពេល​នេះ​សាកលវិទ្យាល័យជាតិ Chungbok ...