ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យុវជនប្រមាណ៣ពាន់នាក់បានចូលរួមជាអ្នកស្ម័គ្រចិត្តក្នុងព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះចាប់ពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣ ។ យុវជនស្ម័គ្រចិត្តទាំងអស់ជាមានតួនាទីផ្សេងៗពីគ្នាក្នុងការជួយសម្រួលដល់ការធ្វើដំណើរ ការប្រាស្រ័យទាក់ទង និងការងារផ្សេងៗជាច្រើនទៀតសម្រាប់អត្តពលិកគ្រប់ជាតិសាសន៍ដែលមកចូលរួមប្រកួតនៅកម្ពុជា ។
កញ្ញា ញឹម សុខេង ជានិស្សិតឆ្នាំទី២នៃវិទ្យាស្ថានជាតិអប់រំកាយ និងជាយុវជនស្ម័គ្រចិត្តបានលើកឡើងថា កញ្ញាសប្បាយរីករាយដែលបានធ្វើជាអ្នកស្ម័គ្រចិត្តក្នុងព្រឹត្តិការណ៍កីឡាអាស៊ានប៉ារ៉ាហ្គេមនេះ ដោយថា វាបានធ្វើឱ្យកញ្ញាទទួលបទពិសោធន៍បន្ថែមថ្មីៗច្រើន ។
កញ្ញា ញឹម សុខេង យុវជនស្ម័គ្រចិត្ត
“វាជាឱកាសកម្រដែលកម្ពុជាជាម្ចាស់ផ្ទះ និងឱកាសសម្រាប់ខ្ញុំទទួលបានបទពិសោធន៍ជាយុវជនស្ម័គ្រចិត្ត និងចំណេះដឹងបន្ថែម”
យុវជនស្ម័គ្រចិត្តរូបនេះបន្ថែមថា ការងារជាអ្នកស្ម័គ្រចិត្តក្នុងព្រឹត្តិការណ៍កីឡាអាស៊ានប៉ារ៉ាហ្គេម មិនមានផលវិបាកខ្លាំងសម្រាប់កញ្ញាឡើយ ត្បិតមានរយៈពេលវែងប៉ុន្តែបើនិយាយពីប្រភេទកីឡាយុវជនស្ម័គ្រចិត្តគ្រប់រូបអាចរវល់ជាងកីឡា SEA Games បន្តិចព្រោះកីឡាករកីឡាការិនីជាជនមានពិការភាព ។
កញ្ញា ញឹម សុខេង បញ្ជាក់ថា ត្បិតអត្តពលិកជាជនមានពិការភាព ប៉ុន្តែពួកគាត់មិនមែនជាបន្ទុកសម្រាប់យុវជនស្ម័គ្រចិត្តនោះទេ ព្រោះពួកគាត់ងាយសម្របខ្លួន និងងាយស្រួលក្នុងការទាក់ទងផងដែរ ។ លើសពីនេះ យុវជនស្ម័គ្រចិត្តដែលមានតួនាទីជាមួយពួកគាត់ (កីឡាករ និងកីឡាការិនី) អាចចូលរួមលើសពីកីឡា SEA Games ដូចជា ជួយរុញរទេះ ជួយដឹកដៃ និងកាន់សម្ភារៈមួយចំនួនដែលពួកគាត់ពិបាកកាន់ខ្លួនឯងជាដើម ។
កញ្ញា ញឹម សុខេង យុវជនស្ម័គ្រចិត្ត ជាចុងក្រោយ កញ្ញា ញឹម សុខេង ចង់ឃើញមានអ្នកគាំទ្រអត្តពលិកទាំងអស់ចូលរួមគាំទ្រឱ្យបានច្រើនកុះករដើម្បីលើកទឹកចិត្តដល់អត្តពលិកមានពិការភាព ក្នុងការប្រកួតផងដែរ
” ខ្ញុំពិតជាមានមោទនភាពដែលបានជាចំណែកម្នាក់ក្នុងព្រឹត្តិការណ៍កីឡា SEA Games និង PARA Games ដោយកម្ពុជាជាម្ចាស់ផ្ទះ និងជាព្រឹត្តិការណ៍ប្រវិត្តសាស្ត្រសម្រាប់កម្ពុជា”
