បណ្ណាល័យជាបេះដូងនៃការរៀន និងបង្រៀនបំណិនសតវត្សទី២១

ភ្នំពេញ – ក្នុង​បទអន្តរាគមន៍ស្តីអំពី “ការអភិវឌ្ឍអ្នកអានពេញមួយជីវិត ៖ អនុភាពនៃបណ្ណាល័យ និងអំណានឮៗ” ក្នុងសិក្ខាសាលាស្តីអំពីការអភិវឌ្ឍន៍បណ្ណាល័យសាលារៀន និងការរៀបចំទិវាជាតិអំណាន នៅវិទ្យាស្ថានបច្ចេកវិទ្យាកម្ពុជាកាលពីពេលថ្មីៗនេះ លោក ហោ សុខៈ នាយកកម្មវិធីអំណាន នៃអង្គការរូមធូរីដកម្ពុជា បានចាត់ទុកបណ្ណាល័យគឺជាបេះដូងនៃការរៀន និងបង្រៀនបំណិនសតវត្សទី២១ ។

លោក ហោ សុខៈ នាយកកម្មវិធីអំណាន នៃអង្គការរូមធូរីដកម្ពុជា បានបញ្ជាក់ថា ជំនាញសតវត្សទី២១ បែងចែកជា ៣ក្រុមធំៗ រួមមាន ជំនាញនៃការសិក្សារៀនសូត្រ (Learning Skills) ជំនាញផ្នែកអក្ខរកម្ម‎ (Literacy Skills) និងបំណិនជីវិត‎ (Life Skills)។ បំណិនសតវត្សទី២១ គឺជាជំនាញដែលជួយពង្រឹង និងអភិវឌ្ឍសមត្ថភាពសិស្សានុសិស្ស ដើម្បីទទួលបានជោគជ័យក្នុងអាជីពការងារ នាសម័យបច្ចេកវិទ្យាទំនើបនេះ ។

ទន្ទឹមគ្នានេះ លោក ហោ សុខៈ នាយកកម្មវិធីអំណាន នៃអង្គការរូមធូរីដកម្ពុជា យល់ឃើញថា

“ដើម្បីផ្តល់ឱ្យសិស្សានុសិស្សទទួលបានបំណិនសតវត្សរ៍ទី២១ ចាំបាច់បំផុតត្រូវអភិវឌ្ឍបណ្ណាល័យនៅតាមសាលារៀន ។ តាមរយៈការប្រើប្រាស់បណ្ណាល័យកម្រិតបឋមអាចជួយឱ្យកុមារចេះអាន និងចេះបង្កើតចម្ងល់ដោយប្រើសៀវភៅសិន បន្ទាប់មកបំណិនសតវត្សរ៍ទី២១ នឹងកើតឡើងពេញដំណើរជីវិតកុមារ”

អ្នកជំនាញផ្នែកអំណានកុមារតូច បានពន្យល់បន្ថែមថា នៅបណ្តាប្រទេសនានាលើសកលលោក គេបានបញ្ចូលបំណិនសតវត្សទី២១ ទៅក្នុងកម្មវិធីសិក្សារួចទៅហើយ ដែលបំណិនទាំងនោះ រួមមានបំណិនពលរដ្ឋវិទ្យា បំណិនសង្គមវិទ្យា បំណិនទំនាក់ទំនងសេដ្ឋកិច្ច និងបំណិនទំនាក់ទំនងជាសកល ។ លទ្ធភាពអាចអានដាច់ និងអាចបកស្រាយបាន (ចេះអាន) ជាមូលដ្ឋានគ្រឹះដ៏ធំមួយសម្រាប់អ្នករៀនអានដំបូងៗក្នុងការអភិវឌ្ឍន៍បំណិនជីវិតសំខាន់ៗរបស់ពួកគេ (Jake Hope, 2020) ។

