ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានតេជោសែន សាធារណការ និងដឹកជញ្ជូន បានប្រកាសជ្រើសរើសនិស្សិតជំនាន់ទី៣ ចំនួន២០០នាក់ឱ្យចូលរៀនថ្នាក់បរិញ្ញាបត្រ និងបរិញ្ញាបត្រ+១ ឆ្នាំ២០២២-២០២៣ ដោយក្នុងនោះក៏មានផ្តល់អាហារូបករណ៍ ១០០% សម្រាប់និស្សិតឆ្នើមចំនួន ៥០នាក់ រយៈពេល៤ឆ្នាំ ឬ៥ឆ្នាំ តាមជំនាញដែលស្ថិតក្រោមការវាយតម្លៃលទ្ធផលសិក្សាប្រចាំឆ្នាំ។
សម្រាប់ជំនាញឯកទេស ដែលត្រូវជ្រើសរើសរួមមាន ៖ ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងសំណង់កំពង់ផែ, ជំនាញប្រព័ន្ធចម្រោះទឹកកខ្វក់, ជំនាញសេដ្ឋកិច្ច និងគ្រប់គ្រងការដឹកជញ្ជូនផ្លូវគោក, ជំនាញគ្រប់គ្រងភស្តុភារកម្ម និងខ្សែច្រវ៉ាក់ផ្គត់ផ្គង់, ជំនាញបើកបរនាវា, ជំនាញម៉ាស៊ីននាវា។
ដោយឡែកអត្ថប្រយោជន៍ដែលទទួលបានរួមមាន ៖ អាចចុះអនុវត្តការងារផ្ទាល់នៅតាមការដ្ឋានសាងសង់ ផ្លូវ ស្ពាន កំពង់ផែ សហគ្រាសជាតិ និងអន្តរជាតិ ដែលជាដៃគូសហការរបស់វិទ្យាស្ថាន។ ជាមួយគ្នានេះ និស្សិតក៏មានឱកាសទទួលបានអាហារូបករណ៍បន្តការសិក្សានៅក្រៅប្រទេស និងឱកាសផ្លាស់ប្តូរការសិក្សាជាមួយដៃគូរសហការរបស់វិទ្យាស្ថាន។
សម្រាប់លក្ខខណ្ឌនៃការដាក់ពាក្យ បេក្ខជនត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រសមមូល ។ បេក្ខជនអាចផ្តល់សញ្ញាបត្រថតចម្លងនៅពេលក្រោយ។
ចាប់ផ្តើមបើកទទួលពាក្យប្រឡងចូលរៀនចាប់ពីថ្ងៃទី១២ ខែធ្នូ ឆ្នាំ២០២២ ដល់ថ្ងៃទី០១ ខែកុម្ភៈ ឆ្នាំ២០២៣ ដោយការប្រឡងចូលរៀនលើមុខវិជ្ជា៤រួមមាន៖ គណិតវិទ្យា រូបវិទ្យា គីមីវិទ្យា និងតក្កវិទ្យា។
ការទទួលពាក្យប្រឡងជ្រើសរើសនិស្សិតជំនាន់ទី៣ ធ្វើឡើងតាមប្រព័ន្ធអនឡាញ ដោយចូលទៅកាន់តំណរភ្ជាប់ exam.tsipwt.edu.kh ដោយភ្ជាប់មកជាមួយនឹងឯកសារភ្ជាប់ រួមមាន រូបថត 4 x 6 , សញ្ញាបត្រមធ្យមសិក្សាទុតិយភូមិ, សញ្ញាបត្របណ្តោះអាសន្ន ឬ លទ្ធផលជាប់ជាស្ថារពរដែលប្រកាសដោយក្រសួងអប់រំ យុវជន និងកីឡា។
សម្រាប់ព័ត៌មានបន្ថែម សូមទំនាក់ទំនងទៅកាន់វិទ្យាស្ថាន នៅអាសយដ្ឋាន ផ្លូវលេខ៥៩៨ (ផ្លូវឯកឧត្តម ជា សុផារ៉ា) សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ៕
