លោក ហ៊ុយ បញ្ញាវន្ត ៖ អ្នកចង់ដាក់ពាក្យអាហារូបករណ៍ទៅក្រៅប្រទេសគួរត្រៀមលក្ខណឱ្យបានមុន និងស្វែងយល់ពីសិស្សច្បងឱ្យបានច្រើន

លោក ហ៊ុយ បញ្ញាវន្ត ជាបេក្ខជនជ័យលាភីអាហារូបករណ៍ថ្នាក់បរិញ្ញាបត្រជាន់ខ្ពស់នៅសាលាគោលនយោបាយសាធារណៈលីក្វាន់យូ​ នៃសាកលវិទ្យាល័យជាតិសឹង្ហបុរី ជំនាញគោលនយោបាយសាធារណៈ។ បញ្ញាវន្ត មានក្ដីស្រមៃសិក្សានៅសាកលវិទ្យាល័យជាតិសឹង្ហបុរី តាំងពីនៅរៀនថ្នាក់បរិញ្ញាបត្រព្រោះដឹងថា សាលានេះ ជាសាលាដែលមានកេរិ៍ឈ្មោះលំដាប់ថ្នាក់ពិភពលោក និងចំណាត់ថ្នាក់លេខមួយនៅអាស៉ី ជាពិសេសជំនាញគោលនយោបាយសាធារណៈ។

ដំណើរឆ្ពោះទៅកាន់គោលដៅសិក្សានៅក្រៅប្រទេសរបស់ លោក ហ៊ុយ បញ្ញាវន្ត បានចាប់ផ្ដើមនៅឆ្នាំ២០២២ ខណៈដែលស្ថាបនការងារដែលលោកកំពុងបម្រើការមានការចាត់តាំងមន្ត្រីឱ្យទៅស្វែងយល់អំពីការដាក់ពាក្យបន្តការសិក្សាថ្នាក់បរិញ្ញាបត្រជាន់ខ្ពស់នៅសាលាគោលនយោបាយសាធារណៈលីក្វាន់យូ ដូចនេះលោក បញ្ញាវន្ត ក៏បានដាក់ពាក្យស្នើសុំចូលរួមភ្លាម។ ក្រោយពេលចូលរួមស្ដាប់ការចែករំលែកពីគន្លឹះក្នុងការដាក់ពាក្យរួច លោក ហ៊ុយ បញ្ញាវន្ត បានដាក់ពាក្យអាហារូបករណ៍ជាលើកទី១ និងទទួលបានអាហារូបករណ៍ទៅសិក្សាប៉ុន្តែមិនមានជំនាញគោលនយោបាយសាធារណៈជាជំនាញដែលស្រឡាញ់ និងប៉ងចង់សិក្សា ទើបលោកបោះបង់ឱកាសនោះ។

ដោយឡែកមកដល់ឆ្នាំ២០២៤នេះ លោក ហ៊ុយ បញ្ញាវន្ត បានសម្រេចចិត្តដាក់ពាក្យអាហារូបករណ៍ទៅសិក្សានៅសាលាគោលនយោបាយសាធារណៈលីក្វាន់យូម្ដងទៀតព្រោះយល់ឃើញថា ខ្លួនឯងក៏បានបម្រើការងារ និងធ្វើការងារក្នុងផ្នែកនេះមានបទពិសោធន៍ច្រើនគួរសមហើយ ទើបចង់ស្វែងរកឱកាស និងសិក្សាបន្ថែមជំនាញដែលខ្លួនស្រឡាញ់។

លោក ហ៊ុយ បញ្ញាវន្ត បានលើកឡើងថា គន្លឹះក្នុងការដាក់ពាក្យអាហារូបករណ៍គឺជាការត្រៀមខ្លួនជាស្រេចមុនពេលការប្រកាសជ្រើសរើសរបស់អាហារូបករណ៍មកដល់ ព្រោះនឹងមានឯកសារ ឬលិខិតបញ្ជាក់ខ្លះតម្រូវឱ្យបេក្ខជនត្រូវត្រៀមមុនដូចជា សញ្ញាបត្របញ្ជាក់ភាសា IELTS ឬ​ TOEFL ជាដើម។ សញ្ញាបត្របញ្ជាក់ភាសា IELTS ឬ​ TOEFL នេះបេក្ខជនផ្ទាល់គួរតែរៀនត្រៀម និងប្រឡងឱ្យបានពិន្ទុខ្ពស់ទើបជាអាទិភាពក្នុងការដាក់ពាក្យ។

