រដ្ឋាភិបាលកំណត់សសរស្ដម្ភយុទ្ធសាស្ត្រ៥ អភិវឌ្ឍជំនាញនៅកម្ពុជា

ភ្នំពេញ – ដើម្បីរួមចំណែកដោះស្រាយបញ្ហាប្រឈមដែលមានលក្ខណៈជាប្រព័ន្ធក្នុងការអភិវឌ្ឍជំនាញ រាជរដ្ឋាភិបាលបានសម្រេចដាក់ឱ្យភាគីពាក់ព័ន្ធអនុវត្តផែនទីបង្ហាញផ្លូវ ស្តីពីការអភិវឌ្ឍជំនាញនៅកម្ពុជាឆ្នាំ២០២៣-២០៣៥ ។ ការដាក់ឱ្យអនុវត្តនេះ មានគោលដៅតម្រង់ទិស និងបន្សំកិច្ចខិតខំប្រឹងប្រែងរបស់ភាគីពាក់ព័ន្ធក្នុងការអភិវឌ្ឍជំនាញប្រកប​ដោ​យ​ចំណេះដឹង សមត្ថភាព ជំនាញ ឥរិយាបថការងារ សីលធម៌វិជ្ជាជីវៈ និងផលិតភាពខ្ពស់ ដែលអាចឆ្លើយតបទៅនឹងតម្រូវការវិស័យឯកជននាពេញបច្ចុប្បន្ន និងអនាគត ។

ទន្ទឹមគ្នានេះ ផែនទីបង្ហាញផ្លូវស្តីពីការអភិវឌ្ឍជំនាញនៅកម្ពុជា មានសសរស្ដម្ភយុទ្ធសាស្ត្រចំនួន៥ គោលដៅសរុបចំនួន២៦ និងសមិទ្ធកម្ម គន្លឹះចំនួន២៧ និងបានរៀបចំជាសកម្មភាពអន្ដរាគមន៍ និងសូចនាករសមិទ្ធកម្មតាមអន្តរាគមន៍នីមួយៗចំនួន ៧៥ ដែលត្រូវបានរៀបចំឡើងប្រទាក់ក្រឡាគ្នាតាមគោលដៅ និងសសរស្ដម្ភយុទ្ធសាស្ត្រនីមួយៗ ។ នេះបើផ្អែកតាមខ្លឹមសាររបស់ផែនទីបង្ហាញផ្លូវស្តីពីការអភិវឌ្ឍជំនាញនៅកម្ពុជា ឆ្នាំ២០២៣-២០៣៥ ។

១. ការពង្រឹងគុណភាពអប់រំបណ្តុះបណ្តាលបច្ចេកទេស និងវិជ្ជាជីវៈ (អ.ប.វ) ៖ ការពង្រឹងគុណភាពអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្ពោះទៅរកការផលិតបណ្តុំកម្លាំងពលកម្មជំនាញ ដែលមានសមត្ថភាពគ្រប់គ្រាន់ឆ្លើយតបនឹងម្រូវការទីផ្សារការងារ និងបានត្រៀមខ្លួនរួចរាល់សម្រាប់ចូលឧស្សាហកម្មតាមរយៈការអនុវត្តពេញលេញនូវក្របខ័ណ្ឌគុណវុឌ្ឍជាតិកម្ពុជា, ការធ្វើបច្ចុប្បន្នភាព និងអភិវឌ្ឍកញ្ចប់ស្តង់ដាបណ្ដុះបណ្តាលផ្អែកលើសមត្ថភាព, ការធ្វើឱ្យកម្មវិធីបណ្តុះបណ្តាលមានភាពទន់ភ្លន់, ការធ្វើបរិវត្តកម្មគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ, ការធ្វើវិក្រឹត្យការ អធិការកិច្ច និងវាយតម្លៃសមត្ថភាពគ្រូបច្ចេកទេស, និងការបន្ស៊ីគ្នានឹងក្របខ័ណ្ឌគុណវុឌ្ឍយោងកម្រិតតំបន់ និងពង្រឹងក្រុមប្រឹក្សាអភិវឌ្ឍន៍ជំនាញដែលមានស្រាប់ ។

២. ការលើកកម្ពស់កិត្តិនាម និងការផ្សព្វផ្សាយ ៖ ការកសាងកិត្តិនាមនិងអត្តសញ្ញាណ និងបង្កើនការផ្សព្វផ្សាយគ្រប់ទម្រង់ឱ្យបានដល់សហគមន៍ ដើម្បីបង្កើនភាពទាក់ទាញ ពង្រឹងការតម្រង់ទិសវិជ្ជាជីវៈ ដើម្បីបង្កើនការយល់ដឹង ការផ្លាស់ប្តូរផ្នត់គំនិត ការផ្ដល់តម្លៃនិងសារៈសំខាន់ ការជំរុញឱ្យមានក្តីស្រមៃ និងមោទកភាពដែលចាប់យកការអប់រំបណ្តុះបណ្តាលបច្ចេកទេស និងវិជ្ជាជីវៈ ។ ការរៀបចំកម្មវិធីអប់រំបណ្តុះបណ្តាលបច្ចេកទេស និងវិជ្ជាជីវៈ ដោយបញ្ចូលការលើកកម្ពស់សហគ្រិនភាព ឱកាសហ្វឹកហ្វឺនកូនជាង និងប្រកបដោយបរិយាប័ន្ន ដែលមិនទុកនរណាម្នាក់ចោលដោយបង្កលទ្ធភាពងាយស្រួលដល់ក្រុមជនងាយរងគ្រោះចូលមកសិក្សានៅផ្នែកអប់រំបណ្តុះបណ្តាលបច្ចេកទេស និងវិជ្ជាជីវៈ ។

