ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – បច្ចុប្បន្ននេះ ទូទាំងពិភពលោកមានបញ្ហាមួយគឺ សិស្សមួយចំនួនទៅសាលារៀន ប៉ុន្តែអត់ចេះអាន អត់ចេះសរសេរភាសាចាតិរបស់ខ្លួនឯងច្បាស់ ដោយសារបច្ចេកវិទ្យាផង ហ្វេសប៊ុកផង ហ្គេមផង ដែលវាធ្វើឱ្យប៉ះពាល់ដល់ការសិក្សានៅកម្រិតមធ្យមសិក្សា ។ ដើម្បីឆ្លើយតបបញ្ហានេះ ការបណ្ដុះបណ្ដាលគ្រូ ជាគន្លឹះសំខាន់ដើម្បីជួយឱ្យសិស្សចេះអាន និងចេះសរសេរ។ នេះបើតាមប្រសាសន៍លើកឡើងរបស់ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា។
បើតាមឯកឧត្តមរដ្ឋមន្រ្តី ការបណ្ដុះបណ្ដាលគ្រូ សំខាន់ណាស់ដើម្បីជួយឱ្យសិស្សចេះអាន និងចេះសរសេរ ក្នុងនោះក្រសួងអប់រំ យុវជន និងកីឡា បានរៀបចំវិធីសាស្រ្តបង្រៀនមួយដែលថ្មី ហៅថា គរុកោសល្យរចនាសម្ព័ន្ធ (Structure pedagogy) មានន័យថា នៅក្នុងការបង្រៀនសិស្ស ប្រសិនបើចង់ក្លាយជាគ្រូល្អ គ្រូចាំបាច់ត្រូវអានកញ្ចប់អំណានដំបូង។ កញ្ចប់អំណានដំបូងដើម្បីបង្រៀនសិស្សមានចំនួន៧ជំហាន គឺត្រូវដឹងថា តើមានជំហានប៉ុន្មានឱ្យសិស្សស្គាល់សូរ? ស្គាល់តួអក្សរ? ចេះប្រកប? រួចហើយឱ្យសិស្សចេះបង្កើតល្បះដោយខ្លួនឯង សរសេរដោយខ្លួនឯង ចេះអានល្បះ និងចេះសរសេររឿងខ្លីៗ ។
ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា
“លោកគ្រូ អ្នកគ្រូជំនាន់មុនគិតថា ទាល់តែបង្រៀន ២០ ឬ៣០ឆ្នាំ បានមានបទពិដោធន៍បង្រៀនបាន ប៉ុន្តែឥឡូវនេះ គ្រូបង្រៀនតែ៥ឆ្នាំ អាចក្លាយជាគ្រូបង្រៀនល្អបាន”
តាមប្រសាសន៍លើកឡើងរបស់ឯកឧត្តមរដ្ឋមន្រ្តីក្រសួងអប់រំ ការរៀនតែក្នុងថ្នាក់ និងរៀនតែក្នុងសៀវភៅគោល ក៏សិស្សអត់ចេះច្បាស់ដែរ ។ ដូច្នេះនៅពេលដែលរៀនតាមសៀវភៅគោលហើយ ត្រូវអានសៀវភៅផ្សេងទៀត ដើម្បីលើកកម្ពស់ឱ្យសិស្សចេះ សិស្សចង់អាន ហើយត្រូវមានមួយម៉ោងក្នុងមួយសប្ដាហ៍អានក្នុងបណ្ណាល័យ ដែលជាវិធីសាស្រ្តបង្រៀនបែបប្រកប។ ឯកឧត្តមបណ្ឌិតសភាចារ្យបន្តថា នៅពេល ចប់ជំហានទី៧ ហៅថា វិទ្យាសាស្រ្តសរុប មានន័យថា សិស្សស្គាល់ពាក្យ ចេះអាន ដោយឃើញរូបភាពស្គាល់តែម្ដង ។ នេះជាវិធីមួយដែលរៀនពេញលេញ ហើយអាចយកទៅរៀនភាសាអ្វីក៏បាន។
យ៉ាងណាក៏ដោយបើតាមឯកឧត្តមបណ្ឌិតសភាចារ្យ ហង់ជួន ណារ៉ុន នៅពេលដែលយើងអាចបណ្ដុះបណ្ដាលឱ្យមានគ្រូល្អហើយ នោះកម្ពុជានឹងអាចផ្ដល់ការអប់រំមួយដែលមានគុណភាព ដោយសិស្សចេះទាំងអស់ មិនថាចេះអាន ចេះសរសេរ ហើយអាចរៀនចប់ទៅកម្រិតខ្ពស់ ។ ជាមួយគ្នានេះ ក៏ជួយឱ្យប្រព័ន្ធអប់រំមានប្រសិទ្ធភាពកាត់បន្ថយអត្រាត្រួតថ្នាក់ពី៧ភាគរយទៅ០ភាគរយ និងអត្រាបោះបង់ការសិក្សាពី៧ភាគរយទៅ០ភាគរយ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Porto នៃព័រទុយហ្គាល់ ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 08/10/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Porto នៃប្រទេសព័រទុយហ្គាល់ សម្រាប់និស្សិតអន្តរជាតិជាច្រើនកន្លែង នៅឆ្នាំសិក្សា២០២៦។ អាហារូបករណ៍ផ្ដល់សម្រាប់ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់បណ្ឌិត។
