តើសិស្សសម្រុកចុះឈ្មោះចូលរៀនច្បាប់ច្រើន ជាទំនោរនៃតម្រូវការជំនាញក្នុងសង្គមជាក់ស្តែង?

រយៈពេល​ប៉ុន្មានឆ្នាំចុងក្រោយនេះ គេ​កត់សម្គាល់ឃើញថា ក្រោយប្រកាស​លទ្ធផលបាក់ឌុបភ្លាម សិស្ស​ដែលជាប់បាក់ឌុបថ្មីៗបាន​សម្រុក​មកដាក់ពាក្យ​ចូលរៀនជំនាញ​នីតិសាស្រ្ត និង​ជំនាញរដ្ឋបាលសាធារណៈ នៅ​សាកលវិទ្យាល័យ​ភូមិន្ទនីតិសាស្រ្ត និង​វិទ្យាសាស្រ្ត​សេដ្ឋកិច្ច, ជាក់ស្តែង​នៅ​ក្នុង​ឆ្នាំនេះ ត្រឹម​តែរយៈពេល​៣ថ្ងៃប៉ុណ្ណោះ មានសិស្ស​​ដាក់ពាក្យ​ចូលរៀនជំនាញនីតិសាស្រ្តរហូត​ដល់ទៅជាង៥ពាន់នាក់។ តើកត្តាអ្វីជំរុញឱ្យយុវជនកម្ពុជាជ្រើសរើសរៀនជំនាញនីតិសាស្ត្រ (ច្បាប់)?

លោក ពៅ សារឿន សាស្រ្តាចារ្យជំនួយ ផ្នែកនីតិសាស្រ្ត នៃសាកលវិទ្យាល័យ​ភូមិន្ទ​នីតិសាស្រ្ត និងវិទ្យាសាស្រ្តសេដ្ឋកិច្ច មានប្រសាសន៍ថា មានកត្តាជាច្រើន​ដែលជំរុញ​ឱ្យ​យុវជន​កម្ពុជា​ជ្រើសរើសដាក់ពាក្យ​ចូលរៀន​ជំនាញនីតិសាស្រ្ត ដូចជា​ភាពល្បីល្បាញ​របស់​សាកលវិទ្យាល័យ​ចាប់តាំង​ពីសម័យសង្គម​រាស្រ្តនិយម ជាពិសេស​លើ​ការ​បណ្តុះបណ្តាល​ជំនាញផ្នែកច្បាប់ និង​វិទ្យាសាស្រ្តសេដ្ឋកិច្ចតែម្តង, ជាមួយគ្នា និស្សិតច្បាប់ដែលបញ្ចប់ការសិក្សាពីសាកលវិទ្យាល័យនេះ បានបំពេញតួនាទីជាថ្នាក់ដឹកនាំក្នុងជួររាជរដ្ឋាភិបាល កាន់តួនាទីដូចជា រដ្ឋមន្រ្តី រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង គ្រប់ស្ថាប័ន ក្រសួងសាធារណៈ។

សិស្សិតជំនាញនីតិសាស្ត្រ (ច្បាប់)

បើតាម​លោកសាស្រ្តាចារ្យជំនួយ ពៅ សារឿន តម្រូវការសង្គមជាក់ស្ដែង ក៏​ជា​កត្តាដែលជំរុញ​ឱ្យ​យុវជន​ដាក់ពាក្យ​ចូលរៀន​ជំនាញនីតិសាស្រ្តផងដែរ, លោកថា កាលចេញពីសម័យប៉ុលពតមក ឆ្នាំ១៩៨៤ ដល់ ១៩៨៥ ជំនាញពេទ្យ គឺជា​ជំនាញ​ដែល​ត្រូវប៉ាន់ជាងគេ ព្រោះគេចូលចិត្តរៀន និងគិតថាមានតម្លៃ ព្រោះសង្គមឱ្យតម្លៃទៅលើគ្រូពេទ្យ។ ក្រោយមកទៀត សង្គមយើងឱ្យតម្លៃលើពាណិជ្ជសាស្រ្ត សេដ្ឋកិច្ច ប៉ុន្តែចាប់ពីឆ្នាំ១៩៩៣មក គេឃើញថា សង្គមបានឱ្យតម្លៃទៅលើផ្នែកច្បាប់ ព្រោះផ្នែកច្បាប់មានតម្លៃច្រើនដែលអាចជួយសង្គមបាន។

តើជំនាញនីតិសាស្ត្រ (ច្បាប់) មានគុណតម្លៃអ្វីខ្លះសម្រាប់ជួយសង្គមជាតិ?

