តើអ្វីទៅជាសាលារៀនបែបឌីជីថល?

ក្នុងសន្និបាតក្រសួងអប់រំ យុវជន និងកីឡា កាលពីពេលថ្មីៗនេះ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា បានប្រកាស​ពីការ​ដាក់​ឱ្យដំណើរ​ជា​ការផ្លូវការ​នូវ​សាលា​ឌីជីថល។ តើសាលារៀនឌីជីថល គឺជាអ្វី ហើយគេ​ប្រើប្រាស់​យ៉ាងដូចម្តេច?

បើតាម​ក្រសួងអប់រំ សាលាឌីជីថល (#SalaDigital) គឺជាវេទិកានិម្មិតសម្រាប់សិស្សានុសិស្ស គ្រូបង្រៀន ក៏​ដូចជាអ្នកជំនាញអាចប្រើប្រាស់​ក្នុងការចែករំលែកចំណេះដឹងទៅកាន់អ្នកសិក្សាដទៃទៀត។ គោលបំណងសំខាន់របស់ថ្នាល់​មួយ​នេះ គឺ លើកកម្ពស់ ជំរុញការចែករំលែក និងការប្រើប្រាស់មាតិកាអប់រំឌីជីថលឱ្យកាន់តែសម្បូរបែបសម្រាប់បម្រើដល់ការរៀន និងបង្រៀនតាមរយៈការប្រើប្រាស់បច្ចេកវិទ្យាដោយសេរី មិនគិតថ្លៃគ្រ់ពេលវេលា​និងទីកន្លែង។

ដើម្បីអាចចូលទៅប្រើប្រាស់ ថ្នាលអប់រំ សាលាឌីជីថលនេះ មាន៣របៀប គឺ១. ត្រូវបង្កើតគណនីជាមុនសិន ២.បង្កើតសាលា ៣.ការដាក់បញ្ចូលសៀវភៅ, សិស្សានុសិស្ស និស្សិត អ្នកស្រាវជ្រាវ គ្រូបង្រៀន អាចធ្វើតាមការណែនាំ។ របៀបចុះឈ្មោះនៅលើសាលាឌីជថល គឺគេអាចចូលទៅកាន់សាលាឌីជីថលតាមរយៈ ៖ https://sala.moeys.gov.kh និងចុះឈ្មោះ ៖ https://bit.ly/saladigitalregister ។

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា មានប្រសាសន៍ថា សាលាឌីជីថលកម្ពុជា បានអភិវឌ្ឍជាបន្តបន្ទាប់ ហើយ​ចុងក្រោយនេះ សាលាឌីជីថលក៏​នឹ​ងមានការ​​ប្រើប្រាស់ប្រព័ន្ធបញ្ញាសិប្បនិម្មិត (AI) ភ្ជាប់ជាមួយដែរ ដែលមានគោលដៅ​ជំរុញ​បង្ហាត់​បង្រៀន​ប្រព័ន្ធ​បច្ចេក​វិទ្យា ​AI តាមសាលារៀន និងជួយឱ្យ​សិស្សានុសិស្ស ជាពិសេសយុវជន​ជំនាន់​ថ្មី​អាច​ទទួល​បាន​នូវ​ចំណេះ​ដឹង​ថ្មីៗទាន់ពេលវេលា ហើយអាចឈានទៅរកលើកកម្ពស់គុណភាពអប់រំឱ្យ​ដើរទាន់​និន្នាការ​សកល នៃការរីកចម្រើនបច្ចេកវិទ្យា AI។

