ភ្នំពេញ៖ សកម្មភាពការងារស្ម័គ្រចិត្ត និងការងារសង្គមនានា ជាផ្នែកមួយសំខាន់ចូលរួមពង្រឹងសមត្ថភាព លើកទឹកចិត្ត និងអភិវឌ្ឍន៍គំនិតយុវជនឱ្យកាន់តែប្រសើរឡើង ។ បន្ថែមពីលើនេះ សកម្មភាពការងារស្ម័គ្រចិត្តជួយសង្គមក៏ជាឱកាសដែលយុវជនអាចសិក្សាពីការងារបានយ៉ាងល្អ ។ នេះជាការលើកឡើងរបស់ក្រុមយុវជននៅក្នុងកិច្ចពិភាក្សាអនឡាញមួយក្រោមប្រធានបទ “បន្លឺសំឡេងយុវជនក្នុងការចូលរួមកិច្ចការអភិវឌ្ឍន៍សង្គម” រៀបចំដោយយុជននៃអង្គការសហប្រជាជាតិ (UNYAP) សហការជាមួយអង្គការទស្សនៈពិភពលោកប្រចាំនៅកម្ពុជា ។
លោក ងួន ច័ន្ទសេង អ្នកបច្ចេកទេសកម្មវិធីកិច្ចការពារកុមារ នៃអង្គការទស្សនៈពិភពលោក មានប្រសាសន៍ថា យុវជនមានចាប់ផ្តើមមានទំនុកចិត្តទៅលើខ្លួនឯងពេលបានចូលរួមចុះសកម្មភាពនានាជួយសហគមន៍។ លើសពីនេះការងារសង្គមជួយឱ្យយុវជនអភិវឌ្ឍន៍សមត្ថភាព ចំណេះដឹង និងជំនាញរបស់ខ្លួនឱ្យខ្លាំងពូកែ ។ ទន្ទឹមគ្នានេះ តាមរយៈសកម្មភាពការងារស្ម័គ្រចិត្តជួយសង្គមយុវជនមានឱកាសទទួលបានការងារជាច្រើនផងដែរ ។
« ផ្ដល់ឱកាសឱ្យយុវជននៅក្នុងកិច្ចការងារសង្គម ជារឿងសំខាន់មួយអាចជួយដុះខាត់សមត្ថភាពយុវជនឱ្យកាន់តែខ្លាំងឡើង ! នៅពេលយុវជនកាន់តែខ្លាំង មានការខិតខំប្រឹងប្រែងមិនបោះបង់ចោលនៅកិច្ចការងារអភិវឌ្ឍន៍ខ្លួន និងសង្គមជាតិ ហើយក្លាយជាធនធានដ៏មានតម្លៃបំផុតសម្រាប់ប្រទេស»
លោក ងួន ច័ន្ទសេង
ទន្ទឹមនឹងគ្នានេះដែរ កញ្ញា អុល មេត្តា យុវជនស្ម័គ្រចិត្តប្រឹក្សាយោបល់ដល់កុមារ និងស្ត្រីតាមសហគមន៍ បាននិយាយថា ការងារស្ម័គ្រចិត្តជំរុញឱ្យយុវជនទទួលឱកាសរៀនសូត្រពីការងារ និងទទួលបានឱកាសបណ្ដុះបណ្ដាលផ្សេងៗ ។ ការងារស្ម័គ្រចិត្តជួយឱ្យយុវជនចេះអត់ធ្មត់ដោះស្រាយបញ្ហា ហើយយុវជនកាន់តែមានទឹកចិត្តកាន់តែខ្លាំងនៅក្នុងកិច្ចសង្គម ។
យុវជនស្ម័គ្រចិត្តរូបនេះបានបញ្ជាក់ថា យុវជនជាអ្នកបន្តវេនដ៏មានសក្ដារនុពលសម្រាប់ប្រទេសជាតិ ជាពិសេសប្រទេសកម្ពុជាមានយុវជនច្រើន ដូច្នេះបើយុវជនមិនបានចូលរួមកិច្ចការអភិវឌ្ឍអ្វីមួយ នោះហាក់បាត់សំឡេងក្នុងកិច្ចអភិវឌ្ឍន៍ប្រទេសជាតិ ។ យុវជនមិនអាចបង្កើនសមត្ថភាពរបស់ខ្លួននោះទេ បើមិនមានអ្នកមានបទពិសោធន៍ ឬអ្នកជំនាញបង្ហាញផ្លូវ ។
ចំណែកឯ កញ្ញា មាស គឹមធួន អ្នកសរសេរព័ត៌មានឯករាជ្យ បាននិយាយថា យុវជនជាវ័យមានខួរក្បាលរហ័ស គិតលឿន និងឆ្លើយតបលឿន ហើយយុវជនជាផ្នែកដ៏សំខាន់ចូលរួមដោះស្រាយបញ្ហានានានៅក្នុងសង្គម ។ លើសពីនេះ យុវជនត្រូវបណ្តុះផ្នត់គំនិតស្រឡាញ់ជាតិ ចេះតាមដានព្រឹត្តិការណ៍សង្គម ការវិវត្តក្នុងសង្គមដើម្បីចូលរួមចំណែកជាយុវជនមានគុណភាព ។
កញ្ញា មាស គឹមធួន យល់ឃើញថា ប្រទេសជាតិមួយរីកចម្រើនទៅមុខ អាស្រ័យត្រូវចូលរួមពីយុវជន ហើយយុវជនហ៊ានបរិច្ចាគកម្លាំងកាយ កម្លាំងចិត្ត ប្រាជ្ញាស្មារតីទៅតាមអ្វីដែលអ្នកអាចធ្វើបានដើម្បីសង្គមជាតិមួយ ។
គួរបញ្ជាក់ថា ទិវាយុវជនអន្តរជាតិ ថ្ងៃទី១២ ខែសីហា ឆ្នាំ២០២១ ប្រារព្ធឡើងជាក្រោមប្រធានបទ «ការផ្លាស់ប្តូរប្រព័ន្ធស្បៀង នវានុវត្តន៍របស់យុវជនដើម្បីសុខភាពមនុស្សនិងភពផែនដី»។
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
ឱកាសសិក្សានៅសាកលវិទ្យាល័យធនធានមនុស្សចំនួន៤៥កន្លែងពីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 10/11/2023
ឱកាសសិក្សាអាហារូបករណ៍ថ្នាក់បរិញ្ញបត្ររង និងថ្នាក់បរិញ្ញាបត្រនៅសាកលវិទ្យាល័យធនធានមនុស្សចំនួន៤៥កន្លែង ពីកម្មវិធីអាហារូបករណ៍អភិសន្តិបណ្ឌិត.....
