ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈ ក្រសួងអប់រំ យុវជន និងកីឡាកម្ពុជា ក្រសួងអប់រំ វប្បធម៌ កីឡា វិទ្យាសាស្ត្រ និងបច្ចេកវិទ្យា (MEXT) នៃប្រទេសជប៉ុន ប្រកាសជ្រើសរើសនិស្សិតអប់រំទៅសិក្សាមុខជំនាញ Business Administration ក្រោមកម្មវិធី Young Leader’s Program(YLP) សម្រាប់ឆ្នាំសិក្សា២០២៦។
កម្មវិធីអាហារូបករណ៍ផ្ដល់ឱ្យសិក្សារយៈពេល១ឆ្នាំ សិក្សានៅសាកលវិទ្យាល័យ Hitotsubashi សម្រាប់ឆ្នាំសិក្សា២០២៦។ បេក្ខជន បេក្ខនារីត្រូវជាបុគ្គលិកអប់រំដែលមានចំណាប់អារម្មណ៍ក្នុងការសិក្សា អាចចូលទៅកាន់ Young Leader’s Program ។
បេក្ខជន ត្រូវភ្ជាប់ឯកសារចាំបាច់ដូចជា ៖ ពាក្យស្នើសុំចូលរៀន រូបថត ៤x៦ (រូបថតថ្មីរយៈពេល៦ខែចុងក្រោយនេះ) លិខិតថតចម្លងនៃលិខិតឆ្លងដែន លិខិតចម្លងសៀវភៅគ្រួសារ លិខិតបញ្ជាក់សុខភាព សញ្ញាបត្រមធ្យមសិក្សាទុតិយភូមិ សញ្ញាបត្រថ្នាក់បរិញ្ញាបត្រ និង សញ្ញាបត្របរិញ្ញាបត្រជាន់ខ្ពស់ លិខិតចម្លងនៃ លិខិតបញ្ជាក់ការសិក្សា ប្រតិបត្តិពិន្ទុ នៅសាកលវិទ្យាល័យ។ ភ្ជាប់សំណេរតែងសេចក្ដី (Essay) ដែលនិយាយអំពី ក្ដីស្រមៃ និងផែនការអនាគតក្រោយបញ្ចប់ការសិក្សាសិក្សាពីកម្មវិធី YLP លិខិតបញ្ជាក់ភាសាអង់គ្លេស លិខិតអនុសាសន៍ចំនួនពីរពីថ្នាក់ដឹកនាំ ឬសាស្ត្រាចារ្យនៃសាកលវិទ្យាល័យ។
សម្រាប់ព័ត៌មានបន្ថែមអំពីពាក្យស្នើសុំ និងលក្ខខណ្ឌអាចចូលទៅកាន់ https://www.kh.emb-japan.go.jp/files/100887883.pdf ។ ដើម្បីបំពេញពាក្យ បេក្ខជនអាចចូលទៅកាន់ https://www.kh.emb-japan.go.jp/files/100887886.pdf ។
ក្រោយបំពេញពាក្យរួចរាល់ បេក្ខជនត្រូវយកឯកសារទាំងអស់ទៅដាក់នៅនាយកដ្ឋានសហប្រតិបត្តិការអន្តរជាតិ និងកិច្ចការ អាស៊ាន អគារលេខ២៣ ផ្លូវ៣៦០ សង្កាត់បឹងកេងកង (ខាងកើតស្ថានីយទូរទស្សន៍ អប្សរាប្រហែល៥០ម៉ែត្រ) ឱ្យបានត្រឹមថ្ងៃទី១២ ខែកញ្ញា ឆ្នាំ២០២៥ វេលាម៉ោង១៦:០០នាទី៕
