ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាលាមធ្យមសិក្សាវិចិត្រសិល្បៈ នៃក្រសួងវប្បធម៌ និងវិចិត្រសិល្បៈប្រកាសប្រឡងជ្រើសរើសសិស្សានុសិស្សសិក្សាជំនាញសិល្បៈឥតគិតថ្លៃសម្រាប់ឆ្នាំសិក្សា២០២៣-២០២៤ ។ ការប្រឡងជ្រើសរើសសិស្សានុសិស្សនឹងទៅសិក្សាជំនាញចំនួន៥ដូចជាជំនាញសិល្បៈនៅសាលាតូរ្យតន្ត្រី របាំ ល្ខោន សៀក និងសិល្បៈ ។
ជំនាញឯកទេសត្រូវជ្រើសរើស នៃសាលានីមួយៗមានដូចជា សាលាតូរ្យតន្ត្រីមាន ផ្នែកចម្រៀង( អាយៃ, ចម្រៀងជាពួក, និងចម្រៀងបុរាណ) ផ្នែកឧបករណ៍តន្ត្រីសម័យ( វីយូឡុង, វីយូឡា, ព្យាណូ, សែលឡូ, ទ្រសោ, កុងត្រឺបាស់, ត្រុំប៉ែត, ហ្លុត, សាក់សូ និងក្លារីណែត) ផ្នែកឧបករណ៍តន្ត្រីបុរាណ( ចាប៉ីដងវែង, ស្រឡៃ, ទ្រអ៊ូ, ទ្រសោ, ឃឹម, គងតូច, គងធំ, តាខេ, រនាតឯក និងរនាតធុង) ។ សាលារបាំ ផ្នែកឯកទេសមានរបាំបុរាណ, របាំប្រពៃណី និងល្ខោនខោល ។ សាលាល្ខោនខោលឯកទេសល្ខោនបាសាក់, ល្ខោនយីកេ និងល្ខោននិយាយ ។ សាលាសៀក ឯកទេសកាប, លោតលើកម្រាល, ទន់ភ្លន់, ទោង, លំនឹង, ត្រេះ, បច្ចេកទេសលើលំហ, បាល្លេ ។ សាលាសិល្បៈសូនរូប ឯកទេសគំនូរ មានគំនូរបុរាណ, គំនូរលម្អលើក្រណាត់, គំនូរផ្សាយ និងគំនូរវិចិត្រកម្ម និងឯកទេសចម្លាក់មាន ចម្លាក់ពុម្ព, ចម្លាក់ប្រាក់, ចម្លាក់ស្មិត, ចម្លាក់ឈើ, ខ្មុកស្មាច់ និងកុលាលភាជន៍ ។
លក្ខខណ្ឌជ្រើសរើសបេក្ខជនសម្រាប់ឯកទេស របាំបុរាណ ខោល សៀក ចម្រៀងបុរាណ តន្ត្រីបុរាណ និងតន្រី្តសម័យ ព្យាណូ សម្រាប់សិស្សដែលបានរៀនចប់ថ្នាក់ទី៣ ឬទី៤ នៅសាលាចំណេះទូទៅ ។ សម្រាប់ឯកទេស របាំប្រពៃណី ល្ខោនយីកេ ល្ខោនបាសាក់ សៀក តន្រ្តីបុរាណ និងតន្ត្រីសម័យសម្រាប់សិស្សដែលបានរៀនចប់ថ្នាក់ទី៥ ឬទី៦ នៅសាលាចំណេះទូទៅ ។ សម្រាប់ឯកទេស ចម្រៀងអាយ៉ៃ ចម្រៀងជាពួក ចាប៉ីដងវែង ល្ខោននិយាយ និងសិល្បៈសូនរូប សម្រាប់សិស្សដែលបានរៀនចប់ថ្នាក់ទី៧ នៅសាលាចំណេះទូទៅ ។
វិញ្ញាសាក្នុងការប្រឡងជ្រើសរើសនឹងចែកជា២ គឺ វិញ្ញាសាប្រឡងចំណេះទូទៅ និងវិញ្ញាសារប្រឡងបច្ចេកទេសជំនាញ ។ វិញ្ញាសាប្រឡងចំណេះទូទៅ មានវិញ្ញសាគណិតវិទ្យា និងភាសាខ្មែរ រយៈពេល២ម៉ោង ទៅតាមកម្មវិធីសិក្សាថ្នាក់ទី៣ ទី៥ និងទី៧ របស់ក្រសួងអប់រំ យុវជន និងកីឡា ។ សម្រាប់វិញ្ញាសាប្រឡងបច្ចេកទេសជំនាញនឹងមានតេស្តជំនាញទៅតាមប្រភេទឯកទេស ។
បេក្ខជនដែលមានចំណាប់អារម្មណ៍ត្រូវភ្ជាប់បែបបទពាក្យមួយចំនួនដូចជា ពាក្យសុំប្រឡង១ច្បាប់ ប្រវត្តិរូបសង្ខេប១ច្បាប់ សៀវភៅតាមដាន ឬកាតសិស្ស ឬលិខិតបញ្ជាក់ការសិក្សា១ច្បាប់ បង្កាន់ដៃចូលប្រឡង១ច្បាប់ សំបុត្រកំណើតថតចម្លង១ច្បាប់ និងរូបថត ៤x៦ ថតចំពីមុខ៣សន្លឹក ។
ចាប់ផ្ដើមចែក និងទទួលពាក្យនៅថ្ងៃប្រឡងពីថ្ងៃជូនដំណឹងនេះ រហូតដល់ថ្ងៃទី០៩ ខែវិច្ឆិកា ឆ្នាំ២០២៣ នៅការិយាល័យសិក្សានៃសាលាមធ្យមវិចិត្រសិល្បៈ ៕
