ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
SIM Global Education (SIM GE) កំពុងផ្ដល់ជូននូវអាហារូបករណ៍ SIM Global Education Diploma Scholarship ឆ្នាំ២០២៦ ដល់និស្សិតអន្តរជាតិដែលមានលទ្ធផលសិក្សាឆ្នើម ដើម្បីបន្តការសិក្សានៅប្រទេសសឹង្ហបុរី។
អាហារូបករណ៍នេះនឹងផ្ដល់ការឧបត្ថម្ភថ្លៃសិក្សា ១០០% និង ៥០% សម្រាប់ការសិក្សាទៅលើជំនាញគណនេយ្យ, ធនាគារ និងហិរញ្ញវត្ថុ, ពាណិជ្ជកម្មអន្តរជាតិ, គ្រប់គ្រងការសិក្សា និងព័ត៌មានវិទ្យា។
ដើម្បីមានសិទ្ធិដាក់ពាក្យ បេក្ខជនត្រូវមានលក្ខខណ្ឌដូចជា ៖ ជានិស្សិតអន្តរជាតិ, មានជំនាញភាពជាអ្នកដឹកនាំ ទំនាក់ទំនងអន្តរបុគ្គល និងការទំនាក់ទំនងល្អ, មានលទ្ធផលសិក្សាឆ្នើម ក្នុងកម្រិតវិទ្យាល័យ (High School) និងមានសញ្ញាបត្រមធ្យមសិក្សាទុតិយភូមិ ឬសមមូល។
ឯកសារចាំបាច់សម្រាប់ការដាក់ពាក្យ ៖ រាល់ឯកសារសិក្សាផ្លូវការទាំងអស់ ដូចជា សញ្ញាបត្រ (certificates) បញ្ជីពិន្ទុ (transcripts) និងរបាយការណ៍ (reports) ដែលបង្ហាញពីថ្នាក់ពិន្ទុដែលអ្នកទទួលបានពីស្ថាប័នអប់រំដែលអ្នកបានបញ្ចប់ ឬកំពុងសិក្សា។ ឯកសារត្រូវជាច្បាប់ដើម រួមជាមួយការបកប្រែជាភាសាអង់គ្លេស ប្រសិនបើចាំបាច់។ មានភស្តុតាងឯកសារបញ្ជាក់ពីលក្ខណៈសម្បត្តិភាសាអង់គ្លេស (GCE ‘O’ Level / IELTS / TOEFL / SATI / Pearson Test / ឬលក្ខណៈសម្បត្តិសមមូលភាសាអង់គ្លេសផ្សេងទៀត)។ មានភស្តុតាងឯកសារនៃរាល់សកម្មភាពក្រៅកម្មវិធីសិក្សា (co-curricular activities) / អាហារូបករណ៍ (scholarships) / សមិទ្ធផល (achievements) / និងពានរង្វាន់ (awards) (ប្រសិនបើមាន)។ លិខិតអត្ថាធិប្បាយផ្ទាល់ខ្លួន (Personal statement), ច្បាប់ថតចម្លងលិខិតឆ្លងដែន (Photocopy of passport), ច្បាប់ចម្លងនៃឯកសារបញ្ជាក់ការទទួលស្គាល់សម្រាប់ការដាក់ពាក្យថ្នាក់ Diploma របស់អ្នក (acknowledgment document) ជាភស្តុតាងនៃការដាក់ពាក្យដោយជោគជ័យ។
ផុតកំណត់នៃការដាក់ពាក្យ ថ្ងៃទី ៣១ ខែ ធ្នូ ឆ្នាំ ២០២៥។ សម្រាប់ព័ត៌មានបន្ថែម សូមចូលទៅកាន់គេហទំព័រផ្លូវការរបស់ SIM Global Education ៕