៣. អប់រំបណ្តុះបណ្តាលបច្ចេកទេស និងវិជ្ជាជីវៈ ដែលឆ្លើយតបទៅនឹងតម្រូវការឧស្សាហកម្ម ៖ ចំណុចនេះសំដៅដល់ការពង្រីកតួនាទី ភារកិច្ច និងការចូលរួមរបស់វិស័យឯកជននៅក្នុងការអភិវឌ្ឍន៍ជំនាញ ពង្រឹងនិងពង្រីកបណ្តាញរវាងគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ និងឧស្សាហកម្ម, លើកកម្ពស់ការរៀបចំជំនាញឡើងវិញ (Reskilling) និងការបង្កើនជំនាញ (Upskilling) និងបង្កើតក្រុមប្រឹក្សាជំនាញតាមវិស័យបន្ថែមទៀត ។

៤. អភិបាលកិច្ច និងភាពជាអ្នកដឹកនាំ ៖ ពង្រឹងអភិបាលកិច្ចប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈ ដោយបន្តអភិវឌ្ឍច្បាប់ និងលិខិតបទដ្ឋានគតិយុត្ត ពង្រឹងយន្តការអន្តរស្ថាប័នដើម្បីជំរុញការត្រួតពិនិត្យនិងគ្រប់គ្រង ។ ជាមួយគ្នានេះ ពង្រឹងប្រព័ន្ធធានាគុណភាព ពង្រឹងសមត្ថភាពគ្រប់គ្រងនិងដឹកនាំ និងការបង្កើតគណៈកម្មាធិការគ្រប់គ្រងនៅតាមគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ ។

៥. ការផ្តល់ហិរញ្ញប្បទាន និងចីរភាព ៖ ធ្វើពិពិធកម្មប្រភពហិរញ្ញប្បទានអប់រំបណ្តុះបណ្តាលបច្ចេកទេស និងវិជ្ជាជីវៈ និងបង្កើនប្រសិទ្ធភាពនៃការប្រើប្រាស់ធនធាន, ការពង្រឹងការគ្រប់គ្រងហិរញ្ញវត្ថុដោយឆ្ពោះទៅរកការអនុវត្តផ្អែកលើលទ្ធផល និងស្វ័យភាពរបស់គ្រឹះស្ថានបណ្តុះបណ្តាលជំនាញ, បង្កើនការវិភាជន៍ថវិកាថ្នាក់ជាតិសម្រាប់អប់រំបណ្តុះបណ្តាលបច្ចេកទេស និងវិជ្ជាជីវៈក្នុងការអភិវឌ្ឍជំនាញ ។

គួររំលឹកដែរថា ផែនទីបង្ហាញផ្លូវស្តីពីការអភិវឌ្ឍជំនាញនៅកម្ពុជា ឆ្នាំ២០២៣-២០៣៥ មានលក្ខណៈប្រទាក់ក្រឡា និងបំពេញឱ្យគ្នាទៅវិញទៅមកជាមួយផែនទីបរិវត្តកម្មឧស្សាហកម្មវាយនភណ្ឌ និងកាត់ដេរ ឆ្នាំ២០២៣-២០២៧ ដែលបានរៀបចំឡើងក្នុងគោលបំណងប្រែក្លាយឧស្សាហកម្មវាយនភណ្ឌ និងកាត់ដេរកម្ពុជាឱ្យកាន់តែមានភាពប្រកួតប្រជែងខ្ពស់ និងបង្កើនតម្លៃបន្ថែមក្នុងខ្សែច្រវាក់តម្លៃចីរភាពបរិស្ថាន ការប្រើប្រាស់បច្ចេកវិទ្យាជំនាញ និងសហគ្រិនភាព ព្រមទាំងចូលរួមគាំទ្រដល់ការអនុវត្តគោលនយោបាយ និងយុទ្ធសាស្ត្រតាមវិស័យរបស់រាជរដ្ឋាភិបាលកម្ពុជា ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍ Tianjin

ព័ត៌មានអាហារូបករណ៍, ព្រឹត្តិការណ៍

• 08/05/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធានជីន ពីកម្មវិធីអាហារូបករណ៍រដ្ឋាភិបាលធានជីននៃ...

