ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការហែលទឹក មិនត្រឹមតែជាវិញ្ញាសាកីឡាក្នុងការប្រកួតប្រជែងប៉ុណ្ណោះទេ តែការហែលទឹកនេះ ក៏ត្រូវចាត់ទុកថាជាការកម្សាន្តផង និងជាកីឡាជួយដល់សុខភាពផងដែរ។ យោងតាមគេហទំព័ររបស់ Betterhealth បានឱ្យដឹងថា ហែលទឹកគឺជាសកម្មភាពដែលផ្តល់ប្រយោជន៍ជាច្រើន ព្រោះថានៅពេលអនុវត្តន៍ តម្រូវឱ្យរាងកាយទាំងមូលមានតួនាទីធ្វើចលនាទាំងព្រម ដើម្បីទប់លំនឹងនៅក្នុងបរិយាកាសទឹក។
ការហែលទឹកផ្តល់នូវភាពវិជ្ជមានគឺដោយសារតែ វាអាចរក្សាចង្វាក់បេះដូង កាត់បន្ថយភាពតាងតឹង, ពង្រឹងសាច់ដុំ និងសរសៃឈាមបេះដូង។ មួយវិញទៀតជួយឱ្យថែរក្សាគីឡូបានល្អ ថែមទាំងធ្វើឱ្យបេះដូង និងសួតមានសុខភាពល្អ ហើយពង្រឹងបាននូវថាមពលបន្ថែម។ តាមរយៈការហែលទឹក ធ្វើឱ្យរាងកាយទាំងមូលមានចលនាស្មើគ្មា ជំរុញឱ្យលំនាំនៃការប្រាណមានតុល្យភាព។
មួយវិញទៀត អត្ថប្រយោជន៍អំពីការហែលទឹកមានបន្ថែមដូចជា ធ្វើឱ្យអារម្មណ៍រីករាយ និងភាពស្ងប់ ឬនឹងធឹង, បន្ធូរភាពតាងតឹង និងអភិវឌ្ឍ៍ភាពបត់បែននៃរាងកាយ។ ការចាប់ផ្តើមសាកល្បងកីឡាហែលទឹក គឺសម្រាប់មនុស្សគ្រប់វ័យទាំងអស់ ប៉ុន្តែមុននឹងចាប់ផ្តើមក្នុងទីតាំងណាមួយ ត្រូវប្រាកដជាក់ថា អ្នកចេះហែលទឹក និងស្វែងរកទីតាំងដែលសុវត្ថិភាព៕