លោក ហោ សុខៈ បានឱ្យដឹងទៀតថា តាមការសិក្សារបស់អង្គការរូមធូរីដកម្ពុជា កុមាររៀននៅសាលាបឋមសិក្សាមានបណ្ណាល័យ ទទួលបានពិន្ទុអំណាន ៦% និងសរសេរ ១១% លើសកុមាររៀននៅសាលាដែលគ្មាបណ្ណាល័យ ។ ចំណែកសៀវភៅដែលគ្រូយកមកអានឱ្យកុមារបានឃើញ កុមារបានរីករាយនៅបណ្ណាល័យ ​ជាសៀវភៅដែលកុមារខ្ចីយកទៅអាននៅផ្ទះដោយខ្លួនឯងច្រើន ។

សម្រាប់អង្គការរូមធូរីត បានអះអាងថា បណ្ណាល័យសាលាបឋមសិក្សាជាកន្លែងដែលកុមារមានឱកាសរៀនអាន រៀនស្ដាប់ និងរៀននិយាយអំពីសៀវភៅ ដែលជួយបង្កើនចំណេះដឹងដើម្បីក្លាយជាអ្នកចេះអាន មានមោទនភាពជាអ្នកសិក្សាពេញមួយជីវិត ចេះទំនាក់ទំនង និងចេះសហការគ្នាបានល្អ ។

ដោយឡែកបើតាមការសិក្សារបស់ School Library Manifesto បានបង្ហាញថា បណ្ណាល័យសាលាបឋមសិក្សា ជាកន្លែងផ្តល់នូវព័ត៌មាននិងទស្សនៈ ជាមូលដ្ឋានគ្រឹះធ្វើឱ្យចំណេះដឹងនិងព័ត៌មានសង្គមដំណើរការបានល្អ ប្រសើរ ។ បណ្ណាល័យបឋមសិក្សា បានបំពាក់នូវបំណិនការសិក្សាពេញមួយជីវិត បង្កើតក្តីស្រម៉ៃដល់កុមារ ដែលនឹងជួយគេឱ្យក្លាយជាពលរដ្ឋ ប្រកបដោយការទទួលខុសត្រូវខ្ពស់ ។

ចំណែកសហព័ន្ធសមាគមបណ្ណាល័យអន្តរជាតិ (IFLA) បានរកឃើញថា បណ្ណាល័យសាលាបឋមសិក្សា ជាកន្លែងអាន កន្លែងស្វែងរក កន្លែងស្រាវជ្រាវ កន្លែងរិះគិត បង្កើតក្តីស្រម៉ៃ និងបង្កើតការច្នៃប្រតិដ្ឋ ដែលទាំងនេះគឺជាមូលដ្ឋាននៃដំណើរការសិក្សាស្វែងយល់ និងពង្រឹងបន្ថែមនូវព៌ត័មានផ្ទាល់ខ្លួន សង្គម វប្បធម៌របស់សិក្សានុសិស្ស (IFLA, 2015) ។

លោក ហោ សុខៈ នាយកកម្មវិធីអំណាន នៃអង្គការរូមធូរីដកម្ពុជា បានកត់សម្គាល់ថា

“បណ្តុះបំណិនសតវត្សរ៍ទី២១ សម្រាប់កុមារកម្ពុជា យើងចាំបាច់ត្រូវចលនាសហគមន៍ សាលារៀន ម្តាយឪពុក និងអ្នកអាណាព្យាបាលសិស្ស ដើម្បីឱ្យសាលារៀននីមួយៗមានបណ្តាល័យសម្រាប់សិក្សា បណ្ណាល័យត្រូវមានសៀវភៅអំណាន បណ្តាល័យត្រូវមានសកម្មភាព ហើយលោកគ្រូអ្នកគ្រូចេះយកអំណានបណ្តុះបំណិនសតវត្សរ៍ទី២១”

