តើអាណាព្យាបាល អាចជួយកុមារ និងកូនៗគ្រប់គ្រងភាពតានតឹងដោយរបៀបណា?

នៅពេលកុមារឈានដល់អាយុចូលសាលា ពួកគេអាចនឹងប្រឈមមុខនឹងសម្ពាធជាច្រើន ដែលសម្ពាធទាំងនោះអាចបណ្ដាលមកពី ឪពុកម្ដាយ គ្រូបង្រៀន មិត្តភក្តិ សង្គម និងការគិតរបស់កុមារខ្លួនឯង។ សម្ពាធទាំងនេះ មានច្រើនទម្រង់ ដែលតម្រូវឱ្យកុមារត្រូវឆ្លើយ និងសម្របខ្លួនឱ្យបានល្អ ដើម្បីអាចអភិវឌ្ឍភាពធន់ និងសមត្ថភាពមួយចំនួន ដើម្បីក្លាយជាមនុស្សពេញវ័យដែលឯករាជ្យ និងអាចដោះស្រាយបញ្ហាប្រឈមនាពេលអនាគត។

សញ្ញាបង្ហាញថា កុមារមានភាពតានតឹង

សមាគមន៍អ្នកផ្លូវចិត្តអាមេរិកបានបង្ហាញថា មានសញ្ញាចំនួន ៦ សំខាន់ ដែលបង្ហាញថា កុមារមានភាពតានតឹង។

១. ឆាប់ខឹង ៖ កុមារអាចនឹងពិបាកក្នុងការពណ៌នាអារម្មណ៍របស់ពួកគេ ហេតុនេះហើយ មានពេលខ្លះភាពតានតឹងអាចកើតឡើង និងធ្វើឱ្យកុមារមានអារម្មណ៍មិនល្អ។ កុមារ និងក្មេងជំទង់ ដែលមានអារម្មណ៍តានតឹង អាចនឹងមានអាការឆាប់ខឹង និងងាយបង្កជម្លោះជាមួយអ្នកដទៃ។

២. ការផ្លាស់ប្ដុរអាកប្បកិរិយា ៖ ក្មេងម្នាក់ដែលធ្លាប់តែជាក្មេងស្ដាប់បង្គាប់ ស្រាប់តែមានអាកប្បកិរិយាប្រែប្រួល។ សកម្មភាពទាំងនោះអាចជា មិនចង់ចេញពីផ្ទះ ឬក៏បាត់បង់ចំណូលចិត្ត ដែលគេធ្លាប់ចូលចិត្តកាលពីមុនជាដើម។ ការផ្លាស់ប្ដូរភ្លាមៗអាចជាសញ្ញាបង្ហាញថា ភាពតានតឹងរបស់កុមារគឺមានកម្រិតខ្ពស់។

៣. មានបញ្ហាក្នុងការគេង ៖ កុមារ និងក្មេងជំទង់ អាចនឹងត្អូញត្អែរថា ពួកគេអស់កម្លាំងគ្រប់ពេល គេងច្រើនខុសធម្មតា ឬពិបាកគេងពេលយប់ជាដើម។  

៤. ធ្វេសប្រហែសចំពោះទំនួលខុសត្រូវ ៖ ប្រសិនបើកុមារចាប់ផ្ដើមមានអាកប្បកិរិយា មិនទទួលខុសត្រូវចំពោះកិច្ចការផ្ទះ ភ្លេចកាតព្វកិច្ចខ្លួនឯង ឬចាប់ផ្ដើមពន្យារពេលខុសធម្មតា, សកម្មភាពទាំងនេះ អាចជាសញ្ញាកំពុងបញ្ជាក់ថា កុមារកំពុងមានភាពតានតឹង។

៥. ផ្លាស់ប្ដូរទម្លាប់ញ៉ាំ ៖ ការញ៉ាំច្រើនពេក ឬតិចពេក​អាចជាប្រតិកម្មរបស់កុមារចំពោះភាពតានតឹង។

៦. ឈឺញឹកញាប់ ៖ ភាពតានតឹងច្រើនតែបង្ហាញរោគសញ្ញាតាមរយៈរាងកាយ។ កុមារដែលមានអារម្មណ៍តានតឹង​ តែងតែរាយការណ៍ថា ពួកគេឈឺក្បាល ឬឈឺពោះ ហើយអាចនឹងត្រូវឆ្លងកាត់ការព្យាបាលជំងឺញឹកញាប់។

