ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បច្ចេកវិទ្យា និងបណ្តាញសង្គម បានបង្កភាពងាយស្រួលក្នុងការរស់នៅ តែជាមួយគ្នានោះក៏បង្កនូវហានិភ័យព្រមគ្នាដែរ។ ក្នុងបរិបទដ៏មមាញឹកនេះ កត្តាដែលប្រឈមខ្លាំងនោះ គឺលង់លក់នឹងការប្រើប្រាស់បណ្តាញសង្គមយូរម៉ោងពេក ជាពិសេសតាមរយៈការអូសចុះ អូសឡើងក្នុងទូរស័ព្ទដៃ។
ដើម្បីដោះស្រាយទៅនឹងចំណោទបញ្ហានេះ CNN Health បានបង្ហាញគន្លឹះបីចំណុចដើម្បីចាត់វិធានការ ការពារខ្លួន ពីការប្រើប្រាស់បណ្តាញសង្គមលើសចំណុះ ៖
១. ការប្រើប្រាស់សំណួរសួរខ្លួនឯង ៖ មានគន្លឹះជាច្រើនបង្ហាញប្រាប់ពីវិធីសាស្រ្តក្នុងការជៀសចេញពីបណ្តាញសង្គម ប៉ុន្តែគេភ្លេចដាក់សំណួរដោយសាមញ្ញៗថា តើការប្រើប្រាស់បែបនេះផ្តល់ផលប៉ះពាល់ចំពោះខ្លួនឯងកម្រិតណា? ឬអាចបង្កើតចំណូលបានដែរទេ? សំណួរជាការជំរុញឱ្យខ្លួនឯងមានឱកាសឆ្លុះបញ្ចាំង និងការសម្រេចចិត្តបន្ត ឬឈប់ ដោយចេញពីការប្តេជ្ញារបស់ខ្លួនដែលមានរយៈពេលវែងផងដែរ។
២. បណ្តាញសង្គមជាកន្លែងបញ្ចូលមនោគមន៍ ៖ មនោគមន៍វិជ្ជា ជាការជំរុញទំនុកចិត្តឱ្យជឿជាក់លើអ្វីមួយ ហើយកម្មវិធី ឬមាតិកា មិនថាព័ត៌មានពិត ឬព័ត៌មានមិនពិត សុទ្ធសឹងតែមានគោលដៅក្នុងការធ្វើឱ្យអ្នកប្រើប្រាស់ ឬអ្នកទស្សនាមានភាពជឿជាក់។ ការរំឮកខ្លួនឯងអំពីចំណុចនេះជាកត្តាទាញស្មារតីឱ្យត្រឡប់មកមើលភាពជាក់ស្តែងនៃការរស់នៅវិញ។
៣. ដើរក្នុងសង្គមមនុស្ស ជំនួសឱ្យបណ្តាញសង្គម ៖ ការដាក់ជីវិតទាំងស្រុងក្នុងបណ្តាញសង្គម ប្រៀបដូចជាការឃុំខ្លួនឯងឱ្យនៅដាច់ដោយឡែកពីគេឯង ដូច្នេះការចំណាយពេលជួបមនុស្សម្នាក្នុងសង្គមជាក់ស្តែង ជាឱកាសនាំឱ្យមានការសន្ទនាបានច្រើន និងការផ្តាច់ខ្លួនពីបណ្តាញសង្គមផងដែរ៕
