ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សមាគមអតីតនិស្សិតខ្មែរពីប្រទេសជប៉ុន (Japan Alumni of Cambodia – JAC) បានប្រកាសពីការបើកទទួលពាក្យស្នើសុំអាហារូបករណ៍សម្រាប់ ឆ្នាំសិក្សា២០២៦ ដោយចាប់ផ្តើមពីថ្ងៃជូនដំណឹងនេះតទៅ។ អាហារូបករណ៍នេះ មានគោលបំណងផ្តល់ជំនួយផ្នែកហិរញ្ញវត្ថុចាំបាច់ដល់និស្សិតខ្មែរដែលកំពុងជួបការខ្វះខាតក្នុងការបន្តការសិក្សាថ្នាក់ឧត្តមសិក្សា។
សម្រាប់ឆ្នាំ២០២៦ នេះ អាហារូបករណ៍នឹងផ្តល់ជំនួយជា ថវិកាចំនួន ៣០មុឺនរៀលក្នុងមួយខែ រយៈពេលពេញ មួយឆ្នាំ ដើម្បីចូលរួមជួយផ្គត់ផ្គង់តម្រូវការចាំបាច់ផ្សេងៗរបស់និស្សិត។
ក្រៅពីការឧបត្ថម្ភជាថវិកា និស្សិតដែលទទួលបានអាហារូបករណ៍ក៏នឹងមានឱកាស ៖ ទទួលបាន បទពិសោធន៍ ពីការចូលរួមសកម្មភាពផ្សេងៗជាមួយសមាគម។ មានការ ប្រជុំផ្លាស់ប្ដូរចំណេះដឹង និងបទពិសោធន៍ជាមួយសមាជិក JAC ដែលជាអតីតនិស្សិតបញ្ចប់ការសិក្សាពីប្រទេសជប៉ុន។ល។
លក្ខខណ្ឌនៃការដាក់ពាក្យ
បេក្ខជនដែលមានចំណាប់អារម្មណ៍ត្រូវបំពេញលក្ខខណ្ឌដូចជា ៖ ត្រូវជានិស្សិតដែលកំពុងសិក្សាថ្នាក់ក្រោយមធ្យមសិក្សាទុតិយភូមិ (ថ្នាក់ឧត្តមសិក្សា)។ ជាបេក្ខជនដែល ពុំទាន់ទទួលបានអាហារូបករណ៍ផ្សេងៗ ពីស្ថាប័នដទៃ។ ជាបេក្ខជនដែលមាន ស្ថានភាពគ្រួសារលំបាក ។
របៀបស្នើសុំ និងកាលបរិច្ឆេទ
បេក្ខជនត្រូវបំពេញព័ត៌មានឱ្យបានត្រឹមត្រូវនិងពេញលេញតាមរយៈ តំណភ្ជាប់លីងដាក់ពាក្យ តាមប្រព័ន្ធអនឡាញ៖
🔗 តំណភ្ជាប់លីងដាក់ពាក្យ៖ https://forms.gle/mbmuz4PF8KkpNZF99
🗓 ថ្ងៃផុតកំណត់ទទួលពាក្យ ៖ ថ្ងៃទី៣០ ខែវិច្ឆិកា ឆ្នាំ២០២៥ ម៉ោង ១៧:០០ នាទី
សម្រាប់ព័ត៌មានលម្អិតបន្ថែមអំពីកម្មវិធីអាហារូបករណ៍នេះ សូមទាក់ទងតាមរយៈលេខទូរស័ព្ទ ០១១ ៤០២ ១៤២ ឬចូលទៅកាន់លីងវីដេអូដើម្បីស្វែងយល់បន្ថែម ៖ https://fb.watch/ngZ4_PSN17/?mibextid=XnoUPX ៕
