ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កុមារឈ្លាសវៃ រហ័សហួន ភាពស្និតស្នាល និងពូកែសួរនាំច្រើន កើតចេញពីសកម្មភាពស្និតស្នាលរវាងម្តាយឪពុកនិងកូន ។ កុមារនឹងក្លាយជាមនុស្សមានគំនិតច្នៃប្រតិដ្ឋមិនថាពេលបច្ចុប្បន្ន ឬពេលអនាគត ។ នេះជាជំនឿចិត្តមួយរបស់អ្នកម្តាយមានបទពិសោធន៍ចិញ្ចឹមកូនតាមបែបវិជ្ជមាន ។
លោកស្រី ហ្គូវ ហ្គិចហួង បានចែករំលែកបទពិសោធចិញ្ចឹមកូនថា កត្តាធ្វើឱ្យកុមារអភិវឌ្ឍខួរក្បាលបានល្អអាស្រ័យលើសកម្មភាពស្និតស្នាលរវាងម្តាយឪពុកនិងកូន ។ ទន្ទឹមគ្នានេះ ការយកចិត្តទុកដាក់ទៅនឹងសម្ភារៈលេងរបស់កុមារ ក៏ជាផ្នែកសំខាន់ជួយដល់ការលូតលាស់ភាពវៃឆ្លាតរបស់កុមារផងដែរ ។
អ្នកម្តាយវ័យ ២៦ឆ្នាំរូបនេះ បានបន្តថា កុមារងាយនឹងចម្លងសកម្មភាព ឬឥរិយាបថពីម្តាយឪពុក ត្បិតពួកគេអាចមើលឃើញសកម្មភាពប្រចាំថ្ងៃរបស់ម្តាយឪពុក ។ទន្ទឹមគ្នានេះ ម្តាយឪពុកត្រូវផ្តល់សេរីភាពទៅកូនឱ្យបានច្រើន និងស្របតាមចំណង់ចំណូលចិត្តរបស់កូន ដូចជាសម្ភារៈលេងជាដើម ។ យ៉ាងណាក៏ដោយត្រូវបា្រកដថា សម្ភារៈលេងទាំងនោះមិនបង្កគ្រោះថ្នាក់ដល់កូន ។
លោកស្រី ហ្គូវ ហ្គិចហួង បានរៀបរាប់ទៀតថា ចំណេះដឹងស្តីពីរបៀបចិញ្ចឹមកូនបែបវិជ្ជាសំខាន់សម្រាប់ការអភិវឌ្ឍន៍សមត្ថភាពកុមារ ។ លោកស្រីទទួលស្គាល់ថា ម្តាយឪពុកមានវិធីសាស្ត្រចិញ្ចឹមកូនបានល្អ នោះកុមារនឹងក្លាយជាធនធានមនុស្សដ៏ល្អនៅក្នុងសង្គម ។
តាមអ្នកជំនាញភាពស្និទ្ធស្នាលរវាងម្តាយឪពុកនិងកូននៅក្នុងគ្រួសារមិនទាន់គ្រប់គ្រាន់សម្រាប់ការអភិវឌ្ឍន៍ខួរក្បាលកុមារនោះទេ ប៉ុន្តែម្តាយឪពុក ឬអាណាព្យាបាលត្រូវផ្តល់អាហារូបត្ថម្ភត្រឹមត្រូវបន្ថែមដល់កុមារ ។ ការយកចិត្តទុកដាក់លើកត្តាចំណីអាហារជាផ្នែកមួយនាំឱ្យកូនឆ្លាតវៃលឿនរហ័ស ។ នេះជាការបញ្ជាក់ វេជ្ជបណ្ឌិត ឯក ម៉េងលី សហស្ថាបនិកមន្ទីរពេទ្យអឃីតកោះពេជ្រ តាមវីដេអូអប់រំខ្លីស្តីពីវិធីសាស្ត្រធ្វើឱ្យកូនឆ្លាត ។
ដោយឡែកអ្នកស្រី សរ ម៉ុន្ថា នាយិកាសាលាអប់រំកុមារតូចស៊ីជីដាកម្ពុជា បាននិយាយថា ឪពុកម្តាយទាំងឡាយដែលចង់បានកូនដែលឆ្លាតថា ត្រូវយកចិត្តទុកដាក់លើសុខភាព និងការលូតលាស់របស់កុមារតាំងពីនៅក្នុងផ្ទៃរហូតដល់អាយុបីឆ្នាំសំខាន់បំផុត។
“ចិញ្ចឹមកូន សុំគិតដក់ជាប់នៅក្នុងចិត្តថា យើងកំពុងតែចិញ្ចឹមអ្នកដឹកនាំដ៏ល្អម្នាក់ មិនមែនគ្រាន់តែចិញ្ចឹមកូនរបស់យើងធម្មតាទេ ។ រាល់សកម្មភាពដែលយើងគិត រាល់សកម្មភាពដែលយើងឆ្លើយតបជាមួយកូន ត្រូវឆ្លើយតបដោយក្ដីស្រឡាញ់ ការលើកទឹកចិត្ត ហើយគាត់នឹងរៀនបានពីគំរូរបស់យើង”
អ្នកស្រី សរ ម៉ុន្ថា នាយិកាសាលាអប់រំកុមារតូចស៊ីជីដាកម្ពុជា
យោងតាមសៀវភៅការចិញ្ចឹមកូនបែបវិជ្ជមានរបស់ក្រសួងកិច្ចការនារី ក៏បានរៀបរាប់ពីគន្លឹះនៃការផ្តល់ភាពកក់ក្តៅ និងក្ដីស្រឡាញ់ទៅកាន់កូន តាមរយៈវិធីសាស្រ្តមួយចំនួន ដូចជា ការធ្វើកិច្ចការងារផ្ទះជុំគ្នាជាមួយកូន សន្ទនាជាមួយកូនដោយភាពកក់ក្តៅ សួរសំណួរលើកទឹកចិត្តដល់កូន បង្ហាញពីគំរូនៃការគោរពទៅកាន់កូន ព្រមទាំងនាំកូនឱ្យចូលរួមសកម្មភាពនានានៅក្នុងសង្គម ។
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ប្រភេទ នៃអាហារូបករណ៍ទាំង១០ក្នុងប្រទេសអ៉ីតាលីដែលអ្នកគួរដឹង
ព័ត៌មានអាហារូបករណ៍, ព្រឹត្តិការណ៍
• 22/05/2025
បើនិយាយពីការសិក្សាថ្នាក់ឧត្ដមសិក្សានៅក្នុងប្រទេសអ៉ីតាលី គេនឹងដឹងពីអាហារូបករណ៍ជាច្រើនប្រភេទ ដោយមានទាំងអាហារូបករណ៍ពេញលេញ និងអាហារូបករណ៍ដោយផ្នែក ដែលទទួលបានពីអាហារូបករណ៍ជាច្រើនទាំងក្នុង...