លោកសាស្រ្តាចារ្យ ពៅ សារឿន លើកឡើងថា គុណម្លៃនៃជំនាញច្បាប់ គឺបានចូលរួមជួយដល់សង្គមជាតិរួមមាន ទី១.ការពារសង្គម និងសិទ្ធិពលរដ្ឋ ដោយ​ច្បាប់មានតួនាទីជាមូលដ្ឋានគ្រឹះក្នុងការការពារសង្គម ការពារប្រទេស និងការពារសិទ្ធិនិងកាតព្វកិច្ចរបស់ពលរដ្ឋ ដូចជា សិទ្ធិលំនៅឋាន សិទ្ធិលើកម្មសិទ្ធិ សិទ្ធិលើការប្រើប្រាស់ សិទ្ធិលើការប្រកបរបរទទួលទានជាដើម, ទី២. ជំរុញការអភិវឌ្ឍសេដ្ឋកិច្ច ព្រោះច្បាប់ដើរតួនាទីយ៉ាងសំខាន់ក្នុងការអភិវឌ្ឍវិស័យសេដ្ឋកិច្ច ពាណិជ្ជកម្ម ឧស្សាហកម្ម និងវិស័យពាក់ព័ន្ធដទៃទៀត។ ច្បាប់ទម្លាប់ត្រឹមត្រូវ គឺជាកត្តាចាំបាច់ បើគ្មានច្បាប់ច្បាស់លាស់ទេ វិនិយោគិនជាតិ និងអន្តរជាតិមិនហ៊ានមករកស៊ីជាមួយឡើយ។ ដូច្នេះ ប្រសិនយើងមានច្បាប់ទម្លាប់ត្រឹមត្រូវ នឹងទាក់ទាញលំហូរទុនវិនិយោគ មកកាន់ប្រទេសកាន់តែច្រើន ដែលនាំឱ្យមានការងារធ្វើកើនឡើង ជួយឱ្យប្រជាពលរដ្ឋមានប្រាក់ចំណូលគ្រប់គ្រាន់ និងរួមចំណែកកាត់បន្ថយភាពក្រីក្រ និង ទី៣. ពង្រឹងគោលនយោបាយដឹកនាំប្រទេស ព្រោះចំណេះដឹងផ្នែកច្បាប់ (រួមទាំងជំនាញរដ្ឋបាលសាធារណៈ) គឺចាំបាច់ណាស់សម្រាប់ឥស្សរជនជាន់ខ្ពស់។ អ្នកដែលមានជំនាញច្បាប់ល្អ មិនថាជាស្ថាប័នអនុវត្តច្បាប់ ឬបង្កើតច្បាប់ គឺអាចដឹកនាំ និងធ្វើសកម្មភាពនានាស្របតាមគោលការណ៍ច្បាប់ជាតិ និងគោលការណ៍ច្បាប់អន្តរជាតិ។

“ឧទាហរណ៍ថ្មីៗនេះ យើងមានជម្លោះជាមួយប្រទេសថៃ… ក្នុងជម្លោះនេះ បានបង្ហាញពីគុណតម្លៃនៃច្បាប់ក្នុងការដោះស្រាយបញ្ហាដោយសន្តិវិធី បង្ហាញពីគុណតម្លៃនៃការដោះស្រាយតាមផ្លូវតុលាការ…” នេះហើយដែលធ្វើឱ្យយុវជនយើងនាសម័យបច្ចុប្បន្ន មើលឃើញថា ច្បាប់មានតម្លៃល្អណាស់។ ចំណេះដឹងច្បាប់ជួយរៀបចំប្រទេសជាតិឱ្យមានស្ថិរភាព រុងរឿង និងអាចការពារប្រទេសជាតិ ទាំងការអភិវឌ្ឍន៍ និងការការពារបូរណភាពទឹកដី។

