ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ ៖ កម្ពុជាកំពុងត្រូវការធនធានមនុស្សច្រើននាក់ដើម្បីអភិវឌ្ឍលើគ្រប់ផ្នែកទាំងអស់ រាប់ទាំងកសិកម្ម ឧស្សាហកម្ម និងសេវាកម្ម ។ ឯកឧត្តម ពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈបានលើកឡើងថា កម្ពុជាត្រូវការធនធានជាច្រើនផ្នែកជំនាញបច្ចេកទេស និងវិជ្ជាជីវៈ (TVET) ព្រោះផ្នែកនេះមានតម្រូវការខ្ពស់ និងថែមទាំងអាចឱ្យយុវជនអភិវឌ្ឍសមត្ថភាព និងលទ្ធភាពបានល្អថែមទៀតផង ។ ជាក់ស្តែង យើងឃើញហើយថា ក្នុងអគារធំមួយ យើងត្រូវការវិស្វករត្រឹមតែបួនប្រាំនាក់ប៉ុណ្ណោះ តែយើងត្រូវការធនធានផ្នែកជំនាញបច្ចេកទេសជាច្រើនរយនាក់ ដើម្បីធ្វើការងារទៅតាមផ្នែកនីមួយៗ ទាំងផ្នែកទឹកភ្លើង ផ្នែកសំណង់ និងផ្នែកបច្ចេកទេសម៉េកានិចជាដើម ។
ឯកឧត្តម ពេជ សោភ័ន បានមានប្រសាសន៍ថា ៖
“បច្ចុប្បន្ន យុវជនរបស់យើងហាក់មិនទាន់ចាប់អារម្មណ៍ខ្លាំងលើការសិក្សាផ្នែកជំនាញបច្ចេកទេស និងវិជ្ជាជីវៈ (TVET) នៅឡើយទេ តែពួកគាត់អាចចាប់អារម្មណ៍លើជំនាញសេវាកម្ម ឬជំនាញខ្ពស់ៗជាងនេះ ដែលពេលខ្លះផ្នែកទាំងអស់នោះមានទីផ្សារចង្អៀត និងទទួលបានចំណូលទាបជាងជំនាញបច្ចេកទេស”
ឯកឧត្តមរដ្ឋលេខាធិការបានបញ្ជាក់ផងដែរថា ប្រសិនបើយុវជនចាប់ផ្តើមចាប់យកឱកាសអភិវឌ្ឍខ្លួនពីអ្នកជំនាញបច្ចេកទេសទៅ វិថីអាជីពរបស់ពួកគាត់អាចនឹងល្អជាងអ្នករៀនយកជំនាញវិស្វករ ឬជំនាញខ្ពស់ៗតែម្តង ។ ហេតុផលគឺ ជំនាញបច្ចេកទេសត្រូវការសិក្សារយៈពេលខ្លី និងអាចធ្វើការបណ្តើររៀនបណ្តើរយកបទពិសោធន៍បាន ។ បន្ថែមពីលើនេះ អ្នកសិក្សាជំនាញបច្ចេកទេសក៏អាចបន្តយកវិស្វករបានដែរ។ ភាគច្រើនអ្នកចេញពីផ្នែកជំនាញបច្ចេកទេស គាត់ច្រើនតែអាចអភិវឌ្ឍខ្លួនធ្វើជាអ្នកគ្រប់គ្រងបានល្អ ព្រោះគាត់បានស្គាល់ច្បាស់ពីមេរៀន និងបទពិសោធន៍សំខាន់ៗលើគ្រប់ផ្នែកទាំងអស់ពីតូចដល់ធំ នៅពេលគាត់បានបន្តការសិក្សារហូតបញ្ចប់ថ្នាក់វិស្វករ ។
គួរបញ្ជាក់ងដែរថា តាមរយៈទិន្នន័យជំរឿនចេញផ្សាយដោយក្រសួងផែនការឆ្នាំ ២០១៩ បានបញ្ជាក់ថាប្រជាជនកម្ពុជាសរុបមានប្រមាណជាង ១៥លាននាក់ ។ នៅក្នុងនោះអ្នកដែលបានបញ្ចប់ថ្នាក់មធ្យមសិក្សាបឋមភូមិមានចំនួន ២៦,៦% បើគិតតាមចំនួនជាក់ស្តែងស្មើនឹង ជាង៤លាននាក់ ខណៈអ្នកបានបញ្ចប់ការសិក្សាទុតិយភូមិមានត្រឹមតែ ២,៩% (ជាង ៤៥ម៉ឺននាក់) ប៉ុណ្ណោះ។ បើមើលលើចំនួនអ្នកបញ្ចប់ថ្នាក់មធ្យមសិក្សាបឋមភូមិមានសញ្ញាបត្រវិជ្ជជីវៈ ឬមានបាក់ឌុប ហើយមានសញ្ញាបត្រវិជ្ជជីវៈមានចំនួនត្រឹមតែ ០,៧% ឬស្មើនឹងជាង១០ម៉ឺននាក់ប៉ុណ្ណោះ ។
ផ្អែកតាមចំនួននេះ មានន័យថាប្រជាជនខ្មែរប្រមាណ ២៥,៩% (ជាង ៤លាននាក់ ) បានបញ្ចប់ថ្នាក់មធ្យមសិក្សាបឋមភូមិតែមិនបានសិក្សាជំនាញវិជ្ជាជីវៈ ។ បន្ថែមពីលើនេះ បើមើលតាមចំនួនទិន្នន័យការងារវិញបញ្ជាក់ថា ប្រជាជនអាយុចាប់ពី១៥ដល់ ៥៩ឆ្នាំត្រឹមតែ ១,២% (ជាង ១៨ម៉ឺននាក់) ប៉ុណ្ណោះគ្មានការងារធ្វើ ។ ត្រង់ចំណុចនេះ មានន័យថាប្រជាជនសកម្មទាំងអស់នោះសុទ្ធតែមានការងារធ្វើគ្រាន់តែគាត់មិនបានបញ្ចប់ការសិក្សាជំនាញវិជ្ជាជីវៈ ។
ហេតុផលនេះហើយទើបការសិក្សាជំនាញបច្ចេកទេសសំខាន់ខ្លាំងណាស់សម្រាប់កម្ពុជាយើង បើយុវជនអាចរៀនជំនាញបច្ចេកទេស ជីវភាពរបស់ពួកគាត់នឹងប្រសើរឡើង ហើយថែមទាំងអាចចូលរួមអភិវឌ្ឍសង្គមបានកាន់តែប្រសើរថែមទៀតផង ៕
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍១៣០កន្លែងនៅវិទ្យាស្ថានពហុបច្ចេកទេសព្រះកុសុមៈ
ព័ត៌មានអាហារូបករណ៍, ព្រឹត្តិការណ៍
• 01/12/2023
កម្មវិធីអាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ដល់សិស្ស-និស្សិតទូទាំងប្រទេសឱ្យសិក្សាកម្រិតសញ្ញាបត្រជាន់ខ្ពស់បច្ចេកទេស និងសញ្ញាបត្របច្ចេកទេស...
