ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ចំណាត់ថ្នាក់សាកលវិទ្យាល័យបាននិងកំពុងរំលេចឱ្យសាធារណៈជនមើលឃើញពីការងារ និងកិច្ចខិតខំប្រឹងប្រែងរបស់សាកលវិទ្យាល័យលំដាប់ថ្នាក់ពិភពលោក តាំងពីឆ្នាំ២០០៤។ ចំណាត់ថ្នាក់ ដែលរៀបចំឡើងដោយ Time Higher Education ត្រូវបានគេកំណត់ថា ជាតារាងចំណាត់ថ្នាក់សាកលវិទ្យាល័យ ដ៏មានកិត្យានុភាពបំផុត និងត្រូវបានគេប្រើជាឯកសារយោង និងផលិតឡើងវិញ ដោយប្រព័ន្ធផ្សព្វផ្សាយជុំវិញពិភពលោក។
ទិន្នន័យដែលបានចងក្រងដើម្បីបង្កើតចំណាត់ថ្នាក់ទាំងនេះ ត្រូវបានទុកចិត្តដោយរដ្ឋាភិបាល និងសាកលវិទ្យាល័យ ហើយជាធនធានដ៏សំខាន់សម្រាប់និស្សិត នៅពេលដែលពួកគេធ្វើការសម្រេចចិត្តជ្រើសរើសសាកលវិទ្យាល័យ។
ចាប់តាំងពីឆ្នាំ២០១៥មក ស្ថាប័ន THE បានពង្រីកវិសាលភាព នៃការវាយតម្លៃចំណាត់ថ្នាក់ ដោយផលិតឡើងដើម្បីឱ្យមានការចាប់អារម្មណ៍ និងតម្លៃពីបេសកកម្មចម្រុះនៃសាកលវិទ្យាល័យ រួមទាំងការបង្រៀន និងឥទ្ធិពលចំពោះសង្គម។
តាមរយៈការបញ្ជូនទិន្នន័យរបស់សាលាទៅក្នុងចំណាត់ថ្នាក់ណាមួយរបស់ THE ទោះបីជាសាលានោះ មិនបំពេញតាមលក្ខខណ្ឌវិនិច្ឆ័យ ដែលបានកំណត់ក៏ដោយ។ សាលានឹងមានសិទ្ធិបង្ហាញខ្លួននៅលើគេហទំព័ររបស់ THE ដែលជាចំណែកធ្វើឱ្យមានអ្នកទស្សនាកាន់តែច្រើន ជាពិសេសគឺបញ្ញាវន្ត អនាគតនិស្សិត និងឪពុកម្ដាយរបស់ពួកគេ។
យោងតាម គេហទំព័រផ្លូវការរបស់ THE លក្ខណៈវិនិច្ឆ័យសំខាន់ៗចំនួន ៣ ដែលស្ថាប័នត្រូវបំពេញ ដើម្បីអាចបញ្ចូលក្នុងចំណាត់ថ្នាក់ ៖
១. បោះពុម្ពចំនួនឯកសារសិក្សាឱ្យបានគ្រប់គ្រាន់ តាម THE កំណត់ ក្នុងរយៈពេល ៥ឆ្នាំ ខណៈបច្ចុប្បន្ន ត្រូវកំណត់ឱ្យមាន ១០០០ ឯកសារក្នុងរយៈពេល ៥ឆ្នាំ។
២. បង្រៀននិស្សិតថ្នាក់បរិញ្ញាបត្រ
៣. ធ្វើការលើមុខវិជ្ជាជាច្រើន។
ទំន្ទឹមនឹងចំណាត់ថ្នាក់សាកលវិទ្យាល័យពិភពលោក ស្ថាប័ន THE ក៏ផ្សព្វផ្សាយពីចំណាត់ថ្នាក់មុខវិជ្ជាចំនួន ១១ និងចំណាត់ថ្នាក់សាកលវិទ្យាល័យនៅអាស៊ីផងដែរ។ សាកលវិទ្យាល័យត្រូវតែចូលរួមក្នុងការប្រមូលទិន្នន័យ ចំណាត់ថ្នាក់សាកលវិទ្យាល័យពិភពលោក ហើយត្រូវចាត់ថ្នាក់ក្នុងតារាងសាកលនេះ។
ជាមួយគ្នា សាកលវិទ្យាល័យនានា ត្រូវតែចូលរួមក្នុងការប្រមូលទិន្នន័យចំណាត់ថ្នាក់សាកលវិទ្យាល័យពិភពលោក ដើម្បីដាក់បញ្ចូលក្នុងចំណាត់ថ្នាក់សាកលវិទ្យាល័យអាមេរិកឡាទីន ចំណាត់ថ្នាក់សាកលវិទ្យាល័យអារ៉ាប់ ឬចំណាត់ថ្នាក់វិទ្យាសាស្ត្រអន្តរកម្ម (Interdisciplinary Science Rankings)៕
