កម្មវិធីអាហារូបករណ៍ Commonwealth Distance Learning Scholarship 2025-2026 ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យផ្សេងៗនៃចក្រភពអង់គ្លេស សម្រាប់ឆ្នាំសិក្សា២០២៥-២០២៦។
ថ្នាក់បរិញ្ញាបត្រជាន់ខ្ពស់ដែលកម្មវិធីអាហារូបករណ៍ផ្តល់ជូនរួមមាន ៖ Science and technology for development, Strengthening health systems & capacity, Promoting innovation and entrepreneurship, Strengthening global peace, security & governance, Strengthening resilience & response to crises, និង Access, inclusion & opportunity។
លក្ខខណ្ឌនៃការជ្រើសរើស ៖ បេក្ខជនជានិស្សិតអន្តរជាតិដែលមិនមានសញ្ជាតិអង់គ្លេស, បានបញ្ចប់ការសិក្សាថ្នាក់បរិញ្ញាបត្រ និងមានឯកសារយោង។ រយៈពេលនៃកម្មវិធីសិក្សាផ្ដល់ជូនសិក្សាពេញម៉ោង ឬក្រៅម៉ោងអាស្រ័យទៅតាមកម្មវិធីសិក្សាតាមមុខជំនាញ និងការរៀនពីចម្ងាយ។

កម្មវិធីអាហារូបករណ៍នឹងគាំទ្រភាគីបេក្ខជនជ័យលាភីដោយផ្ដល់ថ្លៃសិក្សាពេញលេញ នៃថ្លៃសិក្សាថ្នាក់បរិញ្ញាបត្រជាន់ខ្ពស់, ថ្លៃសំបុត្រយន្តហោះទៅមក, ថ្លៃកន្លែងស្នាក់នៅ, ថ្លៃសម្ភារៈសិក្សាដែលទាក់ទងនឹងការសិក្សា, ជំនួយហិរញ្ញវត្ថុសម្រាប់ធនធាន និងចំណាយផ្សេងៗទៀតក្នុងកំឡុងពេលសិក្សា។
ដើម្បីធ្វើការដាក់ពាក្យ បេក្ខជនអាចចូលទៅកាន់ http://cscuk.fcdo.gov.uk/commonwealth-distance-learning-scholarships-university-bidding/ ដើម្បីស្វែងរកព័ត៌មានបន្ថែម និងការចុះឈ្មោះតាម Online ។ សម្រាប់ព័ត៌មានបន្ថែម សូមទំនាក់ទំនងទៅកាន់ distance.learning@cscuk.org.uk ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២០ ខែឧសភា ឆ្នាំ២០២៥៕































