ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អារម្មណ៍មាមាញឹកខ្លាំងពេក ឬមិនមានពេលវេលាគ្រប់គ្រាន់ធ្វើការងារ អាចធ្វើឱ្យប៉ះពាល់ដល់ប្រព័ន្ធប្រសាទ និងខួរក្បាលរបស់អ្នក ។ ការប៉ះពាល់នេះ អាចនាំឱ្យអ្នកធ្លាក់ចុះផលិតភាពការងារ ជួបបញ្ហាខ្សោះថាមពលក្នុងខ្លួន (Burn Out) និងធ្វើឱ្យសុខភាពផ្លូវចិត្តចុះខ្សោយ។ នេះគឺជាអ្វី ដែលអ្នកចិត្តសាស្ត្រនៃសាកលវិទ្យាល័យ Yale សាស្រ្តាចារ្យ Laurie Santos បានរកឃើញ។
ដើម្បីដោះស្រាយបញ្ហានេះ អ្នកជំនាញខាងលើ បានផ្ដល់នូវវិធីសាស្ត្រសាមញ្ញចំនួន ៣ ដើម្បីគ្រប់គ្រងពេលវេលា និងបង្កើតពេលឱ្យខ្លួនឯងឡើងវិញ។
១. បង្កើតតារាងគ្រប់គ្រងពេលវេលាប្រចាំថ្ងៃ (Time blocking) ៖ អ្នកជំនាញផ្នែកគ្រប់គ្រងពេលវេលាភាគច្រើន គឺតែងតែបង្កើតតារាងគ្រប់គ្រងពេលវេលាប្រចាំថ្ងៃ ហើយមានបញ្ជីការងារ ដែលត្រូវធ្វើក្នុងប្រតិទិនច្បាស់លាស់។ ដូច្នេះ ពួកគេអាចផ្ដោតអារម្មណ៍ទៅលើការបំពេញការងារនីមួយៗបានល្អ ។ សកម្មភាពសំខាន់ៗ ដែលត្រូវបញ្ចូលក្នុងតារាងគ្រប់គ្រងពេលវេលាប្រចាំថ្ងៃ ម៉ោងសម្រាកញ៉ាំអាហារ ម៉ោងផ្ដោតអារម្មណ៍ធ្វើការ ការប្រជុំ និងទំនាក់ទំនង។
អ្នកជំនាញលើកឡើងថា ការផ្ដល់ពេលវេលាឱ្យខ្លួនឯង អាចជួយកាត់បន្ថយការរំខាន មានពេលវេលាធ្វើការងារធំៗបានច្រើនជាងមុន មានអារម្មណ៍ថាមិនសូវរវល់ មិនតានតឹង ហើយផលិតភាពការងារខ្ពស់។
២. សាទរ និងកាដូខ្លួនឯង នៅពេលធ្វើការហើយមុនកំណត់ ៖ រាល់ពេលដែលអ្នកបំពេញការងារ ហើយមុនពេលកំណត់ សូមអបអរចំពោះសមិទ្ធផលខ្លួនឯង។ ការអនុវត្តទម្លាប់នេះ នឹងធ្វើឱ្យអ្នកមានភាពរីករាយ និងសប្បាយចិត្តជាងមុន អំឡុងពេលកំពុងធ្វើការ បន្ទាប់មកអ្នកអាចយកពេលដែលនៅសេសសល់នោះ ធ្វើរឿងអ្វីមួយ ដែលធ្វើឱ្យអ្នកមានអារម្មណ៍ធូរស្រាលក្នុងខ្លួន។
៣. ចំណាយលុយទិញពេលវេលា ៖ ការបំពេញការងារច្រើនមុខក្នុងពេលតែមួយ អាចធ្វើឱ្យអ្នកមានអារម្មណ៍នឿយហត់ និងអស់កម្លាំង។ ដូច្នេះ វិធីដើម្បីប្រមូលថាមពលមកវិញ គឺត្រូវសម្រាក។ អ្នកជំនាញខាងលើលើកឡើងថា ដើម្បីកាត់បន្ថយពេលវេលាធ្វើការ យើងត្រូវប្រើលុយទិញពេលវេលា ដូចជា ទិញម្ហូបស្រាប់ ឬក៏ជួលគេដើម្បីធ្វើការងារ ដែលអ្នកគិតថា មិនមានពេលគ្រប់គ្រាន់ ដើម្បីធ្វើ។ ការចំណាយលុយទិញពេលវេលា អាចធ្វើឱ្យអ្នកមានពេលសម្រាក និងអាចបំពេញការងារសំខាន់ៗបានកាន់តែច្រើន៕