បេក្ខជនជ័យលាភីអាហារូបករណ៍រូបនេះបន្តថា ការជួបពិភាក្សាជាមួយសិស្សច្បង ក៏ជាវិធីសាស្ត្រល្អដែលអាចទទួលបានបទពិសោធន៍ថ្មីៗដែលមិនធ្លាប់ជួប និងគន្លឹះខ្លះៗក្នុងការសម្ភាសន៍ជាដើម។ ជាមួយគ្នានេះ ការសរសេរអត្ថបទដែលអាហារូបករណ៍តម្រូវ បេក្ខជនត្រូវដឹងពីបញ្ហាសង្គមផ្សេងៗ បេក្ខជនគួរតែសរសេរពីបញ្ហាសង្គមជាក់ស្ដែង និងមិនលើកឡើងពីបញ្ហាសង្គមសកលលោក ឬស្រមើលស្រមៃធំពេកដែរ។ ជាក់ស្ដែង បេក្ខជនគួរតែលើកឡើងពីចំណុចតូចណាមួយ និងមានដំណោះស្រាយជាក់លាក់ដែលអាចទទួលយកបាន និងសរសេរឱ្យងាយយល់។

“ក្នុងការសិក្សាថ្នាក់បរិញ្ញាបត្រជាន់ខ្ពស់នេះខ្ញុំនឹងអាចទទួលបាននូវបទពិសោធន៍ ចំណេះដឹងមួយប្រកបដោយវិជ្ជាជីវៈ និងកាន់តែជាក់លាក់ដូចនេះនឹងអាចជួយជាតិបានច្រើន”

លោក ហ៊ុយ បញ្ញាវន្ត

ជាមួយគ្នានេះ លោក ហ៊ុយ​ បញ្ញាវន្ត បេ្ដជ្ញាថា ពេលទៅសិក្សានៅទីនោះ លោកនឹងខិតខំប្រឹងប្រែងរៀនសូត្រយ៉ាងណាឱ្យយកតំណែងជាសិស្សឆ្នើមប្រចាំឆ្នាំឱ្យបានដើម្បីលើកមុខមាត់កម្ពុជា ជាពិសេសបង្ហាញឱ្យឃើញថា ធនធានកម្ពុជាពិតជាមានសមត្ថភាពមិនចាញ់ជាតិសាសន៍ដទៃ។ លើសពីនេះ លោក នឹងយកចំណេះដឹងទាំងអស់ដែលបានសិក្សាមកចែករំលែកដល់សិស្សប្អូន និងយកមកបម្រើការងារសម្រាប់ប្រទេសជាតិឱ្យកាន់តែប្រសើរប្រកបដោយវិជ្ជាជីវៈ។

ជាមួយគ្នានេះ លោក ហ៊ុយ បញ្ញាវន្ត ក៏បានលើកទឹកចិត្តដល់សិស្សប្អូនជំនាន់ក្រោយ ជាពិសេសអ្នកដែលកំពុងសិក្សានៅថ្នាក់បរិញ្ញាបត្រសូមយកចិត្តទុកដាក់ក្នុងការសិក្សា ពុំគួរបណ្ដែតបណ្ដោយពេលវេលា និងមេរៀនចោលនោះឡើយដើម្បីពង្រឹងសមត្ថភាពខ្លួនឯងឱ្យក្លាយជាធនធានមនុស្សដែលរឹងមាំក្នុងគ្រួសារ​ និងសម្រាប់ប្រទេសជាតិ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱ​កាស​សម្រាប់​សិស្ស​វិទ្យាល័យ​! ​កម្មវិធី​ ​«​ក្លឹប​សហគ្រិន​វិទ្យាល័យ​» ​បើក​ទទួល​ពាក្យ​ ​ដើម្បី​បណ្តុះ​ជំនាញ​អាជីវកម្ម​ ​និង​ភាព​ជា​អ្នកដឹកនាំ​តាម​អនឡាញ​

ព័ត៌មានអាហារូបករណ៍, ព្រឹត្តិការណ៍

• 26/06/2026

ដើម្បីចូលរួមចំណែកក្នុងការជំរុញ និងអភិវឌ្ឍសមត្ថភាពយុវជនកម្ពុជាឱ្យកាន់តែមានភាពច្នៃប្រឌិត និងទាន់សម័យកាល ពេលនេះកម្មវិធី «ក្លឹបសហគ្រិនវិទ្យាល័យ» បានប្រកាសបើកទទួលពាក្យចូលរួមពីសិស្សានុសិស្សទូទាំងប្រទេស...

ក្រសួងអប់រំផ្តល់អាហារូបករណ៍ពេញលេញ សម្រាប់ជំនាញ STEM ៣២០កន្លែង

ព័ត៌មានអាហារូបករណ៍, ព្រឹត្តិការណ៍

• 18/08/2026

ក្រសួងអប់រំ យុវជន និងកីឡា ប្រកាសជ្រើសរើសបេក្ខជនឱ្យសិក្សាអាហារូបករណ៍ពេញថ្លៃចំនួន ៣២០ កន្លែង សម្រាប់ថ្នាក់បរិញ្ញាបត្រ បរិញ្ញាបត្រជាន់ខ្ពស់ និង ថ្នាក់បណ្ឌិត នៅតាមគ្រឹះស្ថានឧត្តមសិក្សាសាធារណៈ ក្រោមឱវាទក្រសួង ក្នុងក្របខណ្ឌ...