វិធីសាស្ត្រគ្រប់គ្រងភាពតានតឹងសម្រាប់កុមារ និងក្មេងជំទង់

ការស្រាវជ្រាវបានបង្ហាញថា មានវិធីសាស្ត្រចំនួន ៥ ដែលអាចជួយកុមារគ្រប់គ្រងភាពតានតឹង ដែលក្នុងនោះរួមមាន ៖

១. គេង ៖ ការគេងសំខាន់ណាស់សម្រាប់សុខុមាលភាពផ្លូវចិត្ត និងផ្លូវកាយ។ អ្នកជំនាញបានណែនាំឱ្យកុមារ ដែលមានអាយុចន្លោះពី៦ ទៅ១២ឆ្នាំ ត្រូវគេងឱ្យមាន ៩ ទៅ១២ម៉ោងក្នុងមួយថ្ងៃ។ ខណៈក្មេងជំទង់ ត្រូវគេងឱ្យបាន ៨ ទៅ១០ម៉ោង ទើបគ្រប់គ្រាន់សម្រាប់ពួកគេ។ សម្រាប់កុមារ ការគេងត្រូវតែជាទម្លាប់អាទិភាព ព្រោះទម្លាប់នេះអាចជួយកុមារទប់ទល់នឹងភាពតានតឹងបាន។ ដើម្បីជួយកុមារឱ្យគេងលក់ស្រួល អាណាព្យាបាល សូមកំណត់ពេលវេលាសម្រាប់ការប្រើប្រាស់អេក្រង់នៅពេលយប់ និងតម្រូវឱ្យកុមារចូលគេងឱ្យបានទៀងម៉ោង។

២. ធ្វើលំហាត់ប្រាណ ៖ សកម្មភាពរាងកាយ គឺជាវិធីសាស្ត្របន្ធូរភាពតានតឹងដ៏មានប្រសិទ្ធភាព សម្រាប់មនុស្សគ្រប់វ័យ។ នាយកដ្ឋានសុខភាព និងសេវាសម្រាប់ប្រជាជន របស់អាមេរិក ណែនាំយ៉ាងហោចណាស់ ៦០នាទីក្នុងមួយថ្ងៃ សម្រាប់កុមារ និងក្មេងជំទង់អាយុចន្លោះពី ៦ ទៅ១៧ឆ្នាំ។

៣. លើកទឹកចិត្តឱ្យកុមារនិយាយ ៖ ការអនុញ្ញាតឱ្យកុមារនិយាយពីស្ថានភាពតានតឹងជាមួយមនុស្សពេញវ័យ អាចជួយឱ្យកុមារ មានការយល់ដឹងបន្ថែមអំពីភាពតានតឹង និងងាយស្រួលស្វែងរកដំណោះស្រាយ។

៤. អនុញ្ញាតឱ្យពួកគេមានពេលវេលាផ្ទាល់ខ្លួន ៖ ដូចគ្នាទៅនឹងមនុស្សធំដែរ កុមារ និងក្មេងជំទង់ ត្រូវការពេលវេលា ដើម្បីធ្វើអ្វីមួយ ក្នុងការបង្កើនអារម្មណ៍រីករាយរបស់ខ្លួន។ ពេលវេលានោះ អាចជាការលេងល្បែងកម្សាន្ត ស្ដាប់តន្រ្តី ឬសិល្បៈ ការនៅម្នាក់ឯង និងរត់លេងជាដើម។

៥. នាំពួកគេទៅខាងក្រៅ ៖ ការចំណាយពេលនៅជាមួយធម្មជាតិ គឺជាវិធីសាស្ត្រដ៏មានប្រសិទ្ធភាពមួយ ដើម្បីបំបាត់ភាពតានតឹង និងធ្វើឱ្យសុខុមាលភាពទូទៅរបស់កុមារប្រសើរឡើង។ ក្រុមអ្នកស្រាវជ្រាវរកឃើញថា មនុស្សដែលរស់នៅក្នុងតំបន់មានភាពបៃតងច្រើន អាចកាត់បន្ថយអាការធ្លាក់ទឹកចិត្ត ថប់បារម្ភ និងភាពតានតឹង។

របៀបដែលម្ដាយឪពុកអាចជួយកុមារទប់ទល់ភាពតានតឹង

ម្ដាយឪពុក និងអ្នកថែទាំផ្សេងទៀត មានតួនាទីយ៉ាងសំខាន់ ក្នុងការជួយកុមារទប់ទល់នឹងភាពតានតឹង តាមរយៈការបណ្ដុះទម្លាប់រស់នៅល្អ និងជួយពួកគេ ស្វែងយល់ពីវិធីសាស្ត្រទប់ទល់នឹងអារម្មណ៍តានតឹង។

