ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាជំនាញវិជ្ជាជីវៈជាច្រើនកន្លែងនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃកម្រិតសញ្ញាបត្របច្ចេកទេស និងវិជ្ជាជីវៈ១ (កម្មវិធី១,៥លាននាក់)ជំហាន២។ កម្មវិធីបណ្ដុះបណ្ដាលវិជ្ជាជីវៈ និងបច្ចេកទេស ផ្ដល់ជូនដល់យុវជនមកពីគ្រួសារក្រីក្រ និងគ្រួសារងាយរងហានិភ័យ។
ជំនាញដែលកម្មវិធីសិក្សាផ្ដល់ជូនរួមមាន វិស័យសំណង់ (ការងារកំបោរ ការដំឡើងបណ្ដាញបំពង់ទឹក និងការដំឡើងបណ្ដាញអគ្គិសនីក្នុងអគារ), ជំនាញវិស័យមេកានិក (ការថែទាំ និងជួសជុលរថយន្ត និងការថែទាំ និងជួសជុលរថយន្តម៉ាស៊ីនត្រជាក់រថយន្ត) និងជំនាញក្នុងវិស័យកម្មន្តសាល ។
លក្ខខណ្ឌនៃការជ្រើសរើស ៖ បេក្ខជនត្រូវមាន អត្តសញ្ញាណបណ្ណ ឬសំបុត្រកំណើត និងសៀវភៅគ្រួសារថតចម្លងចំនួន១ច្បាប់ បណ្ណសមធម៌ ឬបណ្ណសម្កាល់គ្រួសារងាយរងហានិភ័យ (មានសុពលភាព) ថតចម្លងចំនួន១ច្បាប់ រូបថតផ្ទៃពណ៌ខៀវ ៤x៦ ចំនួន៤សន្លឹក។
អត្ថប្រយោជន៍ដែលបេក្ខជននឹងទទួលបានរួមមាន ការសិក្សាដោយឥតគិតថ្លៃ កន្លែងស្នាក់នៅឥតគិតថ្លៃ ប្រាក់ឧបត្ដម្ភប្រចាំខែចំនួន២៨ម៉ឺនរៀលក្នុងមួយខែ ការប្រឹក្សាយោបល់ពីការជ្រើសរើសជំនាញ និងព័ត៌មានទីផ្សារការងារ ឱកាសចុះកម្មសិក្សានៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន សញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា។ ជាមួយគ្នានេះ ក្រោយបញ្ចប់ការសិក្សាសិស្សនឹងទទួលបានជំនាញមួយពិតប្រាកដដែលទីផ្សារការងារកំពុងត្រូវការ និងឱកាសការងារសមរម្យ និងចំណូលទៀតទាត់។
សម្រាប់ព័ត៌មានបន្ថែមអាចទំនាក់ទំនងទៅកាន់វិទ្យាស្ថានអភិវឌ្ឍន៍មុខជំនាញកម្ពុជា-ថៃ តាមរយៈលេខ ០១២ ៧៣១ ១៩៩, ០១៦ ៥៥៥ ៣៥០, ០៩៨ ៨៧៧ ៩៦៧, ០៩៧ ៨១៦ ៨១៦៦៕
