ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សំណល់ពោះវៀនរថយន្ត ការុងស៊ីម៉ងត៍ ចាស់ៗ បង្រៀនខ្ញុំឱ្យចេះបង្កើតអាជីវកម្ម និងផ្តល់ក្តីស្រឡាញ់ដល់ជនមានពិការភាព :
ភ្នំពេញ៖ ក្របសៀវភៅ កាបូបដៃ កាបូបស្ពាយខ្នង និងសម្ភារៈដាក់របស់របរប្រើប្រាស់ផ្សេងទៀត បង្កើត និងកែច្នៃពីសំណល់ពោះវៀនរថយន្ត ការុងស៊ីម៉ងត៍ ស្បែកកែបម៉ូតូចាស់ៗ និងសន្លឹកកាសែតជាដើម មាននៅសិប្បកម្មមួយកន្លែងឈ្មោះថា សិប្បកម្មឈ្លាសវៃ ឬ Smart Craft ។ សិប្បកម្មឈ្លាសវៃ បង្កើតឡើងក្នុងបំណងកែច្នៃរបស់ប្រើប្រាស់ឡើងវិញ ដើម្បីចូលរួមចំណែកជួយលើកកម្ពស់សម្រស់បរិស្ថានកម្ពុជា ព្រមទាំងផ្ដល់ក្តីស្រឡាញ់តាមរយៈឱកាសការងារដល់ជនមានពិការភាព។
លោក ឡាវ ចំរើន ស្ថាបនាសិប្បកម្មឈ្លាសវៃ បានប្រាប់ដល់ AMS ថា គំនិតបង្កើត និងកែច្នៃរបស់ប្រើប្រាស់ពីសម្រាម ឬរបស់ដែលគេបោះបង់ចោលឡើងវិញ បានផ្តល់ចំណូលគួរសម ព្រមទាំងបង្កើតឱកាសការងារសម្រាប់ជនមានពិការភាព។
លោក ឡាវ ចំរើន មានប្រសាសន៍ថា ៖
“តាមរយៈមុខរបរនេះ ពួកខ្ញុំបានចំណូលគួរសម ហើយសមាជិកក្រុមការងារខ្ញុំស្ទើរទាំងអស់នៅទីនេះជាជនពិការ និងជីវភាពក្រីក្រ មានពិការភាពមែន តែយើងអាចធ្វើការបានមិនពិបាកទេ”។
– លោក ឡាវ ចំរើន
បច្ចុប្បន្នសិប្បកម្មឈ្លាសវៃមានបុគ្គលិកកំពុងបំពេញការងារជាង 10នាក់ ក្នុងនោះមានជនមានពិការភាពចំនួន 05នាក់ជាអ្នកដេរនិងរចនាម៉ូតកាបូប។ តាមរយៈមុខរបស់នេះ បុគ្គលិកម្នាក់ៗ ទទួលបានចំណូលជាមធ្យមរវាង 300 ទៅ 400 ក្នុងមួយខែ។ ដោយឡែកនៅក្នុងដំណាក់កាលនៃការរីករាលដាលជំងឺ Covid-19 សង្វាក់សិប្បកម្មមួយនេះក៏ប៉ះពាល់ខ្លះដែរ ត្បិតមិនមានភ្ញៀវទេសចរកម្ម៉ង់ទិញដូចពេលមុន។ នេះជាការបញ្ជាក់របស់លោក ឡាវ ចំរើន។
លោក ព្រុំ រ៉ាយ ជាជាងដេរនិងរចនាម៉ូតកាបូបនៅក្នុងសិប្បកម្មឈ្លាសវៃ ដែលលោកមានពិការភាពជើងផងនោះ ក៏បានលើកឡើងដែរថា៖
“ពេលខ្ញុំចាប់ផ្ដើមមុខរបស់នេះខ្ញុំអាចរកប្រាក់ជួយគ្រួសារបានច្រើនគួរសម វាហត់បន្តិច ប៉ុន្តែសប្បាយចិត្ត ! សម្រាប់មានការងារធ្វើ ហើយទទួលបានចំណូលខ្លះសម្រាប់គ្រួសារ”។
– លោក ព្រុំ រ៉ាយ