លោកសាស្រ្តាចារ្យ ពៅ សារឿន

លោកបណ្ឌិត យង់ ពៅ អគ្គលេខាធិការ នៃរាជបណ្ឌិត្យសភាកម្ពុជា មានប្រសាសន៍ថា ជំនាញអ្វីក៏​ដោយ ក៏​ជា​ជំនាញ​សំខាន់​សម្រាប់ការងារដែរ ប៉ុន្តែ​យុវជន​ត្រូវ​រៀន​ឱ្យ​ស្រប​តាម​ឧបនិស្ស័យ ចំណង់ចំណូលចិត្ត​របស់ខ្លួន ហើយជាមួយ​គ្នានេះ ក៏​ត្រូវ​ក្រឡេក​ទៅមើល​ពីតម្រូវការ​ទីផ្សារ​ការងារផង។ លោកថា ការ​ជ្រើសរើសជំនាញ គ្រាន់តែ​ឃើញ​គេ​ចុះឈ្មោះ​រៀនតៗគ្នាទៅ​លើជំនាញដដែលនឹងធ្វើ​ឱ្យ​មានអ្នករៀនជំនាញនោះច្រើនពេក ដែល​ទីផ្សារការងារ​មិន​អាច​ស្រូប​យកអស់នោះទេ ដូច្នេះ ការ​សម្រេច​ចិត្ត​របស់យុវជន​នៅ​ថ្ងៃនេះ អាច​នឹង​មានបញ្ហា​ទៅថ្ងៃមុខ នោះគឺបញ្ហា​ទៅលើទីផ្សារការងារ​របស់ខ្លួនឯង។

លោកបណ្ឌិត យង់ ពៅ អគ្គលេខាធិការ នៃរាជបណ្ឌិត្យសភាកម្ពុជា

“ជំនាន់មុនមានតែវិថីអ្នករាជការ ​ប៉ុន្តែ​ជំនាន់ថ្មីនេះ មានការងារឯកជន ការ​បង្កើត​មុខរបរ​ដោយខ្លួនឯង គឺសំខាន់ជាង ដើម្បីទ្រទ្រង់​សេដ្ឋកិច្ចជាតិ ក៏​ដូចជា​ការ​ទ្រទ្រង់​សេដ្ឋកិច្ចផ្ទាល់ខ្លួន ព្រោះសេដ្ឋកិច្ច​រឹងមាំ​បាន​ដោយ​សារ​ការ​បង្កើតមុខរបរថ្មីៗរបស់ប្រជាពលរដ្ឋ…”

លោកបណ្ឌិត យង់ ពៅ អគ្គលេខាធិការ នៃរាជបណ្ឌិត្យសភាកម្ពុជា

តែយ៉ាងណាសម្រាប់លោកបណ្ឌិត យង់ ពៅ និន្នាការបច្ចុ្បន្ននេះ ដើម្បីអភិវឌ្ឍសង្គមឱ្យស្របតាមនិន្នាការសកល គឺគេត្រូវការច្រើនបំផុតផ្នែកបច្ចេកវិទ្យា ព័តមានវិទ្យា កសិឧស្សាហកម្ម គីមីចំណីអាហារ ដែលទីផ្សារកម្ពុជា និងទីផ្សារពិភពលោកកំពុងមានតម្រូវការ។ ទន្ទឹមគ្នានេះ រាជរដ្ឋាភិបាលកម្ពុជា ក៏បានបើកច្រកការបណ្ដុះបណ្ដាលវិជ្ជាជីវៈ ហើយការផ្ដល់អាហារូបករណ៍ក៏ច្រើន និងផ្ដល់ឱកាសការងារលឿនរហ័សទៅដល់អ្នកសិក្សារៀនសូត្រ និងអាចធ្វើជាថៅកែខ្លួនឯង៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

សាកលវិទ្យាល័យអន្តរជាតិ ផារ៉ាហ្គន ផ្តល់អាហារូបករណ៍សាកលវិទ្យាធិការដល់សិស្សឆ្នើម និងមានស្នាដៃក្នុងសង្គម

ព័ត៌មានអាហារូបករណ៍, ព្រឹត្តិការណ៍

• 16/10/2025

នៅឆ្នាំ២០២៥នេះ សាកលវិទ្យាល័យអន្តរជាតិ ផារ៉ាហ្គន បន្តផ្តល់អាហារួបករណ៍សាកលវិទ្យាធិកា ជាចំណែកផ្តល់ឱកាសដល់សិស្សានុសិស្សដែលមានទេពកោស្យខ្ពស់ មានស្នាដៃឆ្នើម តាមរយៈការងារសង្គម និងការប្រកួតប្រជែងនានា ទទួលបានអាហារូបករណ៍...

រៀនជំនាញកែច្នៃបន្លែ ផ្លែឈើ ដោយ​មិនគិតថ្លៃ​ពីវិទ្យាស្ថាន​ជាតិពហុបច្ចេកទេស​កម្ពុជា

ព័ត៌មានអាហារូបករណ៍, ព្រឹត្តិការណ៍

• 31/03/2025

វិទ្យាស្ថានជាតិពហុបច្ចេកទេស​កម្ពុជា (NPIC) ប្រកាសជាថ្មី​ក្នុងការ​ជ្រើសរើស​សិក្ខាកាម​ចូលរៀនជំនាញកែច្នៃបន្លែផ្លែឈើ ដោយ​មិន​គិតថ្លៃ ក្រោម​កម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់របស់រាជរដ្ឋាភិបាល។

