ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប សម្រាប់ឆ្នាំ២០២៣នេះ ត្រូវក្រសួងកំណត់យកថ្ងៃទី០៦ ខែវិច្ឆិកា ឆ្នាំ២០២៣ ជាកាលបរិច្ឆេទប្រឡង ។ ក្នុងនោះបើតាមសេចក្តីណែនាំរបស់ក្រសួងអប់រំយុវជន និងកីឡា សម្រាប់សិស្សដែលអវត្តមានឥតច្បាប់លើសពី៣០ដងឡើងទៅ នឹងត្រូវលុបឈ្មោះចេញពីបេក្ខភាពប្រឡង។
ឯកឧត្តម រស់ សុវាចារ អ្នកនាំពាក្យក្រសួងអប់រំ និងកីឡា បានឱ្យដឹងថា ក្រសួងបានចេញនូវសេចក្តីណែនាំស្ដីពីដំណើរការនៃការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប នៅថ្ងៃទី០៦ ខែវិច្ឆិកា ឆ្នាំ២០២៣ ហើយការទទួលពាក្យសុំចុះឈ្មោះប្រឡង ធ្វើឡើងនៅតាមវិទ្យាល័យ ដោយចាប់ផ្តើមពីថ្ងៃទី០១ ដល់ថ្ងៃទី៣១ ខែឧសភា ឆ្នាំ២០២៣។
អ្នកនាំពាក្យក្រសួងអប់រំ និងកីឡា បន្ថែមថា សម្រាប់កាលបរិច្ឆេទដំណើរការកំណែប្រព្រឹត្តទៅចាប់ពីថ្ងៃទី១១-១៥ ខែវិច្ឆិកា ឆ្នាំ២០២៣ នៅតាមមណ្ឌលកំណែប្រមូលផ្តុំរាជធានីភ្នំពេញ។ ចំណែកដំណើរការស្រង់ បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុប្រព្រឹត្តទៅចាប់ពីថ្ងៃទី១៦ ដល់២៦ ខែវិច្ឆិកា ឆ្នាំ២០២៣ នៅរាជធានីភ្នំពេញ។
បើតាមសេចក្តីណែនាំដដែល លទ្ធផលប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប នឹងត្រូវបិទផ្សាយនៅតាមមណ្ឌលសំណេរនីមួយៗនារសៀលថ្ងៃទី២៨ ខែវិច្ឆិកា ឆ្នាំ២០២៣ សម្រាប់រាជធានីភ្នំពេញ និងខេត្តកណ្តាល និងនៅថ្ងៃទី២៩ ខែវិច្ឆិកា ឆ្នាំ២០២៣ សម្រាប់ខេត្តផ្សេងៗទៀតនៅទូទាំងប្រទេស៕
