ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បង្ហាត់កុមារឱ្យចេះទទួលខុសត្រូវចំពោះខ្លួនគេតាំងពីនៅតូច អាចនាំឱ្យគេក្លាយជាមនុស្សមានទំនួលខុសត្រូវនៅពេលគេពេញវ័យដោយមិនពិបាកក្នុងការណែនាំច្រើនពេកទេ ។ ដែលនេះវាមិនខុសគ្នាអីទៅនឹងសុភាសិតខ្មែរមួយឃ្លាដែលបានលើកឡើងថា ដំដែកទាន់នៅក្ដៅ ណែនាំកូនចៅទាន់នៅក្មេង ។
យោងតាមគេហទំព័រ BaByCentre បានបង្ហាញ៦ចំណុចទៅកាន់ឪពុកម្តាយពីរបៀបបង្រៀនកូនឱ្យចេះរស់នៅដោយមានភាពម្ចាស់ការ និងឯករាជ្យតាំងតែពីនៅគេនៅក្មេង។
១.ប្រគល់កិច្ចការឱ្យសមស្របនឹងអាយុរបស់ពួកគេ ៖ ឪពុកម្តាយត្រូវចេះប្រមាណពីប្រភេទកិច្ចការជាមួយអាយុកូន សូមកុំដាក់នូវកិច្ចការណាដែលពិបាកពេកសម្រាប់ពួកគេ ។ ការធ្វើបែបនេះអាចផ្តល់ប្រសិទ្ធភាពបន្ទាប់ពីប្រគល់ការងារទាំងឡាយឱ្យពួកគេធ្វើ ។ ជាមួយគ្នានឹងការដាក់កិច្ចការឱ្យកុមារធ្វើ លោកអ្នកចាំបាច់ត្រូវតែចំណាយពេលពន្យល់ពួកគេឱ្យបានក្បោះក្បាយអំពីអ្វីដែលអ្នកចង់បាន ឬអ្វីដែលជាគោលបំណងរបស់អ្នក ។ ការអធិប្បាយឱ្យលម្អិតបែបនេះធ្វើឱ្យពួកគេយល់ពីអ្វីដែលអ្នករំពឹងចង់បានពីពួកគេ និងដើម្បីឱ្យពួកគេបំពេញភារកិច្ចដោយឆ្លើយតបនឹងតម្រូវការរបស់អ្នកវិញដែរ ។
ក្នុងករណីខ្លះកូនរបស់អ្នកអាចនឹងមិនពេញចិត្តទេនៅពេលអ្នកស្នើឱ្យពួកគេធ្វើអ្វីមួយមើលទៅហាក់ដូចជាធំដំ «ឧទាហរណ៍រៀបចំបន្ទប់គេងទាំងស្រុង» តែវាមិនមែនជាបញ្ហាទេអ្នកអាចបំបែកការងារទាំងនោះឱ្យតូចៗ ដូចជាស្នើឱ្យពួកគេចេះទុកដាក់សម្លៀកបំពាក់ ការរៀបចំកន្លែងគេង ។ល។
អ្នកអាចដាក់កិច្ចការដែលតម្រូវឱ្យកុមារមានការគិតវិភាគ និងខិតខំប្រឹងប្រែងខ្លះ តែសូមឱ្យប្រាកដក្នុងចិត្តថា វាមិនលើសពីកម្រិតសមត្ថភាពរបស់ពួកគេ នេះហើយជាហេតុធ្វើឱ្យក្មេងចាប់ផ្តើមដុះដាលនូវភាពម្ចាស់ការចំពោះខ្លួនគេ ។
២.បង្ហាត់បង្ហាញ និងអធិប្បាយ ៖ នៅពេលដែលអ្នកប្រគល់កិច្ចការឱ្យកុមារធ្វើ សូមពន្យល់ពួកគេដោយវិធីសាស្រ្តងាយៗ ដូចជាប្រាប់ដោយប្រើប្រាស់ពាក្យឱ្យស្របនឹងអាយុដែលពួកគេអាចស្ដាប់បាន ។ ឧទាហរណ៍នៅពេលអ្នកប្រើឱ្យក្មេងរៀបតម្លើងតុដែលមានបត់បែនជាកគន្លិកគន្លាក់ច្រើន អ្នកត្រូវប្រគល់ការងារនោះឱ្យគេដាច់តែឯងមួយចំណែក ហើយអ្នកគ្រាន់តែបង្ហាត់បង្ហាញពីរបៀបរៀបនៅនឹងមុខក្មេងផ្ទាល់តែម្តង មុននឹងឱ្យគេចាប់ផ្តើមធ្វើសកម្មភាព ។