១. បង្ហាញគម្រូទម្លាប់រស់នៅល្អ ៖ អាណាព្យាបាលអាចនិយាយ និងពន្យល់កុមារ អំពីរបៀប និងវិធីសាស្ត្រ ដែលពួកគេអាចគិត និងដោះស្រាយបញ្ហានៅពេលដែលពួកគេកំពុងស្ថិតក្នុងស្ថានការណ៍តានតឹង។

២. អនុញ្ញាតឱ្យកុមារដោះស្រាយបញ្ហាដោយខ្លួនឯង ៖ វាជារឿងធម្មជាតិ ដែលឪពុកម្ដាយទូទៅចង់ជួយកូនៗដោះស្រាយបញ្ហា។ ប៉ុន្តែនៅពេលដែលឪពុកម្ដាយចូលរួមដោះស្រាយបញ្ហាតូចៗរបស់កុមារ សម្រាប់ពួកគេ នោះពួកគេនឹងមិនមានឱកាសបានរៀនពីវិធីសាស្ត្រដោះស្រាយបញ្ហានោះទេ។ អនុញ្ញាតឱ្យកូនរបស់អ្នកព្យាយាមដោះស្រាយបញ្ហាតូចៗដោយខ្លួន​ឯង ដើម្បីជួយឱ្យពួកគេមានទំនុកចិត្តទប់ទល់នឹងភាពតានតឹង។

៣. បង្រៀនកុមារអំពីអក្ខរកម្មប្រព័ន្ធផ្សព្វផ្សាយ ៖ ក្មេងៗសម័យនេះចំណាយពេលច្រើន នៅជាមួយប្រព័ន្ធអ៊ីនធឺណិត ដែលជាកន្លែងពួកគេអាចឃើញមាតិកាប្លែកៗជាច្រើន រួមទាំងការគម្រាមកំហែងតាមអ៊ីនធឺណិត ឬការដាក់សម្ពាធពីសំណាក់មិត្តភក្តិជាដើម។ ដូច្នេះ អាណាព្យាបាលមានតួនាទីសំខាន់ណាស់ ក្នុងការបង្រៀនកុមារអំពីអក្ខរកម្មប្រព័ន្ធផ្សព្វផ្សាយ ដើម្បីឱ្យកុមារមានលទ្ធភាពប្រើប្រាស់ប្រព័ន្ធផ្សព្វផ្សាយប្រកបដោយភាពឈ្លាសវៃ។

៤. ជួយកុមារទប់ទល់នឹងការគិតអវិជ្ជមាន ៖ កុមារ និងក្មេងជំទង់ ងាយនឹងធ្លាក់ទៅក្នុងអន្ទាក់នៃការគិតអវិជ្ជមាន។ ហេតុនេះ សម្រាប់ឪពុកម្ដាយនៅពេលកុមារ ឧស្សាហ៍មិនគំនិតអវិជ្ជមាន ឬនិយាយរឿងអវិជ្ជមាន អ្នកមិនអាចយល់ស្របគ្រប់ពេលនោះទេ។ អាណាព្យាបាលមានតួនាទី បង្ហាត់បង្ហាញ ពន្យល់ និងលើកទឹកចិត្តឱ្យកុមារមានទម្លាប់គិតវិជ្ជមាន៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្មវិធី Kemitraan Negara Berkembang ប្រកាស​ផ្តល់អាហារូបករណ៍ថ្នាក់ឧត្តមសិក្សាជាច្រើនកន្លែងនៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 27/01/2023

ភ្នំពេញ - ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតថ្នាក់អន្តរជាតិសិក្សានៅប្រទេសឥណ្ឌូនេស៊ី ឆ្នាំសិក្សា២០២៣...

កម្មវិធីអាហារូបករណ៍ Teacher Training Students ឆ្នាំ២០២៥ សម្រាប់​គ្រូ​បង្រៀន​កម្ពុជា ទៅ​សិក្សា​នៅ​ប្រទេស​ជប៉ុន

ព័ត៌មានអាហារូបករណ៍, ព្រឹត្តិការណ៍

• 09/01/2025

កម្មវិធីអាហារូបករណ៍ Teacher Training Students របស់ក្រសួងអប់រំ វប្បធម៌ កីឡា វិទ្យាសាស្រ្ត និង​បច្ចេកវិទ្យ នៃ​ប្រទេស​ជប៉ុន នឹងផ្តល់អាហារូបករណ៍មួយ​ចំនួន​ដល់គ្រូបង្រៀន​កម្ពុជា ដើម្បីទៅ​សិក្សា​ស្រាវជ្រាវ​លើវិស័យ​អប់រំនៅ​ប្រទេស​ជប៉ុន...

ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់មុនបណ្ឌិតនៅប្រទេសសឹង្ហបុរីឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 06/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យល្បីៗនៅប្រទេសសឹង្ហបុរីរយៈពេល៤ឆ្នាំ សម្រាប់ឆ្នាំសិក្សា២០២៤។...

អាហារូបករណ៍សម្រាប់និស្សិតថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញពី ធនាគា អ៊ូរី ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 12/03/2025

សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។

អាហារូបករណ៍ថ្នាក់ឧត្ដមសិក្សានៅប្រទេសគុយវ៉ែតពីកម្មវិធីអាហារូបករណ៍ WMI ឆ្នាំសិក្សា ២០២៦

ព័ត៌មានអាហារូបករណ៍, ព្រឹត្តិការណ៍

• 10/07/2025

កម្មវិធីអាហារូបករណ៍ Wells Mountain Initiative 2026 (WMI) នឹងបើកទទួលពាក្យស្នើអាហារូបករណ៍សម្រាប់និស្សិតអន្តរជាតិ នាខែធ្នូខាងមុខនេះ។ WMI នឹងផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត...

ក្រុមប្រឹក្សា​យុវជនឯកអគ្គរដ្ឋទូតសហរដ្ឋអាមេរិក (AYC) ជ្រើសរើសសមាជិកជំនាន់ទី១៤

ព័ត៌មានអាហារូបករណ៍, ព្រឹត្តិការណ៍

• 02/02/2026

ជាឱកាស​សម្រាប់យុវជន​ក្នុងការ​ពង្រឹងភាពជាអ្នកដឹកនាំ ចូល​រួម​ក្នុង​សកម្មភាព​សហគមន៍ និង​ចែករំលែក​ទស្សនៈ​របស់ខ្លួន ក្នុងការ​ពិភាក្សា​ប្រកបដោយអត្ថន័យ។

ឱកាសអាហារូបករណ៍ថ្នាក់ឧត្ដមសិក្សានៅសាកលវិទ្យាល័យណានជីង​ប្រទេសចិន

ព័ត៌មានអាហារូបករណ៍, ព្រឹត្តិការណ៍

• 28/02/2023

ឱកាសសិក្សាអាហារូបករណ៍ថ្នាក់ឧត្ដមសិក្សាសម្រាប់និស្សិតបរទេសនៅសាកលវិទ្យាល័យណានជីងប្រទេសចិនឆ្នាំសិក្សា២០២៣ ។ អាហារូបករណ៍...

ជ្រើសរើសនិស្សិតសម្រាប់ស្នាក់នៅក្នុងអន្តេវាសិកដ្ឋានពីសហគមន៍សេចក្ដីអំណរអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 02/11/2023

សហគមន៍សេចក្ដីអំណរអន្តរជាតិ ឬហៅកាត់ JIFA ប្រកាសជ្រើសរើសនិស្សិតសម្រាប់ស្នាក់នៅអន្តេវាសិកដ្ឋានជាច្រើនរូប។ ការជ្រើសរើសនិស្សិតស្នាក់នៅ...

ឱកាសអាហារូបករណ៍ សិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ នៅសាកលវិទ្យាល័យវិទ្យាសាស្រ្ត និងបច្ចេកវិទ្យាប៉េកាំង

ព័ត៌មានអាហារូបករណ៍, ព្រឹត្តិការណ៍

• 30/01/2025

ក្រោមកិច្ចសហប្រតិបត្តិការរវាងកម្មវិធីសាបព្រោះគ្រាប់ពូជ​ នៃ ស.ស.យ.ក. រាជធានីភ្នំពេញ និងសាកលវិទ្យាល័យវិទ្យាសាស្រ្ត និងបច្ចេកវិទ្យាក្រុងប៉េកាំង(USTB)បានប្រកាស​ផ្តល់អាហារូបករណ៍​ដល់​និស្សិត​កម្ពុជា ក្នុងការ​សិក្សាជំនាញជាច្រើន...