លោក ហុង ពិតី រៀនជំនាញកសិកម្ម ព្រោះស្រឡាញ់ និងមើលឃើញទីផ្សារ

ភ្នំពេញ – ការសម្រេចចិត្តជ្រើសរើសជំនាញសិក្សានៅមហាវិទ្យាល័យជាចំណែកមួយដែលកើតឡើងពីកត្តាផ្សេងៗរួមបញ្ចូលគ្នាដូចជា ចំណង់ចំណូលចិត្ត ទុនសិក្សា កត្តាជីវភាព និងទីផ្សារការងារជាដើម ។ នេះជាការលើកឡើងរបស់លោក ហុង ពិតី និស្សិតបរិញ្ញាបត្រឆ្នាំទី៤ ជំនាញកសិកម្មដាំដុះ នៃសាកលវិទ្យាល័យភូមិន្ទភ្នំពេញកសិកម្ម ។

សម្រាប់លោក ហុង ពិតី ការដែលលោកជ្រើសរើសរៀនជំនាញកសិកម្មដាំដុះ គឺព្រោះតែលោកស្រលាញ់ខាងកសិកម្ម ខណៈដែលលោកក៏បានធំធាត់ឡើងជាមួយនឹងការដាំដុះដែលជារបររបស់ឪពុកម្ដាយតាំងពីតូច ដែលវាអាចជាទុនសិក្សា និងការប្រកបរបរក្រោយបញ្ចប់ការសិក្សា ។ យុវជនវ័យ២៣ឆ្នាំរូបនេះបន្តថា គ្រួសារលោកមានដីចំការសមល្មមសម្រាប់ធ្វើការដាំដុះនូវដំណាំហូបផ្លែមួយចំនួន បើទោះបីជាមិនមានទំហំធំល្វឹងល្វើយ ប៉ុន្តែអាចសមល្មមឱ្យលោកបើកជាអាជីវកម្មខ្នាតតូចសម្រាប់គ្រួសារបាន ។

លោក ហុង ពិតី បានផ្តល់ដំបូន្មានថា សិស្ស-និស្សិតគួរតែស្វែងយល់ពីចំណូលចិត្ត និងទុនសិក្សារបស់ខ្លួនឯងសិន មុនសម្រេចចិត្តសិក្សាជំនាញអ្វីមួយ ព្រោះការមានគោលដៅសិក្សា និងគោលដៅជីវិតច្បាស់លាស់នឹងនាំឱ្យអ្នកចាប់យកជំនាញដោយមិនខាតពេលវេលា ។ លោក ហុង ពិតី បន្ថែមថា ការដែលលោកជ្រើសរើសជំនាញកសិកម្ម បើទោះបីជាគ្រួសារលោកមិនមានដីចំការ ឬរបរកសិកម្មក្ដី ក៏លោកនៅតែជ្រើសរើសរៀនជំនាញកសិកម្មនេះ ព្រោះលោកស្រលាញ់ និងមើលឃើញទីផ្សារកសិកម្មកម្ពុជាទៅថ្ងៃមុខនៅកាន់តែទូលំទូលាយ ។

លោក ហុង ពិតី

“ទៅថ្ងៃអនាគត ខ្ញុំចង់មានមុខរបរមួយជារបស់ខ្លួនឯង អាចជាអាជីវកម្មខ្នាតតូចក្នុងគ្រួសារ និងផ្ដល់ការងារខ្លះៗសម្រាប់អ្នកភូមិក្នុងសហគមន៍ “

តាមពិតទៅលោក ហុង ពិតី ក៏ជាអតីតនិស្សិតម្នាក់ក្នុងចំណោមនិស្សិតកសិកម្មជាច្រើនដែលបានទៅហាត់ការងារនៅប្រទេសអ៊ីស្រាអែលកាលពីឆ្នាំ២០២១-២០២២ ផងដែរ ។ លោកថា លោកនឹងយកបទពិសោធន៍ការងារនៅប្រទេសអ៊ីស្រាអែលមកបន្ថែមក្នុងការសិក្សាទ្រឹស្ដី និងបទពិសោធន៍ដាំដុះក្នុងម៉ោងសិក្សានៅកម្ពុជាដើម្បីបើកជាអាជីវកម្មសម្រាប់គ្រួសារដែលជាអាជីវកម្មចាប់ផ្ដើមពីខ្នាតតូចទៅមធ្យម និងបន្តពង្រីកតាមដែលអាចធ្វើបាន ។

ជាមួយគ្នានេះដែរ លោក ហុង ពិតី ក៏លើកទឹកចិត្តដល់មិត្តនិស្សិត និងប្អូនៗជំនាន់ក្រោយដែលកំពុងត្រៀមខ្លួនជ្រើសរើសជំនាញសិក្សា ធ្វើការសម្រេចចិត្តរើសជំនាញប្រកបដោយការត្រិះរិះហ្មត់ចត់ ក្រឡេកមើលទុនសិក្សាដែលមាននៅក្បែរខ្លួនឱ្យបានត្រឹមត្រូវ នោះការសិក្សានឹងទទួលបានជោគជ័យ។