ខណៈនោះសូមអ្នកសង្កេតមើលនាទីនាឡិការផង ប្រសិនបើអ្នកចំណាយពេលច្រើនជាងពីរទៅបីនាទីក្នុងការពន្យល់អ្វីមួយ អ្នកត្រូវដឹងថា កាលដែលចំណាយពេលបែបនេះមានន័យថា ក្មេងនិងកិច្ចការនោះមិនសមស្របនឹងគ្នាទេ គឺអាចធ្វើឱ្យក្មេងមានអារម្មណ៍ថាពិបាក និងឆាប់ធុញជាមួយការងារ ។
៣.ធ្វើការខ្លះលេងកម្សាន្តខ្លះ ៖ ទោះបីជាការផ្តោតអារម្មណ៍របស់ក្មេងនៅមិនទាន់បានល្អក៏ដោយ អ្នកនៅតែអាចជំរុញឱ្យពួកគេបញ្ចប់កិច្ចការបានដោយឯករាជ្យខ្លួនគេ ។ អ្នកអាចបំផុសឱ្យគេដឹងថា គេនឹងទទួលបានអ្វីជាទីគាប់ចិត្តបន្ទាប់ពីធ្វើអ្វីមួយរួចរាល់ ។ អ្នកអាចសាកល្បងដោយវិធីសាស្រ្តមួយគឺប្រាប់ថា ចង់នាំកូនទៅលេងសួនកម្សាន្ត ក៏ប៉ុន្តែយើងត្រូវរៀបចំសម្អាតកន្លែងញាំអាហារថ្ងៃត្រង់របស់យើងឱ្យរួចរាល់ជាមុនសិន ។ ការធ្វើបែបនេះនឹងជំរុញឱ្យក្មេងរិះរកវិធីសាស្រ្តសម្អាតកន្លែងនោះដោយខ្លួនគេ។
ត្រង់ចំណុចនេះអ្នកត្រូវប្រុងប្រយ័ត្នក្នុងការប្រើប្រាស់ពាក្យពេចន៍ផងដែរ ដោយអ្នកគួរតែប្រើពាក្យ «នៅពេលដែល» ជាជាងការប្រើពាក្យ «ប្រសិនបើ» ។ ព្រោះកាលដែលអ្នកប្រើប្រយោគ «នៅពេលដែល» គឺវាបានបង្ហាញអំពីភាពជាក់លាក់ថា គេនឹងទទួលបានអ្វីដែលគេចង់បានបន្ទាប់ពីបញ្ចប់កិច្ចការមួយនោះ ។
៤.បង្កឱ្យការងារកាន់តែសប្បាយ ៖ ធ្វើយ៉ាងណាឱ្យកូនរបស់អ្នករីករាយនៅខណៈពួកគេចំណាយពេលវេលាធ្វើការជាមួយអ្នក ឧទាហរណ៍ដូចជានៅពេលអ្នកប្រមូលខោអាវចេញពីម៉ាស៊ីនបោកអ៊ុតអ្នកអាចឱ្យកូនរបស់អ្នកទាញវាចេញដោយធ្វើដូចជាកំពុងកម្ដៅម្រាមដៃអ៊ុនៗជាមួយនឹងខោអាវទាំងនោះ ព្យាយាមបង្វែរបរិយាកាសនោះឱ្យដូចជាមិនមែនជាបរិយាកាសកំពុងធ្វើកិច្ចការ ឬក៏នៅពេលអ្នករៀបរបស់របរអ្វីមួយ ចូរនាំកុមាររៀបជាមួយគ្នាដោយភ្នាល់លេងជាមួយពួកគេថាអ្នកណារៀបបានច្រើនជាង ។
៥.ហាមដាក់សម្ពាធទៅលើកុមារ ៖ អ្នកអាចបង្រៀនកូនរបស់អ្នកឱ្យគោរពច្បាប់ទម្លាប់អ្វីមួយដោយវិធីសាស្រ្តត្រជាក់ៗបែបវិជ្ជមាន ដោយគ្មានការបង្ខិតបង្ខំ ឬគំរាមគំហែង ឧទាហរណ៍ថា ប្រសិនបើកូនរបស់អ្នកមិនមានទម្លាប់ញាំអាហារនៅលើតុទេ ហើយនៅពេលកូននិយាយថា «ខ្ញុំចង់បាននំញាំ» អ្នកអាចប្រាប់គេថា «ចូរកូនអង្គុយលើតុឱ្យមានរបៀបរៀបរយសិននោះកូននឹងអាចញាំវាបាន» នេះជាវិធីសាស្រ្តដ៏ប្រសើរដើម្បីបណ្តុះទម្លាប់កូនរបស់អ្នកឱ្យមានរបៀប និងម្ចាស់ការ ។ ហើយគេនឹងចេះរកកន្លែងអង្គុយដោយខ្លួនឯងនៅពេលគេចង់បានអ្វីនៅពេលក្រោយៗទៀត ។