អាហារូបករណ៍ថ្នាក់ភាសាមួយឆ្នាំនៅ CAM-ASEAN សម្រាប់សិស្សបញ្ចប់ថ្នាក់ទី១២ ឆ្នាំ២០២២ និង២០២៣

ព័ត៌មានអាហារូបករណ៍, ព្រឹត្តិការណ៍

• 10/01/2024

វិទ្យាស្ថានអន្តរជាតិCAM-ASEAN បន្តផ្ដល់អាហារូបករណ៍សិក្សាថ្នាក់ភាសាចិន និងភាសាអង់គ្លេសមួយឆ្នាំសម្រាប់សិស្សដែលទើបតែបញ្ចប់ថ្នាក់ទី១២ក្នុងឆ្នាំ...

ក្រសួងអប់រំជ្រើសរើសនិស្សិត ១២០នាក់ ទៅសិក្សាថ្នាក់ក្រោយឧត្តមសិក្សា និងបរិញ្ញាបត្រ នៅ​ប្រទេស​វៀតណាម ក្នុងឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 14/03/2024

យោង​ទៅ​លើ​អនុស្សរណៈ នៃ​កិច្ច​ព្រមព្រៀង​ស្តីពី​កិច្ច​សហប្រតិបត្តិការ​អប់រំ រវាង​ក្រសួងអប់រំ យុវជន និងកីឡា នៃព្រះរាជាណាចក្រ​កម្ពុជា និង​ក្រសួងអប់រំ បណ្តុះបណ្តាល នៃសាធារណរដ្ឋសង្គមនិយម​វៀតណាម...

អាហារូបករណ៍​ថ្នាក់ភាសា ​នៅ​ប្រទេសចិន សម្រាប់ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 02/05/2023

សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតកម្ពុជា បានប្រកាស​អំពី​អាហារូបករណ៍ថ្នាក់ភាសា សិក្សា​នៅ​ប្រទេស​ចិន រយៈពេល​១ឆ្នាំ។...

សាលារៀនសុវណ្ណភូមិផ្ដល់ជូនអាហារូបករណ៍១០០% ជូនដល់កូនៗរបស់យុទ្ធជនពលីជីវិតដើម្បីបុព្វហេតុការពារជាតិ

ព័ត៌មានអាហារូបករណ៍, ព្រឹត្តិការណ៍

• 31/07/2025

ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលីក្នុងបុព្វហេតុការពារជាតិ សាលារៀនសុវណ្ណភូមិ ប្រកាសផ្ដល់អាហារូបករណ៍១០០% រហូតដល់ចប់ថ្នាក់ទី១២...

អាហារូបករណ៍សាកលវិទ្យាល័យពីមូលនិធិ Child’s Dream សិក្សានៅប្រទេសថៃ ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 19/12/2024

មូលនិធិ Child’s Dream ប្រកាសជ្រើសរើសសិស្ស-និស្សិត ទៅសិក្សាថ្នាក់បរិញ្ញាបត្រសិក្សានៅសាកលវិទ្យាល័យនានានៅ​ប្រទេសថៃសម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការ និងជ្រើសរើសសម្រាប់សិស្ស-និស្សិត...

អាហារូបករណ៍​ចូលសិក្សា​វគ្គ​បណ្តុះបណ្តាល​ជំនាញអប់រំ​ភាសាកូរ៉េ នៅ​សាកលវិទ្យាល័យ​ភូមិន្ទភ្នំពេញ

ព័ត៌មានអាហារូបករណ៍, ព្រឹត្តិការណ៍

• 24/07/2025

សាកលវិទ្យាល័យភូមិន្ទភ្នំពេញ បានប្រកាស​ដល់​និស្សិត​ដែល​កំពុង​សិក្សា​ថ្នាក់បរិញ្ញាបត្រ ឬ​បញ្ចប់ការសិក្សា​ថ្នាក់​បរិញ្ញាបត្រ​ភាសាកូរ៉េ នៅ​សាកលវិទ្យាល័យ​ភូមិន្ទភ្នំពេញ និង​គ្រប់ស្ថាប័នទាំងអស់ថា សាកលវិទ្យាល័យ​នឹងផ្តល់អាហារូបករណ៍​ចំនួន១៥កន្លែង...

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ប្រកាសជ្រើសរើស​សិក្ខាកាម ចូលរៀន​ជំនាញបរិក្ខារត្រជាក់ និង​កាមេរ៉ាសុវត្ថិភាព ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 18/08/2023

សម្រាប់យុវជន យុវនារី កម្មករ កម្មការិនី ដែលបាត់បង់​ឱកាស​ការងារ​នៅតាម​រោងចក្រ សហគ្រាស​នានា និង​គ្មានការងារធ្វើ, ពេលនេះ វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ប្រកាស​ជ្រើសរើស​សិក្ខាកាម​...