សូមជម្រាបថា តាមការលើកឡើងរបស់ក្រសួងអប់រំ យុវជន និងកីឡា បំណិនសតវត្សរ៍ទី២១ សំដៅលើបំណិនទន់ និងបំណិនបុរេវិជ្ជាជីវៈ ដែលដើរតួនាទីយ៉ាងសំខាន់នៅក្នុងទីផ្សារការងារដែលយុវជនកម្ពុជាត្រូវមាន ។ បំណិនសតវត្សទី២១ បានបែកជាសមាសភាគ ៣ គឺទី១ – បំណិនសិក្សារៀនសូត្រ (Learning Skills) រួមមាន ការត្រិះរិះពិចារណា (Critical thinking), ការគិតដោយមានភាពច្នៃប្រតិដ្ឋ និងនវានុវត្តន៍ (Creativity), ការសហការ (Collaboration), ការប្រាស្រ័យទាក់ទង (Communication) ។

រីឯទី២ – បំណិនអក្ខរកម្ម (Literacy Skills) រួមមាន អក្ខរកម្មព័ត៌មានវិទ្យា (Information literacy), អក្ខរកម្មផ្នែកប្រព័ន្ធផ្សព្វផ្សាយ (Media literacy), អក្ខរកម្មផ្នែកបច្ចេកវិទ្យា (Technology literacy)។ និងទី៣ – បំណិនជីវិត(Life and Career Skills) រួមមាន ភាពទន់ភ្លន់និងសម្របសម្រួល (Flexibility), ការចេះផ្តួចផ្តើមគំនិត (Initiative), ភាពជាអ្នកដឹកនាំ (Leadership), ផលិតភាពការងារ (Productivity), បំណិនសង្គម (Social Skills)៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍នៅសាកលវិទ្យាល័យ Columbia ប្រទេសកាណាដាឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 24/08/2023

ឱកាសសិក្សាអាហារូបករណ៍ថ្នាក់បណ្ឌិតនៅសាកលវិទ្យាល័យ Columbia ពីកម្មវិធីអាហារូបករណ៍ Schmidt Science Fellowships 2024 នៃប្រទេសកាណាដា ឆ្នាំសិក្សា២០២៤ ។ ជំនាញដែល...

អាហារូបករណ៍ទៅសិក្សា​នៅ​ប្រទេស​រុស្ស៊ីចំនួន ៤០កន្លែង សម្រាប់ឆ្នាំសិក្សា​២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 08/01/2025

ជាឱកាស​សម្រាប់សិស្ស និស្សិត និង​មន្រ្តីរាជការ​កម្ពុជា ដែល​ចង់បន្ត​ការ​សិក្សា​ថ្នាក់ជំនាញ​ឯកទេស បរិញ្ញាបត្រ បរិញ្ញាបត្រ​ជាន់ខ្ពស់ និង​បណ្ឌិត នៅ​សហព័ន្ធរុស្ស៊ី។ ពេលនេះរដ្ឋាភិបាលរុស្ស៊ី​បានផ្តល់អាហារូបករណ៍ចំនួន ៤០កន្លែង សម្រាប់ឆ្នាំសិក្សា​២០២៥-២០២៦។

ឱកាសសិក្សាអាហារូបករណ៍ថ្នាក់ឧត្ដមសិក្សា ពីកម្មវិធីរដ្ឋាភិបាលអាស៊ែបៃហ្សង់ ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 10/05/2024

ក្រសួងការបរទេស និងក្រសួងវិទ្យាសាស្ត្រ និងអប់រំនៃសាធារណរដ្ឋអាស៊ែបៃហ្សង់ប្រកាសបើកផ្ដល់អាហារូបករណ៍សិក្សាឆ្នាំ២០២៤ក្រោម...

អាហារូបករណ៍​ថ្នាក់​បរិញ្ញាបត្រ​ជាន់​ខ្ពស់​គ្រប់គ្រង​អប់រំ​ ​២០​កន្លែង​ ​នៅ​វិទ្យាស្ថាន​ជាតិ​អប់រំ ​ឆ្នាំ​សិក្សា​២០២៦​-​២០២៧​