សម្តេចធិបតីផ្តល់អាហារូបករណ៍ ១០០% សម្រាប់ថ្នាក់វិស្វករ នៅសាលាតិចណូ
ព័ត៌មានអាហារូបករណ៍, ព្រឹត្តិការណ៍
• 01/10/2025
សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) នៅវិទ្យាស្ថានបច្ចេកវិទ្យាកម្ពុជា(ITC) កម្រិតវិស្វករ...
សាកលវិទ្យាល័យស៊ុនយ៉ាតសេន ប្រទេសចិន ផ្តល់អាហារូបករណ៍១០កន្លែងសម្រាប់និស្សិតកម្ពុជា
ព័ត៌មានអាហារូបករណ៍, ព្រឹត្តិការណ៍
• 10/02/2023
ក្រោមកម្មវិធី «2023 Sun Yat-sen University Belt and Road Schoiarship Program for International Students» សាកលវិទ្យាល័យស៊ុនយ៉ាតសេននៅទីក្រុងក្វាងចូវ ប្រទេសចិន...
ក្រសួងអប់រំ ផ្ដល់វគ្គបណ្តុះបណ្តាលជំនាញសរសេររបាយការណ៍ជាភាសាអង់គ្លេសសម្រាប់បុគ្គលិកអប់រំ
ព័ត៌មានអាហារូបករណ៍, ព្រឹត្តិការណ៍
• 10/11/2023
ក្រសួងអប់រំ យុវជន និងកីឡា សហការជាមួយអង្គការ The Asia Foundation ដោយមានការគាំទ្រពីអង្គការ UNICEF បានប្រកាសផ្ដល់វគ្គបណ្តុះបណ្តាល ជំនាញសរសេរ...
អាហារូបករណ៍ថ្នាក់ឧត្ដមសិក្សាពីរដ្ឋាភិបាលតួកគី ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 19/01/2024
ស្ថានទូតតួកគីប្រចាំនៅកម្ពុជាប្រកាសជូនដំណឹងអាហារូបករណ៍សិក្សាថ្នាក់ឧត្ដមសិក្សានៅប្រទេសតួកគីឆ្នាំសិក្សា២០២៤។ កម្មវិធីអាហារូបករណ៍ជាការផ្ដល់ជូនពីរដ្ឋាភិបាលតួកគីផ្ដល់...
ឱកាសចូលរួមវគ្គបណ្ដុះបណ្ដាលរយៈពេលខ្លីនៅប្រទេសជប៉ុន ពី កម្មវិធី Dusin Leadership
ព័ត៌មានអាហារូបករណ៍, ព្រឹត្តិការណ៍
• 09/07/2025
កម្មវិធីអាហារូបករណ៍ Dusin Leadership Training លើកទី២៦ ប្រកាសជ្រើសរើសបេក្ខជនចូលសិក្សាវគ្គបណ្ដុះបណ្ដាល រយៈពេល១០ខែ សម្រាប់ជនមានពិការភាព សិក្សានៅប្រទេសជប៉ុន ឆ្នាំសិក្សា២០២៦-២០២៧។
វិទ្យាស្ថានពហុបច្ចេកទេសខេត្តបន្ទាយមានជ័យ ផ្តល់អាហារូបករណ៍២៥០កន្លែងសម្រាប់សិស្សធ្លាក់ ឬជាប់បាក់ឌុប
ព័ត៌មានអាហារូបករណ៍, ព្រឹត្តិការណ៍
• 10/12/2024
ជាឱកាសសម្រាប់សិស្សានុសិស្សដែលទើបប្រឡងបញ្ចប់សញ្ញាបត្រមធ្យមសិក្សាទុតិយភូមិ ឬបាក់ឌុប វិទ្យាស្ថានពហុបច្ចេកទេសខេត្តបន្ទាយមានជ័យ ប្រកាសផ្តល់អាហារូបករណ៍ចំនួន២៥០កន្លែងសម្រាប់កម្រិតសញ្ញាបត្រជាន់ខ្ពស់បច្ចេកទេស ឬបរិញ្ញាបត្ររង។
កម្មវិធីពិសេសរបស់ AMS EDUCATION
ព័ត៌មានសង្ខេប