គួរបញ្ជាក់ដែរថា វិស័យកសិកម្ម គឺជាវិស័យចំបងមួយដែលជួយទ្រទ្រង់ដល់សេដ្ឋកិច្ចនៃព្រះរាជាណាចក្រកម្ពុជា។ ការជ្រើសរើសយកជំនាញកសិកម្ម វាមានអត្ថប្រយោជន៍សំខាន់សម្រាប់ខ្លួនឯង និងសម្រាប់ប្រទេសជាតិ ដោយពេលរៀនចប់ អាចក្លាយជាបុគ្គលម្នាក់ដែលលើកស្ទួយវិស័យកសិកម្មឱ្យជឿនលឿន និងអភិវឌ្ឍន៍។

តើជំនាញវិទ្យាសាស្រ្តកសិកម្មគេសិក្សាពីអ្វីខ្លះ?

ជំនាញកសិកម្ម ជាជំនាញដែលទាមទារឲ្យនិស្សិតពូកែលើមុខវិជ្ជា គីមិវិទ្យា និងជីវវិទ្យា ដែលតម្រូវឱ្យនិស្សិតសិក្សា រយៈពេល ៤ឆ្នាំ ។ ហើយនៅក្នុងការសិក្សារយៈពេល ៤ឆ្នាំនេះ សិស្សានុសិស្សនឹងត្រូវ សិក្សាពីផ្នែសំខាន់ៗ ៣៖

១.ផ្នែកវិទ្យាសាស្ត្រដី៖ សិក្សាពីប្រភពកំណរកំណើត និងវិភាគលើលក្ខណៈរូប-គីមីនៃដី, សិក្សាពីការប្រើប្រាស់ដីកសិកម្ម និងប្រព័ន្ធកសិកម្មចម្រុះ, សិក្សាពីការប្រើប្រាស់ជីគីមី និងជីធម្មជាតិតាមលក្ខណៈបច្ចេកទេស ។

២.សិក្សាពីផលិតផលដំណាំ៖ សិក្សាពីលក្ខណៈជីវសាស្ត្រ និងសារធាតុចិញ្ជឹមរបស់ដំណាំ បច្ចេកទេសដាំដុះ ការរក្សាទុក និងផលិតផល, សិក្សាពីបច្ចេកទេកទេសបង្កាត់ពូជ ការផ្សាំ និងការរក្សាគ្រាប់ពូជ, សិក្សាពីការជ្រើសរើសដំណាំតាមស្ថានភាពដី និងអាកាសធាតុ ។

៣.សិក្សាពីការការពារដំណាំ៖ យល់ដឹងពីលក្ខណៈជីវសាស្ត្ររបស់សត្វល្អិត ស្គាល់ពីសត្វមានប្រយោជន៍ និងសត្វបំផ្លាញដំណាំ, សិក្សាពីជម្ងឺរុក្ខជាតិ វិធានការការងារ និងកំចាត់សត្វល្អិតចង្រៃ, ស្វែងយល់ពីបច្ចេកទេសប្រើប្រាស់ថ្នាំពុលគីមី និងថ្នាំពុលធម្មជាតិ ។

ក្រោយបញ្ចប់ការសិក្សាពេលបញ្ជប់ការសិក្សា អ្នកជំនាញខាងកសិកម្ម អាចទៅបម្រើនៅតាមក្រសួងស្ថាប័នរដ្ឋ (ក្រសួងកសិកម្ម រុក្ខាប្រមាញ់ និងនេសាទ) អង្គការ និងក្រុមហ៊ុននានា, ធ្វើជាគ្រូបង្រៀន អ្នកបណ្តុះបណ្តាល ឬ សាស្ត្រាចារ្យផ្នែកវិទ្យាសាស្ត្រកសិកម្ម, អ្នកស្រាវជ្រាវ និងផ្សព្វផ្សាយបច្ចេកទេសកសិកម្ម ឬក៏អាចទៅបង្កើតអាជីវកម្មផ្ទាល់ខ្លួន៕

កញ្ញា ឈឿង ប៉ូលីណា | Ms. Chhoeung Polina

ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។

របាយការណ៍ថ្មី

មើលទាំងអស់ ➧

ប្រទេសកម្ពុជា

បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ

• 28/05/2026

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ចំនួន២០កន្លែងនៅសាកលវិទ្យាល័យក្រចេះឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 07/11/2024

ឱកាសទទួលបានការសិក្សាថ្នាក់បរិញ្ញាបត្រចំនួន២០កន្លែងនៅសាកលវិទ្យាល័យក្រចេះ សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាពីគម្រោង...