លក្ខខណ្ឌ និងគន្លឹះសំខាន់ដែលអ្នកស្នើពាក្យអាហារូបករណ៍ Australia Awards គួរដឹង
ព័ត៌មានអាហារូបករណ៍, ព្រឹត្តិការណ៍
• 19/03/2025
កម្មវិធីអាហារូបករណ៍ Australia Awards ជាអាហារូបករណ៍ដែលផ្ដល់ដោយរដ្ឋាភិបាលអូស្ត្រាលី សម្រាប់ការសិក្សាថ្នាក់ឧត្ដមសិក្សា នៅសាកលវិទ្យាល័យជាច្រើនក្នុងប្រទេសអូស្ត្រាលី ហើយអាហារូបករណ៍តែងតែផ្ដល់ឱ្យជារៀងរាល់ឆ្នាំ។
អាហារូបករណ៍សិក្សាវិស្វកម្មឌីហ្សាញ 3D Design & 3D Printing ជាមួយ ស.ស.យ.ក រាជធានីភ្នំពេញ និង STEAMING Cambodia
ព័ត៌មានអាហារូបករណ៍, ព្រឹត្តិការណ៍
• 01/09/2023
ជាឱកាសសម្រាប់ប្អូនៗជាសិស្សថ្នាក់ទី៩ ដល់និស្សិតមហាវិទ្យាល័យ (ពិសេសប្អូនៗដែលចង់រៀនខាងមេកានិក) ពេលនេះ មានការផ្តល់អាហារូបករណ៍សម្រាប់ការសិក្សាវិស្វកម្មឌីហ្សាញ 3D Design & 3D Printing ...
ឱកាសសិក្សាថ្នាក់ Online ឥតគិតថ្លៃពី UNICEF Online Courses 2023
ព័ត៌មានអាហារូបករណ៍, ព្រឹត្តិការណ៍
• 06/06/2023
កម្មវិធីសិក្សាឥតគិតថ្លៃពី UNICEF online Course 2023 បើកទទួលនិស្សិតអន្តជាតិគ្រប់ជាតិសាសន៍សិក្សាដោយឥតគិតថ្លៃចំនួន១១៥៤វគ្គសិក្សា។ អាហារូបករណ៍ក៏មានផ្ដល់លិខិតបញ្ជាក់...
អាហារូបករណ៍ថ្នាក់វេជ្ជបណ្ឌិតវេជ្ជសាស្ត្រសិក្សានៅសាធារណរដ្ឋគូបាឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 29/06/2023
ក្រសួងអប់រំ យុវជន និងកីឡាប្រកាសដំណឹងជ្រើសរើសនិស្សិតសិក្សាអាហារូបករណ៍ថ្នាក់វេជ្ជបណ្ឌិតវេជ្ជសាស្ត្រនៅសាធារណរដ្ឋគូបាចំនួន០១កន្លែងសម្រាប់ឆ្នាំសិក្សា២០២៣-២០២៤ ។...
វិទ្យាស្ថានជាតិកសិកម្មព្រែកលៀបផ្ដល់អាហារូបករណ៍ថ្នាក់បរិញ្ញាបត្រ១០០០កន្លែងសម្រាប់ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 05/01/2023
វិទ្យាស្ថានជាតិកសិកម្មព្រែកលៀបបានប្រកាសផ្ដល់អាហារូបករណ៍១០០%ថ្នាក់បរិញ្ញាបត្រចំនួន១០០០កន្លែងសម្រាប់សិស្សទើបបញ្ចប់មធ្យមសិក្សាទុតិយភូមិ...
អាហារូបករណ៍កម្រិតសញ្ញាបត្រជាន់ខ្ពស់បច្ចេកទេស នៅប្រទេសវៀតណាម សម្រាប់សិស្សជាប់បាក់ឌុបឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 08/09/2025
សាលា Thai Nguyen College នៃប្រទេសវៀតណាម នឹងផ្តល់អាហារូបករណ៍កម្រិតសញ្ញាបត្រជាន់ខ្ពស់បច្ចេកទេស សិក្សារយៈពេល៤ឆ្នាំ ដល់សិស្សកម្ពុជាចំនួន ៧២កន្លែង។
កម្មវិធីពិសេសរបស់ AMS EDUCATION
ព័ត៌មានសង្ខេប
ព័ត៌មានផ្សេងៗទៀត
អ្នកនាំពាក្យ ៖ ក្រសួងអប់រំកំពុងធ្វើការយ៉ាងជិតស្និទ្ធជាមួយអាជ្ញាធរ ដើម្បីរក្សាសុវត្ថិភាពសិស្ស គ្រូបង្រៀន បុគ្គលិកអប់រំទាំងអស់នៅតាមតំបន់ព្រំដែន
វិទ្យាល័យបាក់ទូក ពង្រឹងយុទ្ធនាការប្រយុទ្ធប្រឆាំងនឹងការប្រើប្រាស់បារីអេឡិចត្រូនិច ដើម្បីអនាគតយុវជន