៦.ធ្វើជាគំរូសម្រាប់ក្មេង ៖ ចូរអ្នកធ្វើសកម្មភាពល្អៗបង្ហាញទៅកាន់កូនរបស់អ្នកដើម្បីបង្ហាញពីទំនួលខុសត្រូវរបស់អ្នកដោយទុកដាក់នូវសម្ភារៈប្រើប្រាស់ និងកន្លែងផ្ទាល់ខ្លួនឱ្យមានរបៀបរៀបរយ ហើយជាមួយគ្នានោះ អ្នកត្រូវពន្យល់ពីមូលហេតុដែលអ្នកធ្វើវាផងដែរ «ឧទាហរណ៍, នៅពេលអ្នកយកសោឡានទៅទុកកន្លែងមួយជាប្រចាំរៀងរាល់ពេលដែលអ្នកឈប់ប្រើ ខណៈនោះអ្នកអាចប្រាប់ទៅកូនរបស់អ្នកដែរថា ការដែលទុកបែបនេះ គឺដើម្បីងាយស្រួលយកទៅប្រើប្រាស់នៅពេលក្រោយ អាចធ្វើឱ្យយើងចំណេញពេលវេលាច្រើន» ធ្វើដូច្នេះហើយកូនរបស់អ្នកអាចរៀនពីការចេះទទួលខុសត្រូវតាមវិធីនោះយ៉ាងល្អ ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Peking (PKU)
ព័ត៌មានអាហារូបករណ៍, ព្រឹត្តិការណ៍
• 13/04/2026
វិទ្យាស្ថានកិច្ចសហប្រតិបត្តិការ និងអភិវឌ្ឍន៍ត្បូង-ត្បូង (ISSCAD) នៃសាកលវិទ្យាល័យ Peking ជូនដំណឹងអំពីការជ្រើសរើសនិស្សិតអាហារូបករណ៍អន្តរជាតិសម្រាប់កម្មវិធីសិក្សាឆ្នាំ ២០២៦។
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ Cyprus ២០២៥
ព័ត៌មានអាហារូបករណ៍, ព្រឹត្តិការណ៍
• 01/04/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ Cyprus នៃសាធារណរដ្ឋស៊ីប (Republic of Cyprus) សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។
ឱកាសផ្លាស់ប្ដូរការសិក្សានៅប្រទេសបារាំងក្នុងកម្មវិធី Young Leaders Union Paris 2025
ព័ត៌មានអាហារូបករណ៍, ព្រឹត្តិការណ៍
• 30/06/2025
កម្មវិធីផ្លាស់ប្ដូរការសិក្សារយៈពេល៤ថ្ងៃនៅទីក្រុងប៉ារីស ប្រទេសបារាំង សម្រាប់និស្សិតអន្តរជាតិ ក្នុងកម្មវិធី Young Leaders Union Paris 2025 កំពុងបើកទទួលពាក្យ។ កម្មវិធីមានរយៈពេលចំនួន៤ថ្ងៃ ដោយគិតចាប់ពីថ្ងៃទី០១ ដល់ថ្ងៃទី០៤ ខែវិច្ឆិកា ឆ្នាំ២០២៥។
អាហារូបករណ៍ផ្លាស់ប្ដូរការសិក្សានៅប្រទេសកូរ៉េពី Global Korea Scholarship ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 28/01/2026
ឱកាសទៅផ្លាស់ប្ដូរការសិក្សានៅប្រទេសកូរ៉េ ពីកម្មវិធីអាហារូបករណ៍ Global Korea Scholarship សម្រាប់ឆ្នាំសិក្សា២០២៦។ កម្មវិធីអាហារូបករណ៍នឹងគាំទ្រពេញលេញលើបេក្ខភាពអាហារូបករណ៍ក្នុងរយៈពេលផ្លាស់ប្ដូរការសិក្សា...