អាហារូបករណ៍សិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំងជំហានទី២

ព័ត៌មានអាហារូបករណ៍, ព្រឹត្តិការណ៍

• 21/03/2024

ឱកាសសិក្សាអាហារូបករណ៍វគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១នៅវិទ្យាស្ថានពហុបច្ចេកទេសខេត្តកំពង់ឆ្នាំងជំហានទី២។ អាហារូបករណ៍...

អាហារូបករណ៍ថ្នាក់ឧត្ដមសិក្សានៅ University of Luxembourg ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 06/02/2026

ឱកាសសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យលុចសំបួរ ពីកម្មវិធីអាហារូបករណ៍ជាច្រើន សម្រាប់ឆ្នាំសិក្សា២០២៦។ អាហារូបករណ៍ផ្ដល់ការសិក្សាពេញលេញ និងអត្ថប្រយោជន៍ជាច្រើនសម្រាប់...

ឱកាសសិក្សាថ្នាក់ Online ឥតគិតថ្លៃពី UNICEF Online Courses 2023

ព័ត៌មានអាហារូបករណ៍, ព្រឹត្តិការណ៍

• 06/06/2023

កម្មវិធីសិក្សាឥតគិតថ្លៃពី UNICEF online Course 2023 បើកទទួលនិស្សិតអន្តជាតិគ្រប់ជាតិសាសន៍សិក្សាដោយឥតគិតថ្លៃចំនួន១១៥៤វគ្គសិក្សា។ អាហារូបករណ៍ក៏មានផ្ដល់លិខិតបញ្ជាក់...

ឱកាសអាហារូបករណ៍ជាង៥០០កន្លែង នៅសាកលវិទ្យាល័យអន្តរជាតិផារ៉ាហ្គន សម្រាប់ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 26/08/2024

សម្រាប់

អាហារូបករណ៍ទេពកោសល្យឌីជីថលតេជោ ប្រកាសផ្តល់អាហារូបករណ៍ថ្នាក់បរិញ្ញាបត្រ ចំនួន៥០០កន្លែង សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 11/08/2025

ក្នុងឆ្នាំសិក្សា២០២៥-២០២៦ នេះ កម្មវិធី អាហារូបករណ៍ទេពកោសល្យឌីជីថលតេជោ តាមរយៈក្រសួងប្រៃសណីយ៍និងទូរគមនាគមន៍ (ក.ប.ទ.) នឹងបន្តផ្តល់អាហារូបករណ៍ចំនួន ៥០០ កន្លែង សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល...

អាហារូបករណ៍វគ្គបណ្ដុះបណ្ដាលភាសាអង់គ្លេសពីមជ្ឈមណ្ឌលស៊ីមេអូ RELC នៅប្រទេសសឹង្ហបុរី សម្រាប់ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 17/07/2023

មជ្ឈមណ្ឌលស៊ីមេអូ RELC ប្រកាសផ្ដល់អាហារូបករណ៍សិក្សាវគ្គបណ្ដុះបណ្ដាលភាសាអង់គ្លេសតាមរយៈការសិក្សាផ្ទាល់នៅប្រទេសសឹង្ហបុរី និងតាមបែបចម្រុះសម្រាប់ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាចំនួន១៦កន្លែងដល់បេក្ខជនដែលជាគ្រូបង្រៀនឯកទេសភាសាអង់គ្លេស ។

សាកលវិទ្យាល័យឈានមុខគេផ្នែកវេជ្ជសាស្ត្ររបស់ប្រទេសកាណាដា ប្រកាសផ្តល់អាហារូបករណ៍សម្រាប់និស្សិតបរទេស

ព័ត៌មានអាហារូបករណ៍, ព្រឹត្តិការណ៍

• 03/06/2026

សាកលវិទ្យាល័យឈានមុខគេមួយផ្នែកវេជ្ជសាស្ត្រ-វិទ្យាសាស្ត្រសុខាភិបាលរបស់កាណាដា ប្រកាសបើកទ្វាទទួលនិស្សិតពីក្រៅប្រទេស

រៀនជំនាញកែច្នៃបន្លែ ផ្លែឈើ ដោយមិនគិតថ្លៃពីវិទ្យាស្ថានជាតិពហុបច្ចេកទេសកម្ពុជា

ព័ត៌មានអាហារូបករណ៍, ព្រឹត្តិការណ៍

• 31/03/2025

វិទ្យាស្ថានជាតិពហុបច្ចេកទេសកម្ពុជា (NPIC) ប្រកាសជាថ្មីក្នុងការជ្រើសរើសសិក្ខាកាមចូលរៀនជំនាញកែច្នៃបន្លែផ្លែឈើ ដោយមិនគិតថ្លៃ ក្រោមកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់របស់រាជរដ្ឋាភិបាល។