វិទ្យាស្ថាន​ពហុបច្ចេកទេស​ភូមិភាគ​តេជោសែនតាកែវ ជ្រើសរើស​យុវជន​ចូលរៀនជំនាញបច្ចេកទេស និងវិជ្ជាជីវៈ១ ចំនួនជាង១ពាន់នាក់

ព័ត៌មានអាហារូបករណ៍, ព្រឹត្តិការណ៍

• 21/02/2025

វិទ្យាស្ថាន​ពហុបច្ចេកទេស​ភូមិ​ភាគ​តេជោ​សែនតាកែវ បានប្រកាស​ពីការជ្រើសរើស​យុវជន​ឱ្យ​ចូលរៀន​ជំនាញ​បច្ចេកទេស និង​វិជ្ជាជីវៈ១ ក្រោម​គ្រោង​កម្មវិធី ១,៥លាននាក់របស់រាជរដ្ឋាភិបាល រហូត​ដល់ទៅ​ចំនួន ១៦៨០នាក់ ក្នុងឆ្នាំ២០២៥នេះ។

ក្រសួងអប់រំជ្រើសរើសនិស្សិតអាហារូបករណ៍ ថ្នាក់បរិញ្ញាបត្រ ទៅសិក្សានៅ Southern University of Science and Technology ប្រទេសចិន សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 13/02/2026

ក្នុងឆ្នាំ២០២៦នេះ Southern University of Science and Technology (SUSTech) នៃសាធារណរដ្ឋប្រជាមានិតចិន បានផ្តល់ អាហារូបករណ៍ ចំនួន ១០កន្លែង ដល់និស្សិតកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ...

ឱកាសអាហារូបករណ៍ទៅសិក្សា​នៅប្រទេសស្លូវ៉ាគី សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 01/04/2026

ជាឱកាសសម្រាប់និស្សិត និងអ្នកស្រាវជ្រាវកម្ពុជា ពេលនេះកម្មវិធីអាហារូបករណ៍ជាតិរបស់សាធារណរដ្ឋស្លូវ៉ាគី (National Scholarship Programme of the Slovak Republic) បានប្រកាសបើកទទួលពាក្យ...

អាហារូបករណ៍ជំនាញ​វិស្វកម្ម​ឧស្សាហកម្ម នៅវិទ្យាស្ថាន​ពហុបច្ចេក​ទេស​ខេត្ត​កំពង់ស្ពឺ

ព័ត៌មានអាហារូបករណ៍, ព្រឹត្តិការណ៍

• 09/10/2025

ជាឱកា​សសម្រាប់សិស្សានុសិស្ស​ដែលទើបប្រឡង​បាក់ឌុបរួច ដោយ​វិទ្យាស្ថាន​ពហុ​បច្ចេកទេស​ខេត្ត​កំពង់ស្ពឺ បានប្រកាស​ផ្តល់អាហារូបករណ៍ ១០០%

អាហារូបករណ៍ម៉ាណាគី ទៅសិក្សា​នៅប្រទេស​ណូវែលហ្សេឡង់ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 03/03/2026

ស្ថានទូតណូវែលហ្សេឡង់ប្រចាំកម្ពុជា កាលពីថ្ងៃទី១ ខែមីនា បានប្រកាសផ្តល់អាហារូបករណ៍ Manaaki New Zealand Scholarships សម្រាប់ឆ្នាំ២០២៦ ដល់ប្រជាជន​កម្ពុជា។

អាហារូបករណ៍ KOICA សម្រាប់និស្សិតកម្ពុជាសិក្សាថ្នាក់បរិញ្ញាបត្រជាន់ខ្ពស់ និង​ថ្នាក់បណ្ឌិតនៅសាធារណរដ្ឋកូរ៉េ

ព័ត៌មានអាហារូបករណ៍, ព្រឹត្តិការណ៍

• 15/06/2026

នៅក្នុងឆ្នាំសិក្សា២០២៧ ខាងមុខនេះ ការិយាល័យទីភ្នាក់ងារសហប្រតិបត្តិការអន្តរជាតិកូរ៉េ KOICA ប្រចាំកម្ពុជា តាមរយៈកម្មវិធីអាហារូបករណ៍ KOICA Scholarship Program 2027 បានប្រកាសបើក​ទទួលពាក្យ​ឱ្យចូល​សិក្សា...

អាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច

ព័ត៌មានអាហារូបករណ៍, ព្រឹត្តិការណ៍

• 26/09/2025

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ សម្រាប់ឆ្នាំសិក្សា២០២៥-២០២៦