ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អាណាព្យាបាល មានលទ្ធភាពក្នុងការជួយជ្រោមជ្រែងការសិក្សារបស់កូន ឬមនុស្សវ័យជំទង់ចាប់ពី១៨ឆ្នាំចុះក្រោម តាមរយៈរូបភាពច្រើនទម្រង់ មិនថានៅផ្ទះ ឬនៅសាលា។ U.S Depaterment of deducation បានឱ្យដឹងថា នៅពេលដែលខាងសាលាទទួលបានព័ត៌មានអំពីកូនៗ និងការគាំទ្របន្ថែមពីសំណាក់ឪពុកម្តាយ អាណាព្យាបាល ឬពីតំណាងតួអង្គក្រុមគ្រួសារណាម្នាក់ គឺជាកត្តានាំឱ្យសាលា ឬគ្រូ កាន់តែមានភាពងាយស្រួលក្នុងការជំរុញសក្ដានុពលរបស់សិស្ស តាំងពីបឋមរហូតដល់វិទ្យាល័យ។
ខាងក្រោមនេះ គឺជាសកម្មភាពខ្លះៗដែលអាណាព្យាបាលអាចរួមចំណែកជំរុញការសិក្សារបស់កូនៗ ៖
ការជ្រោមជ្រែងនៅផ្ទះ ៖ ក្រៅពីការតាមដានកិច្ចការសាលាកូន អានជាមួយកូន ជជែកពិភាក្សា ឬការជួយតម្រង់ទិសដល់ពួកគាត់ហើយ អ្វីដែលត្រូវការបន្ថែមគឺការគាំទ្រ ឬជំរុញការសិក្សារបស់កូនដោយការបង្កើនបរិកាសដែលផ្តល់ភាពងាយស្រួលក្នុងការផ្ចង់ស្មារតី មានកន្លែងអង្គុយធ្វើលំហាត់និងអានដោយស្ងប់ស្ងាត់ ឬតម្រូវការសិក្សាដទៃទៀតដែលជំរុញឱ្យក្មេងៗកាន់តែមានចំណង់ក្នុងការសិក្សាបន្ថែម។
ការរួមរស់ក្នុងសង្គម និងការថែទាំសុខភាពកុមារ ៖ ការយកចិត្តទុកដាក់អំពីសុខភាពផ្លូវចិត្ត និងផ្លូវកាយរបស់កុមារ អ្វីដែលអាណាព្យាបាលធ្វើបានគឺផ្តល់អាហារូបត្ថម្ភ និងការសួរនាំកូនដោយការយល់ចិត្តទុកដាក់ រួមទាំងជួយបង្រៀនពួកគេឱ្យចេះប្រាស្រ័យទាក់ទងក្នុងចំណោមនុស្សដទៃ និងចំណាយធនធានក្នុងការទិញសៀវភៅរឿងព្រេង ជំនួសឱ្យការពឹងផ្អែកលើកម្មវិធីសិក្សាទាំងស្រុង។
សហការជាមួយកម្មវិធីសាលា ៖ ផ្សារភ្ជាប់ទំនាក់ទំនងជាមួយគ្រូបន្ទុកថ្នាក់ និងឧស្សាហ៍សួរនាំអំពីសុខទុក្ខ ឬក៏ការលូតលាស់របស់កូនៗ ចូលរួមកម្មវិធីដែលមានការអញ្ជើញអាណាព្យាបាល ឬការស្ម័គ្រចិត្តធ្វើសកម្មភាពទូទៅចំពោះសាលា៕