សិប្បកម្មកែច្នៃសំណល់សម្រាមឱ្យក្លាយជាវត្ថុមានតម្លៃនេះ ផលិតរបស់ប្រើប្រាស់សម្រាប់ចែកចាយលក់បន្តទៅបណ្តារហាងលក់ទំនើបៗមួយចំនួន និងសម្រាប់នាំចេញទៅក្រៅប្រទេស។ នៅដំណាក់កាលនៃការរីករាលដាលជំងឺ Covid-19 សិប្បកម្មឈ្លាសវៃ បានប្រើប្រាស់ក្រណាត់ក្រមាច្នៃជាម៉ាស់ក្រមាស្រស់ស្អាតជាច្រើនផងដែរ។
និយាយដោយជឿជាក់លើកិច្ចការលាយនឹងស្នាមញញឹមផងនោះ លោក ឡាវ ចំរើន ម្ចាស់សិប្បកម្មឈ្លាសវៃ បានបង្ហើយថា ៖
“ការងារដែលខ្ញុំធ្វើហ្នឹង អាចថាជាចំណែកចូលរួមលើកកម្ពស់សម្រស់បរិស្ថាន ហើយបានអប់រំឥរិយាបថទុកដាក់សម្រាម និងកែច្នៃប្រើប្រាស់ឡើងវិញ ទោះដោយផ្ទាល់ឬប្រយោលដល់អ្នកប្រើប្រាស់… ប្រជាជនយើងគាត់មើលឃើញតម្លៃ នោះគាត់ស្រឡាញ់បរិស្ថានហើយ”។
– លោក ឡាវ ចំរើន
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
ហេតុអ្វីកម្ពុជានៅលេខ៨១ ក្នុងរង្វាយតម្លៃ PISA ឆ្នាំ២០២២ ទោះជាមានកំណែទម្រង់វិស័យអប់រំឆ្នាំ២០១៤?
រដ្ឋមន្រ្តីអប់រំដាក់ចេញទិសដៅយុទ្ធសាស្រ្តចំនួន ៤ ដើម្បីបន្តកែលម្អប្រព័ន្ធអប់រំកម្ពុជា មានភាពប្រកួតប្រជែងក្នុងតំបន់ និងអន្តរជាតិ
ឯកឧត្តម ហង្ស សុតសំភារ ៖ ស្ថាបត្យករវ័យក្មេងបច្ចុប្បន្ន មានសមត្ថភាពខ្ពស់ អាចបន្តវេនសម្រាប់ការសាងប្រទេសជាតិ ពិសេសវិស័យស្ថាបត្យកម្ម
ឯកឧត្តម ឈួរ សុបញ្ញា ៖ ពេលយុវជនមានបេះដូងដឹងគុណ នោះសង្គមនឹងមានមូលដ្ឋានរឹងមាំ ប្រកបដោយសីលធម៌ គុណធម៌ និងសាមគ្គីភាព
តើ ពោត ល្អចំពោះសុខភាពដែរ ឬទេ?
ឱកាសរបស់យុវជនឆ្នើមលើវិស័យបច្ចេកវិទ្យា និងការបង្កើតហ្គេម ដើម្បីឈ្នះអាហារូបករណ៍ ១ម៉ឺនដុល្លារ ពីកម្មវិធីប្រកួតបង្កើតហ្គេមកម្រិតអន្តរជាតិ
រដ្ឋមន្រ្តីអប់រំ អំពាវនាវឱ្យសាលារៀនគំរូ និងសាលារៀនទាំងអស់ បញ្ចូលស្មារតីស្នេហាជាតិក្នុងកម្មវិធីសិក្សា
វេសឡាញបង្កើតក្រុមប្រឹក្សាសិស្សដើម្បីរួមចំណែកអភិវឌ្ឍសាលារៀន សហគមន៍ និងបណ្តុះភាពជាអ្នកដឹកនាំ
ក្រសួងវប្បធម៌ អំពាវនាវឱ្យយុវជនប្រើប្រាស់ទិវានៃក្តីស្រឡាញ់ ជាឱកាសបង្ហាញមនោសញ្ចេតនាស្រឡាញ់ដឹងគុណ
អ៊ី ស៊ីដា ៖ តស៊ូរស់ដើម្បីកូន និងប្រទេសកម្ពុជា
កម្មវិធីពិសេសរបស់ AMS EDUCATION
ព័ត៌មានសង្ខេប