សាកលវិទ្យាល័យ Chulalongkorn ជ្រើសរើសនិស្សិតអាហារូបករណ៍ថ្នាក់បរិញ្ញបត្រជាន់ខ្ពស់ និងបណ្ឌិតឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 08/02/2023
សាកលវិទ្យាល័យ Chulalongkorn នៃប្រទេសថៃ បានប្រកាសជ្រើសរើសនិស្សិតមកពីប្រទេសក្នុងតំបន់អាស៊ាន និងក្រៅអាស៊ានឱ្យប្រឡងយកអាហារូបករណ៍ថ្នាក់បរិញ្ញាបត្រជាន់ខ្ពស់...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ប្រទេសបារាំងឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 10/09/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ចំនួន២០កន្លែងពីកម្មវិធីអាហារូបករណ៍ Ampere Scholarship ក្នុងឆ្នាំសិក្សា២០២៥។ ជំនាញដែលអាហារូបករណ៍ផ្ដល់ជូនរួមមាន ផ្នែកវិទ្យាសាស្ត្រពិត ផ្នែកសិល្បៈ និងផ្នែកមនុស្សសាស្ត្រ និងសង្គមសាស្ត្រ។
អាហារូបករណ៍ជំនាញវិជ្ជាជីវៈ៣៥០កន្លែងពីអង្គការ ប៉េ អេស អឺ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 19/07/2023
វិទ្យាស្ថានប៉េ អេស អឺ នៃអង្គការដើម្បីភាពញញឹម នៃកុមារប្រកាសជ្រើសរើសសិស្សក្រីក្រដើម្បីសិក្សាជំនាញវិជ្ជាជីវៈចំនួន៣៥០នាក់សម្រាប់ឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូននិស្សិតដែលមិនមានលទ្ធភាពបន្តការសិក្សា...
អាហារូបករណ៍សម្រាប់និស្សិតថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញពី ធនាគា អ៊ូរី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 12/03/2025
សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍ដល់យុវជនរៀនជំនាញ TVET ចំនួន ៦៣០នាក់
ព័ត៌មានអាហារូបករណ៍, ព្រឹត្តិការណ៍
• 22/11/2023
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសថា នៅក្នុងឆ្នាំសិក្សា២០២៣-២០២៤ វិទ្យាស្ថាននឹងជ្រើសរើសយុវជន យុវនារី មកពីគ្រួសារក្រីក្រ និងគ្រួសារ...
ស្ថានទូតអាមេរិកប្រកាសបើកទទួលពាក្យអាហាររូបករណ៍ Fulbright U.S.-ASEAN សម្រាប់អ្នកស្រាវជ្រាវ និងមន្ត្រីជំនាញ ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 31/12/2025
ផ្នែកការទូតសាធារណៈនៃស្ថានទូតសហរដ្ឋអាមេរិក បានប្រកាសជាផ្លូវការនូវការបើកទទួលពាក្យសុំអាហាររូបករណ៍ Fulbright U.S.-ASEAN Visiting Scholar សម្រាប់ឆ្នាំ២០២៦ ដើម្បីផ្តល់ឱកាសដល់សាស្ត្រាចារ្យសកលវិទ្យាល័យ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាធារណរដ្ឋប្រជាមានិតចិន ក្រោមកម្មវិធី MOFCOM
ព័ត៌មានអាហារូបករណ៍, ព្រឹត្តិការណ៍
• 06/05/2024
សម្រាប់ឆ្នាំ២០២៤នេះ កម្មវិធីអាហារូបករណ៍ MOFCOM នៃសាធារណរដ្ឋប្រជាមានិតចិន បានផ្តល់អាហារូបករណ៍ជាច្រើនកន្លែងសម្រាប់ថ្នាក់បរិញ្ញាបត្រជាន់ខ្ពស់ សិក្សារយៈពេល១-២ឆ្នាំ និងថ្នាក់បណ្ឌិត សិក្សារយៈពេល៣ឆ្នាំ...
កម្មវិធីពិសេសរបស់ AMS EDUCATION
ព័ត៌មានសង្ខេប