ព័ត៌មានអាហារូបករណ៍, ព្រឹត្តិការណ៍

• 20/07/2026

​នៅក្នុង​ឆ្នាំ​សិក្សា​២០២៦​-​២០២៧​ ​ក្រសួង​អប់រំ ​យុវជន​ និង​កីឡា​ ​នឹង​ធ្វើ​ការ​ជ្រើសរើស​និស្សិត​សរុប​ចំនួន​ ​៨០​រូប ​សម្រាប់​ថ្នាក់​បរិញ្ញាបត្រ​ជាន់​ខ្ពស់​អប់រំ ​ឯកទេស​គ្រប់គ្រង​អប់រំ ​ជំនាន់​ទី​១៥

ឱកាស​អាហារូបករណ៍ថ្នាក់បរិញ្ញាបត្រជាន់ខ្ពស់ផ្នែក STEM នៅសាកលវិទ្យាល័យ Manchester ប្រទេស​អង់គ្លេស ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 27/03/2025

ឱកាសសិក្សាអាហារូបករណ៍ថ្នាក់បរិញ្ញាបត្រ នៅសាកលវិទ្យាល័យ Menchester ពីកម្មវិធី ASEAN-UK SAGE ដែលផ្ដល់ឱ្យការសិក្សានៅក្នុងវិស័យ STEM។ អាហារូបករណ៍ផ្តល់មូលនិធិសម្រាប់ស្ត្រីដើម្បីសិក្សាថ្នាក់អនុបណ្ឌិតរយៈពេលមួយឆ្នាំនៅចក្រភពអង់គ្លេស។

ឱកាសសិក្សា! អាហារូបករណ៍ អ.ម.ត ១០៣៣ កន្លែង នៅគ្រឹះស្ថានឧត្តមសិក្សា ១៤ សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 10/09/2026

គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈ

វិទ្យាស្ថានពហុបច្ចេកទេសភូមិភាគតេជោសែនសៀមរាបបន្តជ្រើសរើសសិក្ខាកាមរៀនជំនាញឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 26/06/2025

តាមរយៈកម្មវិធី TVET ១លាន៥សែននាក់ វិទ្យាស្ថានពហុបច្ចេកទេសភូមិភាគតេជោសែនសៀមរាប ប្រកាសបន្តជ្រើសរើសសិក្ខាកាមចូលរៀនជំនាញវិជ្ជាជីវៈ ថ្នាក់សញ្ញាបត្របច្ចេកទេស និងវិជ្ជាជីវៈ១ សម្រាប់វគ្គសិក្សាថ្មី។

អាហារូបកណ៍សិក្សាជំនាញវិជ្ជាជីវៈនៅវិទ្យាស្ថានជាតិសហគ្រិនភាព និងនវានុវត្តន៍

ព័ត៌មានអាហារូបករណ៍, ព្រឹត្តិការណ៍

• 27/08/2024

ឱកាសសិក្សាជំនាញវិជ្ជាជីវៈវគ្គខ្លីនៅវិទ្យាស្ថានជាតិសហគ្រិនភាព និងនវានុវត្តន៍ សម្រាប់យុវជន យុវនារី ឥតគិតថ្លៃក្នុងវគ្គសិក្សាថ្មី។ អាហារូបករណ៍ផ្ដល់ជូនការសិក្សាសម្រាប់យុវជន យុវនារី មកពីគ្រួសារក្រីក្រ គ្រួសារងាយរងហានិភ័យ កម្មករនិយោជិតនៃសេដ្ឋកិច្ច...

អាហារូបករណ៍៩០កន្លែងនៅវិទ្យាស្ថានជាតិកសិកម្មព្រែកលៀបឆ្នាំសិក្សា២០២២-២០២៣

ព័ត៌មានអាហារូបករណ៍, ព្រឹត្តិការណ៍

• 13/03/2023

ឱកាសទទួលបានអាហារូបករណ៍​សិក្សា​នៅ​វិទ្យាស្ថានជាតិកសិកម្មព្រែកលៀបឆ្នាំសិក្សា២០២២-២០២៣ ចំនួន​៩០កន្លែង ។ អាហារូបករណ៍ផ្ដល់ជូនថ្នាក់បរិញ្ញាបត្...