ឱកាសសិក្សាវគ្គខ្លីតាមអនឡាញ ពីវិទ្យាស្ថានគោលនយោបាយសាធារណៈ នៃសាកលវិទ្យាល័យ Auckland ប្រទេសនូវែលសេឡង់
ព័ត៌មានអាហារូបករណ៍, ព្រឹត្តិការណ៍
• 15/09/2023
ឱកាសសិក្សាអាហារូបករណ៍វគ្គខ្លីតាមរយៈOnline និងសិក្សាផ្ទាល់នៅសាកលវិទ្យាល័យ Auckland នៃប្រទេសនូវែលសេឡង់សម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនសម្រាប់សាធា.....
ឱកាសអាហារូបករណ៍វេជ្ជសាស្ត្រ ពី ARICE ៤០កន្លែង សិក្សានៅប្រទេសរូម៉ានី ឆ្នាំ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 22/05/2026
ទីភ្នាក់ងារវិនិយោគ និងពាណិជ្ជកម្មបរទេសរបស់ប្រទេសរ៉ូម៉ានី ARICE ( THE ROMANIAN AGENCY FOR INVESTMENT AND FOREIGN TRADE ) បានប្រកាសជ្រើសរើសនិស្សិតបរទេស រួមទាំងកម្ពុជាសម្រាប់អាហារូបករណ៍
ក្រសួងមហាផ្ទៃ ជ្រើសរើសនិស្សិត និងសិស្សនគរបាលអាហារូបករណ៍ប្រចាំឆ្នាំចំនួន៤០០នាក់
ព័ត៌មានអាហារូបករណ៍, ព្រឹត្តិការណ៍
• 14/01/2026
ក្រសួងមហាផ្ទៃកាលពីដើមសប្តាហ៍នេះ បានប្រកាសពីការប្រឡងប្រជែងជ្រើសរើសនិស្សិតនិងសិស្សនគរបាលអាហារូបករណ៍ប្រចាំឆ្នាំ ឱ្យចូលសិក្សាថ្នាក់បរិញ្ញាបត្រវិទ្យាសាស្ត្រនគរបាល ថ្នាក់សញ្ញាបត្រមធ្យមឯកទេសនគរបាល...
ឱកាសអាហាររូបករណ៍ International Undergraduate Excellence Award សម្រាប់ឆ្នាំសិក្សា ២០២៦ នៅប្រទេសអង់គ្លេស
ព័ត៌មានអាហារូបករណ៍, ព្រឹត្តិការណ៍
• 19/02/2026
សាកលវិទ្យាល័យ University of Westminster នៃចក្រភពអង់គ្លេស ប្រកាសដាក់ឱ្យដំណើរការនូវកម្មវិធីអាហាររូបករណ៍ International Undergraduate Excellence Award (IEA) សម្រាប់ការសិក្សាដែលនឹងចាប់ផ្តើមនៅ...
អាហារូបករណ៍កន្លែងស្នាក់នៅក្នុងទីក្រុងភ្នំពេញសម្រាប់ជនជាតិដើមភាគតិចឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 22/07/2025
សមាគមយុវជនជនជាតិដើមភាគតិចកម្ពុជា កំពុងប្រកាសផ្ដល់កន្លែងស្នាក់នៅសម្រាប់បេក្ខជនចំនួន២០រូប ដែលមិនមានលទ្ធភាពក្នុងអំឡុងពេលបន្តការសិក្សានៅទីក្រុងភ្នំពេញ តាមបណ្ដាវិទ្យាស្ថាន និងសាកលវិទ្យាល័យនានា សម្រាប់ឆ្នាំសិក្សា២០២៥-២០២៦។
កម្មវិធីពិសេសរបស់ AMS EDUCATION
ព័ត៌មានសង្ខេប
