ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការចែករំលែកកិច្ចការផ្ទះគឺមិនត្រឹមតែជួយសម្រាលបន្ទុកដល់ស្រ្តីជាមេផ្ទះ ក្នុងកិច្ចការប្រចាំថ្ងៃប៉ុណ្ណោះទេ ប៉ុន្តែវាក៏ជួយពង្រឹងដល់ទំនាក់ទំនង និងអប់រំសមាជិកគ្រួសារឱ្យក្លាយជាមនុស្សមានទំនួលខុសត្រូវ និងចេះចែករំលែកជាមួយអ្នកដទៃ។
ខាងក្រោមនេះគឺជាអត្ថប្រយោជន៍សំខាន់ៗ នៃសកម្មភាពជួយកិច្ចការផ្ទះរបស់សមាជិកគ្រួសារទាំងអស់៖
ការទទួលខុសត្រូវលើកិច្ចការ ៖ ការបែងចែកភារកិច្ច ក្នុងផ្ទះឱ្យសមស្របទៅលើសមាជិកគ្រួសារទាំងអស់ ជួយសម្រាលបន្ទុកសមាជិកគ្រួសារដែលជាមេផ្ទះ។
ការធ្វើការងារជាក្រុម និងការគាំទ្រ ៖ ជួយឱ្យទំនាក់ទំនងរវាងសមាជិកគ្រួសាររឹងមាំឡើង ដោយលើកកម្ពស់ការធ្វើការជាក្រុម និងការគាំទ្រដល់គ្រួសារទាំងមូល។
ទំនាក់ទំនងកាន់តែប្រសើរឡើង ៖ ការបែងចែកការងារ និងនិយាយគ្នាអំពីការងារផ្ទះជាទៀងទាត់អាចធ្វើឱ្យទំនាក់ទំនងប្រសើរឡើង និងការគោរពគ្នាទៅវិញទៅមកនៅក្នុងគ្រួសារ។
ការអភិវឌ្ឍជំនាញទន់សម្រាប់កុមារ ៖ កុមារធ្វើកិច្ចការផ្ទះ បង្រៀនពួកគេនូវជំនាញដ៏មានតម្លៃដូចជាការទទួល ខុសត្រូវ ចេះសហការ និងការគ្រប់គ្រងពេលវេលា។
បរិយាកាសរស់នៅប្រសើរឡើង ៖ ធ្វើឱ្យផ្ទះស្អាត និងមានរបៀបរៀបរយ ក៏ជួយបង្កើតបរិយាកាសរីករាយ ដែលធ្វើឱ្យសមាជិកគ្រួសារមានអារម្មណ៍ល្អ ។
គ្រួសារមានក្តីសុខ ៖ ជួយបង្កើតបរិយាកាសរស់នៅដែលសុខសាន្ត និងចុះសម្រុងគ្នាបានល្អ។
ក្រៅពីនេះ ការចែករំលែកកិច្ចការផ្ទះ ក៏បានផ្តល់អត្ថប្រយោជន៍ផ្លូវចិត្ត ដូចជា កាត់បន្ថយភាពតានតឹង, ធ្វើឱ្យទំនាក់ទំនងកាន់តែប្រសើរឡើង, មានអារម្មណ៍មោទកភាព និងការមាន ទំនុកចិត្តក្នុងខ្លួន ពេលដែលបញ្ចប់ភារកិច្ច ឬសម្រេច បានអ្វីមួយដោយជោគជ័យ៕