ក្រសួងអប់រំជ្រើសរើសសិក្ខាកាមចូលរួមវគ្គបណ្តុះបណ្តាលនវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី
ព័ត៌មានអាហារូបករណ៍, ព្រឹត្តិការណ៍
• 15/07/2025
ក្រសួងអប់រំ យុវជន និងកីឡា បានប្រកាសជ្រើសរើសសិក្ខាកាមចូលរួមវគ្គបណ្ដុះបណ្ដាល ស្ដីពី នវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី រៀបចំដោយនាយកដ្ឋានបរិវត្តកម្មឌីជីថល...
វគ្គបណ្តុះបណ្តាល “អក្ខរកម្មបញ្ញាសិប្បនិម្មិត (AI Literacy)” ដោយឥតគិតថ្លៃ សម្រាប់យុវជនកម្ពុជា
ព័ត៌មានអាហារូបករណ៍, ព្រឹត្តិការណ៍
• 11/02/2026
ដើម្បីឆ្លើយតបទៅនឹងការរីកចម្រើន នៃបច្ចេកវិទ្យាឌីជីថល អង្គការខេប (KAPE) តាមរយៈគ្រូបង្គោល AI Ready ASEAN សហការជាមួយ នាយកដ្ឋានបរិវត្តកម្មឌីជីថល នៃក្រសួងអប់រំ យុវជន និងកីឡា និង ក្រុមប្រឹក្សាយុវជនអង្គការសហប្រជាជាតិ (UNYAP)
អាហារូបករណ៍សាថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Monash ចក្រភពអង់គ្លេស
ព័ត៌មានអាហារូបករណ៍, ព្រឹត្តិការណ៍
• 02/08/2023
កម្មវិធីអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យMonash ប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិជាច្រើនកន្លែង ...
អាហារូបករណ៍សាច់ប្រាក់ពី Education First Cambodia សម្រាប់និស្សិតស្រីរយៈពេល៣ឆ្នាំ
ព័ត៌មានអាហារូបករណ៍, ព្រឹត្តិការណ៍
• 11/10/2023
ឱកាសទទួលបានអាហារូបករណ៍សាច់ប្រាក់រយៈពេល៣ឆ្នាំពី Education First Cambodia ផ្ដល់សម្រាប់សិស្សស្រីកំពុងសិក្សាឆ្នាំទី២នៃឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនសម្រាប់និស្សិតកំពុងសិក្សានៅ...
CGTI ផ្ដល់អាហារូបករណ៍ចំនួន៥០កន្លែងសម្រាប់សិស្សថ្នាក់ទី១២
ព័ត៌មានអាហារូបករណ៍, ព្រឹត្តិការណ៍
• 20/08/2025
វិទ្យាស្ថានបណ្តុះបណ្តាលឯកទេសសម្រាប់ឧស្សាហកម្មកាត់ដេរ ឬហៅថា CGTI ប្រកាសជ្រើសរើសសិស្សានុសិស្ស ចូលសិក្សាក្នុងវគ្គបណ្ដុះបណ្ដាលចំនួន៥០កន្លែង។ អាហារូបករណ៍ផ្ដល់ជូនសម្រាប់សិស្សានុសិស្ស...
Fulbright ផ្ដល់អាហារូបករណ៍៤ពាន់នាក់សម្រាប់និស្សិតអន្តរជាតិ
ព័ត៌មានអាហារូបករណ៍, ព្រឹត្តិការណ៍
• 17/01/2023
កម្មវិធីអាហារូបករណ៍ Fulbright USA កំពុងបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិគ្រប់ជាតិសាសន៍ច្រើនជាង១៦០ប្រទេសចំនួន៤ពាន់...
ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Oxford Pershing Sqaure Graduate ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 13/09/2023
ឱកាសសិក្សាថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Oxford ចក្រភពអង់គ្លេសពីកម្មវិធីអាហារូបករណ៍ Oxford Pershing Sqaure Graduate Scholarship ២០២៤-២០២៥ ។...
កម្មវិធីពិសេសរបស់ AMS EDUCATION
ព័ត៌មានសង្ខេប
ព័ត៌មានផ្សេងៗទៀត
រដ្ឋមន្រ្តីអប់រំដាក់ចេញទិសដៅយុទ្ធសាស្រ្តចំនួន ៤ ដើម្បីបន្តកែលម្អប្រព័ន្ធអប់រំកម្ពុជា មានភាពប្រកួតប្រជែងក្នុងតំបន់ និងអន្តរជាតិ
ឯកឧត្តម ឈួរ សុបញ្ញា ៖ ពេលយុវជនមានបេះដូងដឹងគុណ នោះសង្គមនឹងមានមូលដ្ឋានរឹងមាំ ប្រកបដោយសីលធម៌ គុណធម៌ និងសាមគ្គីភាព