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា

លោកជំទាវ ឃួន វិច្ឆិកា អ្នកនាំពាក្យ​ក្រសួងអប់រំ យុវជន និងកីឡា មានប្រសាសន៍ថា ក្រសួងអប់រំ បានរៀបចំថ្នាលអប់រំ សាលាឌីជីថលនេះ ដើម្បីគាំទ្រ និងលើកកម្ពស់ការចែករំលែកឯកសារ និងលើកកម្ពស់ការរៀន និងបង្រៀនគ្រប់កម្រិតថ្នាក់ និងគ្រប់មុខវិជ្ជា។ ទន្ទឹមគ្នានេះ ក៏ផ្ដល់ភាពងាយស្រួលដល់អ្នកប្រើប្រាស់ក្នុងការស្វែងរកឯកសារឌីជីថល តាមកម្រិតថ្នាក់ចាប់​ពីមត្តេយ្យសិក្សារហូតដល់កម្រិតឧត្តមសិក្សា ដោយអាចធ្វើការស្វែងរកតាមរយៈពាក្យគន្លឹះ ប្រភេទក្រុមមុខវិជ្ជា ប្រភេទវគ្គសិក្សា និងកម្រិតថ្នាក់។

បើតាមសេចក្តីណែនាំរបស់ក្រសួងអប់រំ សម្រាប់ថ្នាលអប់រំ សាលាឌីជីថល, សាកលវិទ្យាធិការ នាយក គ្រឹះស្ថានសិក្សា​សាធារណៈ និងឯកជន អាចចូលទៅបង្កើតសាលារៀននិម្មិត វគ្គសិក្សា និង​បង្ហោះស្នាដៃសិក្សា​ស្រាវជ្រាវ​របស់សិស្ស និស្សិត និងសាស្រ្តាចារ្យ នៅ​ក្នុងនោះបាន ដើម្បី​ឱ្យ​ធនធានឌីជីថល​ជាភាសា​ជាតិ​មានសម្បូរបែប​លើបណ្តាញ​អ៊ីនធឺណេត សម្រាប់​ជាប្រយោជន៍​ដល់ការសិក្សា ការស្រាវជ្រាវ និង​ស្វ័យសិក្សា​របស់សិស្ស និស្សិត និង​អ្នកស្រឡាញ់ការសិក្សា​ពេញមួយ​ជីវិត។

គិតមកដល់ពេលនេះ អ្នកចូលប្រើប្រាស់ថ្នាលសាលាឌីជីថលមានចំនួន ៩៧.១៨១នាក់ សាលារៀនចំនួន​៦៥៨សាលា សៀវភៅសិក្សា៤៧៩០ក្បាល និងមេរៀន២៣៨ វគ្គ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សិក្សាថ្នាក់ឧត្ដមសិក្សានៅសាកលវិទ្យាល័យ Boston ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 10/11/2025

តាមរយៈអាហារូបករណ៍ Trustee Scholarship បានផ្តល់ឱកាសដល់និស្សិត​អន្តរជាតិ​ចំនួន២០នាក់ ឱ្យ​ទៅសិក្សាថ្នាក់បរិញ្ញាបត្រ នៅសាកលវិទ្យាល័យ Boston នៃសហរដ្ឋអាមេរិក ក្នុងឆ្នាំសិក្សា​២០២៦។ អាហារូបករណ៍ផ្ដោតសំខាន់លើថ្លៃសិក្សាពេញលេញ...

ក្រសួងទេសចរណ៍ជ្រើសរើសគ្រូជំនាញសម្រាប់សាលាវិជ្ជាជីវៈទេសចរណ៍ចំនួន១០នាក់ ទៅសិក្សានៅប្រទេសបារាំង

ព័ត៌មានអាហារូបករណ៍, ព្រឹត្តិការណ៍

• 20/02/2024

ក្រសួងទេសចរណ៍ប្រកាសជ្រើសរើសគ្រូបណ្ដុះបណ្ដាលជំនាញសម្រាប់សាលាវិជ្ជាជីវៈទេសចរណ៍ចំនួន១០រូប ដើម្បីចូលរួមវគ្គបណ្ដុះបណ្ដាលគ្រូជំនាញនៅ...