ក្រសួងអប់រំជ្រើសរើសគ្រូបង្រៀនមធ្យមសិក្សា ៥០០នាក់ ដើម្បីបណ្តុះបណ្តាលក្នុងកម្មវិធីលើក​កម្ពស់គុណវុឌ្ឍិគ្រូបង្រៀន ជំនាន់ទី១

ព័ត៌មានអាហារូបករណ៍, ព្រឹត្តិការណ៍

• 06/04/2026

ក្រសួងអប់រំ យុវជន និងកីឡា កំពុងប្រកាសជ្រើសរើស​លោកគ្រូ អ្នកគ្រូ នៃគ្រឹះស្ថាន​មធ្យមសិក្សា​ចំណេះទូទៅ​ក្នុង​សាលា​គោលដៅ និង​សាលា​ទទួលផលជះ នៃគម្រោង​កែលម្អការ​អប់រំចំណេះទូទៅ (GEIP និងGEIP-AF)

អាហារូបករណ៍ ១៥០កន្លែង ពីវិទ្យាស្ថានវីឌីស៊ី សម្រាប់ឆ្នាំសិក្សា ២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 21/10/2025

វិទ្យាស្ថានវីឌីស៊ី បានប្រកាស​ផ្តល់អាហារូបករណ៍​ដល់​សិស្ស​និស្សិត​ចំនួន ១៥០កន្លែង សម្រាប់​ការ​សិក្សា​ថ្នាក់​បរិញ្ញាបត្រ​រង និង​ថ្នាក់បរិញ្ញាបត្រ តាមរយៈកម្មវិធីអាហារូបករណ៍​អភិសន្តិបណ្ឌិត

សាកលវិទ្យាល័យ​ស៊ុនយ៉ាតសេន ប្រទេសចិន ផ្តល់អាហារូបករណ៍​១០កន្លែង​សម្រាប់​និស្សិត​កម្ពុជា

ព័ត៌មានអាហារូបករណ៍, ព្រឹត្តិការណ៍

• 10/02/2023

ក្រោម​កម្មវិធី «2023 Sun Yat-sen University Belt and Road Schoiarship Program for International Students» សាកលវិទ្យាល័យ​ស៊ុន​យ៉ាតសេន​នៅទីក្រុងក្វាងចូវ ប្រទេសចិន...

អាហារូបករណ៍ថ្នាក់ឧត្ដមសិក្សាពីអាហារូបករណ៍រដ្ឋាភិបាលចិនប្រភេទ B នៅសាកលវិទ្យាល័យ Shanghai ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 10/01/2025

កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសផ្ដល់អាហារូបករណ៍ថ្នាក់ឧត្ដមសិក្សា សិក្សា​នៅសាកលវិទ្យាល័យ Shanghai សម្រាប់ឆ្នាំសិក្សា២០២៥ ដល់និស្សិតអន្តរជាតិជាច្រើននាក់។ អាហារូបករណ៍ផ្ដល់ការសិក្សា ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់...

ឱកាស​អាហារូបករណ៍ថ្នាក់បរិញ្ញាបត្ររង និងបរិញ្ញាបត្រ មិនឆ្លង​កាត់ការប្រឡង ៣១៥កន្លែង ពី អ.ម.ត

ព័ត៌មានអាហារូបករណ៍, ព្រឹត្តិការណ៍

• 17/09/2026

គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត)

អាហារូបករណ៍ថ្នាក់បរិញ្ញាបត្ររង ជំនាញគិលានុបដ្ឋាក ២៥កន្លែង ទៅសិក្សា​នៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 01/06/2026

សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតចិន សហការជាមួយ​គ្រឹះស្ថាន​ឧត្តម​សិក្សា​នៅ​ខេត្ត​ជឺជាំង (Zhejiang) ប្រទេសចិន កំពុងតែជ្រើសរើស​និស្សិត​..

អាហារូបករណ៍រដ្ឋាភិបាលចក្រភពអង់គ្លេស Chevening ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 07/08/2025

កម្មវិធីអាហារូបករណ៍រដ្ឋាភិបាលចក្រភពអង់គ្លេស Chevening ឆ្នាំ២០២៦ ប្រកាសបើកទទួលពាក្យជាផ្លូវការ ចាប់ពីថ្ងៃទី០៥ ខែសីហា ដល់ថ្ងៃទី៧ ខែតុលា ឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...

អាហារូបករណ៍វគ្គបណ្ដុះបណ្ដាលភាសាអង់គ្លេសពីមជ្ឈមណ្ឌលស៊ីមេអូ RELC នៅប្រទេសសឹង្ហបុរី សម្រាប់ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 17/07/2023

មជ្ឈមណ្ឌលស៊ីមេអូ RELC ប្រកាសផ្ដល់អាហារូបករណ៍សិក្សាវគ្គបណ្ដុះបណ្ដាលភាសាអង់គ្លេសតាមរយៈការសិក្សាផ្ទាល់នៅប្រទេសសឹង្ហបុរី និងតាមបែបចម្រុះសម្រាប់ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាចំនួន១៦កន្លែងដល់បេក្ខជនដែលជាគ្រូបង្រៀនឯកទេសភាសាអង់គ្លេស ។