អាហារូបករណ៍អភិសន្តិបណ្ឌិត ស សុខា ចំនួន ១០ កន្លែង សិក្សា​នៅសាកលវិទ្យាល័យជាតិគ្រប់គ្រង

ព័ត៌មានអាហារូបករណ៍, ព្រឹត្តិការណ៍

• 29/09/2026

សម្រាប់សិស្សានុសិស្ស​ដែលទើបប្រឡង​ជាប់សញ្ញាបត្រ​មធ្យមសិក្សា​ទុតិយភូមិ និងមានបំណងចង់បន្តការសិក្សា​ថ្នាក់ឧត្តមសិក្សា​នៅ​សាកលវិទ្យាល័យជាតិគ្រប់គ្រង

អាហារូបករណ៍​ថ្នាក់បរិញ្ញាបត្រ បរិញ្ញាបត្ររង ១០០% នៅ​សាកលវិទ្យាល័យ IIC និងវិទ្យាស្ថាន ITI

ព័ត៌មានអាហារូបករណ៍, ព្រឹត្តិការណ៍

• 14/11/2025

ជាឱកាស​សម្រាប់សិស្សានុសិស្ស​ដែល​បញ្ចប់ថ្នាក់ទី១២ ហើយ​កំពុង​ស្វែង​រក​អាហារូបករណ៍​សម្រាប់​ការសិក្សា​ថ្នាក់បរិញ្ញាបត្រ និង​ថ្នាក់បរិញ្ញាបត្ររង។ សម្ពន្ធយុវជន​អាហារូបករណ៍ (ស២) បានប្រកាស​ពីការផ្តល់...

អាហារូបករណ៍ជំនាញព័ត៌មានវិទ្យា ៥០កន្លែង​នៅ​វិទ្យាស្ថាន NTTI

ព័ត៌មានអាហារូបករណ៍, ព្រឹត្តិការណ៍

• 14/10/2025

វិទ្យាស្ថានជាតិបណ្តុះបណ្តាល​បច្ចេកទេស ហៅកាត់ថា NTTI បានប្រកាស​ពីការផ្តល់អាហារូបករណ៍ចំនួន ៥០កន្លែង សម្រាប់ការសិក្សាថ្នាក់សញ្ញាបត្រជាន់ខ្ពស់​បច្ចេកទេស (បរិញ្ញាបត្ររង) ក្នុងឆ្នាំសិក្សា​២០២៥-២០២៦

ឱកាសសិក្សាអាហារូបករណ៍សិក្សាជំនាញវិស្វករថែទាំយន្តហោះពីកម្មវិធី Wefly Scholarship នៅប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 22/02/2023

ឱកាសទទួលបានអាហារូបករណ៍ចាប់ពី៣០% ៥០% និង១០០% សិក្សាលើជំនាញវិស្វករថែទាំយន្តហោះពីកម្មវិធីអាហារូបករណ៍ Wefly Scholarship Program...

អាហារូបករណ៍ភាពជាអ្នកដឹកនាំអន្តរជាតិ នៅសាកលវិទ្យាល័យ Glasgow នៃចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 21/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យGlasgow នៃកម្មវិធីអាហារូបករណ៍ភាពជាអ្នកដឹកនាំអន្តរជាតិឆ្នាំសិក្សា២០២៣-២០២៤ ...

ឱកាសសម្រាប់សិស្សនារី ! មូលនិធិហាប់ស្វែល ប្រកាសផ្តល់អាហារូបករណ៍ស្នាក់នៅ និងបណ្តុះបណ្តាលភាពជាអ្នកដឹកនាំ ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 20/04/2026

មូលនិធិហាប់ស្វែល (Harpswell Foundation) ដែលជាអង្គការឈានមុខគេក្នុងការគាំទ្រ និងលើកកម្ពស់សមត្ថភាពស្ត្រីនៅកម្ពុជា បានប្រកាសបើកទទួលពាក្យស្នើសុំអាហារូបករណ៍សម្រាប់ឆ្នាំសិក្សា ២០២៦-២០២៧



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *